意樂餐廳 (天慈商場)

營業中

休息中

新開張天水圍分店初食早餐已經覺得味道唔錯，今次試食下午茶餐，野菌沙爹牛肉長通粉，西西里鮮茄烤豬扒珍珠飯＋多士，足料不特止，包含茄子青荷蘭豆木瓜大量芝士，還要好味，好味過PX客多多聲，價錢是它的一半，兩人食都係68蚊，同一般大集團相同價錢，但味道就真係好好多，所以特別要推介一下(天水圍新分店)。還有可以加12蚊食到法式焦糖燉蛋，或阿華田牛乳奶凍，好立克牛乳奶凍，只可堂食，因外賣會容易整爛不好裝盒。 服務又不差，相當有禮。

今日中午去天慈搵朋友食晏，試左呢間 Itamomo （意樂）即係以前天慈惠康果個位，剛剛新裝修完成，好企理，職員亦有善有禮。食品方面，我叫左咖啡牛腩飯，咖哩味夠香夠spicy，牛腩主要用牛肋條，炆得好夠淋而且亦夠入味，都算係唔錯之選，朋友叫左拉麵就正正常常水準，不過麵內有舊好大既蘿蔔，以拉麵來計，比較少見的。而另一個飯（無記錯係意大利飯）朋友話有驚喜，因為佢都相信“意”樂，應該食返意大利菜會比較穩陣。另外我地仲點左芒果啫喱特似，都唔錯，呢間會 encore的@Itamomo

早排經過見到新開所以約左老公放工之後去試下新野果然唔錯👏🏼👏🏼價錢好親民（抵食）有扒有意粉...我地叫左安格斯牛扒，肉質嫩～ 唔Un煙鴨胸天使麵、芝士焗西蘭花樣樣都好食～ 讚食3 樣野+ 飲品都係$ 167 以西餐來講算好抵食