意樂餐廳 (天慈商場)

不嬲都知呢間野食物水準係無乜特別，填飽肚就ok嘅。但今次呢隻雞髀真係令我大開眼界。吾知以為食緊分子料理😮‍💨完全吾係雞肉口感，咩黎？貴公司真係要檢討下，連甘簡單食材都可以做到甘劣…查看更多

見佢啱啱裝修完，之前食嚟食去都係附近果幾間餐廳，就打算叫個早餐外賣返屋企食完就返工啦點知個外賣等左35分鐘都未出到，大佬啊，人地堂食嘅遲過我出現，都已經有位坐而且食咗一半，門口有成6-7個人都係等緊外賣嘅但都係出咗堂食先？而且個漢堡扒咸到好似直接啪鹽入口咁食完個漢堡扒，之後食塊午餐肉對比起上嚟係完全無咸味嘅好地地一間餐廳嘅食物品質裝修完竟然比裝修前差？希望之後可以改善啦，因為附近就真係得嗰幾間餐廳，住起果頭真係焗食果幾間⋯⋯…查看更多

係商場隨便搵嘢食，本來以為係普通餐廳，點知食落都幾有驚喜 跟餐都會有湯，有紅湯同白湯揀，果陣無晒紅湯得返白湯餐具好可愛啊!!湯入面有栗米、紅蘿蔔、蘑菇，都幾足料 和風黑椒豬扒炒讚岐烏冬 $72幾有鑊氣，烏冬好份味但又唔會炒到太淋或者太乾身雞扒煎到好香，皮都好脆口 鐵板芝士盛薈 $95配黑椒汁、薯菜，跟餐凍飲+$3嗌咗凍特濃朱古力 有豬扒、雞扒、脆皮芝士腸、煙肉中上嘅什扒，不過咩都有得食好滿足，同埋加咗芝士好特別薯條好脆好好食 跟主食再加咗一份半融芝士炸雞 +$32 實物有小小奇貌不揚，但食落真係有驚喜芝士好濃，炸雞好脆口好好味食到最後都仲係熱焫焫! 裝修都好靚好特別，座位都多不過就相對比較窄，依度差小小平日夜晚都好多人坐滿晒上菜都算快，係鐵板同埋焗飯類就要等耐小小…查看更多

平時成日幫襯，唔知係咪太熟既關係，今日唔幫襯拎幾張紙巾用下，點知個員工同我講，去隔離買都要比錢，我唔係太急既話一定問佢幾錢，就算好食但今時今日咁既服務態度得唔得架😤😤😤…查看更多

今晚走咗去一間小店食晚飯，勁滿足呀！首先講下佢個檸檬燒雞，皮脆肉嫩，酸酸甜甜嘅檸汁，真係好夾！未食過咁入味嘅燒雞，真係食到指尖油油哋呀。再講講部海南雞飯，雞肉滑溜溜，飯香得滯，同埋有份小小嘅辣椒醬，正宗嘅kick！每一口都爽口得嚟，真係系每個buddy都啱食！中間休息咗下，食嗰碗充滿香茅氣嘅越式牛肉河，重點係啲牛肉，腍滑得嚟又唔老，食落去有嚼勁亦都好入味。份量都好慷慨，飲完碗湯，整個人都暖笠笠。最後甜品就係杏仁豆腐，甜得嚟又唔膩，清新得嚟過癮！整體黎講分分中都好抵食，平民價錢但係享受到好正嘅一餐。下次仲想再試佢哋嘅香煎肋眼牛扒，睇落都幾吸引！😋🍴👍…查看更多

安格斯牛柳炒珍珠飯 $67✨牛粒有牛味 大大粒 有咬口 好食珍珠飯軟硬適中 可惜調味唔夠夾埋牛肉一齊食啱啱好有菇 洋蔥做配料龍蝦汁海鮮炒烏冬 $63✨比較似濕炒海鮮有蜆 有殻蝦 青口 魷魚好夠味 烏冬用讚岐烏冬 彈牙up！同樣有菇 洋蔥做配料🤣🤣水牛城辣汁烤雞翼 $32✨圖為2份份量 因為好鐘意食😝即刻炸起拎到返屋企仲係脆不過唔夠辣 鐘意再辣啲濃味啲飲品叫咗利賓納加埋啫喱好好飲每次食意樂就為呢杯野🫶🏻好耐無試過堂食，下次堂食先試埋pizza🍕…查看更多

今日好開心同屋企人去咗天慈嘅一間西餐廳，食過之後，呢一間餐廳真係10分推介俾朋友，首先佢嘅位置係喺天慈站，很容易及方便就去得到，只要在天慈站落車，行過去只需要3分鐘就到餐廳，呢一間係又經濟又實惠嘅食肆，佢專做西餐, 我哋叫咗個薄餅，薄餅嘅尺寸係好啱兩至三個人食，唔會太大個，所以我覺得份量啱啱好，而且佢個薄餅係識叫即整，好夜魅，所以我覺得同朋友分享係一流嘅，而且我哋嗌咗個海鮮烏冬，烏冬都好好食，查得好好，佢嘅嘢食嘅質素好高，所以一定要再泥食，而且餐廳嘅服務質素都好好，一入到門口，侍應的服務已經很熱情，有笑容很親切，所以我覺得有但學員貴賓一樣，然後先會主動斟茶遞水，所以我覺得呢一間餐廳食飯好享受，而且餐廳裏面嘅空間好大， 坐位都好大，所以我覺得呢一間好啊傾偈同埋食飯！🥳🥳…查看更多

幫襯咗好耐的意樂餐廳！而家食物質素越來越差。星期六早上叫咗個魚柳早餐,魚柳.,好細塊又薄。要流心蛋變咗煎蛋！沙津菜又乾又哽好難食。👎係杯即磨咖啡☕️☕️好飲！服務一般？。。。。。😅…查看更多

呢間意樂食物好惡劣，愈黎愈差。叫個鮮蜆白酒煙肉蒜香天使意粉，味道我都唔要求，重點係意粉又濕又碎，直頭賣剩碎尾拎比你食，同佢反映，仲要我出示單據，而我係用外賣app自取，咁自然訂單就已是單據，加上2日後先處理，相信疫情大定拎到外賣都棄扔包裝，唔通仲留係到紀念，不負責任。服務差，貨不對版。如果想劣食可以去，連一個普通意粉都做到咁 我都係第一次食。拎到外賣就自然拎走包裝，呢碟野信不信由你相信食開呢間意樂既人都知佢既質素幾差…查看更多

星期六第一次試餐廳外賣自取早餐服務， 回家方知漏單，一份餐沒有了通粉，無奈打電話反映問題，店員承諾他日會後補通粉。 今早再訂餐，打電話聯絡店員，估你唔到有驚喜，首先餐廳真係紀錄左我漏單case ，仲話補送一整份早餐俾我，我初時都唔太信...到餐廳取餐時，餐廳店員告知真的全餐補償（除飲品），服務好，有承諾，重要係d野好食才番叫，Happy Sunday .…查看更多

下午被個網紅女的濃烈香水味攻到透不過氣來, 頭暈不適. 索性去附近食店享用除夕晚餐.這間食店裝修格局昏暗, 感覺上似濕漉漉, 霉霉地.而且, 入面的侍應顧客服務水平勁差. 當個個食客都沒有大聲交談時, 侍應卻互相交談喧嘩. 落單沒有一句多謝, 上菜擺低就走, 一點都不像餐廳的格局, 已經變成茶餐廳. 上菜唔夠位就直接隊食客食緊的碗筷, 上錯菜沒有道歉不特止, 上手食客攪過的餐, 也依舊送去下手食客台上食口水尾. 衛生情況可想而知.講返食物質素, 首先上的是湯, 然後就等好耐, 都無其他菜上. 湯就係粟米忌廉湯, 份量得一半, 結身, 好似食粟米粥咁.第2道菜係西蘭花, 但焗到出黑焦.第3道菜係炸雞...碎, 衰過食麥樂雞, 幾十蚊連肉都無, 最多就係用來炸的麵粉.第4道菜牛柳粒變牛筋粒.結論就係搵笨.…查看更多

今日叫左個外賣早餐，火腿扁意粉，蒜蓉牛油多士，配港式熱奶茶😎蒜蓉牛油多士有一大塊，好香蒜蓉味，配埋牛油就好香👍火腿扁意粉係用火腿絲，雖然份量唔多，不過連埋蒜蓉牛油多士都夠飽肚😉熱奶茶就有好香濃奶味🥳…查看更多

今日早餐叫咗個外賣，沙嗲牛肉扁意粉配香蒜牛油多士，飲品叫咗熱奶茶。沙嗲牛肉扁意粉好好味，沙嗲牛肉啲沙嗲汁好香濃，牛肉夠大嚿，夠新鮮👍最特別係可以配扁意粉，好多茶餐廳都沒有。熱奶茶就好重奶味，鍾意飲同埋你嘅人就啱晒。…查看更多

有湯有朳有野飲都係百零蚊⋯就入去試吓啦⋯⋯店內環境企埋，防疫設備示齊全食得安心又放心。坐低搵個卡位坐低就開始叫野食⋯第一試唔知好唔好味，抱住一試既心態同埋價錢亦唔算好貴⋯⋯殊不知先泥個湯但係唔熱😖心諗個朳都唔方好味得去邊啦🤨點知⋯個朳有驚喜、牛朳好味肉汁鮮嫩⋯朱朳肉質林滑一D都晤韌⋯正😋😋平時食果D朳肉已經「拿到」冇乜肉味但泥個唔會，除咗個湯唔熱之外（為有拎番屋企丁番熱佢先飲啦⋯⋯本來想叫整番熱佢，但係🤨都係拎返屋企好啲！下次可以試埋個豬手😋😋…查看更多

久唔久就會想食itamomo, 勝在佢夠多元化，一入到去所有套餐都會想食，價錢有大眾化，選擇又多，樣樣都好好食咁。雖然唔係第一次食，但係今次真係食得好滿足，所以一定要寫食評。諗咗好耐，我揀咗一個黑椒牛柳粒配飯，首先落咗單大約3分鐘已經有嘢食，我加左$12有個黑松露蘑菇湯，好好飲，黑松露味道足，仲有細細粒嘅蘑菇粒， 味道濃郁，忌廉味都好夠。跟住好快就上咗我個主菜，個飯食咗一陣都仲係熱辣辣係咁出煙，黑椒汁有微微辣，瓜菜煮得夠林， 同埋份量絕對夠送飯，最重要嘅牛柳好軟，唔怕咬唔到，亦都唔太肥。接着就是同伴的咖喱牛腩飯，咖喱味好正，牛腩又係好夠林，啲薯仔又煮得林好好食, 同之前食過嘅質量都係一樣，水準保持得好好。我哋另外仲嗌左個momo Pizza，九吋大,入邊有溫泉蛋, 肉醬，芝士，蘑菇，洋蔥，雞肉，個組合都幾特別, 又意外地覺得幾好食。Pizza底唔厚， 邊邊脆的， 芝士同其他材料都好豐富, 唔會話切完特別有邊一塊唔夠材料。另外都嗌左一杯紅豆冰，不過我個人認為就太甜，如果唔鍾意太甜嘅朋友，記得叫佢少甜或者叫佢少紅豆。…查看更多