想甜嚐甜 (已結業)

經過很多次，總找不到時間同人一齊去食，到終於有機會去食，職員告知6月14號就執笠🥲🥲想再幫襯就要去其他分店拉。一路都有留意呢間黃店，雖然地點不算方便😣，係鳳德邨對面呢日平日夜晚8點幾去到，店內可坐8個人，雖然會迫點，但店內設計不錯～幾有情懷麻雀雖小 但五臟俱全（基於不想影到其他人樣，或令其他人不適，所以盡量只影不影響人的地方🙈）老老實實以呢個地區來講，價錢有少許偏高，不過單睇圖都覺得好吸引～🤩差唔多款款都想食～😋😋都幾多特別嘅甜品簡，岩哂三心兩意嘅女士們😋😋😋正我哋兩人叫左兩款甜品🍮😋伯爵茶燉法式燉蛋⭐️⭐️⭐️⭐️⭐️本身好鍾意飲茶，呢款甜品伯爵茶味好重～重記得6-7年前乳酪雪糕好hit~以前成日食。😆燉蛋再配上乳酪雪糕，就算食完飯再食都無冇咁制😋😋Next~🍮🌹玫瑰莓心配乳酪雪糕心太軟⭐️⭐️⭐️⭐️我自己食開朱古力心太軟，想試新口味，所以叫左玫瑰莓心🌹😘同行者鍾意食呢個多點～🤔我自己偏向鍾意整個心太軟都是軟軟濕濕，呢個則是外煙韌，內是流心👍🏻一切落去～🤩🤩內餡則流出～下次食要準備好相機，影出來個效果一定好靚～🤩再加埋環境佈置不錯～😘😘另外，如果玫瑰味重點會更好～真是想再試其他甜品，可惜以後只可以去其他分店了😢…查看更多

呢間位於鑽石山附近嘅小店其實都食過好多次因為佢堂食得幾張枱所以好多時都外賣特別推介佢嘅奶凍同心太軟每樣甜品都整得好靚好啱打卡💕呢個係芒果🥭奶凍💛連隻匙羹都好cute好似食過桂花奶凍都好正呢個好似係荔枝莓果心太軟不過佢哋嘅心太軟好似間唔中會有唔同味道佢哋好有心機 當日早咗少少同佢哋講想寫生日快樂係甜品上面佢哋都無問題好靚裝飾都好有心機右手邊個杯係玫瑰🌹鮮奶🥛覺得好好飲，飲過2次但佢哋已經無出啦:(可能唔多人鍾意啦如果大家經過都可以一試支持一下小店😆💛…查看更多

最近睇到消息話，呢間小店即將會喺6月中結業🥺 之前幫襯過一次都覺得好正，估唔到會咁快結業😖 要把握機會食多幾次先得！今次試咗芒果香蕉船🍌 賣相擺盤都幾靚、打卡一流！💕 入面有兩球乳酪雪糕、新鮮芒果、焦糖香蕉同埋小丸子～ 小丸子食落好煙韌，芒果肉好鮮甜，乳酪雪糕微酸、食落輕盈唔會濟～面頭仲有粟米片脆脆增加口感，整體成個甜品都好好食😋希望可以喺佢結業前試埋佢嘅窩夫🧇仲有幾款唔同同口味嘅心太軟...🥺…查看更多

終於又捱到星期五喇～ 係時間要食個甜品獎勵吓自己🥵 今次黎到呢間小店食心太軟❣️ 開心果味心太軟係期間限定嘅口味，咁特別當然要試吓🥜心太軟配上一支原味乳酪雪糕🍦，擺盤幾靚～ 切開蛋糕時流心效果超級澎湃！開心果漿真係食得出真材實料、好有開心果味，蛋糕亦焗得幾好味😋 心太軟對我嚟講有少少甜咗d，不過配埋微酸嘅乳酪一齊食就中和番喇～💓留意返呢間小店只係做到6月中就會結業🥺 想試嘅朋友要把握機會黎食多幾次呀…查看更多

CP值：4/5💛價錢Price:- 嚐甜窩夫夾餅配招牌乳酪雪糕（士多啤梨醬）Waffle with Strawberry Syrup and Froyo ：$38- 荔枝玫瑰茶 Lychee and Rose Tea +$3冇諗過甜品店都會有茶餐食其實岩嘅，對於甜品控黎講，甜品真係可以當正餐架🤣我超級推薦佢地嘅Froyo! 好味到我就算敏感牙齒都要食晒佢😂😂乳酪味濃得黎又好幼滑，酸酸地咁好開胃！因為個窩夫同個士多啤梨醬都幾甜下，個froyo可以平衡返👏🏻我見店入面有部雪糕機，我諗個froyo係佢地自己整嘅👍🏻價錢合理，又有茶餐，個froyo又好食，真係好值得再去懲罰佢地🤣Quite surprised that a dessert restaurant offers tea set. Yes, for dessert lovers, desserts can be main courses🤣I highly recommend the froyo! Very tasty!Creamy and appetising with its slightly sour taste.The waffle and the strawberry syrup were quite sweet but the froyo can balance with them.👏🏻There is an ice-cream machine so I guess the froyo is made in the shop.👍🏻I will definitely visit again for the froyo and the reasonable price of tea set. …查看更多

從來未試過留言 不吐不快 夜晚10點半突然之間想食糖水 所以就喺外賣平台叫咗依間試吓 總共叫咗兩碗 計埋運費成$120 滿心期待 嚟到竟然係兩㱧極其細碗 只有三份二滿既糖水 性價比極差 呢個價錢有好多選擇 絕對絕對絕對唔會再叫 垃圾之中嘅垃圾 …查看更多

復活節假期大家都應該會周圍去玩去食😎依排天氣超熱☀️☀️所以今日想食甜品🍰🍨🍦🍧依間甜品店係位於黃大仙既《想甜嚐甜》💛我同老公星期六下午去到,但入面無客人,可能因為晏就時段少人食甜品,同埋地理位置唔算太方便😅但我地幾中意😂可以靜靜地又唔洗迫咁享受下🥳所以如果唔想等位又想靜靜地都建議依D時段去😂店鋪空間唔算大,得3-4張枱,但環境都舒服,聽聞佢地出名既係熔岩心太軟🌋,所以今次我地嗌左左一個每日限量既”阿華田心太軟”😍另外仲嗌左個”榴行曲”,因為我地兩個都中意食榴蓮🤪🌀限量阿華田心太軟 $50其實都有期待,因為寫住係熔岩心太軟專門店🧐好彩都真無令到我地失望,真係幾好味😋貌相係靚既,打卡岩哂📸而心太軟完全做到外脆,內流心,真係溶岩咁👍🏻仲有佢配既唔係雪糕而係自家乳酪🤤我真心中意😍我覺得阿華田味都幾正,再配埋乳酪既酸甜,好味👍🏻值得Encore😎🌀榴行曲 $54 其實係用D24榴蓮果肉配撘埋水晶珠,小丸子,珍珠等既糖水,我地覺得味道同貌相都可以既,但份量真係少,榴蓮果肉都少🥲而小丸子都唔夠煙韌😅所以我個人認爲依款性價比唔高😛總括一下,我覺得佢地個熔岩心太軟真係好味😍下次如果經過都會再去幫襯支持💛…查看更多

要細數黃大仙區內值得推介嘅甜品店🍨，除咗之前介紹嘅「大街小館」，仲有「想甜嚐甜」呢間特色甜品店！小店以特別口味心太軟聞名，早以收穫一班街坊支持💪🏻，睇住佢哋由一間變三間鋪，將良心又好味嘅甜品推介比更多同路人。或者生活好苦，路上仍然有相同信念嘅人，苦中一點甜🍬。————————————————👅黑糖芋圓仙草 ($36)👍🏻仙草口感咕溜咕溜，豐富配料有芋圓、地瓜圓、紫薯圓、小丸子、水晶珠、西米同黑糖條，德國忌廉或港式花奶二選一☝🏻。糖水底用台灣黑糖，唔會死甜更帶有焦香。一大碗好有滿足感同飽足感！👅華田熔岩心太軟 ($50)👍🏻阿華田味實無伏，濃郁可可味，流心效果都唔錯🌋，微酸清爽嘅乳酪雪糕中和心太軟嘅甜膩，倒轉雪糕筒造型好似跌咗雪糕落地下🍦，仲有分店限定/期間限定口味㗎👅玄。抹茶 ($32)👍🏻抹茶茶味頗出，表面有一層鮮奶泡同玄米胚茅🍵，杯底又有紅豆同小丸子，而且嗰杯都幾高身，飲晒又好似食咗一份甜品————————————————🚩總結：仙草配料真係缺一不可———————————————— 🌟注意：黃大仙店位置比較細，大概有十個位左右————————————————📍 Sweet Dreamer Dessert 想甜嚐甜地址︰黃大仙蒲崗村道73號富佑大廈地舖.…查看更多

原來位於「鑽石山」公屋「鳳德邨」對面的甜品店「想甜嚐甜」，在「香港島」「堅尼地城」也有屬於自己的分店，可惜當時我在「堅尼地城」，最後還是跟「想甜嚐甜」擦身而過。後來我發現，原來「想甜嚐甜」還在「九龍」「黃大仙」「蒲崗村道」面對着「鳳德邨」和「鳳德商場」舖位位置裡面，開設了另一間「想甜嚐甜」分店。恰巧一月下半旬的星期日，我又為了晚餐而在「鳳德商場」，購買外賣自取「咖喱牛腩飯」晚餐，順道在「蒲崗村道」光顧「黃大仙」分店「想甜嚐甜」。不過我第一次光顧「想甜嚐甜」，才發現原來現在的「想甜嚐甜」餐牌裡面的甜品，主要偏向西式和港式甜品為主，沒有近期比較熱門的日系或者韓系甜品。「想甜嚐甜」的西式甜品裡面，尤其是以西式烤「窩夫」甜品款式選擇最多，恰巧「想甜嚐甜」下午茶茶餐餐牌裡面，也有一款名稱叫做「嚐甜窩夫格餅」配上「招牌乳酪雪糕」的甜品。既然「想甜嚐甜」餐牌這麼強調他們以「招牌乳酪雪糕」，作為餐廳裡面最有代表性的招牌甜品，所以我最後決定，選擇享用「嚐甜窩夫格餅配招牌乳酪雪糕」這款甜品。另一方面，「想甜嚐甜」的下午茶餐牌「嚐甜窩夫格餅」甜品裡面，還容許食客在六款不同甜味味道醬汁裡面選擇其中一款，作為「嚐甜窩夫格餅」甜品的主要調味醬汁。結果我選擇了「朱古力醬」，作為「嚐甜窩夫格餅」表面上的調味醬汁。「朱古力醬」裡面的朱古力甜味感覺非常濃厚，令「窩夫餅」原本香脆的口感，增加了香濃朱古力甜味滋潤「窩夫餅」味道。至於「想甜嚐甜」「窩夫餅」的實際口感，或許是因為趁餐廳廚房剛剛新鮮造好「窩夫餅」就立刻享用，所以食到「想甜嚐甜」「窩夫餅」最新鮮而香脆的口感感覺。至於「窩夫餅」旁邊的「招牌乳酪雪糕」，「乳酪」裡面的濃厚酸味，令「雪糕」本來的牛奶甜味變得不再單調，獲得來自「乳酪」的酸味作為襯托和調劑。最重要的是我發現「想甜嚐甜」的「招牌乳酪雪糕」，原來還可以當作類似「果醬」的調味料，塗抹在「想甜嚐甜」「窩夫餅」的表面上，令「窩夫餅」增加層次分明的甜酸味道效果。至於飲品方面，我選擇了另外再加上套餐價價錢港幣十元，追加「想甜嚐甜」下午茶餐牌裡面的冰凍甜味台式奶茶飲品「紅豆仙草奶茶」。「想甜嚐甜」廚房原來安排了，使用身形比較高的飲品杯，盛載色澤呈淺黃顏色的「奶茶」、附帶甜味糖漿的「仙草」涼粉，還有甜味軟腍「紅豆」，變成甜味飲品「紅豆仙草奶茶」。味道濃厚而又甜美，口感又被「想甜嚐甜」廚房煮到頗為軟腍的「紅豆」，果然是「想甜嚐甜」飲品「紅豆仙草奶茶」裡面的靈魂精華所在。「紅豆仙草奶茶」飲品裡面的另一個精華重點，就是口感非常順滑的「仙草涼粉」。「仙草涼粉」實際賣相，被「想甜嚐甜」廚房店員煮到變成一條條的形狀。至於「紅豆」和「涼粉」本身的味道，也充滿來自糖漿裡面的甜味，所以即使「想甜嚐甜」廚房沒有再在「紅豆仙草奶茶」裡面加入糖漿，「紅豆仙草奶茶」飲品實際甜味效果仍然很濃厚。由於我享用的甜品「嚐甜窩夫格餅配招牌乳酪雪糕」配「紅豆仙草奶茶」，屬於「想甜嚐甜」下午茶餐裡面的菜式，所以實際價錢也不算昂貴，只需要港幣四十八元就已經可以食到。最後我在「想甜嚐甜」甜品餐牌裡面，選擇了另一款西式甜品，是實際製成品體積不算非常大，小巧玲瓏的西式「心太軟」甜品「開心果心太軟配乳酪雪糕」。「想甜嚐甜」的「開心果心太軟配乳酪雪糕」甜品實際售價，雖然沒有套餐價錢優惠，賣港幣六十二元一份，相對下午茶茶餐而言，「開心果心太軟配乳酪雪糕」價錢明顯不算便宜。「想甜嚐甜」廚房製造的「開心果心太軟」實際製成品的高度，我個人目測大約有四至五吋左右。「開心果心太軟」附近也有少許口感尚算香脆「開心果」，當作小食享用感覺也算是不錯。另一方面，「開心果心太軟」旁邊，也有味道酸酸甜甜，質感覺微微融化的軟雪糕「乳酪雪糕」，「乳酪雪糕」彷彿成為了「想甜嚐甜」甜品不可或缺一部分。「開心果心太軟」外面的「心太軟」殼層，口感感覺偏厚，但是厚得來又不會太膩。至於「心太軟」裡面，有大量由「開心果」製作而成，甜味感覺非常濃厚的流心「開心果」醬汁。雖然「想甜嚐甜」廚房沒有再在「開心果心太軟」表面上淋任何醬汁，但是「開心果心太軟」裡面擁有不少許甜味「開心果」醬汁，所以「心太軟」實際入口口感其實也不算太乾燥。就連「開心果」的實際口感，也沒有因為「開心果」實際製成品，擱在「開心果心太軟甜品」旁邊一段不算短的時間而變腍，「開心果心太軟」仍然十分堅挺，沒有變軟和崩潰塌下來。「想甜嚐甜」廚房的師傅，在「開心果心太軟」旁邊的「乳酪雪糕」實際製成品的表面上，加了一個口感十分香脆，經過時間和接觸「乳酪雪糕」也沒有變腍的雪糕「威化筒」。由於「威化筒」口感十分香脆的關係，所以配甜甜酸酸的「乳酪」軟雪糕，把少量酸甜味道「乳酪」軟雪糕擱在「威化筒」表面上，當作真正威化筒「軟雪糕」享用，感覺也是十分享受。由於我點了兩款「想甜嚐甜」西式甜品，恰巧「想甜嚐甜」也有為兩款西式甜品，附送味道酸酸甜甜，口感感覺也很軟綿綿的「乳酪」軟雪糕。所以我在光顧「黃大仙」分店「想甜嚐甜」，享用下午茶實際過程裡面，擁有兩次享用味道酸酸甜甜，十分開胃的軟雪糕甜品「乳酪雪糕」的機會，「乳酪雪糕」才是「想甜嚐甜」甜品的焦點。我發現「想甜嚐甜」雖然沒有製作提供例如甜味牛乳刨冰甜品「冰雪」，又或者是西式甜品「梳乎厚班㦸」給食客，但是有甜酸味道感覺非常濃厚的「乳酪雪糕」，「乳酪雪糕」稱得上是值得下次再試的甜品。恰巧「蒲崗村道」分店「想甜嚐甜」實際上的位置，距離「鑽石山」港鐵站不算很遠，又有行人天橋接駁港鐵站，所以我前往光顧「想甜嚐甜」不太困難，下次將來有機會的話，我還會再光顧。…查看更多

終於食到想食好耐嘅黃店-想甜嘗甜！！！8 9點去到 入面坐滿晒人 出面都有少少人排隊 舖位有啲細 為咗佢哋可以做多啲生意支持大家買外賣～ (ง'̀-'́)ง# 黑糖芋圓仙草 $38配料好豐富~一次過滿足曬你嘅願望! 入面有芋圓 地瓜圓 紫薯圓 小丸子 水晶珠 西米 黑糖條 仙草 台灣黑糖( ˘ ³˘)♥仲會有忌廉同花奶比你加落去 花奶同黑糖好match手工芋圓好Q!啖啖都好有滿足感ฅ^•ﻌ•^ฅ# 玄抹 (唔記得幾錢 :$呢款就有抹茶、鮮奶、玄米胚芽、小丸子及紅豆~玄米味好香 加埋抹茶鮮奶好夾! | (• ◡•)|…查看更多

今晚食完飯想食吓甜品，諗起鳳凰村有間焦糖燉蛋好耐冇食！就即刻去買返杯返屋企食先！真係好耐冇嚟～原來多咗塊靚靚掛布喎！佢地更新咗menu，一直都係支持燉蛋今日好好彩，等咗幾分鐘就有得拎嚕紫薯法式燉蛋好足料好大堆紫薯呀～～仲有少少桂花喺面，好精緻！味道唔會好甜，岩岩好，好滿足！其實仲買咗伯爵茶燉蛋（配乳酪雪糕）食到一半先記起唔記得影相老實講，佢唔多覺有伯爵茶味⋯不過！要讚吓個雪糕！！！好濃好好食呀仲要拎到返屋企仲係硬身+冰凍架！抵讚…查看更多

.啱晒打卡嘅甜品黃店啊💛終於食到呢間！性價比高，又夠晒黃💕有3間分店～實有一間係你附近嘅😍·流心嘅心太軟配乳酪雪糕，再加埋甜筒造型好得意好似倒轉左嘅軟雪糕咁🍦.伯爵茶焦糖燉蛋主要食到蛋香，茶味比較淡表面燒到好脆再加埋凍凍地嘅布丁做到冰火嘅口感☃️🔥.舖頭比較細，會坐得有啲迫而且座位嘅數量都唔太多如果撞正多人嘅日子可能要等一陣先有得入座🙆🏼‍♀️我地係年頭去食嘅個時成間鋪都貼住pastel colour嘅memo紙好掛住個時，好靚🥺不過就算啲紙撕走左，信念點都攞唔走啊！💭·經典黑朱古力熔岩心太軟 配乳酪雪糕 $49伯爵茶法式焦糖燉蛋 $30———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍想甜嚐甜黃大仙蒲崗村道73號富佑大廈地舖大角咀嘉善街18號利奧坊二期地下G703號舖西環堅尼地城士美菲路15號地下———…查看更多

門口就可以見到係有文宣，黃到金咁！！！然後我就入左去，當時店面得兩位店員，而且應該可以坐到三枱客，當時已經坐左兩枱！由於我吾知道入去前要量體溫，就被女店員要求店門外等，佢同另一個男店員當時係整緊甜品！我都比較抱歉，吾小心就入左去 ！但都建議番可以加番個入店內前要量體溫既牌！不過可能我眼大睇過龍，有但我就吾小心睇吾到！然後生得比較高既男店員都有走過黎，有禮貌同我講番聲吾好意思，入店內要量體溫，然後問我要食D咩。我就話要個乳酪雪糕拎走！重頭戲黎啦，佢門口有個類似酒精消毒液既野。我就想消毒隻手，手多多咁整左少少，整落隻手上面似精油，聞落似玫瑰花香咁，但搓完之後係勁黐立立，成隻手勁黏，真係似整到糖漿落隻手咁最後去附近廁所洗鬼左佢！講番隻雪糕，食落口係百香果乳酪味，因為無添加劑，所以會溶好快！隻乳酪雪糕清新、香口得黎，有少少酸！我自己就吾like 個雪糕筒，似百佳買既雪糕筒質地，吾多鍾意！不過整體$15都Ok，隻雪糕多少少就完美了！…查看更多

住左係黃大仙咁耐，都係第一次食「想甜嚐甜」呢間甜品店，「想甜嚐甜」由2016年開始營業至今，一直比我嘅感覺都係比較港式嘅糖水舖，所以小妹一直都冇太大嘅興趣去試，不過黃大仙嘅甜品店確實沒有太多嘅選擇，見佢在網上外賣平台 on list，就姑且試一下，不過真係試唔過！🤢雖然大家都想支持黃店，但係都要講求質素吧！雖說係黃店，但食物唔好食，都唔應該太盲目支持吧！芒芋（$48）有芋圓、地瓜圓、紫薯圓、小丸子、水晶珠、芒果粒、雞蛋布丁，見到材料好似好豐富咁，但其實份量極少，完全唔符合性價比，芋圓、地瓜圓、紫薯圓、小丸子夾埋得個10粒，口感粉，又唔夠煙韌，芒果粒得兩三粒，水晶珠份量算係最多，不過其實味道口感冇咩技巧可言，都係現成入貨，雞蛋布丁味道酸酸地，好似乳酪咁，搭配芋圓有啲古怪！芒果汁唔似係鮮榨，而且加左檸檬汁，味道酸酸甜甜，以為會refreshing d？但其實感覺就係唔新鮮，artificial，古怪無極限！整體來說，$48一碗真係唔抵食，唔會再試！…查看更多

同女朋友食完晚飯經過哩間甜品鋪，鋪頭個名幾得意...決定試吓！入去嗌咗一個甜品一齊share...間鋪頭有非常多口味嘅心太軟...我嗌咗個「紫心甜薯併乳酪雪糕」入口感覺唔錯，如上圖一樣，有流心，焗到啱啱好...一啖熱，配上一啖凍嘅雪糕...口腔內冰火交融，無論係視覺還是感官，都達至一個醉人的境界雖然內裏感覺非常文清，而且走後生仔囡路線..但鋪頭坐位不多，空間稍嫌緊迫，而且靜對大馬路，難免會有廢氣灰塵漂進店內，所以有少許扣分…查看更多