惠比壽本店

營業中

休息中

2個人嗌咗個午餐，壽司set (No.2) 同埋生薑燒（No.11）2號好快上到嚟，但我食完個11都未到，叫咗侍應去追，行返嚟無反應，隔多5min再問令外一個侍應先話3min後到 …… 如果多客人嘅，我可以接受，但入坐只有4成，同埋隔離台遲嚟嘅都已經食緊，好明顯係漏單又唔跟！食物係好食嘅 ， 但服務同態度應該改善下.

今日男朋友嚟揾我放工食飯，我地心思思想食日本野，就去左球場嗰頭嘅日本餐廳，惠比壽，餐廳喺一楝新嘅住宅裡面，坐𨋢上去就見到，餐廳唔算好太就裝修簡潔。男友坐低就叫左本啤酒，咁啱餐廳有優惠，第2杯半價，然後我地叫左份蟹籽沙律，蟹籽沙律味道同外面差不多，係好食嘅我地仲叫左刺身，有大拖羅，三文魚腩，油甘魚，大拖羅入口即溶，性價比好高，三文魚腩油脂分怖平均，令人回味串燒方面我地揀左串雞胸軟骨同埋一串牛舌，雞胸軟骨串燒外面比較難揾，所以我地都好驚喜🥰餐廳推介左我地試鐵板地雞，鐵板上枱嘅時間嗰種香味已經令我地食指大動，配合埋鐵板嘅洋蔥同埋燒雞，味道一流期待下次試埋lunch set 🥰

今日約左朋友放工食飯，咁啱我哋都係葵芳就揀咗球場附近嘅一間日本餐廳，叫做惠比壽，我地到達嘅時候大概6:30，餐廳人數唔多但勝在夠光猛座位都好寬敞. 一去到我哋就點左兩款刺身分別係三文魚腩同埋中吞拿魚腩，中吞拿魚腩性價比很高，而且入口即溶，三文魚魚腩油脂分怖平均，另外仲叫咗一份火炙壽司拼盤，一共有八件，店員推介左一份鐵板燒地雞俾我哋，每件燒雞下面鋪滿洋蔥，配合燒得香脆的雞皮雞肉，口感一流，朋友另外重點咗一份牛肉壽喜燒，牛肉份量，配合埋鍋裏面嘅東粉完美吸收左牛肉嘅精華，我入面仲有大量嘅蔬菜和雜菇，為我地的晚餐畫上左完美的句號

今日同阿女去葵芳行街 買咗好多嘢大有所獲！行倒肚餓就一齊去食晚飯 阿女之前跟同學食過呢間惠比壽覺得幾好食😋 就帶我上去試吓啦 ！喺樓下見到有人派傳單 發現有優惠 送咗杯野飲 好正！！上次阿女食過呢個香蔥吞拿魚蓉丼話好好食 叫我一定要試吓✨✨ 真係好正喎！吞拿魚蓉入口即化，大滿足食日本嘢緊係要食壽司啦！我哋嗌咗一個雜錦壽司盛盒 魚生好新鮮 明太子玉子燒個人非常推薦👍🏻明太子有辛辣嘅口感 加埋玉子又唔會太鹹👍🏻👍🏻店家提醒我地食呢個燒豚肉丼嘅時候要撈完先落醬 如果唔係就會燶晒㗎啦！😄 呢個燒汁配埋豬肉真係好正最後梗係要嗌埋個甜品 鍾意食甜嘅人就一定like✨ 蕨餅本身有少少甜味 點左醬仲甜仲好味👍🏻

朋友約去葵芳行街見商場做特價，想去買衫同掃街，買到一袋二袋戰利品已經很累，唔想再去隔離廣場續間店掃街啦！就想起附近有間吃日本菜嘅餐廳。加10元可以跟沙律 + 麵豉湯 ，而菠蘿梳打係惠顧任何食品就送的，大大杯冰凍菠蘿梳打味道清新鮮甜。小食拼盤 ——（炸薯角、炸雞件、炸餃子同吉列蝦）炸物每件都炸得香脆鬆化。燒豚肉溫泉玉子丼，即叫即做熱辣辣香噴噴，燒豚肉燒得香脆惹味，溫泉蛋流心狀撈埋飯一起吃很夾。海鮮盛合 —— 串燒 （大蝦、生蠔、鯖魚、鰻魚同帆立貝）海鮮非常新鮮，輕輕燒焯就已經令串燒鮮味提升。

小妹次次去葵芳就真係只去新都會商場同葵芳廣場😂今次衝出兩商場！去左葵芳市區覓食😎某晚去左呢間惠比壽本店 @ebisukf 既日式料理餐廳，點左特選二人餐😋..特選二人餐包括：兩款丼飯，我地揀左🔺燒豚肉溫泉玉子丼🔺香蔥吞拿魚丼🔺三式刺身拼盤🔺蟹籽沙律🔺兩個味噌湯另外我地仲點左雞軟骨串燒🍢..性價比高的套餐，好夠飽😌 先講講燒豚肉溫泉玉子丼，用石鍋裝載，keep住熱辣辣👍🏻最重要係咩？飯焦呀！😍超香！另外豚肉燒得好香，肉嫩又juicy，溫泉蛋好流心，配埋芝麻粒，撈飯食一流！..香蔥吞拿魚丼飯，簡單的吞拿魚蓉配搭大量香蔥同芝麻粒，已經夠香，昇華左吞拿魚既甘，好食！三色刺身拼盤分別有三文魚、牡丹蝦同香蔥魚卷，每件都大大件又鮮甜☺️ 圖八特登影左我食三文魚既特寫😆 雞軟骨串燒燒得好香脆，調味好惹味～..呢度環境好光猛乾淨企理，好多得意既日式擺設，卡位好闊落，坐得舒服😌

俾個囝拉咗去葵芳掃街👯佢阿媽攰喇！要搵個地方坐吓食個正餐啦！唔想去番平時去果兩個大商場！一於去個冷門啲嘅葵芳匯覓食啦😌大囝樓下一見有日本菜食就急不及待上咗去！！.裝修得幾有東瀛風息喎🇯🇵好啦！落單唔該！點咗兩個午餐分享食！先上咗跟餐沙律同汽水！之後主菜都嚟到啦！⭐特上刺身定食(5款) $128⭐除咗有好肥美嘅三文魚、入囗即溶吞拿魚、珍寶鮮甜帶子、大大隻甜蝦之外😋😋仲有好特別嘅金目鯛！刺身全部都好厚切又新鮮！！另外點咗有得俾阿囝動吓手侍奉吓阿媽嘅⭐石燒安格斯西冷 $138⭐好大一塊牛扒放上預熱咗嘅石頭板上！滋滋聲油脂滿香😍😍再磨上黑椒碎加埋海鹽已經夠味！(不過個老母掛住影相搞到over cooked😂) 小插曲係位疑似經理見到阿囝咁乖…所以送咗個⭐三文魚小卷六件⭐俾我哋食！Nice🙌🏼

喜愛日式料理的朋友，不要錯過這店。食物擺設優，味道很好，不會重味精和太咸。價錢中上。店舖燈光照明柔和，座位寬敞舒適。丼飯價錢由$88起，女仕可每2位分享。大家就可多吃幾款食物。

葵芳匯呢個商場開左咁耐都冇行過，見到呢到有間日本餐廳，裝修都唔錯，就入黎試下啦！裝修都幾簡約同有日本特色。有好多唔同既刺生，壽司，燒物。而我哋就揀左2人餐，有兩個丼，刺生，湯同沙律。再加左上好吸引既燒魷魚。蟹子沙律 都幾清新，幾開胃。正常。三色刺生，三文魚好肥，好大件，好正好甜。魚刺生都唔錯，蝦都幾新鮮。呢到既壽司豉油比較淡，冇咁咸，反而食到刺生既味道。吞拿魚碎刺生丼，正常。燒魷魚，切好曬，方便食。 好好味。燒雞丼，上碟時個鍋都係好熱，好香。下次黎葵芳可以黎試下。

同朋友去葵芳行街, 在天橋上看到葵涌廣場對面開了一個十分潮的商場叫”葵芳匯”. 這商場內有很多年青人喜愛的玩意, 一樓又有一間日本料理~見到入邊嘅裝修都好有日本Feel 想吃日本便當的我立即心動了. 店員的態度很親切, 推介了不同的食品給我們. 這裡有新鮮的刺身, 壽司 及 魚生飯外, 竟然石燒牛定食也有得吃呢 ~ 於是我們order了兩個定食套餐. 前菜的沙律菜很新鮮, 炸雞外面香脆肉質好滑. 吃多幾舊也不覺膩~ 麵豉湯唔係味精湯，好有誠意. "石燒安格斯西冷牛扒” 份量都挺足夠, 可以根據個人的對生熟口味, 決定牛肉在石爐燒上時間, 塊板好夠熱，所以好易做到塊面焦焦地入面仲係半生熟個種質感 ,牛肉的肉質吃起來沒有筋, 油脂分佈很平均, 肉質軟稔有濃郁的牛肉香味，食落完全唔會感覺到成口油. 另外, 要讚下個白飯，珍珠米有口感得黎唔會好濕有彈性. 另外叫咗個’滑蛋豬定食”，大大塊豬扒。吉列豬炸得好鬆脆juice 有肉汁，外皮鬆化程度可以比美某些餐廳幾百蚊的吉列豬套餐！原汁原味地佩合滑滑的蛋漿一起吃, 玄米茶更是免費添飲 ~ Very yummy！

葵芳 葵芳匯有間新開日本料理名字很吸引（惠比壽）日本意思是海神無得去日本吃就望梅止渴地方闊大，天花四周用魚網魚籠佈置……仲有部空氣淨化機，好安全！惠比壽刺身丼（時令）真係無選錯！ 超正新鮮！有帶子、油甘、池魚、三文魚腩、吞拿、吞拿魚蓉、飛魚籽、三文魚籽、甜蝦……酸甜蘿蔔2片好豐富，刺身凍凍，魚有魚味，吞拿蓉好綿，超愛！很鮮甜!明太子玉子燒好好味，好多明太子在中間，粒粒口感加上少辣味道配上甜甜地玉子好豐富層次口感炸雞軟骨 好熱氣超香脆配啤酒一流就是味道很濃，醃過燒深海池魚魚鮫，造型已經好靚皮脆乾身咸咸地像鹽燒，魚鮫肉滑滑的啖啖肉日式茶碗蒸蛋顏色特別黃有本菇，蝦仁，蟹柳，豬肉，芫荽味道好鮮好濃，應該還加了上湯甜品選了黑物黃豆粉蕨餅黑糖超甜，蕨餅軟軟的和黃豆粉好配！

葵芳來說，日式餐廳少之又少，這間餐廳裝修新淨，燈光光猛，座位寬敞，很適合朋友或情侶前來。茶碗蒸叫了兩個茶碗蒸，望落不會好稀，吃落香滑鮮甜，軟綿綿滑口的感覺，而且很鮮甜又足料，內有鮮蝦，大大隻的，非常好味。三文魚腩刺身刺身很厚身，而且色澤光鮮，望落已經知道十分新鮮。吃落滿口魚油，很鮮甜，非常有滿足感。燒和牛井賣相吸引，用石碗裝著，飯粒熱辣辣的，非常細心。和牛非常嫩滑，而且大大塊的，配上特有燒汁，非常入味，再配上一隻溫泉蛋，令到飯味更香，值的一試。

近排天氣熱好想吃日本菜, 今晚同友人食個晚餐先餐廳面積大,裝潢以木色為主調,配上鯉魚旗等日式風格的裝飾,簡約設計營造出淡淡東洋味道呢度有好多款唔同壽司、刺身、丼飯、熟食都有提供,價錢也親民。我哋點咗個二人套餐和一客温泉蛋湯烏冬。首先上🥣味噌湯跟平常喝的差唔多,之後係🦀蟹籽沙律,超多蟹籽係面,大量青瓜絲,加埋沙律醬,拌勻啖啖都食到蟹籽,口感清新刺身拼盤(三式)有肉厚肥美三文魚、爽口鮮甜牡丹蝦和充滿魚香既香蔥魚卷。每件都非常新鮮,食落鮮甜四色刺身丼,材料十分豐富,入面有厚切嘅三文魚、魚質爽滑嘅油甘魚、口感軟滑嘅香蔥吞拿魚蓉和粒粒蟹籽,最喜歡就係加少少wasabi 和鼓油食, 非常美味燒地雞温泉玉子丼🐔上台個陣"sasa聲",雞肉夠嫩滑,仲有一隻好靚流心蛋,再配埋秘製醬汁和泡菜,惹味又好吃。最鍾意有飯焦,飯粒有嚼口温泉蛋湯烏冬🍜煙韌烏冬有咬口,湯底清甜,配埋温泉蛋撈埋食,太好味

媽媽節後一日才有時間陪媽媽逛逛，經過葵芳匯樓下被店員熱情推薦進而發現了這家有意外之喜的餐廳。裝修很新，乾淨明亮，位置也闊落，第一眼感覺就很好。除了墻面畫滿了魚，吊燈也很有趣地掛上了魚籠。杯碟餐具茶水紙巾整齊地放在桌邊，方便客人按需要取用。明太子玉子燒，雞蛋超嫩滑，熱熱的還燙嘴，明顯是現做的，蛋香味濃厚，明太子提鮮。芝士年糕，外脆內軟，芝心滿滿。串燒海鮮盛合，包括鯖魚、生蠔、大蝦、帆立貝、鰻魚；其中鰻魚為最愛，柔軟嫩滑，滿口油香；帆立貝厚實；生蠔爆汁；大蝦新鮮；鯖魚香口；最大的問題就是吃完覺得還想繼續吃。香蔥吞拿魚蓉卷，魚蓉入口即化，米粒煙韌，口感竟然異常合拍。大和魚生冷麵，不得不讚面底出乎意料的爽口彈牙，單是面底已經可以給它100分，滿滿的角切魚生再配上邪惡的沙律醬和魚籽，味道不可能不好。黑蜜黃豆粉蕨餅，肥肥軟軟的蕨餅蘸滿黃豆粉，充滿豆香，若喜甜可以再加上甜膩的黑蜜糖，晚餐帷幕完美落下。對於這個後補的媽媽節二人大餐，媽媽表示非常滿意。另外值得一提的是員工服務非常周到，貼心有禮，埋單時還贈送了一張卡片標注下次再光顧可得的一份小食，二次銷售都已經提前做好了，厲害厲害。

好少係葵芳呢一邊覓食，今次試咗一間樓上日本餐廳店舖光猛，同男朋友兩個人被安排坐卡位，好闊落餐牌上嘅選擇都幾多，lunch set都有20款，熟食同魚生/壽司都有，仲有唔同小食可以跟配我叫咗一個惠比壽海鮮丼($128)，男朋友就叫咗一個特上刺身定食($128)，再加咗個日式茶碗蒸($15)茶碗蒸好滑，入面配料亦足夠，輕鬆食哂我份海鮮丼有至少七款海鮮，每塊都好厚切，啖啖肉最鐘意吞拿魚蓉，加咗啲芝麻同蔥調味好香至於男朋友嘅刺身有五款，同樣好厚切，唔洗怕唔夠飽呢兩個定食都食送沙律同麵豉湯，麵豉湯唔會過咸，好味！職員態度幾好，抵讚