惠比壽本店

營業中

休息中

以前係附近做野，舊同事帶我黎食過一次後，就非常中意呢度。 而家即使轉左公司，都仲會周不時放假過黎食。壽司手握，係赤醋飯仲要會放少少wasabi 係魚生同飯中間，食得多連鎖就會覺得呢個價錢竟然仲有咁講究真係唔錯。lunch set一碟壽司加一碗烏冬都只係110幾蚊，又冇乜加價，同以前仲係一樣😂當葵廣小食又加價又逼又要企係度食，呢度有卡位真係好好多，希望多啲人知呢間樓上舖，星期六日既人流同以前返工午市相差頗遠～希望多啲人黎食咁我繼續有得食lol

平時去葵芳, 只係會記得葵廣. 今日就去左葵廣附近既一間日本餐廳. 間餐廳位於葵芳匯一樓, 樓下好似無咩客, 但上到去都幾滿座. 店內佈置都幾日本風,店內氣氛都唔錯燒和牛溫泉玉子丼濃濃既醬汁配和牛, 加流心蛋, 簡直一流. 燒和牛的肉質嫩滑多汁，帶有燒烤的香氣,每一啖都有豐富口感和美味組合，讓您感到享受和滿足炙燒三文魚丼新鮮三文魚炙燒後呈現微焦的香氣, 入面仍然保持著鮮嫩的質感, 搭配著醬油的鹹香味道, 加上白飯的蓬鬆口感每一啖都有三文魚的鮮美和醬汁的香氣以價錢, 唔算特別平, 但係以舒適度, 同食物質數都幾好. 如果順路經過葵芳 可以一試

成日行葵芳經過，都想行過嚟呢邊試，但又忘記佐，今日終於醒起，可以試下呢幢商廈邊一間有好野食。搭𨋢前見樓下水牌介紹，我們一家大細，還是選擇老少咸宜嘅日本菜。搭𨋢到一樓，入餐廳便發現原來都好多客人光顧，以為樓下人流不旺，上面會較少顧客，但剛相反，好在還有卡位。坐下看了一遍菜單，便叫了3款套餐，包括刺身丼，壽司拼烏冬，炸雞烏冬冷麵，套餐可加配小食，選了加州卷及茶碗蒸，還包飲品，麻醬生菜沙律及罐裝飲品。每款都即製很新鮮，尤其加州卷，估唔到比其他日本菜館還出色，食得出係即卷，很鬆軟，蟹子豐富，還墊了沙律醬在底，很好吃。我的壽司盛也很出色，居然還有海膽壽司，壽司飯還調了味，添了醬油，份量不多不少，材料很新鮮，入口軟糯，好吃。炸雞配麻醬烏冬，女兒也很喜歡，炸雞不乾身，還很軟熟，抵讚。我們一家很喜歡這家味道，招呼也不錯，雖然人手不足，但看得出也盡心招待客人。

《惠比壽本店》▪️▪️▪️▪️▪️▪️▪️▪️▪️▪️▪️🔸池魚刺身 (時價,今次幫襯$248) 同大部分居酒屋一樣都有原條魚刺身~ 餐廳都會有一啲比較細嘅魚！所以兩個人都可以又叫魚又叫其他嘢！！🥰 池魚分量與價錢呢講非常合理🤭而且鮮味亦都幾足夠值得一試！！🔸香蔥吞拿魚蓉卷 ($118)卷物嘅種類算係幾多😂 同平時一樣都係叫咗最愛嘅吞拿魚蓉🫣 啖啖吞拿魚肉卷住食非常滿足~🔸 燒雞盛盒($98)居酒屋點少得串燒！燒雞盛盒有雞翼，雞軟骨等五種唔同串燒~ 非常適合選擇困難症！最有記憶點係雞軟骨~😍🔸鐵板燒牛舌($72)估唔到真係成個鐵板咁上😂 厚切牛舌大大份~ 牛舌控絕對唔可以放過！▪️▪️▪️▪️▪️▪️▪️▪️▪️▪️▪️設加一收費▪️▪️▪️▪️▪️▪️▪️▪️▪️▪️▪️今次幫襯📍惠比壽本店葵涌興芳路208號葵芳匯1樓#波比出沒葵涌 #KwaiChung #KwaiChungfood #葵涌美食 #居酒屋 #日本菜 #串燒 #Japanesefood #hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram

第二次再幫襯，今次6:00前仲有下午茶吃，叫了炸蝦漢堡+薯角。上次吃飯團+餃子已經覺得廚師很用心，飯團同餃子脆脆的！今次蝦堡同餐牌相完全一模一樣，雖然用刀叉食天婦蝦+漢堡有啲論盡😅，下次應該用手攞住食會方便啲！由於葵芳太多野食，所以雖然食物好食，但每次黎都冇乜人。。但如果想舒服慢慢坐，免費嘆綠茶，下次一定再黎❤️星期六日都有下午茶的👍🏻

我同老婆食咗佢一個刺身拼盤…壽司拼盤…單叫一碟中拖羅～同各一碗肥牛同叉燒拉麵…刺身拼盤坦白講係唔錯但係厚切咗少少…壽司拼盤確實幾出色～都做得幾細心～飯已沾有豉油～魚生中間也有少少wasabi～但係個中拖羅真係好一般～138…比我想像中失望唔知咩原因反正就係冇咗魚油嗰種咁香嘅味道深水埗有一間壽司店150蚊中拖羅～已結業但佢嗰隻油脂嘅甘香真係好誇張～最後肥牛同叉燒拉麵肥牛…也真的挺嫩口…叉燒就反而好韌但入味麵也是我最喜愛的拉麵底不過個面份量有啲多…保證能食飽或食瓜任何一個正常飯量既人客總括嚟講如果十分制我覺得有7至7.5分張枱吊燈撞咗我個頭三次盞燈實在有啲高(改改佢啦)

天氣轉涼就好想打邊爐🍲見到呢到有壽喜燒 諗都無諗就即刻嗌咗(˶‾᷄ ⁻̫ ‾᷅˵) 見到佢openrice咁多好評 結果大失所望🥺牛肉壽喜燒 ($125)首先佢唔係連爐一齊上我已經好失望 本來諗住可以係呢個天氣食返啲熱野暖下 但佢連煙都唔係好見到有😥隻蛋完全係上枱前一刻先啱啱放落去 係完全唔熟 餐廳職員話啲湯係熱嘅 等一陣就會熟 然而我等咗一陣都完全無熟嘅😥自己都幾鍾意食半生熟嘅蛋 已經唔係啲淨食熟蛋嘅人 覺得餐廳呢個位都幾唔細心 有少少做個樣子嘅感覺 明明同打隻蛋落個碗到係一樣 仲要佢放係啲湯上面都唔知點樣撈埋啲牛肉食😂牛肉肉質尚算嫩滑 但呢個價錢就唔太值 加分位係佢個底都幾多粉絲 而且都幾入味 但我自己就未必會再食喇😂推薦指數：🌟【𝐏𝐫𝐢𝐜𝐞: 2/5 𝐅𝐨𝐨𝐝: 1.5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ

近期都好多人討論Omakase 廚師發辦，－般價錢由$7XX 至 $2千幾，當然Lunch 同Dinner 價錢可以差不遠，但試過$23XX咪又係壽司，有的食材真係可以好貴，但諗深一層咩叫貴,只係一片魚，－隻貝，或者兩片海瞻，憑什麼收那麽貴？所以好耐無食。今次誤打誤撞係葵芳搵到閒日本料理，個名好特別。一開個menu, Omakase不用$300，8件壽司，半信半疑先叫一客，當服務員送上嚟時，個look巳超越$300，我地兩個人每人分四件，海膽係加拿大入口，好甘甜，件拖羅有咬充滿魚油，最正件貝，又爽口又鮮味。之後亦order咗set拖羅，燒牛舌，軟殼蟹圈，連玉子燒都好好味，埋單每人才$500多，無得輸。

🎐🎏日本🇯🇵情懷～惠比壽🤩。 餐廳🍴晚巿都有套餐，第一次嚟，決定單點，可以試多幾款😋海膽黑松露茶碗蒸 ～ 賣相幾靚，好鍾意佢套器皿，好靚🌸。 兩款食材都係我鍾意食既，香噴噴嘅黑松露，配搭海膽，加埋滑稽稽，熱辣辣既蛋，好抵食👍🏻🍙燒明太子飯團🍙 ～ 好鍾意試唔同餐廳既燒飯團🍙，仲要有餡嗰啲，今次都係揀最愛既明太子，🍙外脆香口，口感有啲似食緊飯焦，裡面就係濃郁既明太子味😋日本燒地雞溫泉玉子丼🥚～ 🪨 石鍋飯系列，同煲仔飯近似，有飯焦，最好就係有保温效果☺️，燒雞好入味，好滑，加埋蛋漿，口感一流😋🍢🍱燒雞盛合 Chicken Feast 有5款雞串🍢：免治雞肉串、雞腿肉、雞翼、雞膝軟骨、雞胸軟骨🍢。 雞翼唔會太乾身，啲肉仲好嫩滑，比起之前去其他店舖食，呢度真係比較好味😋。 雞髀肉🍗就係啖啖肉，連雞皮一齊食，又香又滑👍🏻。 叉燒拉麵🍜 ～ 叉燒又係好腍好入味，湯底不錯，清清地👍🏻呢度既生啤係Suntory Draught Beer 🍻 ，叫700ml 抵啲，大大杯🍺，慢慢坐，慢慢飲🍻店舖晚巿相對少人，可能🤔位置問題，我哋都係機緣巧合見到🤭。 到達後都有一堆客人，應該係早嚟食早走，又無第二輪反

今日同朋友跑完步，個個都好肚餓話想食日本嘢，本身諗住去隔籬街嗰間拉麵店，但我哋太夜佢收咗工，所以就嚟咗呢間惠比壽日本餐廳試食。嗰度環境其實幾好，我哋去嘅時候已經冇乜客人，背景係一啲手繪嘅日本刺身魚同埋海浪花紋牆，裝修同埋感覺都係非常日式。我叫咗一個鰻魚丼飯賣相唔錯，識落都幾足料，而且佢係用日韓式熱鍋上菜，所以慢慢食都唔會咁快凍，配菜有韓式Kimchi泡菜。同埋，麵豉湯。我朋友叫咗個牛肉丼飯加左杯柚子蜜，比起吉野家都算好食啲，但價錢有啲貴，要成80幾蚊，所以我請咗佢食沙律。最後我哋唔夠喉所以叫多咗個時令生魚片刺身拼盤，因為佢晚市有半價，60幾蚊有$12塊，都算幾好食同埋新鮮。

去葵廣行街街但疫情關係唔想掃街✨係附近搵左間日本餐廳坐得舒舒服服食飯😉Lunch Set☀️惠比壽海鮮丼 HKD128有大大隻甜蝦🦐同帶子三文魚🍣吞拿魚蓉同魷魚🦑同埋炙燒過既左口魚🤤全部都新鮮既 魚油大爆發 好滿足💗唯一樣我覺得無咁好係個醋飯濕左啲🍚三文魚丼 HKD68有九塊依個價錢黎講好抵食✨仲有鋪滿左紫菜係飯到食落無咁單調兩個丼都有麵豉湯同沙律🥗章魚燒三粒 🐙🐙🐙 HKD18可以去返葵廣食章魚無雙🤣麵皮厚而且食唔到章魚粒粒👀

除左葵廣美食之外，其實一直都唔知葵芳有咩可以食，今日lunch time同事就帶左我黎食日本野🇯🇵環境幾闊落，光線亦充足，就算六個人一齊食飯都唔會覺得逼夾，不過又可能因為餐廳可容納人數多，有啲啲嘈雜，同埋侍應都好似唔係太應付到尼個客量，但係出餐都快既。香蔥鮪魚蓉丼🍣$98鮪魚蓉足料，飯量都多，我黎食過兩次都無一次可以食得曬成碗飯，另外仲有配味噌湯同沙律，以一個午餐黎講實在滿足。另外食完會比番兩張卡仔比你，可以送小食/飲品一份，仲有外賣優惠。以香蔥鮪魚蓉丼為例，外賣價係$62，仲會送番味噌湯/飲品，唔知點解可以平咁多，下次會考慮叫外賣。

葵芳是一個交通發達，以「掃街」為主要特色的地方，相對之下堂食顯得稍弱，經常流連後更加是難以列舉一二。之前友人曾笑說：「用得地方名開鋪既日本餐廳都唔慌好食」，所以惠比壽一開業時都沒有太想嘗試。然後經過時再次留意到佢的餐牌，非常多樣化，串燒、壽司、石鍋等菜式都有，終於決定試試佢。第一次來，母親節晚上七點左右，座無虛席，食物都大概要等半小時以上，員工主動送湯，彌補了我們的饑腸轆轆。推薦大家試下毛蟲卷，牛油果加上鰻魚，很好的配搭，毛蟲頭有特別裝飾，形神味道俱備。第二次食就食左火灸三文魚沙律、野菜串燒盛合和西京燒鱈魚，鱈魚油香充足，醬汁不會太咸，好食。葵芳人如果食唔到壽司郎，係呢度會有另一選擇！

搵下葵芳附近有乜食，無意中搵到呢間日本餐廳，平時都好似唔覺有咁，今次去試吓，仲可以去openrice book位。去到，都冇乜人食，可以直接入，仲有卡位坐。店內佈置帶日本風。大餐牌入面都好多食物選擇，丼飯、熟食、炸物、串燒、小食、燒物都有。另外有套餐同埋限時半價優惠嘅食物。我哋2位，只可以揀一款，就揀咗白身魚薄切。白身魚薄切12片，半價後$69的確係有12片，薄切真係透明到碟都睇到不過，係好食的，好香魚味，口感都唔錯，唔會太膠，又唔會係好淋冇口感個汁酸酸地，配埋幾好食半價算好抵食北海刺身丼 $218首先要讚個海膽好鮮甜，零腥臭味，色澤亦好睇，係當中最好食三文魚腩夠厚有口感，夠肥美好油香，都係正，第二好食跟住係帶子，都好鮮甜，唔係雪到冇晒味三文魚子，難得係鮮甜得嚟唔咸蝦，幾大隻，鮮甜，不過啜埋蝦頭入面啲膏就有啲腥蟹肉，唔係凍冰冰，都有蟹味呑拿魚，雪到有啲硬好似未完全解凍，同埋多筋串燒叫咗牛舌、帆立貝、鰻魚牛舌一流，大塊，算厚，但唔會咬唔開，好香牛舌味，而且面頭都燒得超香帆立貝，肉質唔錯，但個汁奇怪，有啲苦似藥酒鰻魚，都燒得好香，冇骨和牛溫泉蛋飯整爛咗隻蛋用嚟撈飯最正和牛估唔到都有成8塊左

位於葵芳匯一樓的惠比壽日本餐廳，開業一年多都未有機會嘗試，趁今日假期就去試一試個 Lunch set ,餐廳地方頗大 設計簡約，大部分座位是卡位，卡位空間感大，枱夠寬闊可order多d食物亦夠位，我點了燒花魚一夜乾，先來麵豉湯和沙律，湯味較濃而沙律菜新鮮爽口，花魚燒得乾身，魚骨魚皮好香口魚肉非常嫩滑加上檸檬汁更加鮮味，我非常喜歡😍老公就點了牛肉壽喜燒，大大塊的牛肉口感軟滑充滿牛肉味，窩內還有雞蛋豆腐菇類蔬菜及薯粉大量配料，加上甜甜哋嘅壽喜燒汁，配埋白飯相當美味😋 還試了兩個小食，炸雞炸得不太油膩雖然外表乾身但內裏充滿肉汁，相當唔錯👍， 茶碗蒸內有本菇,蟹柳,蝦及雞肉，蛋蒸得相當滑👏餐廳雖然員工唔多，但服務殷勤及態度親切， 值得一讚!👍