惠比壽居食屋 (已結業)

上次去到要等10張枱先到,結果放棄了.今日放工就主動同男朋友仔講話要去食!事隔開張一個月,ok喎,只係要等一張枱jei,幾大都等!15分鐘度就入得去啦.今日order左:甜蝦三文魚刺身:超新鮮!!!正!燒牛舌:香口得黎無過火!好味呀!手打烏冬九洲湯底:呢個烏冬本身好ok,好滑好好食!但係個soup based就好公仔麵feel,,,同埋日本叉燒無咩味!如果佢係多d料煮個湯再加埋個烏冬,咁就perfect啦!仲叫左腐皮同鰻魚sushi~腐皮standard啦,個鰻魚真係正!~出面脆脆地但加埋d汁食落去真係好好味還有炸蠔~呢個都好食架!juicy得黎又唔腥!唯一唔好係個蠔細左d囉...service,我真係揾唔到地方彈.好勤快!雖然地方小小,但個個都有個walkie talkie.所以出菜呀加茶0個d無得彈,好有效率,叫埋單0個d各樣都好快!overall又係好野,雖然係居食屋,但係我地樣樣叫d,試左幾款都覺得呢度絶對唔係求其之作.如果要compare,呢度真係同出面掛名主食 sushi or 燒物好有得揮.難得難得~而且又近近地,一定come back!!!

Date : 2008-02-04 Wed 19:30Waiting time : ~15 mins for a table for 2Environment : nice大蝦蟹子炒飯 : 有驚喜, 口感一流, 略嫌細碟咗d雜錦鍋烏冬壽司定食 : 手打烏冬不錯, 壽司新鮮, 跟set抵食

新開張,裝修唔錯,so一個人入來試食一下~叫左什錦魚生飯鰻魚手卷什錦魚生飯買相一般, d魚生都幾厚同大塊, 好新鮮,不過我個人喜歡細塊, 因為咁先可以均等分佈在飯裏, 另外佢太多酸薑, 而d飯暖ga~鰻魚手卷d鰻魚係立刻燒ge, 因為有少少火炙味同暖暖地, 好食ga,d鰻魚好似冇骨咁,(出面有d d骨好勁), 入口溶化, 只不d鰻魚唔夠熱, 熱d 好食d ga~只食左兩樣普普通通~食左$96,另加一 $106荔枝角呢頭較貴gei餐廳~不過較為特出好食,新開張不妨一試~

新開張即刻去試下，兩個人叫左，日式炸蠔、大蝦蟹羔炒飯、軟殻蟹手卷、大蝦炒烏冬。日式炸蠔：蠔幾新鮮，但外層較油。軟殻蟹手卷：:軟殻蟹份量多，仲有幾片牛油果添。大蝦炒烏冬：烏冬彈牙，配料亦很多，份量較少。大蝦蟹羔炒飯：蟹羔係放係飯上面，唔係炒埋一齊，蟹羔味道很濃，將蟹羔撈埋Ｄ炒飯食，超好味，但份量較少。呢頭終於有間似樣食市，希望佢地增設晚市套餐就好喇！