影片
以上資料只供參考, 請與餐廳確認詳情
招牌菜
由於公司喺附近，間唔中都會去惠比壽食LUNCH，最近惠比壽嘅質素每況愈下！再係咁真係唔會幫襯。話說我叫咗豚肉烏冬($65)，跟餐三文魚壽司好的骰一啖食完，仲要切得薄薄，幾新鮮，已經係今餐表現最好嘅食物，陰公。豚肉烏冬嘅叉燒，煮得又老又硬，就好似阿媽煲完湯嘅湯渣咁嘅味道！可想而知個舊所謂豚肉幾冇滋味啊，好免為其難食咗兩塊，食烏冬算。都仲未嬲完，碗麵跟咗半隻蛋，SORRY！唔係溫泉蛋，而係一隻烚到100%熟透嘅蛋！喂，惠比壽！我枉你收到咁貴一碗比咁嘅質素客人囉！煩請有關人事檢討一吓！淨係識加價你同港鐵有咩分別啊？
繼續閱讀
午餐時order 咗份金菇牛肉卷，乾到不堪，好似放咗幾個鐘，出品差過家裡煮飯唔多掂的印傭，作為食肆，食物質素差已經不堪，加埋服務質素(落單時第一個見到你當睇唔到，第二個落單又心不在焉)就可以建議佢地執咗佢啦！
繼續閱讀
等LUNCH HOUR 有位, 係非常之難, 呢間餐廳TEA TIME 時段又會休息...總之要入到去食都唔易..試過等超過30分鐘.....可能係因為附近冇日本餐廳吧~SET LUNCH三文魚魚生飯, 三文魚算是厚切, 而且有6片左右, 但很快就食完, 不夠送晒成碗飯...配料係好一般的食材, 如中華沙律, 腐皮絲, 等等...D 飯係凍身既...(呢個麻麻..我O係日本食係少少暖GA!)友人點了野味雞飯, 是星期五的SET LUNCH, 友人說不太惹味...有前菜三文魚刺身三片附送~三文魚是角切的, 不會很薄, 所以OK.另一友人點了牛肉鍋物配烏冬, (另可配粉絲)牛肉正常味, 都算大片.份量OK.面豉湯冇味..最激賞係佢既飯後果!!通常係一個燈!!係一個切得靚靚既燈!!而且唔知點解, 食過咁多次, 都係甜GA!!!!!!!仲要切到入口即食, 冇核冇皮~
繼續閱讀
中午SET LUNCH 索價50-60 大元如此價格當然令人有更大期望可惜又是一家低質高價的港式料理店壽司算是過得去拉麵/烏冬麵質皆像即食系列炸豬排肉質粗糙, 外層炸粉奇乾燒秋刀魚也太乾身, 像燒魚乾SO CALLED''日式''午餐竟以麥樂雞作前菜此店沒有用心做菜之餘態度也馬虎.60元一個午餐卻換來如此水準實在叫人失望
繼續閱讀
同意有食家話, 在荔枝角工作~解決午餐問題確實令人頭痛餐廳環境一般, 我地坐比較入, 都幾焗, 但奇怪一直播放黎明的舊歌, 日本餐廳可唔可以播返日本歌?再唔係一般淨音樂都ok呀???服務麻麻地, 要問先有茶食物.......order左燒豚肉烏冬鍋物& 牛肉烏冬鍋物, 手打烏冬口感唔錯, 幾煙韌.豚肉個湯底好咸, 燒豚肉平平無奇同事話, 個牛肉烏冬湯底冇味......味道比3分, 係只因為個烏冬, 湯同配料只有0分個lunch set完全唔值$65............
繼續閱讀