悉尼樂園 (已結業)

星期五約朋友聚餐，揀左黎依間主題幾特別嘅樓上cafe。因為見近排好似都多人介紹，穩陣起見我同個fd都係book定位先，我地7:15左右黎到，見都未算係好多人。不過再晏啲嘅時候餐廳就已經坐滿。裡面室內環境偏昏暗，一入到去見到周圍都頗多擺設，牆身有塗鴉，最特別係有部電視機播住舊式卡通片。成間餐廳主題幾特別，sell懷舊風，岩哂黎打卡。夜晚黎有set dinner可以揀，包左沙律或餐湯、一杯飲品同埋甜品。我同朋友揀左一個set dinner (海鮮番茄意大利飯)然後再單點一份烤雞沙律同埋黑松露薯條。覺得野食分量都多，兩個人都食到好飽。而且食物質素唔錯，佢嘅烤雞沙律係偏日式，落左胡麻醬，除左菜仲有碎蛋，覺得幾好食同埋幾fresh。至於個飯嘅配料有蝦、青口、魷魚同埋車厘茄，飯嘅口感煮得唔錯，有少少濕潤同埋味道亦唔會過酸。而薯條熱辣辣，本身已經有啲黑松露喺上面，再點埋個醬，令到味道更加濃郁。至於甜品部分係Affogato，另外亦都可以加錢換其他甜品，不過我覺得依個唔洗加錢已經好正，咖啡配埋雪糕絕對係雙重享受。整體黎講，間cafe裝潢同佈置都好特別，見到都幾多客人有影相，而且食物好味同埋分量都足夠，

若你feel sick, Sicklyland 悉尼樂園的米老鼠或許很治癒。聽說是老二花廳的班子開的。Sicklyland 屬於走50-60年代的復古路線。如果你特別愛好香港的懷舊氣息，大概你會喜歡這家特色餐廳。一入門內，悉尼米奇歡迎你！瀕臨絕種的盒型電視機，無限播細個星期六朝早的迪迪尼卡通(oops,我係咪暴露左年紀呀哈哈)Feature wall - 前面係二人枱, 好多人特登係度打卡朋友與我分別叫了Latte 和Dirty。Dirty 是名副其實的髒髒咖啡，假如你是咖啡迷的話，跟你平常喝dirty 的味道是不同的喔。聽講慢煮安格斯牛柳很出色，但可惜已經賣完。最後我地叫左海鮮蕃茄意大利飯和Carbonara ，由於太肚餓所以無影相。味道和plating 就真的只是不過不失。值得一說的是，餐廳入真係好多detail 位可以見到用心，除左大家睇到個氣氛之外，其實仲有好多收藏，好似舊式衣車、雪櫃、電話同風扇等等。大家可以去發掘下。

＃良心食店因為限聚令同禁晚市堂食早前已經休息左一段時間，重開試做lunch，因店家以前下午三點先開門所以從未有做午餐經驗，所以收工後上嚟支持下，先點海鮮蕃茄意大利飯，配料有蝦，青口,魷魚同連枝車厘茄等，味道同口感唔錯嘅，飯亦炒得剛好唔會太濕，連幾粒車厘茄都好好食，因為今日實在太肚餓所以再點多一個蜜糖牛油雞翼，呢個好食要推介，皮脆肉嫩夠晒香口，蜜糖同牛油味都好夠。餐廳布置幾特別，同姊妹店 ＃老二花廳 一樣走少少懷舊風，鐘意影相有幾多打卡位，而幾位樓面服務員都好有禮貌係值得支持嘅良心小店。

悉尼樂園❇️朋友推介食完一場，想找個地方hea下傾下計！我就帶朋友去A朋友推介的餐廳，好似去左轉懷舊兒童樂園，好多打卡位！！同店員傾計知道牆身的畫是由老闆親自畫上，wow...有驚喜！店裡還有部電視播住好舊式的卡通片，有趣有趣！這晚坐在高凳望和友人傾得開心飲得開心。朋友無介紹錯，好正！🉐.話說小妹去街少記街名，去過第二次再去都需要google map...今次由cwb的apple行去餐廳都要用，途中出動路人甲，帶到我們去門口，謝謝你熱心帶路呢！😊.黑松露薯條 😋😋😋😋😋好食呀！薯條樣仲要係士多個款！同餐廳個feel係一致架！個醬好香黑松露味！份量又多，我們食唔晒🙈🙈.卡邦尼意粉 😋😋😋😋好味！但建議個汁可以多少少，意粉較乾身，食得慢，之後有啲乾....✅打卡餐廳環境真係好得！有感覺地食飯係件好享受和滿足的事❤️

招牌用上悉尼老鼠，裡面裝潢充滿舊香港的味道，還用壁畫重新定義了ABC，照片看上去可能會有一陣陰森，但現實環境十分舒適，而且店員讓食客慢慢吹水，絕不趕客🍊 OrangeEspresso+Orange juice+Ginger ale，味道十分特別，咖啡味不算突出，橙汁加ginger ale令甜味突出，而且有氣的口感很過癮🍵 Matcha Latte宇治抹茶味很突出，明顯用上高鈣低脂奶，奶味比較淡🍝 蛋黃卡邦尼意粉最基本款式但煮得十分出色，意粉十分creamy濕潤，蛋白能夠包裹整條麵卻沒有弄得水汪汪，芝士味濃郁但不會感覺飽膩，脆片煙肉比較大塊容易跟麵一起吃，不會在最後在碟中剩下煙肉粒🦐 海鮮蕃茄意大利飯意大利飯濕潤，蕃茄味與海鮮香味同樣濃郁，帶子大蝦鮮甜爽脆，青口有香烤味，感覺為之驚豔而且開胃

當你見到呢個主題樂園既主角……悉尼老鼠(識你老鼠)，你都會估到呢間主題餐廳有幾破格。不過，對我呢d老餅來講，入面好多舊擺設，反而有d家既感覺。先講飲品，老细同樂團一樣，好有嘗試精神，研發中的espresso 梳打，因為研發中，老细免費請我飲。另外menu上有薑汁梳打，我試過都好飲。水果樂園茶，賣相打卡一流。仲有各種生果沙冰。食物水準方面，非常高質素。試過海鲜番茄意大利飯，帶子大蝦墨汁意粉，蛋黃卡邦尼意粉，露筍黑松露磨菇扁意粉及青口小食，全部睇相都知好食。

飲品：Tonic espresso orange (好清新）食物：波浪薯條非常好食慢煮安格斯牛柳配蘑菇汁炸洋蔥薯非常好食水牛雞翼外脆內嫰環境氣氛懷舊店內寧靜充滿藝術氣息

呢間銅鑼灣嘅樓上cafe行懷舊風格 (◍︎ ´꒳` ◍︎)好多好得意嘅擺設同graffiti 裝修好啱打卡個日去都唔係好多人 可以慢慢坐下 吹下水佢嘅lunch set都幾抵食 一份五六十蚊 仲包埋四十三蚊樓下嘢飲 嘢食份量唔細 味道都ok 再配埋個咁靚嘅環境 係抵嘅卡邦尼cream同煙肉都幾多 好邪惡 不過有少少鹹 唔係好啱口味清淡嘅人 如果想食健康啲清淡啲 可以試個烤雞沙律 酸酸甜甜 比較清爽𓏲𓏱𓏭𓏭蛋黃卡邦尼意粉 w/美式咖啡 $63烤雞沙律 w/蘋果紅茶 $53

未入門口就俾佢個郵箱吸引左，點知內裏環境仲不得了！有米老，唐鴨，三隻肥豬都有😂😂但人太多影唔晒講返食物，懶得諗人士就緊係睇set dinner算喇😂 見到牛柳🐂同西西豬脾仔🐖立即落得單！食飽飽上埋個甜品有驚喜，原來有客人話麻麻，所以就轉左唔係單調既cheese cake，會聽民意呀下😆無謂食物賣相同味道，仲有環境都一流，一定會再去🥰

9月，還未放寬廳餐人數及營業時間😢😭😖。今晚OT 後同一位女同事想去Donki Donki 放鬆下🤩，去血拼前先去餐廳醫肚😋😚。因為唔知會唔會好多人 又驚佢早收，所以我去嘅途咗電話訂枱🙂。去到都差唔多8:00，可能晚咗認唔到路，揾咗一陣，餐廳係2樓，無𨋢 😅 好彩 未到中年，幾級樓梯嚇唔到我嘅🤪🤣🤣。因為我哋2個女仔，個set dinner 有湯， main course,drink 同dessert , 有少少 heavy, 所以最後我哋點咗all day breakfast 同牛扒share 食。 牛扒同佢嘅薯茸超讚👍🏻👍🏻👍🏻👍🏻，好好味，佢嘅薯茸唔係開粉，係有薯仔粒🤤🤤🤤 All day breakfast 就okay, 因為好似同其他地方嘅差唔多🤔 裝修當然係一級正🤗 隻悉尼老鼠🐭真係好搞笑😅

主要係俾佢嘅裝修吸引咗，嚟到先知道原來係旺角老二花廳嘅銅鑼灣分店。一早嚟到店舖冇人，所以揀咗梳化位置坐。裝修都用咗好多心機，全部都係復古同埋一啲有趣嘅壁畫。蛋黃卡邦尼意粉 $63個蛋黃為卡邦尼意粉加，煙肉好脆，擺盤都有心機，白汁好多，喜歡海鮮蕃茄意大利飯 $77海鮮包括兩隻青口、少量魷魚同一隻蝦，本身麻麻哋海鮮，所以都係食佢個飯，意大利飯煮得啱啱好，蕃茄汁好開胃👍Hot Latte & Cappucino $43 ea.不過不失

身為米老鼠的粉絲，從早幾個月開店就已經想來了。除了裡面充滿鬼異的米老鼠裝飾外，我覺得裡面的感覺也是很舒服的，而且還有窗，有點自然光的時候是最美的。*蛋黃卡邦尼意粉 $63我點了蛋黃卡邦尼意粉，首先外觀很美份量也很大，吃之前把蛋黃拌一下。它的意粉是扁意粉，煮得有點彈牙呀不錯，煙肉的咸香很討喜，整體是有點重口味的。*帶子大蝦墨魚汁意粉 $78朋友點的是更重口味的帶子大蝦墨魚汁意粉，雖然也喜歡吃，但我比較少點墨魚汁意粉，因為一直咀會黑咪媽（笑）。朋友說大蝦很好吃很鮮，我偷了粒帶子覺得很好吃，又爽又甜，只是整體真的只是偏重口味的。*士多啤梨沙冰 $33這個士多啤梨味道是士多啤梨糖的味，但不會覺得假，也不會太甜野野，也很大杯。*這是餐牌：

#pb食在銅鑼灣 #pb支持黃店💛 懷舊cafe🥳呢間係旺角 老二花廳嘅分店😝 好耐之前去過一次老二花廳 印象深刻😍 裝修好懷舊 好特別 而且食物質素好高😍 所以今次都好期待去悉尼樂園🥳.佢本身專做晚市 開15：30-23：30 但係因為依家冇晚市 佢就改左開12：00-18：00😚 大家可以去幫襯午市啦😋 Lunch set價錢$60-80左右🥰🔹Set B - 蛋黃卡邦尼意粉🍝Carbonara份量適中 食落好creamy😋 好多煙肉 好足料😍 🔹Set E - 烤雞沙律🥗大大份沙律😋 除左沙律菜 入面仲有d碎蛋🥰 醬汁用咗胡麻醬😋 烤雞好嫩滑 味道少少甜 幾好食💕.食物質素高 環境又特別 大家多多去懲罰佢（記住兩間分店都要懲罰‼️）💛悉尼樂園銅鑼灣邊寧頓街9-11號登龍閣2樓A室（銅鑼灣站 exit F1)

是日是友人既生日🎂，在疫情緩和底下，我們一行五人去咗呢間餐廳聚會。我一早已經打電話預約呢間餐廳，因為友人話「呢間餐廳好搞笑，好想去。」當我打電話去booking，先發現原來呢間餐廳同「老二花廳」係同一個老闆，要知道其實我好鐘意「老二花廳」呢間餐廳，因為佢又係有啲creepy嘅感覺當我打電話去booking，佢叫我WhatsApp 同佢confirm，我就順勢安排埋當日嘅生日蛋糕，叫佢係個甜品上面寫字（我都真係好鐘意節日，生日要不停同人切蛋糕）😛一早安排好，當日去到就咩都唔洗講，自然有surprise 🤤🤤🤤講返食物，食物價錢正常，唔係太貴，喺銅鑼灣嚟講，有個地方比你打下卡，食下嘢，傾吓計，絕對係值得。

銅鑼灣呢間用樂園做主題既Cafe。🤣係呢道有用兩隻腳行路既老鼠陪你tea🐭☕️3:00先開門，行陣街入去食個下午茶就岩岩好不過。。大熱天時行樓梯上黎二樓。。見到入口啦。。門口好重。。推門果陣出盡洪荒之力（攰)入到去已見樂園老鼠熱烈歡迎🤣坐低抖抖順便欣賞一下Cafe裝飾，懷舊佈置同牆上手繪確有心思，打咭呃like岩曬。🙈Cafe呢個時間只供應下午茶餐同小食。我同朋友點左兩個茶餐(蛋黃卡邦尼意粉、全日早餐)同一個小食（明太子薯條）。蛋黃卡邦尼意粉好似唔夠汁，撈埋蛋黃食都偏乾。。味淡。明太子薯條就十分美味。明太子沙律醬同芝士舖上波浪薯條上面加埋海苔粉。配搭和風十足。醬汁台香野味。同薯條好夾。好味全日早餐有煙三文魚、炒什菇、煙肉、沙律、車厘茄、炒滑蛋。。非常豐富丫餐飲揀左有水果既飲品，水蜜桃梳打(左)同水果綠茶。兩款都清爽消暑。正丫！飲品相當唔錯。食物重有進步空間。佈置唔錯既小店。加油丫💪