恆香海鮮酒家 (燒鵝專門店) (已結業)

個人推介指數分 8 (10分為滿分) - 食物味道較為傳統, 沒有什麼特色點心, 就是因為做得傳統, 才有飲啖茶,食件包的感覺. 下午茶時間, 價錢總不像連鎖酒樓般抵食, 但也坐無虛席, 食物質素就是關鍵.平日週六下午茶, 太太和囡囡跟我一起到附近的連鎖酒樓歎茶基本是指定動作, 只因價便宜, 又不用輪侯位置. 今日太太終於感到有點納悶, 好吧, 就帶她到和元朗知名老婆餅家同名的恆香酒樓試一試. (基本上我也不太肯定這所酒樓是否和這餅家有關係). 之前光顧過晚飯, 食物, 價錢和服務也是非常好, 希望點心也有同樣的質素吧.我們二點半左右到達, 也已經有不少人在等位了, 我們大約等了二十分鐘才能上樓, 可幸剛剛能坐房間位置, 可以好好地安放我的小宝貝. 基本上一般酒樓的食物也齊全, 不過最吸晴的是不用十元就有一籠蝦餃, 我也被吸引點了兩籠, 希望不是得兩粒和非常的MINI. 我還點了以下的食物, 也大都在特價紙上的.蝦餃王 -   必吃之選, 後悔只叫了兩籠, 一籠有三粒, 每顆也是非常大隻, 比一般的size巨大最少一倍. 皮薄餡靚, 就最能形容這蝦餃皇. 最叫人心動的是每籠也是十憩.元

是日午餐, 幫襯了這家在 元朗 以 ( 燒鵝專門店 ) 自稱的 恆香海鮮酒家 ~我也理所當然, 並滿懷希望地點了燒鵝飯來吃 ....招牌脆皮燒鵝髀飯燒鵝皮一點也不脆 , 色澤比我的臉色還要差 ! 肉厚但是既嚡口又韌 , 肉味也不夠香濃而且很鹹 , 配上偏硬的白飯 , 實在不是味兒 .... 招牌貨 !? LOL ~招牌貨 !? 燒鵝專門店 !? LOL本篇完 ~

今早八點半就到這裏飲茶，家人一早到了攞位，酒樓已有九成客人，但出奇地不嘈雜。早上九時前仍有優惠點心，我們三人共叫了9樣點心。皮蛋瘦肉粥有好多料，粥底很杰，好味，如果有薄脆附送就完美了。叉燒腸夠滑。鮮蝦炸雲吞夠脆，內裏嘅蝦夠爽口，但個甜酸汁一般。魚湯菜肉雲吞外型似水餃，餡多肉，只有一些木耳，味道一般。家鄉炒米粉味道一般，冇乜料。蟹籽燒賣皇並冇驚喜，只有燒賣上面隻蝦，餡入面淨肉，所以口感較實。煎蘿蔔糕最差，粉多，很少蘿蔔。鳳爪排骨飯味道一般，只得半隻鳳爪，4塊細排骨。最好味是百花釀茄子，茄子很新鮮，蝦膠夠彈牙，而且並冇油膩的感覺。

早上和家人在這裡飲茶，可能已有十點多，所以只坐滿7成。3個人叫了6個點心和1個煲仔飯。香煎蘿蔔糕，食落口是熱騰騰的，絕對是剛剛煎好，蘿蔔味不多，有咬口，但配料少到只有糕。香茜魚翅餃，個人覺得最好味的點心，有芫茜，素魚翅，兩者份量剛剛好，不會太重芫茜味，而且皮算薄。鯪魚球，加了大量蔥僻去腥位，大大粒，是最少油份的點心。招牌燒賣，賣相一般般，而且粉太多，沒有什麼香味。牛肉球，爸爸說味道不錯，還有好多的馬蹄粒，好足料。馬拉糕，充滿奶黃的香味，甜度剛好而且輕鬆，整得不錯。最後是鳳爪排骨飯，份量3個人都夠食，排骨唔會落得好重味，啱老人家食，如果飯再軟身啲就更好!

二零一六年一月二十四日，早上從『我的天文台應用程式』得悉早上氣温只有2度，天氣是近數十年來最嚴寒一日，决定上街感受一下的香港街頭，走在元朗街上，毛毛細雨碰上咀唇，竟是點點冰花，寒風刺骨來形容當日情景，絶對貼切，咱們一行三人，在街上走了十分鐘差點變成冰人，加快步伐走上今天目標酒樓 - 恆香。很久前已希望來這間目標酒樓，看看他們跟恆香餅家到底有否關係，看罷點心紙及菜牌，一句對餅家的描述亦沒有，估計酒樓跟餅家只是同名同姓，實則毫無關係。慣常在酒樓用膳，都會把開水倒出來清洗一下杯碟，平日總覺得非燙手，今天從熱水壺把水倒在杯碟上便馬上變冷，室內温度及碗碟有多冰冷可想而知。茶位: HK$7普洱茶味只算普普通通，合格。點了六款點心魚湯菜肉雲呑 HK$19.8魚湯有甜味而沒鮮味，菜份量不少亦新鮮，雲呑饀的豬肉加了很多粉，沒有鮮蝦，估不到頭籠點心出閘脫腳。香茜魚翅餃 HK$17.8回勇之作，皮蒸得乾身，免冶豬肉不會過肥，亦不會含着一泡水，蝦肉新鮮彈牙，芫荽、西芹甘筍粒爽口，大大減輕了肉的膩口感覺，一字蓋之，正！秘醬金錢肚 HK$21.8吃出他們說的秘醬成份乃柱侯醬為主，金錢肚炆得入味，焾滑中帶爽口，炆的

恆香出名是老婆餅，原來亦開了酒樓，就在致富以前位置，而家改了做酒樓，我同家人去試下這裡晚餐，我們叫了2個餸3個白飯，味道整體麻麻,特別鯪魚球豆腐湯味道十分湯,咸到不想再吃,魷魚通菜就OK,服務亦不太得,送餐太慢,等待1個等了20分鐘才來到，差不多追了2次,恆香酒樓晚市麻麻地，下次試下飲茶

近來經過元朗廣場發現有新酒樓，個名同元朗老字號同一個名字，這間叫恆香酒樓，我不清楚它是否同恆香係唔係同一個老闆，我見到openrice評價又OK,主要是飲茶OK,今晚試了晚飯就不是太得，它上菜好慢,我們只是叫了2個,1個平均等15分鐘左右，白飯又是好耐，魷魚通菜味道又OK,味道還可以，反而豆腐魚肉湯好咸，這間整體不是太好吃，應該冇下次食物水準魷魚通菜，味道OK魚肉豆腐湯,個湯好咸,豆腐就OK,整體不好吃服務可能夜晚客人較多，真是等了好耐環境地方適中番吃應該不再來

復活節第二天, 今天嚟左元朗呢間酒樓飲茶, 之前食過一次, 覺得幾好味, 尤其係叉燒, 今日再嚟, 1:00幾多人D, 2點下午茶, 但我們都唔等啦, 等左一陣有位. 見有些枱係有雜果沙律, 好想食, 但搵唔到個點心紙有得叫, 我地就叫左些點心, 有百花釀魚肚, 蝦餃, 叉燒包, 蘿白絲酥餅, 見到點心紙有老婆餅甜品, 好得意呀. 另外見到有芥抹木耳, 好想食, 又叫左, 之後問仕應那些沙律點心紙搵唔到, 佢話係推廣的, 賣晒, 但過左一陣仕應又攞左幾碟出嚟, 我們就叫左一碟, 原來係大蝦沙律呀.點心唔算等得耐. 百花釀魚肚好好味, 有三大件蝦膠, 有三大件魚肚, 魚肚好肥, 好甜, 好入味呀, 有些蟹子係面度, 蝦膠夠爽口, 叉燒包都好味, 入面的叉燒唔會好肥, 好香, 甜甜地咁, GOOD. 沙律都OK呀, 大蝦有幾隻係切開一半的, 沙律係雜果, 都好甜呀, 唔會太多沙律醬, 啱啱好呀.  木耳好大碟, 有些蒜粒, 有些芥抹, 但唔算好辣, 好味呀, 夠爽口, 不過我覺得太多蒜呀.

朋友呢排好好閒情逸致…鍾意去茶樓一盅兩件…十足十老人家咁…早晨要去嘆茶睇報紙咁…今次就腳就黎左呢邊呢間<恆香>…反正未試過…晨早8點幾黎到門口…無人等位…呢度無lift…要行上層…地方唔係好大…一條長方形…一眼睇哂…呢度都係點心紙形式…即叫即蒸…蘿蔔千絲酥～賣相ok...切落去腍吱吱…蘿蔔料多…但口感麻麻…好似食梗一堆野咁…恆香蝦餃皇～皮薄而晶瑩…有兩粒蝦…尚算新鮮…秘醬金錢肚～醬汁未見好突出…蘿蔔得兩小粒…甜甜地…金錢肚未係好夠腍…蠔皇义燒包～細細包…料唔多…蠔汁唔多…包包仲有少少發酵味添…麻麻地…香茜魚翅餃～料唔係好多…都係豬肉蝦咁…乾乾地…即燒义燒腸～腸粉尚算軟熟…义燒仲係得好少粒…係6碟點心當中…有4樣係恆香必食推介…但未見得特別出色…反而覺得似係普通街市茶樓既貨式…雖不致於好難入口…但亦不會特別推介…

新開恆香酒家,一向都被某人劣評,今日帶阿某某人去平反,一去到,不用等位,有特價同正常點心紙可選,今次點了六小碟,叉燒腸麻麻,皮厚唔滑,叉燒冇味,魚翅餃,有鮮蝦同肉混合成,又唔錯,叉燒包,有好多叉燒,好夠味,蝦餃皮薄,蝦兩大隻彈牙,爽口,唔錯,酥皮蘿蔔酥,好香甜但皮唔脆,ok,牛肚足料,冇咩菜在底,但一片諗一片硬,一般,茶就水夠熱,ok,總結冇某人話得咁差,算中等水平

難得一天的假期, 媽媽話元朗有一間新酒樓開左, 話同我去試下, 11點前係有特價的, 但我們去到已經過左11點, 11點後, 2點前又冇特價喎, 仲要貴D架.唔使等位. 好快有枱, 酒樓係一樓的, 地方唔算大, 係一條長型的格局. 我們叫左一碗叉燒飯, 煎腸粉, 鯪魚球, 合桃叉燒酥.合桃叉燒酥都好香口, 出面係好似合桃酥咁, 好香, 入面係叉燒料的, 都幾大個, 賣相都幾靚呀, 好味的. 叉燒飯, 叉燒都好淋身, 唔算好肥, 飯夠軟身, 好食.煎腸粉我覺得唔夠香口, 煎得唔夠金黃色, 鯪魚球都OK, 唔會好粉又唔腥. 整體感覺良好, 但價錢就唔算平.