恆香海鮮酒家 (燒鵝專門店) (已結業)

又到假日指定活動，今次過咗嚟恆香海鮮酒家⋯今日唔係咁肚餓，點咗三個點心，菜苗餃、百花蒸釀魚肚同埋豬肚燒賣。菜苗餃個味道其實唔錯，但個皮好厚，兼且唔夠煙韌⋯而百花蒸釀魚肚，厚厚嘅魚肚上釀上蝦膠，魚肚索晒蝦膠嘅海鮮鮮味，唔錯！我好鍾意食懷舊點心，見到呢度有豬肚燒賣，梗係點嚟食啦！哈哈⋯但我唔記得影相😅爽脆嘅豬肚上配上彈牙多汁嘅肉餡，十分滋味，但略嫌豬肚唔夠大件。總括來講，價錢公道，食物唔花巧，水準唔錯。

我個朋友最鍾意飲茶，唯有奉陪到底陪佢周圍去。今日七點幾去到，因為泊車嘅關係，所以就揀咗呢間恒香酒家飲茶。上到去其實都幾多人，但係佢哋冇完全冇幫我哋探熱，我哋就直行直過自己走去搵位。因為疫情嘅關係，根本每張枱只可以坐四個人，仲要同人搭枱，不過唔緊要，我哋預咗。坐定定等左好耐先有人過嚟幫我哋執枱同埋問我地飲咩茶。眼見嗰度都有好多張枱，但係就得兩個侍應，唔知係因為太早嘅關係，佢哋未返齊工吖，定係佢哋根本就係得兩個侍應。見佢個蝦餃咁平，就叫咗一個啦，點知個蝦餃皮厚到阿媽都唔認得。佢碗瘦肉粥，得嗰幾條瘦肉絲，窮得可憐！啲餃呀，鴨腳扎呀，普普通通啦。其實都冇下次㗎啦，又冇Service，啲嘢食又唔好食，我不如去我平時食開嗰間牡丹金閣仲開心仲好！

星期日無聊無野做，緊係去嘆茶食個飽，3個人，叫了整張檯都放不了，恆香海鮮酒家，是老酒樓，地方大，坐位寬闊，也算乾淨食物方面，因是下午茶時間，也算平宜。「燒鴨河粉、叉燒瀨粉、燒朒仔瀨粉」燒鴨皮脆，出奇地好食、叉燒因廋，還過得去、燒朒，皮脆香口，又不太咸「咸水角」即炸，超脆，涵多還有各種點心都好好食...

假日同屋企人飲茶，差唔多間間都要等位，呢間就無乜人。已經食過幾次，今次叫左套餐，有點心同幾道菜，覺得價錢相宜，質素不錯👍🏻椒鹽豆腐粒，炸得好脆，又夠薄，4-5人share食到唔停口煎餅又係一個必叫小食，但必須趁熱食，否則...就會唔好食😂肉碎欖菜炒飯，粒粒分明，略嫌味道偏淡，如果係欖菜肉鬆就更好味了。腐乳唐生菜，不錯👍🏻其實叫左咁多樣野，全部都食得出係即製，岩岩整好熱辣辣，已經係酒樓午市難得的一件事。

今日黎到新界西遠近馳名嘅酒樓-恆香下午茶時段 等左10分鐘內就有位星期六都有特價下午茶呢啲係恆常嘅點心紙呢啲係下午茶時段嘅點心紙蝦餃同牛肉球真係好抵所以叫哂佢太肚餓唔記得影哂啲食物叉燒腸炸云吞好脆傳統咸水角 夠鬆脆火鴨肉絲米 正常無咩特別總括黎講，傳統點心係有水準嘅足料 又熱騰騰嘅 炸嘅又夠鬆脆當然要中式創新點心就要搵其他地方喇而且下午茶係幾抵食呢餐大概$180埋單三個人除開都係60蚊叫左壺鐵觀音，啲茶葉都係靚野

今晚飯局有另一意思上代廿年恩怨今晚一餐泯恩仇樓梯隔離有間房仔都好啲但點解無門閂嘅，有少少嘈，不過好過要坐大廳叫起都算快手，👍碟頭大碟可以蝦球大隻幾好條魚一般壽包乾咗少少

在酒樓門外看見很多特價小菜，很吸引，於是便試一試。內部裝修一般，侍應細心為我們挑選近電視的位置。我們點了一客片皮鴨，鴨皮不肥，而且香脆，最特別是薄餅皮被砌成三角形，是一般酒樓的一半大小。小女孤陋寡聞，不知這是正宗做法，還是酒樓減低成本做法😅另外點了雞油豆苗，因為以前自己曾以雞油炒菜，愛上那雞油香，而且出面很少有地方會用雞油炒菜，所以想回味雞油的香味。可惜令我極度失望！芡汁很厚，如膠水溝漿糊般，賣相不吸引，吃下去完全吃不出雞油味，像吃湯羹伴豆苗😣等了很久很久才來了薑葱焗蠔，但因為等了太久，已沒心情怕照。蠔雖然大隻，但太油，而且也是芡汁太厚，我個人不喜歡。最後結帳要四佰多，這個價錢絕對能吃質素更好的食物。

恆香餅家就知啦.....其實元朗仲有一間恆香酒家....其實以前都會成日去....不過近期元朗開咗好多不同嘅食市....所以都去少咗啦....今日舊地重遊....睇吓有冇驚喜先睇佢門口外牆嘅優惠又真係幾吸引架但係今晚就小人左少少囉頭盤叫咗個燒腩仔都尚算皮脆肉嫩...只係略嫌肥膏多左少少之後叫咗個龍躉兩味肉質尚算彈牙同埋好有膠質....而且啖啖肉真係淨係食佢嘅龍躉都已經飽到上心口之後再嚟一個蒜蓉聖子好肥美加埋個金銀蛋莧菜埋尾.....我都食咗兩碗飯

其實元朗食來食去果幾間酒樓、呢間勝在容易搵位，食物及服務質素都唔係太差，啱啱嗰日星期五，我哋坐低冇耐佢竟然已經滿座。去到梗係食燒鵝啦，因為我鍾意食肶所以叫咗下妝，隻燒鵝超級肥，肥肉多個肉，唯一最大賣點係個皮脆，下次我唔敢再叫😅，而且比上妝仲要貴＄30；之後阿姐推介湯，話啲湯冇味精、仲指住隔離枱個兩個姐姐，你睇佢兩個都飲一煲啦，咁就叫咗個杏汁豬肺湯，但我食完飯之後好口渴，係啲餸味精太多定係啲湯有味精大家自己估，因為我都唔知。其他叫了莧菜、㰖菜排骨、海鮮孖寶有龍蝦伊面、伊面煮得啱啱好、龍蝦確實有一隻、比足兩個鉗同開邊，阿媽話淡味（可能老人家鍾意食鹹d）我就覺得啱啱好；蒸龍躉，都係嗰啲養魚咬落成舊擦子膠咁啦

頭都暈！點心紙都有5張紙，測驗咩！幸好所有煎炸食物都超水準，所以其他一切都不重要了。最出色是燒鵝！不愧稱為燒鵝專門店。片脆，肉香，味醇厚！要下庄，有5件鵝肚唯一不滿意是蒸飯比較濕。

到了夏天這時候，哥哥一般都比較忙，難得今次一家人可以聚在一起用膳。嫂子特別喜歡吃海鮮，而父母二人都比較喜歡吃中菜，所以哥哥選了離他屋企不遠的「恆香海鮮酒家」。到了酒家的時候已八時半有多，但酒家都差不多坐滿人。而這照片是我們走的時候拍下的，想不到那時已十時多，但酒家裡只是有幾席人走了，還有很多人在用膳，生意不錯。酒家空間感不大，枱與枱之間距離也頗為狹窄。炒通菜 $68通菜炒得香口脆嫩，完全不起渣。用上蝦米炒通菜，所以味道上也帶點蝦米香，但又不會蓋過通菜的清甜，味道真的不錯，可惜稍為油了一點。叉燒 $88小姪兒特別喜歡吃肥叉燒，所以點菜時也特意點了肥叉燒。他們送上叉燒的時候，發現份量也相當多，值得一讚的是這肥叉燒一點也不會過肥，叉燒只是夾著少少肥肉然而，吃上去甘香鬆軟，小姪兒吃得津津有味。味道香濃，蜜糖味甚為突出，而香濃味之中又吃到豬肉香，非常美味但整體上鹹了一點。惹味沙薑雞 $78沙薑雞油份不高，但肉質卻非常嫩滑，還帶微微的雞肉香。雖然單吃雞肉已不錯，但醮些香濃的沙薑醬汁就更為滋味。清蒸沙巴仔 $98沙巴仔看上去十分新鮮，味道亦見清甜，但蒸得有點過了火候，所以沒有想像中那麼嫩滑。蒜茸粉絲

正所謂 人 三十而立，能與家人一起食飯的機會都要珍惜。本想食得輕盈些，但母親大人想試食這間，就順她心意吧! 原本想訂枱， 但是侍應說當晚 walk in就可以了。 我們大約7pm到達, 幸好早些來 ，原來都幾多人點這個餐, 嗰晚7:30pm 開始都幾多人。 今次四個人點 半席(for 6人) 的《龍蝦生翅》鴻運乳豬大拼盤幾好食. 作前菜份量ok. 上湯波士頓龍蝦伊麵真的是用 大龍蝦！ 但後來才給鉗，食起上嚟有點兒麻煩, 啲汁黐住啲殼，有點兒難除殼 。可能要求有點兒高 但若果能先除殼上菜就好啦。 個汁有少少稀。沙律吉列鳳尾蝦個碟都幾大， 顯得啲炸蝦有點兒空虛。 可能要諗諗佢點樣擺， 太陽型好似麻麻地。 沙律幾都ok。XO醬爆彩鳳蚌片個人認為濃味咗少少。蚌片好似預一人一片。濃湯花膠真菌浸時蔬嗰啲菠菜都幾好食。 花膠就好似一人一塊。紅燒雙喜生翅一人一碗半。不錯。清蒸大沙巴龍躉清蒸鮮魚整體嚟講都會好好食。若能此時上飯會更正! 脆皮一品燒雞皮脆幾好味， 附有豉油碟， 隨自己喜好 自己 點豉油。飄香荷葉飯嗰晚食唔曬， 打包第二天才吃。 但仍幾好食，夠多蝦仔。恆香桂花糕不太甜 桂花都幾足料 母親和我

最近經過，見有特價新菜式，酸菜斑片的賣相好吸引。今日唔想煮飯，上來試新嘢。可惜，圖靚，食落就一般蕃茄蘿蔔酸菜底，上菜好快，唔够熱，應該係煮定一大煲。湯唔熱，魚有D腥，太失望！

同屋企人食飯 ，人數太多、又懶得煮 唯有要去酒樓度食 近近地… 就去咗恆香海鮮酒家……我覺得佢嘅龍蝦伊麵都唔錯， 芝士夠濃郁 龍蝦好彈牙 。欖菜骨送酒一流 乳鴿熱辣辣、燒鵝皮有D靭、 避風塘炒蟹如有得加辣仲正、 啫啫芥蘭煲、 帶子蒸滑豆腐、 豉油王煎蝦夠香辣酒煮花螺 啲汁太多 花螺又唔夠新鮮 唔好食、 沙薑香油雞哩個都一般，下次可以唔要。其他小菜 都不過不失😃侍應態度勁差… 問佢攞個碗仔即刻 黑面， 叫佢哋做嘢就慢過蝸牛， 但叫埋單就好鬼快， 可能佢哋 好想我哋走。

龍躉兩味（翡翠炒龍躉球，金雲耳蒸龍躉頭腩）蒸得岩岩好，魚肉重好滑！粉絲蝦米節瓜煲熱辣辣羅出黎，但已經索晒水，成pet野咁！沙薑雞估唔到$58都ok大隻，雞肉都滑，沙薑汁好食七味脆皮豆腐香脆可口！濃湯魚滑浸娃娃菜脆皮燒腩仔呢個一定要嗌！羅出黎熱辣辣，個皮鬆脆可口又唔會太咸