恆發雞蛋仔

營業中

休息中

次次行親過嚟都好多人排隊，今次因為落雨，係一個人都冇，我非常順利咁買到一底原味雞蛋仔，可能因為冇人買，個姐姐應該整定晒，等有人買就可以即刻畀到人，所以成個過程，我完全唔駛等，即買即走，亦都可能因為呢個原因，我反而有驚喜，點解呢？我話晒都係雞蛋仔fans，食蛋無數，但點解食咁多間都唔覺得夠脆？其中一個原因就係吹得唔夠透氣，一出爐，係咁易吹兩吹就入袋(因為趕住畀客)，所以一定會腍，但係佢呢底應該已經吹得好透，所以係好夠脆，兼且，佢係我食咁多雞蛋仔之中，整得最薄，即係落少啲蛋漿，但係佢嘅比例算係標準(有好多舖頭都係全粒都係蛋漿)，呢間做到一半蛋糕，一半空心(邊邊位有啲蛋漿少咗啲)，咁變咗空殼多咗，自然就夠脆，而唔係硬嗰隻脆，同埋都有蛋味，不過唔多，整體嚟講係好食嘅

無意中經過恆發才“叮”一聲醒起，這店的雞蛋仔頗出名，雖不是雞蛋仔專家，但常流連元朗大街小巷的我，出名好食的雞蛋仔都不知吃了多少底。聞說這店常有排長龍買雞蛋仔的情況。幸好我光顧時沒見到這畫面。建議不想等的客人可以在平日的下午3～4點的時間去。我們點了兩款雞蛋仔：原味和朱古力味原味″比較快″完成。馬上吃一粒試試，很新鮮，不脆的，內裡半通空，蛋味不算突出。朱古力味真的等了好耐，我吃完手上整底雞蛋仔，朋友的朱古力味仍然未到，看著店員阿嬸們在大說大笑真的不是味兒。最後我到對面涼茶舖等朋友和他的朱古力雞蛋仔。這個朱古力味與原味一樣不脆的，應該與他們skip了用風扇吹走熱氣有關，而朱古力味內裡比較飽滿，朱古力與雞蛋仔味道蠻夾的，就是有點膩，吃半底已經有點飽。若果我要排隊買雞蛋仔而質素只是平平無其的話，我會很討厭，討厭自己拒絕了其他雞蛋仔，討厭自己浪費了排隊等候的時間，這店的雞蛋仔製作時間絕對不是非一般的慢。]]]

榴連夾心雞蛋仔即叫即整新鮮榴連肉熱辣辣 外面脆 入面係熱辣辣嘅榴連肉雖然我都係prefer 原味雞蛋仔 但呢個口味少有 值得一試我未試過呢間嘅原味雞蛋仔 但食完呢個榴連味 我會再返黎試原味

💜🥔芋頭控嘅我終於揾到芋泥雞蛋仔😭✨雖然我飽到嘔但都忍唔住買左嚟食💓希望聽日唔好又飽到發燒😹〰〰〰〰〰〰〰〰〰〰👉🏻芋頭泥夾心💲25超多芋泥🥔💜見住佢整個時落勁多芋泥💕落個時見佢好乾身 但整好食個陣啲芋泥好冧架仲bit哂出嚟🤤芋泥好天然甜味絕無加工!(所以味道會淡啲)👍🏻雞蛋仔外皮好脆 內面好軟熟又好香蛋味😽好好食所以我超飽之下都食到成包😹(其實佢好濟下 當正餐食都得🤣)

成日番屋企坐車經過都見佢d相好吸引所以今日黎開Kowloon city ，就一試佢啦睇相係米好似好正先。但$25蚊，貴唔貴就見仁見智出邊食原味大約$10至$12蚊左右E到原味係$16蚊。好，去相。我揀左朱古力味。佢係即叫，即整粒粒蛋仔入邊，都有2粒朱古力碎碎既。但就等左好耐，我諗我最小企左係到等10至15分鐘。成品，如下出到黎，靚既，金黃色既。香噴噴，格住個袋都聞到好香而粒粒都流心朱古力既。足料既。但就無佢上圖咁足朱古力流晒出嚟啦。所以佢餐牌相片只供參考。哈哈

我同木先生都係雞蛋仔嘅fans, 又係好鐘意食芝士呢。今次去咗恆發雞蛋仔，我地都一致要試下芝士雞蛋仔，好足料，有二片芝士，真係啖啖芝士味，我覺得好食過我平時食開個間母親雞蛋仔下次去，要食埋其他味道

紫薯雞蛋仔$22話說上年恆發被米芝蓮加持後引發了一陣子的排隊潮，要排咁耐隊食佢既雞蛋仔又真係唔係咁值得，所以都已經好耐無食過了。但咁啱我地上星期揸車經過見到新出左紫薯味就買來試試，當時有三兩個人排隊，但咁啱竟然得紫薯味唔使等! 即刻買完拎上車食～由於車太暗返到屋企先影相，亦由於媽媽很愛吃所以最後影相得返一粒雞蛋仔幾脆的，而紫薯份量算多填滿晒粒雞蛋仔，紫薯味亦都幾出唔太甜唔太淡，恆發的雞蛋仔我地之前試過幾隻味但個人覺得紫薯味算係其中最好的～紫薯控must try～～

雞蛋仔 $21/set 2個人食岩岩好琴日咪開左post 話去九龍城買半熟蛋糕試既，係買完要走既時候，發現隔離有間雞蛋仔都ok多人排（仲要好香好似幾好味禁）本住多人排唔會難食得去邊既精神，於是，我地就拼死一試就同我細妹一齊叫左個朱古力味雞蛋仔係佢整緊既時候我地就已經好期待啦～（雖然個位嬸嬸待客既態度好差）但終於個雞蛋仔到手啦～先講個size真心好大份（但21蚊食雞蛋仔我到依家都仲覺得好貴）外面岩岩好金黃色冇燶，但我見有人個份燶左…（rip）雖然我地份擁有美麗既顏色，遺憾既係佢上下2塊唔係痴得好實不過，佢真係整得好香脆，粉既厚薄剛剛好之但係，件成係與佢餐牌既圖有所不符架D朱古力唔好多同唔識流心BTW, #其實已經夠好味 #絕對唔差#今時今日好味既雞蛋仔已經好少#貴格雞蛋仔#雞蛋仔#恆發雞蛋仔 網址: https://s.openrice.com/QrbS0z56300 地址: 九龍城 衙前圍道64號曉逸軒地下1號舖 電話: 2383 8093

芋頭泥夾心雞蛋仔（$22）👅呢間雞蛋仔講左N次想試👊🏼就係比呢個勁足料既芋泥味吸引左😍😍😍雞蛋仔粒粒都超飽滿而且都幾大份！每粒都係實心而且外脆入面軟綿綿😋😋再加埋每粒都有層超香滑足料既芋泥☺️☺️omg勁滿足！啲芋泥真材實料，所以係唔會有假假的甜味👍🏻👍🏻👍🏻冬天食仲爽！

睇左其他食評家評語話呢間鋪頭態度差，今日終於見識到啦！諗住買底雞蛋仔食下啫，叫咗個掛住吹水嘅阿姐3，4聲先應，唔緊要，俾張100蚊佢找，就態度差劣咁講：「俾散紙啦！」。算，挖盡銀包俾佢！點知最離譜呢下黎啦，我接咗佢手上張等候卡，佢問我做咩發佢脾氣，你態度差劣仲要問番個客做乜發脾氣，再話自己態度好好，我一句說話都無講過，唔通從我個樣真係咁猙獰？坦白，唔通你賺我15蚊我會要求你態度好好180度敬禮嗎！？沒可能吧！只係估唔到呢間鋪頭覺得自己名氣大到需要客人笑住並態度良好地幫襯！我記得以前喺紅磡幫襯時，態度非常良好，究竟係員工質素下降呀，定係特許經營管理不善呢！？btw,雞蛋仔味道一般，唔難食亦唔特別好食！衷心希望呢間鋪頭嘅老闆能見到呢篇食評，聽取意見後能有所改善！

恆發出名雞蛋仔之外其實呢度嘅秘製咖喱都唔野少, 今日黎到呢度買咗外賣魚蛋，魷魚同牛柏葉返屋企慢慢食😁秘製原味沙嗲醬+秘製辣椒醬最鍾意就係兩溝, 沙嗲醬令牛柏葉既味道升華咗, 魷魚同牛柏葉食落彈牙, 好有口感👍🏻👍🏻👍🏻辣味既咖哩魚蛋質素有點參差, 如果浸得太耐既, 魚蛋會比較林身, 所以每次食既質素都會不同.. 幸好今次食落去都幾彈牙😋😋😋 好味道

每一次行過都會買返底原味雞蛋仔. 可能是星期日中午, 好多人買, 所以是即叫即整新鮮熱辣. 我鐘意恆發因為佢足料, 買雞蛋仔只有2個must: 1. 即叫即整, 2. 每粒雞蛋仔內有満滿的軟軟的蛋餡. 恆發做到了. 之前食過一間老字號的雞蛋仔, 正店也佷好味, 只是它的分店真係太冇quality, 得個空殼, 大家差不多價錢, 恆發好好多我從來只食完味, 唔知其他好唔好味.

今日收工行過呢檔雞蛋仔，見幾多人排隊，就試下呢間嘢，食左個原味雞蛋仔，個雞蛋既有蛋味，又夠脆，比起其他我之前食過嘅相當唔同，仲有個姨姨幾好人，叫我等一等，因為佢係即叫即做，第一次食到啲咁用心又咁好食嘅野，完全係搵唔翻呢種味道。

印象中第一次將未食完的鷄旦仔掉去, 恆發產品令我破例地浪費食物。 上次食已覺口感差過之前, 但今次更過份, 芝士夾心變成芝士焦, 蛋皮變成了蛋餅, 但店員仍然堅持這是正常的, 就算再整都一樣。 我唔在乎她是否再整畀我, 只係我好想食好食的芝士夾心鷄旦仔😩不過,觀乎她的態度,該店應冇可能再整到好味的鷄旦仔, 我還是搭車去黃埔吃媽咪鷄旦仔好了。

住院朋友黎探我，係附近買左個雞蛋仔，本身已經好鬼感動架啦，點知食完個雞蛋仔仲感動！！！紫薯雞蛋仔：首先雖然係外賣，但放涼左依然都係咁脆口，唔夠熱但個味道都補返數！ 粒粒入面都填滿紫薯蓉，紫薯味道好真，一啲都唔會過甜，完全岩哂我呢啲紫薯迷呀！！！！明明紫薯同雞蛋仔兩樣都係會漏既野, 但夾埋反而一啲都唔漏算係近期食過最好食既雞蛋仔！食每粒都好味到想食埋隻手指