恆發雞蛋仔

今次我食咗原味雞蛋仔($25)。即叫即整，大約等10分鐘，每粒都外脆內軟，熱辣辣。個人覺得甜度適中，岩岩好。店內還有很多不同口味既雞蛋仔，有機會會再幫襯嘗試更多不同口味。平時有長龍要排隊，但夜晚時段多數無咩人排隊。好味道: 9/10…查看更多

食完早餐，行過路過唔好放過去試馳名雞蛋仔🤩果然無失望😋足料雞蛋仔樣樣都想試，2個人揀咗3款，好瘋狂🤣1. 榴櫣肉夾心雞蛋仔 💰$55雖然要等20mins,但都值得，每粒啖啖果肉，同雞蛋仔原來都好夾，食到停唔到口，一粒接一粒，岩晒榴槤控既朋友😎2. 芋頭泥夾心 💰$35無比較無傷害，可能同榴槤比拼下，相對比較無咁出色，雖然都係足料，但味道無咁突出，但鐘意芋泥既朋友都可以一試無妨3. 芝士朱古力夾餅 💰$35芝士同朱古力真係唔太夾，我會覺得食返正常餡既夾餅會開心好多🫢朱古力醬偏甜，不過出面未見過就試一次啦😬…查看更多

經過九龍城🚇，見到呢間連發哥都讚好👍🏻嘅恒發雞蛋仔，平時就有條長龍，但呢日竟然冇咩人排隊，於是就去試下😚，所有雞蛋仔同格仔餅都係即叫即整，所以都係要等😛❣️芋頭泥夾心雞蛋仔 $35揀咗芋泥餡，每一粒雞蛋仔都爆晒餡，但雞蛋仔個皮又甜，個餡又甜🥸，就唔係好食到芋頭原本個味🤣，但整體嚟講個雞蛋仔都做到外脆內軟🤪，但就略甜🥸，唔知係咪個雞蛋仔粉漿已經加咗糖，芋泥餡又加糖嘅原因🤷🏻‍♀️ 👅好味度：8（10分滿分）除咗芋泥，店舖仲有好多款口味嘅雞蛋仔選擇，有機會都會再試，幫襯吓香港🇭🇰嘅老字號🙋🏻‍♀️ 🍽️恆發雞蛋仔 九龍城衙前圍道64號曉逸軒地下1號舖…查看更多

有質素既格仔餅-恒發雞蛋仔經過九龍城，突然想食雞蛋仔/格仔餅，就會諗起恒發雞蛋仔😂平時都不時有條龍係度等架，因為係即叫即整，好新鮮🤣今次點左格仔餅，等左10分鐘先有，熱辣辣架，要混醬呀唔該🤣嘩。。花生醬煉奶多到漏哂出黎🙃要打橫放先得，格仔餅有種QQ既感覺，都係新鮮食即刻食最好😌雖然無我介紹之前南山邨CP值咁高🤣但味道一D都唔會輸，經過可以試吓…查看更多

🥡掃街 🤤甜品 🐻#甜食控 🐻#芋泥控 ——————九龍城芋泥控嘅掃街第二站📍，Let’s go!😆芋頭泥雞蛋仔$35🐻🐻‍❄️睇住姐姐整，見住姐姐落咗好多芋泥餡，慢慢揸勻，最後真係粒粒都食到芋泥💯真材實料架！👍🏽攞上手仲熱辣辣😝食落好脆！💯蛋漿本身都有甜味，不過都略甜，令到芋泥味有少少俾蛋漿嘅甜蓋過咗。🐻：不過呢樣未必完全關雞蛋仔蛋漿事，有機會本身芋頭原料已經唔重芋頭味，就算舖頭調整製法都唔代表一定改善到。因為得1位姐姐，加上即叫即整，而且整法比普通雞蛋仔繁複，所以要等大概30分鐘先有得食～結論：會encore，🐻🐻‍❄️下次仲想試吓其他味🤣舖頭仲有燒賣魚蛋賣，E.g.燒賣$20有3串(大概有15粒)，今次🐻🐻‍❄️就無試，如果大家試過可以分享吓🤣…查看更多

還以為恒發這個雞蛋仔品牌已經消失, 想不到它依然在九龍城繼續默默做雞蛋仔, 比起巔峰時開分店, 現在除了只有這一家之外, 也就只有老闆娘一個人, 從開蛋漿, 放入夾爐, 去到收銀也是由她負責, 但人龍不短, 而且大家也理解即叫即烤, 製作需時, 相當有耐性. 如果要處理有餡料的雞蛋仔, 可能要等接近半小時之久, 但我覺得值得等待.點的是芒果雞蛋仔, 再放入蛋漿令雞蛋仔成形之後, 加入大量的芒果果肉, 不是罐頭芒果, 而是真的水汪汪的芒果肉, 所以最大的挑戰是如何不讓濕潤的芒果果肉破壞雞蛋仔，本身外脆內鬆軟的口感, 老闆娘處理的方法就是耐心, 火候不大的情況下逼走果肉過多的水份, 吃起來保持基本的雞蛋仔口感之餘, 內裏的果肉半溶, 維持本身的味道之餘, 也帶出獨特的類似吉士醬口感, 如此的心機和時間就值得支持啦!…查看更多

位於九龍城嘅一間雞蛋仔，好似都幾有名氣㗎，門口都黐住好多明星嘅合照之前見人哋推介佢嘅芋泥雞蛋仔同埋朱古力雞蛋仔，我今次就係為咗佢嘅芋泥雞蛋仔去既芋泥雞蛋仔$33落完order姐姐就會叫你行過圈先返嚟，咁我哋嗰日冇嘢做就企喺舖頭門口等啦，點知阿姐倒咗蛋漿之後就去咗隔離生果舖打邊爐😂😂😂食咗幾啖肥牛先再返嚟再加芋泥，又返過去食幾啖嘢，再返嚟反一反前前後後都真係等咗超過15分鐘，而當時只得我哋一個order😂😂😂又真係幾好奇點解個雞蛋仔唔燶😂不過又錦，真係每一粒雞蛋仔入邊都充滿着芋泥，事實都真係幾好味嘅推介比完全唔趕時間又好有耐性嘅朋友仔去食…查看更多

香港人北上真係情有可原，貼錢買難受，今晚想食雞蛋仔做宵夜，叫完之後，亞姐嗱嗱聲收錢，之後整整下無啦啦走開，到我周圍睇下亞姐去左邊，原來去左洗手間，咁講聲都得掛，幾個人等你，都唔緊要，仲要態度極之差，手都未乾又繼續整。。。亞姐，麻煩你抹乾隻手先啦。。。🤬🤬🤬…查看更多

$25 原味，得一個字 ： 脆無蛋香，脆係因為焗得耐同小粉漿所以要等好耐…有夾心嘅仲要係 $30-$35真心： 媽咪雞x仔 好食過佢多多倍因為有小x書加持？真的： 不不不鳥無下次…查看更多

呢間雞蛋仔好耐冇食啦見到網上面佢新出咗芋泥口味專登過嚟試一試大概3:15嚟到見到姨姨先至啱啱開舖頭呢個時候喺我前面已經有兩個人排隊等食雞蛋仔雖然我係排第三個，但係都要等大概差唔多半個鐘先有得食🕰️如果你order原味雞蛋仔或者格仔餅嘅等候時間會短好多等候期間可以去隔離嗰條泰國街買啲泰國嘢食zip 時間佢每個雞蛋仔熱辣辣整完都會攞風扇吹一吹雖然$33都唔算平，但佢個飽肚感都幾足有機會嘅話都想試埋佢嘅芝士口味P.S: 姨姨得一個人做嘢，食佢嘅雞蛋仔要有時間同耐性啊…查看更多

以後唔會再食， 我叫左一份雞蛋仔，一份夾餅。 我等啦， 後面有個女人叫左一份夾餅。 之後有夾餅時我咪問佢，我係咪拎得，佢話俾後面個女人，我話我排先，佢就大條講解話我無講佢知我想要夾餅，要等埋一齊先俾我，我咪即時話我要夾餅，佢都係俾佢，個女人無禮貌，仲要不斷講，雞蛋仔係脆，但係無味道，夾餅好林，又係無味道，唔會再幫襯！！！…查看更多

《$28 芋頭泥雞蛋仔》住係9龍城既朋友帶路，話呢間小店好多名人都有幫襯。見到舖頭既牆上的確係貼滿左老闆同唔同明星既合照，出面亦都好多人排緊隊，即刻唔執輸排埋一份。舖頭門面細細，沒有堂食位置，隔離就係生果檔，整果肉雞蛋仔唔夠生果，仲見到老闆去隔離攞😂 雞蛋仔款式好多，有別於傳統，呢度有好多鮮果雞蛋仔，仲有賣燒賣魚蛋呢d街頭小吃。今次我地就試左芋頭泥雞蛋仔，岩岩整起既雞蛋仔，外皮好脆，而且非常辣手，咬開一半見到滿滿既芋泥包裹係入面，老闆落芋泥真係一d都唔手軟。但食食下先知出事，芋泥本身都好飽肚，仲要佢每一粒都極足料，食雞蛋仔就好似食左餐飯咁，超級飽。我地兩個人本身有食左野，食到一半已經覺得好飽膩，食唔哂。整體係好食的，只係芋泥實在太飽，下次會想試鮮果類既雞蛋仔。人均消費：$28環境：6/ 10食物：8/ 10服務：7/ 10性價比：8/ 10整體：7.5/ 10 足料雞蛋仔#香港 #美食 #香港美食 #九龍 #foodie #食評 #掃街 #雞蛋仔 #燒賣 #魚蛋 #腸仔 #芋泥 #鮮果雞蛋仔 #恒發雞蛋仔 #香港特色…查看更多

豬事孖寶為食但好懶，好少用等侯時間換食物。但每次經過九龍城又想食雞蛋仔時就會破例。恆發對我地黎講又愛又恨，基本上都係叫佢嘅”新鮮餡系列”，但每次都要負上25分鐘或以上嘅光陰（原味唔駛等咁耐）真係心理同生理都要做捉準備。芋頭泥同紅豆泥$33係我地最欣賞，蛋漿差不多熟透時間，阿姐就會將餡料不留情地抆落去，鐵板再經過幾次反黎反去後，新鮮滾熱辣就出場，外脆有蛋香，經阿姐強抆加持，內軟爆晒餡；餡料不添加色素及防腐劑，係接近原味道不太甜!…查看更多

本身買咗原味雞蛋仔，見長龍就比咗錢遲啲返嚟拎，返到嚟都未到我，我就問大概幾時會有啦，整雞蛋仔個女人就好唔耐煩咁話，有咪會叫你囉你問都冇用㗎！？Ok, 再等咗陣, 仲未有，我就問，其實整咗未，因為我趕時間，如果未不如取消咗佢啦，個女人就好悔氣咁講，咁你唔好要啦！催催催！（下省一堆自言自語話，苗咀苗舌）嘩咩事，仲要一副好串嘅咀臉，fine 以後唔食囉！公平D，其他員工ok 㗎，態度正常㗎，係呢個女人真係倒米囉！佢仲一路食住麥當勞包同薯條一路整雞蛋仔，乾淨到呢！:(勁嬲…查看更多

呢間嘢聲稱好出名，又炭燒又乘，講到好似好勁，咁我特登過到嚟啦，個老細話要等半個鐘， OK我等，半個鐘之後，成個九龍城都行晒，竟然同我講話仲要多15 20分鐘，我問佢又話半個鐘嘅，佢串過馬____, 話係要咁耐㗎喇，你而家等唔等囉，一係退錢囉。無論佢嘅味道如何，佢嘅態度等嘅時間都絕對唔值得過嚟。香港人成日話香港嘅食肆唔值得支持，你去完呢度，你就會明白，你唔怪得啲人要返深圳，so sad。我從來唔寫食評，呢間嘢差度拎到我寫第一個食評，仲要儲夠200字，佢都好嘢如果Openrice 可以比負分，我絕對會比100個負分，50個黑豬…查看更多