恆發雞蛋仔

營業中

休息中

九龍城除左好多平價高質泰菜之外，呢間老牌雞蛋仔小店真係必試！推薦指數：🐷🐷🐷🐷（5分滿分）（原因：新鮮足料又香脆！）芋泥夾心雞蛋仔 𝐇𝐊𝐃 33每一粒都塞滿新鮮芋泥，仲食到芋頭粒粒💜，絕對唔係hea hea化學芋泥味，雞蛋仔新鮮熱辣脆卜卜，仲辣手添🔥。一定要趁熱食，最香脆！唯一就係等既時間比較耐，可以周圍逛下再返黎🤣

去到九龍城，知道呢間雞蛋仔鋪算出名，好多人都特登走過黎食，就黎試下。原味雞蛋仔 $22老實講，原味都呢個價都真係偏貴。好彩今日食都唔算太多人，離遠都聞到雞蛋仔嘅香氣， Order之後等左幾分鐘only，一拎上手熱辣辣，質感係讚嘅！個皮夠脆，唔會係淋過毛巾。但好似香就香啦，食落就無乜味，蛋味有嘅但啖左少少，味道輸蝕左。仲有好多其他唔同味嘅雞蛋仔。但出色嘅原味雞蛋仔真係可遇不可求🤤🥲🥲下次會黎試下其他味道，睇下味道上會唔會比原味嘅出色啦。

我最近去咗九龍城食咗一間雞蛋仔，真係幾好食！佢哋煎得好脆，外層酥酥脆脆，裡面嘅蛋味好香濃，甜度啱啱好，每一啖都係驚喜！我聞到呢個煎蛋仔嘅香氣，就忍唔住買嚟食。如果你係鍾意小食嘅人，雞蛋仔係一個好選擇，不妨試下街邊攤嘅雞蛋仔啦！

經過九龍城，又見到有好多人排隊買呢間雞蛋仔，所以我又買咗一底，淨係等都等咗20分鐘，因為佢一共先得三個爐。。。先講外形，係合格嘅，一搣落去，都係脆身嘅，但係一咬落去就覺得爭少少，因為成個感覺好乾，佢完全唔飽滿，每一粒雞蛋仔入面都只係有三分一滿，換言之其實好似係食緊外皮脆嘅殼，其實係完全唔夠蛋漿。所以成件事唔似食緊雞蛋仔，雖然佢甜度啱啱，好但係因為唔夠蛋漿嘅關係，所以自然亦都唔夠蛋味。總括嚟講，媽咪雞蛋仔好味啲

香港搵到炭燒雞蛋仔嘅機會係微乎其微，恆發雞蛋仔主打以新鮮餡料作為雞蛋仔夾心，選擇了有芋泥的雞蛋仔，每一底都落足餡料，即叫即製！咬落粒粒都爆餡足，食完個胃暖暖的，好滿足不過衛生情況有待改善

自認都係雞蛋仔格仔餅十級愛好者，去到邊都想試下雞蛋仔，哩間認真係食過最難食，性價比最低嘅雞蛋仔，33蚊一底芋泥雞蛋仔完全唔係平啦，個阿姐仲一路傾電話一路整，話叫我啲等十五分鐘結果等左三十分鐘，網紅二字真係等於伏，路邊小食檔雞蛋仔原味都係十蚊一底嘖，貴人三倍仲不如路邊普通小食檔，燶左不但止，一啲蛋味都冇，得燶味混合麵粉味，一嘢咬落下芋泥都揾唔到，遊客真係食💩都話好食，真係信網紅一成雙目失明！！！！

本身同朋友係對面串燒鋪買完經過呢間嘢，咁見突然想食雞蛋仔咪買兩餅原味總共$44。點知入面班店員定唔知店長嘅朋友大概五至七個人收完錢係到打牌，等咗10分鐘先慢慢走過嚟落蛋漿。當時客人得我哋，中途都諗緊會唔會係入面有整，點知我哋食住西北風等咗10分鐘先有人慢慢走出嚟。拎到個雞蛋仔試咗啖喺脆嘅，但係無蛋味。成件事係好令人失望首先$22原味雞蛋仔絕對係比巿價高，我唔介意比貴同等但真係要好質素囉。但全程我哋只係覺得如果唔喺比咗錢我哋一定會走，搞到本身買咗對面勁好食嘅串燒仲要凍咗😅完全唔明點解落個蛋漿要等咁耐🙏🏻仲要佢哋只係係入面打緊牌🙏🏻所以經一事長一智 我係唔會再幫襯

今日去開九龍城睇中醫，特登中午不吃那麼飽留肚我至愛的芋頭夾心雞蛋仔。身為吃貨的我最愛吃雞蛋仔，市面上很多有賣雞蛋仔的店我必然去買來嘗嘗。 這店的雞蛋仔一直在我心中的雞蛋仔排行榜保留一定的位置。 有別於市面上賣雞蛋仔的店舖所追求日新月異不同口味，鹹甜酸辣創新口味雞蛋仔， 這店鋪只賣夾心雞蛋仔而口味不多於五種 （芋頭，红豆，香蕉， 芝士和榴槤）， 但這間店舖的雞蛋仔蛋味濃，口感紮實很飽肚， 我最愛吃的是芋頭夾心雞蛋仔。這店的做法是先將蛋漿倒入一邊雞蛋仔鐵模， 然後將蛋漿到掉， 鋪上芋頭餡料， 在倒上薄薄的雞蛋仔漿，再蓋上另一邊雞蛋仔鐵模，加熱成形便是yummy芋頭夾心雞蛋仔。 新鮮熱辣雞蛋仔，微味脆的外表散發著香甜蛋香味，再加上微甜的芋頭餡料非常好吃。

最近常看到格仔餅這讓在下好想吃..於是..下班時決定慰勞下自己本來打算去土瓜灣常去的那間不過發現原來下車位置要走回頭便決定到家附近看運氣好了是記得有家的就是怕已經打样幸運的是過了10：30店家還努力營運著看了陣餐牌有了選擇困難症最後決定要香焦巧克力餡的懷念一下一個曾經認識的“大哥哥”順便滿足一下自己最近嗜甜的慾望點餐後師傅讓在下15分鐘後再回來好的原來前面已經有2位客人在等先做好他們的再到在下只是在下在旁邊便利店逛了個圈後還是回來店前等待因為開放式地展示著制作過程讓在下好想看著先把雞蛋糕糊倒進2邊的模裡在慢慢加熱之下隨同飄出的蛋糕香稍為熱熟後加入粒粒巧克力碎再加入新鮮的香蕉肉粒層層漸進 一種材料一種耐性最後再加點蛋糕糊把兩邊的蛋糕架夾合在一起繼續燒烤著燒烤著..聽到調好的計時鐘聲提醒越是心急想要趕快吃上師傅就以自己的經驗來判斷制作所需要的時間待計時器停止後師傅依然靜止不動地等待著而且師傅經驗 大概好比機械上的操作優秀急一點都烤不出這個效果雞蛋仔從架上取下連帶輕微的薄煙完全是新鮮熱辣的象徵和魅力的完全散發太讓人急不及待外脆卜卜內軟綿綿巧克力加上香濃的香蕉味溶掉的巧克力陷有點跟外面那層糕蛋

我點了兩份原味雞蛋仔給小朋友，等了大約半小時。一份先做好出嚟，吹涼嘅時候店主才做另一份（當天是星期五黃昏時間人比較多）。味道一般，應該唔會再試。我個人覺得媽咪雞蛋仔好食啲。

呢日去九龍城買點心外賣，落完單等候期間，周圍行下，見到《恆發雞蛋仔》咁啱無人龍，叫番一底我最愛嘅”芋頭泥夾心雞蛋仔”先~~~😍一落單就即整，見住店員落雞蛋仔麵粉漿，烤到差唔多時候，再落芋頭泥，再烤到金黃香脆，可以起喇～係店員嘅手一接到底雞蛋仔就忍唔住食粒先. 新鮮整好，熱辣辣，雞蛋仔邊脆卜卜，雞蛋仔嘅心軟熟，芋頭泥夾心香滑，甜度適中，$30 換黎大滿足😌記得第一次食《恆發雞蛋仔》係觀塘分店，亦知道香港同九龍都有其他分店，不過最近係OpenRice 見只係剩番九龍城店，希望呢間可以守得住🙏🏻🙏🏻

由9:35開始等等到9:45先開始落蛋漿仲要係前邊冇人等緊只係職員掛住傾偈唔記得咗做去到10:00問佢點解仲未得仲要好冠冕堂皇大大聲聲講多多藉口態度十分惡劣等候時間極度離譜終於等到個芋頭泥雞蛋仔結果發現唔係舊舊雞蛋仔都有芋泥只得六至七粒係有完整芋泥而且食落一啲都唔脆好軟身而佢嘅收費係$30大元對比起前邊所有嘅服務態度同埋佢嘅質素完全唔成正比所以喺呢度強烈唔建議大家去食#不建議去食（p.s. 衛生狀況極差）

紅豆雞蛋仔（$30）雞蛋仔係即叫即製，因為嗰日佢剛開舖要等15分鐘，呢15分鐘好值得等待！雞蛋仔外脆內軟，每粒都有好多紅豆蓉（可以參考圖3），紅豆蓉唔會過甜，甜度剛好，啖啖都食得好滿足，係近排食過最好食既雞蛋仔👍🏻我問店員拎個膠袋方便拎走食，佢都提我咁就會唔脆，最後比多左個有洞既紙袋我黎入住個雞蛋仔，睇得出店家對自己既出品都有要求，唔係賣出就算除左紅豆，仲有好多坊間少見既味，例如芋頭同芝士，下次一定會再黎試😋

去開九龍城，行過見到雞蛋仔小食檔無人排隊，決定停低腳步，望下個餐牌，唔係平喎，原味20蚊一底，我叫左個特濃芝士夾心，價值30，阿姐即場整，叫我企埋一邊等等，大約6分鐘左右就有架啦～望下周圍，佢仲有一邊係做小食檔賣魚蛋燒賣牛丸呢啲。再望下阿姐先，佢當時應該係覺得好熱，所以落完蛋漿之後係除低左口罩，到鐘響啦，我見住佢掂住個已經帶過嘅口罩正面咁帶返上面，然後洗都唔洗下，布都唔抹下咁去起我板雞蛋仔我唔知大家覺得有無問題，但我就覺得 er 唔多衛生，希望啲阿姐注重下衛生清潔最後我食左 幾粒，係好脆嘅，但蛋味欠奉，芝士味亦唔夠濃，未必會再幫襯

諗住食飯前食少少嘢，記得以前呢間嘢食過都唔差，於是買一底原味雞蛋仔試吓，點知一拎上手輕飄飄，心知不妙，一食落得個脆字，空氣雞蛋仔黎嘅，食到脷都損埋，下次不了，下次慳返$20