怡軒酒家 (已結業)

星期日午茶黎講算多人，我地5個人都等左30mins先入得。不過都算化算，埋單每人都係$40有兩張特價點心紙+一張正價點心紙，選擇唔算多。叫左個八寶瓜泡飯$60, 對食無咩要求既應該都得既。。。唔難食，但唔好食囉。就係瓜粒+蟹柳+草菇+小蝦肉+飯。好彩都叫有d小蝦肉吊下味，唔係就真係淡到不得了。依家做飲食業真難另外叫左個點心拼盤$38，唔算貴，最緊要咩都有d，但食物質素就真係有待改善。蝦菜餃基本上得菜，個皮又蒸到好林。叉燒包d肉好瘦好硬，無香味之餘都無咩咬口。因為只係食左呢兩樣，所以只可以寫呢兩樣

今時今日在香港飲茶，若是想起懷舊點心的話，好多人都會想起一些老字號酒樓，及在新界的墟鎮找，又或者要特一些高級酒樓做起懷舊點心時才有機會品嚐到。我原本的目標不是懷舊點心，如果我要懷舊點心，在坪石邨轉車的我一定會想起對面的牛池灣村。是日，在坪石邨，我只想一試邨內的酒樓《怡軒酒家》，而我想也沒有想過，這是一個開心大發現。坪石邨咁舊，邨內的茶餐廳又咁有歷史，相信，邨內的酒樓也應該是陪著屋邨長大的吧，有懐舊點心，其實一點也不會出奇。不過，這一家《怡軒酒家》是新裝修，取代了當年的《坪石酒家》同《新坪石酒家》。而且，我找到一個報章報導，說這酒家是一家良心企業，聘用了約30名殘疾人士。可能是留了舊師傅，可能是要秉持老酒家，老街坊的味道，所以我一打開點心紙，就給我發現了一些令我開心的老味道，而這一個老味道，就是銀針粉。炸菜粒加叉燒粒，乾身沒有太多湯汁，粉條很滑，有彈力，入口的感覺是爽爽的，用台灣人的形容詞的話，這銀針粉/狗仔粉，是彈QQ的，有炸菜，辣辣地，很是惹味，有叉燒粒，有肉有咬口，感覺份外的豐滿。鴨腳扎雖然是周圍都有，但這的的確確是典型的香港點心。有完整的鴨掌，炆得又香又入皮，入口的腳皮爽口，鴨腳

聽朋友說這邊的食物很道地，所以趁周末想說來吃吃看。位置不難找，就在彩虹地鐵站旁邊，重點是各種點心都好好味，服務員態度都好nice。推薦：山竹牛肉—入味、有嚼勁！鳳爪排骨煲仔飯是軟燸的那種，料也夠足！蝦饺—嫩、香！燒賣—大小適中，香噴噴！這次品嚐的是下午茶，下次再來試下正餐！

過年打算請親戚黎食飯，提早兩日訂位話無問題。點知去到，話俾我哋知大廳無位，安排左廚房廁所出口的位置俾我哋，旁邊係魚缸，手推車，裝食過嘅碗碟嘅車。 最後我堅持唔坐大廳，個部長先黑面將偏聽嘅細枱搬開整張大枱俾我哋。 但喺門口位置，啲人出出入入。 真係火都黎，訂位唔訂位都一樣。 其實類似事件發生過唔止一次，我下次都唔會再黎。講返食物，味道唔差，炒菜苗夠鑊氣。 係條魚蒸得唔夠熟。 但個部長態度差，食左都背脊骨落。

又一大夥朋友飲午茶啦！好運醬海蝦伊麵~~的好運醬有蝦醬的鹹香，配伊麵很宜，海蝦感覺清爽，蝦肉尚可，不算很鮮，但不霉！豉蒜涼瓜龍躉炒河~~龍躉有少許腥，相信不鮮。香茜牛崧窩米~~香茜配牛崧很清新口感，而且肉不多，窩米無咁油膩也比較健康！銀芽肉絲炒麵~~肉絲軟滑，炒麵是經油炸所以很香脆，少吃也無防！黑麻蓉流沙包~~黑麻蓉會比蛋黃流沙健康些，但口感始終無蛋黃流沙咁甘香！鳳瓜排骨煲仔飯~~比較油膩的煲仔飯，鳳瓜排骨都很入味。蠔皇叉燒包~~夠味道又多餡的叉燒包。港式炸兩腸~~炸兩腸由大排檔走入酒樓，油炸鬼當然要剛炸好才能成為外軟滑內酥脆的炸兩！今次的港式炸兩腸，油炸鬼是遜色了！雪山叉燒包~~外皮香甜脆口，內容是叉燒餡料，又配合得宜喎！每次都揀牛肉球因為抵食而且諗諗滑滑又好食囉！

一班志同道合的同學放學後又齊齊午膳喇！西式叉燒包~~剛出爐的包特別好吃，包面甜絲絲未吃已心甜，餡料是鹹中又帶甜，味道出奇的吻合！香竽八寶炒飯~~其實有冇八寶呢？都無細心都數，但是好好味道，炒飯最難是炒得香、爽而不油膩，這香竽八寶炒飯最大缺點是多油，師傅仍雖要努力喇！蜜汁燒骨飯~~蜜汁燒骨和飯是分開上枱，予人感覺高檔，一羣朋友分享又似比碟頭飯方便，蜜汁燒骨香、甜入味，對喜歡少肉人士是不錯選擇，白飯也很靚仔！菰粒雞包仔~~包仔正好澱粉質不足並可飽肚，菰粒令雞包仔不致淨係得肉咁單調。京滬小籠包~~小籠包皮造得不差，當然同名牌仲有分別，饀係一舊肉，幸好有醋和薑絲！陳皮牛肉球~~好軟滑的牛肉球，但陳皮就唔多覺！巧蒸蘿蔔糕~~好難吃的蒸蘿蔔糕，完全一團淋巴巴的粉團！金菰牛肉麵~~沒有吃，因為是朋友身體不適而獨家品嚐，看賣相會嫌個獻汁較杰撻撻的感覺！沒有上鏡米王布拉腸~~爽口滑漏，要好吃仲要夾埋個豉油架！今餐腸粉豉油都合格既！~~

隔左成四個月先寫食評皆因當時新開張，OPENRICE 仲未有資料，我即日已經向OPENRICE 提供資料，刊登左又未被通知，哎呀，做唔到第一食評添………可惜怡軒前身係坪石酒家，都唔知佢前前後後易手左幾多次，變左今時今日既怡軒酒家。坦白講，作為坪石邨唯一一間酒家，叫返坪石酒家好D。言歸正傳，怡軒新開張首個星期日超級恐怖，未見過坪石邨飲茶要排隊，囤積左一大班公公婆婆，人山人海，鋪頭又無乜系統，俾左個位我喎。。。唔好唞囉﹗第一次見到叉燒酥係半月形，好怪，不夠酥，一般叉燒啦。苗菜餃，一夾就散，皮厚，唔煙UN。叉燒腸粉，一看已看到腸粉厚，叉燒少。唔明燒賣點解MIX 左D 菜，賣相好核突。媽媽最喜愛粉果，一試就不滿意，SIZE 的骰，無乜花生，一句講晒，料少﹗埋單每位價$1XX，無下次﹗

香煎芋頭糕不油膩，煎得香脆可口。藥膳雞腳好味、入味也夠淋。煎什菜餅變了是炸到油淋淋，下次免費都不要！蒸魚雲有四件，紅椒點綴不辣，自己不吃魚雲，看見三位朋友吃很津津有味！欖角雞粒炒飯有鹹香口感，炒飯最怕遇上油淋淋，幸好這款欖角雞粒炒飯是合格！椰汁馬豆糕很清爽，每人一件啱啱好！

自從坪石酒家結業後, 要在牛池灣飲茶一點也不易. 不過前排老爸見到有新酒樓開業的宣傳後, 便一直說要光顧一下, 於是襯著有假期, 與家中兩老到新酒樓飲茶. 這間酒樓叫怡軒酒家, 位置正正就在關門大吉的坪石酒家原址, 也是全坪石唯一的酒樓. 平日早上十時, 酒家內坐滿茶客, 當中不少更是中年大叔和師奶! 酒家由於是新開張的關係, 所有的裝設也很新很乾淨, 地方頗大, 枱間的空間也多, 坐得頗舒服! 找到個搭枱的位子安頓後, 便看看到底有甚麼好吃. 餐牌上列明了不同時段的點心, 茶錢收費, 一目了然. 點心紙上的都是一般酒樓的大路貨色, 沒甚驚喜, 於是老爸發板, 點了幾款點心試試. 芉粒排骨飯 (左): 蒸飯只有一小碗, 絕對是一人份量! 芉粒和排骨各佔一半, 芉頭粒軟腍, 排骨肥瘦適中, 味道尚可, 但當然是沒有鮮味的雪藏排骨! 不過, 飯身卻偏硬, 而且很油膩, 碗底更是油光泛泛! 頂層的食物味道只停留在頂層, 肉汁沒有滲到碗底, 吃到底部時, 感覺像吃蒸白飯一樣.榨菜肉餅飯 (右): 同樣是飯硬和底部泛油; 最特別的是居然一條榨菜也找不到!! 肉餅味道偏鹹, 蒸得不算嚡.  香煎蘿