影片
星期日午茶黎講算多人，我地5個人都等左30mins先入得。不過都算化算，埋單每人都係$40有兩張特價點心紙+一張正價點心紙，選擇唔算多。叫左個八寶瓜泡飯$60, 對食無咩要求既應該都得既。。。唔難食，但唔好食囉。就係瓜粒+蟹柳+草菇+小蝦肉+飯。好彩都叫有d小蝦肉吊下味，唔係就真係淡到不得了。依家做飲食業真難另外叫左個點心拼盤$38，唔算貴，最緊要咩都有d，但食物質素就真係有待改善。蝦菜餃基本上得菜，個皮又蒸到好林。叉燒包d肉好瘦好硬，無香味之餘都無咩咬口。因為只係食左呢兩樣，所以只可以寫呢兩樣
繼續閱讀
今時今日在香港飲茶，若是想起懷舊點心的話，好多人都會想起一些老字號酒樓，及在新界的墟鎮找，又或者要特一些高級酒樓做起懷舊點心時才有機會品嚐到。我原本的目標不是懷舊點心，如果我要懷舊點心，在坪石邨轉車的我一定會想起對面的牛池灣村。是日，在坪石邨，我只想一試邨內的酒樓《怡軒酒家》，而我想也沒有想過，這是一個開心大發現。坪石邨咁舊，邨內的茶餐廳又咁有歷史，相信，邨內的酒樓也應該是陪著屋邨長大的吧，有懐舊點心，其實一點也不會出奇。不過，這一家《怡軒酒家》是新裝修，取代了當年的《坪石酒家》同《新坪石酒家》。而且，我找到一個報章報導，說這酒家是一家良心企業，聘用了約30名殘疾人士。可能是留了舊師傅，可能是要秉持老酒家，老街坊的味道，所以我一打開點心紙，就給我發現了一些令我開心的老味道，而這一個老味道，就是銀針粉。炸菜粒加叉燒粒，乾身沒有太多湯汁，粉條很滑，有彈力，入口的感覺是爽爽的，用台灣人的形容詞的話，這銀針粉/狗仔粉，是彈QQ的，有炸菜，辣辣地，很是惹味，有叉燒粒，有肉有咬口，感覺份外的豐滿。鴨腳扎雖然是周圍都有，但這的的確確是典型的香港點心。有完整的鴨掌，炆得又香又入皮，入口的腳皮爽口，鴨腳扎有肉，有芋頭，看起來十分之飽滿，食入口也會令人感覺到飽滿。鵪鶉蛋燒賣是我對懷舊點心中的最愛，小時候，長輩們不會讓我們吃太多，因為一隻鵪鶉蛋的膽固醇比起雞蛋多2倍有多。不過，作為一年吃貨，一個饗客，間唔中食下其實是冇壞的。之不過，感覺同我上次與某高級酒樓總廚閒談，如他說的一樣，今時今日的鵪鶉蛋，已經不比以前的香口。但，整體上，這一個鵪鶉蛋燒賣，依然是好味道。好味道，好地道的一間街坊酒樓。說食物，說點心，我覺得啱大家胃口就是好食。這一個飲茶的開心大發現，令我十分之開心。
繼續閱讀
聽朋友說這邊的食物很道地，所以趁周末想說來吃吃看。位置不難找，就在彩虹地鐵站旁邊，重點是各種點心都好好味，服務員態度都好nice。推薦：山竹牛肉—入味、有嚼勁！鳳爪排骨煲仔飯是軟燸的那種，料也夠足！蝦饺—嫩、香！燒賣—大小適中，香噴噴！這次品嚐的是下午茶，下次再來試下正餐！
繼續閱讀
過年打算請親戚黎食飯，提早兩日訂位話無問題。點知去到，話俾我哋知大廳無位，安排左廚房廁所出口的位置俾我哋，旁邊係魚缸，手推車，裝食過嘅碗碟嘅車。 最後我堅持唔坐大廳，個部長先黑面將偏聽嘅細枱搬開整張大枱俾我哋。 但喺門口位置，啲人出出入入。 真係火都黎，訂位唔訂位都一樣。 其實類似事件發生過唔止一次，我下次都唔會再黎。講返食物，味道唔差，炒菜苗夠鑊氣。 係條魚蒸得唔夠熟。 但個部長態度差，食左都背脊骨落。
繼續閱讀
又一大夥朋友飲午茶啦！好運醬海蝦伊麵~~的好運醬有蝦醬的鹹香，配伊麵很宜，海蝦感覺清爽，蝦肉尚可，不算很鮮，但不霉！豉蒜涼瓜龍躉炒河~~龍躉有少許腥，相信不鮮。香茜牛崧窩米~~香茜配牛崧很清新口感，而且肉不多，窩米無咁油膩也比較健康！銀芽肉絲炒麵~~肉絲軟滑，炒麵是經油炸所以很香脆，少吃也無防！黑麻蓉流沙包~~黑麻蓉會比蛋黃流沙健康些，但口感始終無蛋黃流沙咁甘香！鳳瓜排骨煲仔飯~~比較油膩的煲仔飯，鳳瓜排骨都很入味。蠔皇叉燒包~~夠味道又多餡的叉燒包。港式炸兩腸~~炸兩腸由大排檔走入酒樓，油炸鬼當然要剛炸好才能成為外軟滑內酥脆的炸兩！今次的港式炸兩腸，油炸鬼是遜色了！雪山叉燒包~~外皮香甜脆口，內容是叉燒餡料，又配合得宜喎！每次都揀牛肉球因為抵食而且諗諗滑滑又好食囉！
繼續閱讀