怡紅院火鍋料理

營業中

休息中

唔經唔覺都已經踏入10月尾,距離冬天既日子都不遠.呢d秋冬既日子當然係火鍋既季節,今日黎到呢間懷舊宮廷風既火鍋店.餐牌既design同樣經過特別design.鹹酸菜胡椒豬肚湯胡椒湯味道濃厚又唔會過嗆,胡椒味好香.飲完啖湯成個人即刻暖晒.酒綠皮蛋芫荽山鍋芫荽量超多既火鍋湯底,鍾意芫荽既人一定要試試.湯底味道清甜,芫荽味夠香,剛好中和火鍋既熱氣感.滑牛肉滑牛肉肉質嫩而香滑.牛肉質感帶住新鮮肉既彈牙感,入口軟腍容易咬開.自家製鳳城水餃水餃大大粒好足料.水餃皮薄而煙韌唔會容易夾穿.水餃餡帶有爽脆又彈牙既蝦肉及木耳絲.滿滿既水餃餡好滿足.墨魚丸手打墨魚丸彈牙鮮味十足,內裏既墨魚米粒令口感更爽彈.自家製響鈴新鮮炸起,大大舊又脆卜卜既響鈴充滿豆香.浸入火鍋湯後吸晒湯底既精華.日本鱈場蟹棒輕輕放入湯底內淥一淥就食得.寬薯粉夠晒Q韌,嚼勁十足既寬薯粉同樣吸晒湯底香味.特色菜籃3款新鮮蔬菜,充滿水份又爽脆.Fruit punch 充滿熱帶果汁既mocktail,酸酸甜甜充滿熱帶風味.Virgin mojito比起fruit punch較清新,口感清爽解膩.

成日去酒吧都經過見到呢間怡紅院，今日出於好奇心終於入去食個晚餐，原來係打邊爐🤣未食嘢已經覺得佢好有gimmick 好fun，裝飾好有特色，酒Menu叫做怡紅寶鑑，食物menu叫賣身契😂 waiter將過咗嚟俾個簽筒我哋抽，我哋抽到九五折😏好多醬汁揀，揀完之後就開始打邊爐啦我哋叫咗一半麻辣一半胡椒豬肚湯，麻辣有少少唔夠辣，都好，對個胃好d😌兩個人叫咗太多嘢食，最後真係捧住個肚走，最出色嘅我覺得係手製雲吞😍 超級大粒，皮薄餡多，一粒雲吞入面有三隻蝦，正！黑毛豬都幾好食，牛肉有好多唔同部位揀，我哋直接叫咗個拼盤，有兩種肉好食，有一種比較瘦唔係好啱我😂 可惜我分唔到係邊種。另外一樣覺得好欣賞嘅位係佢喺餐單上面有個小遊戲，玩完之後會送shot，杯酒就一般般啦，不過遊戲幾好玩😆 我會覺得呢度嘅食物有7/10分，不過環境同埋食得開心嘅程度加起上嚟我會俾佢9.5分🥰🥰

今日朋友生日，特登去中環同佢食飯，順便去飲杯嘢，無意中發覺一間港式火鍋店非常吸引即刻去試吓。怡紅院火鍋料理，餐廳嘅裝修非常特別古色古香，恍似置身於古時代嘅怡紅院一樣。餐廳門面到一枱一碟都好有古代嘅味道。坐低店員已經送上配料，一共有九個選擇。加完調味料之後，估唔到居然有抽獎，今次我哋抽倒九折真係好開心。湯底方面我哋選擇咗椰子雞湯，雞件份量都算多，最特別就係即場幫你加個椰子水落去，保證新鮮原汁原味。湯開始煮滾職員會先叫你飲嘅湯，再加湯打邊爐，湯味道清甜，完全冇加味精一個人都飲佢三四碗。雞肉肉質嫩滑，香濃嘅雞味配搭埋椰子嘅鮮味，又香又甜真係好好食。手切牛頸脊，牛肉上枱已經見到好靚，入口牛肉味重，有入口即溶嘅感覺，加上有少少脂肪味道特別香。墨汁墨魚滑，味道香濃，入口爽口彈牙，感覺就好似食緊一隻墨魚一樣，除咗味道鮮甜口感真係一流。爆汁皮蛋貢丸，貢丸入邊有皮蛋碎，入口味道層次豐富，估唔到貢丸同皮蛋味道可以咁夾。真係好好味。響鈴即叫即炸，入口好香脆，加上響鈴比較厚身食落去好有口感。食材全部都好新鮮，味道鮮甜加上環境優雅，喺度食飯真係好似置身古代一樣。

今日過咗中環行街,諗住喺附近食個飯,跟住就去蘭桂坊飲杯嘢,無意中發現一間火鍋店非常有特色即刻入去試下。怡紅院火鍋料理,餐廳嘅裝修非常特別,好似返咗以前嘅青樓一樣,係咁特別嘅環境食飯真係特別開胃 餐廳嘅空間感非常足夠,喺度傾計食飯真係好舒適,坐低店員過嚟畀我哋求籤,原來有機會抽到八五折,真係有得食又有得玩藥膳雞煲,藥材味非常香,遠遠已經聞到香味,雞煲足足有一隻雞,份量超級多，雞肉非常入味食落口有藥材嘅香味,雞肉肉質非常嫩滑，唔會太肥，放完啲雞落湯底味道仲更加濃郁手切牛頸脊,$388，牛頸脊分量好多,顏色非常紅潤,睇得到脂肪分佈均勻, 入口牛肉味香濃,帶少少牛脂香味,有入口即溶嘅感覺，食晒成碟都唔夠喉珊瑚蚌亦都好新鮮,仲要分量超級多,入口非常爽滑,味道鮮甜，顏色鮮艷，橙色非常吸引黑柏葉一陣已經可以食得, 爽口彈牙，口感夠晒特別炸響鈴,做得好香脆,完全唔會太油,吸收咗湯底藥材嘅鮮味,響鈴嘅味道特別香口。打邊爐當然要飲番杯啤酒,藍妹生啤,一流。餐廳無論環境到一杯一碟都係精心選擇,喺度打邊爐有中古色古香嘅味道。

➡️食中環之火鍋 — 怡紅院火鍋料理—————————————————————平時夜晚經過雲咸街既時候，成日都會見到呢間門面十足十怡紅院既餐廳，心血來潮一search發現原來係食火鍋既地方，而且內裡裝修真係好似番左古時怡紅院咁🤣🔸 城寨特濃沙嗲鍋 $198佢既火鍋湯底有多種選擇，而我係花膠雞同沙嗲之間選擇左重口味😛， 沙嗲湯底味道足但又唔會好油，唔錯😁🔸 手切本地牛頸脊 $388牛頸脊叫左一份，幾岩2個人份，佢另外可以半份半份咁叫，牛既紋理清晰， 厚度適中，放入湯底8秒岩岩好！牛味濃，正！😋😋🔸 豬肋條 $128呢個真係好驚喜🤩，平時打邊爐好似好小見，豬肋條油脂豐富， 肉質嫩滑而有彈性，口感豐富，個人認為必試！🔸 鮮雞件半隻 $118雞既份量都幾足，好似我咁前面已經叫左豬牛既話叫半隻都好夠🤗，雞肉 幾滑，煮耐咗都唔會嚡，唔錯！🔸 邪流丸 - 流心芝士牛丸 $68半份一共有4粒，牛丸似係手打，一咬落去d芝士係噴出黎😂，要小心整到件衫哦🤣🔸 日本稻庭烏冬 $38打邊爐配烏冬就基本操作啦，不用多講😋🔸 本地唐生菜 $48食咁多肉都要叫番個生菜balance番既🤔，菜都幾新鮮，ok啦！💭Over

去怡紅院已經唔係男士嘅福利，而家女士都可以去怡紅院滾一滾～今次就黎到位於中環嘅怡紅院火鍋料理滾下～ 湯底： 紅樓醉夢鴛鴦鍋同枱有啲朋友食辣 有啲唔食得辣🙈🙈於是就試下而款鴛鴦鍋 分別係紅油鍋必食啦 同埋竹笙素翅濃湯～ 餐廳亦都好有心思 將湯底凝固成紅樓夢角色— 賈寶玉同林黛玉 好正～ 由於竹笙素翅濃湯好濃 所以同友人飲左幾碗再用黎打邊爐😂😂但之後打邊爐個湯底都好味嘅～ 黃金炸魚皮必點必點必點～ 好好食 隔住口罩都聞到陣鹹蛋黃味 仲有魚皮超脆 同埋唔會死咸 鹹蛋黃均勻沾滿每一塊 而家諗起都想去試試～ 黑松露蟹肉餃黑松露貴 係人都知 但而間餐廳加左超多黑松露同埋蟹肉 好新鮮 而且餃子皮薄餡靚 正～ 西班牙黑毛豬肉片經常去其他餐廳食豬肉片 都覺得有陣雪藏味 但而度一啲都無 滾完之後亦非常爽口，值得推介（覺得比牛仲好食😂） 手切本地牛頸脊牛頸脊一上枱 我地就哇左一聲 好靚 有好清晰紋理 而牛肉都唔算多脂肪 但好有牛肉味 而入口即溶感覺

去完大館行側門出來後 落左樓梯附近有好幾間餐廳 呢間怡紅院 好鬼盞鬼 門口裝修好古風😆 好多🏮 對面牆仲有大射燈 照出店名🤣🤣 約左朋友一起來滾一滾☺️入到去啲裝修好似古裝劇咁😆😆 由枱凳去到餐具都好match個氣氛🙈早啲去冇乜人可以慢慢打下卡🤩 呢度仲有2樓雅座及兩間房 比較安靜 🤫是日仲有得抽籤😜抽中左全單9折（除湯底及海鮮）有趣🤪 餐牌menu都好鬼得意🥳紅樓醉夢鴛鴦鍋雖然有啲貴 不過係正嘅 紅油鍋必食啦 另外呢個蟹粉蟹肉竹笙素翅濃湯 附贈賈寶玉同林黛玉 好頂癮😆😆 將湯底凝固成個模型 加湯滾起後即刻飲湯先 超濃郁嘅羹 味道鮮甜 好足料 飲多兩碗後會另外加湯再打邊爐 雖然唔係加返原本個湯底 但係都係好食嘅👍🏻黃金魚皮必食必食必食！新鮮滾熱辣 即叫即整😍😍 濃郁鹹蛋黃味但唔會太鹹同埋蓋過魚皮嘅味道 裹住香脆嘅炸魚皮🥰脆卜卜！一流 同朋友爭住食🤪手切本地牛頸脊夠新鮮 花紋靚 食落重牛味 超級嫩😜😜🥳豬頸肉薄切🤣望落新鮮 食落爽口 同平時食嘅口頭小小唔同 西班牙黑毛豬豬肉片必食必食！ 比平時食開嘅黑毛豬更嫩 肉味濃 但唔會有臊味😆 好似食緊牛咁嫩👍🏻👍🏻黑柏葉份量唔算多 小小韌🙈爆汁牛筋

呢間青樓邊爐店坐落於中環，離還已經見到紅噹噹嘅門身，非常吸睛！餐廳格局十足十似平時喺電視見到嘅青樓🤪🤪 超有特色！彷彿搭咗時光機穿梭返去古代～城寨特濃沙嗲鍋沙嗲鍋非常濃郁，花生味都幾突出～ 而且唔會太辣！湯底越煮越濃，淥牛食一流！手切本地牛頸脊牛頸脊係比較瘦嘅部份，脂肪唔太多，而肉味非常濃郁，相當高質！估唔到一盤份量都幾多！流心芝士牛丸（半份）一咬開啲芝士就流晒出嚟，相當澎湃！牛丸非常彈牙～ 好邪惡！黑松露蟹肉餃(半份）呢款值得一試！ 咬第一啖已經食到濃濃嘅黑松露香，蟹肉份量夠足料～ 味道唔錯黃金炸魚皮鹹蛋黃份量十足，多到沾滿每一執魚皮！口感香脆可口，就咁食都得！墨汁墨魚滑墨魚滑爽口彈牙，而且墨魚味都幾出，仲有粒粒墨魚喺入面增加口感

一大班朋友最岩就係去啲氣氛夠既餐廳，打邊爐永遠都係無得輸既選擇。食物方面偏貴，食材都新鮮，不過不失。火鍋黎講性價比唔算高，但勝在真係打卡一流，由舖內到舖外，店外投射燈到店內既裝修同餐牌，可以完全體會到係古裝片先睇到既場景氣氛。

近年香港不乏火鍋店，不論系放題定散叫，大大小小都受到歡迎。有一類火鍋店系特別搶fo，青樓火鍋店夠曬搶fo😹環境別具風格，位置寬敞，彷如置身古代妓寨。✿ 城寨特濃沙嗲鍋 $198講得特濃，確實確實非常濃！淥完食材黎食吾會好口乾。✿ 黃金炸魚皮 $98黎到戈陣隔住口罩都聞到鹹蛋黃味💛💛依家有啲火鍋店都有黃金魚皮，炸魚皮本身都夠香口，鹹蛋黃沾滿每一塊魚皮🤩✿ 墨汁墨魚滑 $88黑蚊蚊向來好吸睛👀有粒粒墨魚喺入面🦑好爽口。✿ 黑松露蟹肉餃 $68黑松露食材矜貴，入面勁多黑松露加蟹肉🖤🦀蟹肉好新鮮，配以濃郁黑松露，餃子皮薄餡靚✨✿ 邪流丸-流心芝士牛丸 $68邪惡流心牛丸！芝士流心喺火鍋界十分當紅，牛丸爽口彈牙，流心芝士一食食流出黎邪惡度爆燈🤪🧀✿ 手切本地牛頸脊 $388牛頸脊向來系我好中意食嘅牛肉部分，脂肪吾多，熟咗之後有清晰紋理，有入口即溶感覺😋⭐️所有堂食客人可以有一次求籤機會❣️可以享有折扣優惠或者葡萄酒一支，朋友抽中葡萄酒🍇好好彩😆可以揀紅酒🍷或者白酒🍾

某種老朋友...就係鍾意打邊爐既朋友，成日周圍搵唔同新餐廳去試😋係openrice見到呢間好靚既怡紅院，完全岩哂！即刻book左枱約埋朋友去滾一滾！見到個門口已經好有氣派，裝修方面都好有心血，設計到古色古香，就估到今晚一定可以係到飲飽食醉！入到去餐廳員工好有禮貌，仲安排到個小包廂俾我地😊個menu有好多款特色火鍋選擇，我地今次揀左養顏濃厚花膠雞湯底$458，花膠湯好濃郁，花膠同雞都好滑，每飲一啖就覺得塊面又滑左D。打邊爐一定要有肥牛，手切本地牛頸脊（半份）$288不二之選，花紋好靚好新鮮。西班牙黑毛豬肉片（一份）$168，爽滑，好有口感！蝦粒蝦滑 $88，十分鍾意依到既蝦滑，非常足料，所以好彈牙好有咬口！極力推介！墨汁墨魚滑 $88，好滑口，配埋花膠湯好夾！爆汁皮蛋貢丸（半份）$48，第一次見皮蛋貢丸，好特別，值得一選！蕃茄芝士豬肉餃（半份）$58，一上枱就比外形吸引住，因為十分之大粒！而且皮薄，十分足料！黑松露蟹肉餃（半份）$68，同樣係大大隻，十分之足料，一咬好香濃黑松露一湧而出，好有驚喜！桂花蚌 $168，份量不少，而且十分之新鮮彈牙，好爽口！全晚係一間咁有風味既火鍋店品嚐美食，

咁啱有朋友喺中環返工佢話帶我哋去怡紅院到尋歡，估唔到呢間餐廳真係叫怡紅院入邊嘅裝修格局都具有古典特色，每一角落都啱晒打卡用，充滿古色古香。佢連入邊餐牌都叫做賣身契同店員都係好似店小二嘅衣着打扮，令你恍如返到古代時期。我哋四個人打邊爐邀咗半隻花膠雞鍋做湯底，花膠都大大嚿湯底因為牛油果之後充滿骨膠原，夠晒真材實料年入邊啲雞肉都好嫩滑，唔好浪費。呢度嘅食品推介必點西班牙黑毛豬肉片，脂肪同肉嘅比例分布均勻令你讚不絕口。另外都推介手切牛頸脊，可以清晰見到牛既紋理，唔會有太多肥膏，配上花膠雞湯更突顯牛嘅腍軟。大家都可以試埋佢嘅皮蛋貢丸，一咬開又爆汁皮蛋估唔到味道有驚喜同好特別不妨一試。仲有佢嘅黑松露蟹餃都好好食可以見到粒餃子脹卜卜餡料其多好香嘅黑松露味絕無馬虎。整體呢間飾物10分高質真係一分錢一分貨。得閒同朋友食豪啲都唔錯。

聽朋友講中環雲咸街有間古式古香的火鍋店，名叫怡紅院火鍋料理 ，裝修擺設以中國古代青樓為主題，無論係餐具、餐牌都經過精心挑選，相當精緻！今晚就同阿女過嚟試吓！餐廳𥚃𥚃外外充滿濃濃中國風，兩層高，環境寬敞。而家有優惠，入座後就抽籤，共有六枝，每枝不同優惠，我抽中第四籤湯底半價優惠。火鍋混醬醬料齊備。養顏濃厚花膠雞，花膠都有厚度 ，份量亦唔少，雞亦好嫩滑，湯底濃稠而且非常鮮甜。飲完湯就開始打邊爐。西班牙黑毛豬肉片，黑毛豬主要吃橡果長大，肉質細膩，風味特別。 有獨一無二的橡果香味，濃郁且鮮嫩，含不飽和脂肪，吃時不油膩，健康而且營養價值高。爆汁皮蛋貢丸，豬肉外皮打造，皮蛋做內餡，醬爆口感，味道獨特。手打墨丸，不但鮮味十足，還很彈牙。手打蝦丸，以人手打製，蝦味鮮甜，口感彈牙。蝦粒蝦滑，爽滑多汁的蝦膠配以彈牙的蝦肉，混合口感讓你食個不停。自家製雲吞和鳳城水餃，粒粒飽滿，餡料有爽彈的蝦仁、香甜的豬肉餡、軟滑的雲吞皮，水餃加了黑木耳，口感更爽口。雪碧

個朋友話發現中環有間門面裝修得好特別嘅打邊爐舖頭，所以就去咗朝聖啦。原來內裏係中式古代裝修風格，仲有一個個嘅獨立包廂，十足十係古裝電話劇入面嘅紅樓之地🤣🤣🤣而且一坐定定就可以玩小遊戲求籤換獎品拎折扣，玩味十足！叫咗2紅卜卜嘅鴛鴦湯底，一個蕃茄粟米同埋麻辣湯底，蕃茄湯底鮮甜，粟米好甜，二麻辣湯底，偏麻不辣。而且當日打完邊爐之後，唔使瘋狂飲水解渴，相信應該真係冇落味精👍🏻👍🏻👍🏻-響鈴——比較厚身，十分脆。-闊條麵——同平時出食好不同，相當煙韌，有咬口。-芝士竹輪——係好比較軟身同埋juice 啲嘅芝士竹輪，我好鐘意。-手切本地牛頸脊（半份）——肉質嫩滑，有牛味，而且半份都幾多。-西班牙黑毛豬片——質感軟熟，而且一片都好大塊，食落好滿足。

之前睇啲KOL嘅IG見到呢一間火鍋店好特別，成間古代嘅青樓咁樣，環境超級適合打卡，所以一直都想嚟影吓相。呢一日放假終於約到朋友嚟啦！去到門口見到紅噹噹就知道冇去錯地方，餐廳裝修好傳統，掛滿紅燈籠，有種穿越返返去古代嘅感覺👍🏻入到去整體嘅氣氛都好好，無論係座位定係餐牌嘅設計都好有心思，配合返青樓嘅風格，例如將餐牌命名為賣身契，老闆真係好識玩😂我哋去嗰日仲有抽籤活動，我哋抽中咗九折優惠，有個意外驚喜🤩一間餐廳除咗環境，食物都好重要，我哋食得出呢度嘅食物都係好新鮮，靚嘅環境加靚嘅食材，貴少少都係值嘅！我哋當日叫咗個蕃茄湯同埋麻辣湯，至於材料方面就叫咗手切本地牛頸脊、西班牙黑毛豬肉片、蝦肉粒蝦滑、芝士竹輪卷、響鈴、滑豆腐同埋寬薯粉，仲有兩杯凍飲，買單大概$1000！