快樂蜂 (亞皆老街)

營業中

休息中

講起SHAKE SHAKE薯條我一定係die hard fans次次一有,我就會瘋狂去食但係其實佢係一時時先有仲要係一年先出一次 真係等到頸都長直至有次陪fd黎呢度食野見到餐牌上有風味薯條就各算個肚有幾飽都照叫左黎食睇下佢咩料子先風味薯條有2種口味揀分別係芝士同燒烤味我揀左燒烤味落左單見到店員哥哥行左入去拎起左包薯條再倒入個桶到加上燒烤味既粉就係shake shake薯條啦!!!食物到我手見到每條薯條都充滿燒烤味粉顏色深左一個色 而粉都出奇地好多食落去根本同BBQ蜜糖味無分別我曾經有一段時間瘋狂食BBQ蜜糖味薯條而家唔使等 黎呢度就有得食味道仲要濃好多好多tim 正!!!

聽講祖樂比係九龍開左分店，作為新界人，真係近左一大步，當然一定要去試試！入到去餐廳，已經覺得成個環境好似McDonalds咁，好熱鬧可能因為岩岩好係午餐時間，所以成間店都好多人所有既侍應都係印尼人，落單都要用英文黎講我地兩個分別都叫左兩件雞套餐，套餐包括左兩件雞、薯條/ 意粉/ 飯/ 粟米杯，仲有汽水添個套餐有祖樂比最特別既醬汁，不過即使點左醬汁，件雞都算比較普通，皮身炸得比較厚，食落唔算好油膩，可以再濃味少少

星期六日行開行埋旺角，心血來潮於是又黎幫襯祖樂比啦。 之前都試過一兩次啦 ，味道方面的而且確係好食過某大型連鎖店既。首先雞炸得好脆身得黎唔會油滴滴甘。而本人最欣賞間野既薯蓉，口感同味道都好好，而距地仲會將薯蓉同醬汁分開，食法自便，而本人覺得呢一點係做得好細心既。 一句講曬，唔錯。

以前經過中環分店一直好奇想試, 今次經過旺角總於有緣一試呢間外傭名店喇。店樓下有派 coupon 減$5，套餐可以配薯條，薯蓉或粟米。兩件雞新鮮炸起，夠曬熱（同熱氣）但同另一美式炸雞店相比，由於雞冇醃過只能靠一小兜gravy吊味，個人認為唔夠惹味。至於薯條就加左錢（$3）要燒烤味，有啲似平時shake shake 薯條啲味粉。朋友要芝士味就似芝士波零食嘅味道。總括而言，順路經過可以一試，但專程到訪就不必了。

細個睇有線Cartoon Network成日見到呢間嘢嘅廣告 (而家有線都要執了)，原來佢係來自菲律賓嘅過江龍，雖然知道中環有，但係一直都冇機會試，直到咁多年之後佢開喺旺角呢個咁顯眼嘅位，我就同自己講點都要去食一次啦！店內包括店員同顧客，睇落好多都唔係香港人。食物除咗有炸雞之外，仲有飯及意粉，另我想起以前哈迪斯。炸雞香脆，味道普普通通，但價錢就比KFC貴。個人覺得呢間嘢係食情意結，順便懷念一下哈迪斯，但人到咗某個年齡就唔想食咁多呢類「立雜」嘢，下次我未必會再來了。

行過朗豪坊附近，見到Jollibee大大個廣告牌, 印象中評價都唔錯，所以走去試下。入口細細，要上樓梯先去到大門，入到去都幾開揚。一入去，見到排隊買野食既人都唔少，所以就一邊排隊一邊諗食乜。但排隊落單都要排半粒鐘，拎埋野食就足足45 分鐘先有得食。其實人手都算多，係d員工手腳慢d。叫左個招牌餐祖樂堡，中規中矩啦，有d 乾，快餐黎講算係咁。另一個餐叫左樂脆雞，d 雞算唔錯喎，有肉汁，好味過KxC好多不過薯條凍既。呢度仲有洗手區提供，食飽飽洗手繼續Shopping~

Walking on the street in Mong Kok and accidentally, bumped into it. I knew it has returned to HK market, but didnt intend to try it out. It might be the fate leading me here. So I went for it. I ordered a chicken set, with french fries.Location: 7/10Not a very open location, unless walk pass the ground floor. It is located at the 2nd floor.  Luckily, the banner of it is quite sharp. It is hard to overlook it, if you walk pass it. a 5 mins walk from MK mtr, pretty fair.Environment: 7/10fair hygie

兩件雞加粟米// $43聽人講話好好食左好耐😂 今日終於試左喇！👏🏻可惜嘅係無傳說中咁好味😐首先等我講講個粟米😂其實可以㨂 薯條/薯蓉/塞米/白飯，由於我唔想太炸，所以我㨂左食粟米，點知真係豆潤咁細，一食落去唔甜但好咸，而且無牛油香😑而個雞係炸得好酥脆，裏面雞肉亦都有好多肉汁，可惜有少少油「益」味☹️ 而且舊雞醃得唔夠入味，所以就算點汁都救佢唔到，因為個汁都唔係話特別濃味🙄最後因為我係唔飲可樂，所以加左$2.5轉檸檬茶，檸檬茶係好飲嘅！😂*👅請俾分：4/10*🎏祖樂比 (旺角)旺角亞皆老街16號旺角商業中心1樓*#jollibee #friedchicken #fried #炸雞 #amy出街吃

係旺角近來開左間新炸雞快餐店 jolibee 祖樂比。來自菲律賓，是當地最大連鎖店快餐店。餐廳店內八成都是工人姐姐，她們多麼熱愛。價錢比另一間K字頭炸雞連鎖店貴點。餐牌有皇牌炸雞、漢堡、意粉，仲有飯添。叫左一筒六件炸雞，價錢$90沒有飲品薯條，所以略貴。炸雞皮脆，肉滑。的確好好味，快餐店做到此水淮，的確十分有驚喜^_^意道飲品有黑牛，價錢為$15一杯，都是略貴。炸雞餐還跟左意個汁，用黎送炸雞，好正！下次再會黎幫襯。

以前係中環番工成日都經jollibee次次都覺得好大陣炸野味而且成日都迫滿人而家九龍區開左分店可以懷念一下以前番工既日子😂叫左個炸雞肉醬意粉餐真心覺得依度既意粉好好食肉醬甜甜地又夠濃味,愈食愈開胃炸雞外脆肉嫩,皮薄唔多粉.唔沾醬汁都已經好食🙈雖然價錢貴左少少，但間唔中食一次都可以啦

#樂趣雞兩件套餐🐔(HKD43)✔️👅：7/10✏️ 跟餐配嘢飲+薯條/薯蓉/🌽/白飯 🍗就同KFC差得唔太多 係外層更加香脆 但另外果件好正😍😍😍 肉汁豐盈之餘酥脆 內裡雞肉滑嫩脂香十足 兩件雞$43抵唔抵就因人而異啦🤔 另外都有意粉 飯 漢堡 芝士薯條😍 下次再試過⭐️ 好多菲律賓姐姐係度團聚所以冇乜位🙈

對祖樂比完全無認知，係從同事口中得知此是一間快餐店。最近行經旺角，見到朗豪對面有大大個祖樂比個招牌。擇日不如撞日，即刻去試下。餐廳係2樓，夜晚人好多，但鋪頭有圓櫈俾食客自己加位，所以有啲人坐到出門口。感覺似KFC，都主要食雞為主。點左1件雞脾餐配薯條飲品$34，朋友點左2件雞餐$43。上菜快，雞炸得好脆但唔油，肉嫩多汁。我最欣賞個薯條，雖然係幼身的，但新鮮即炸，好香脆。好耐未食過快餐店的薯條係咁好食啦。呢度位置好就腳，係正地鐵站出面，食厭左M字頭K字頭，不妨黎食下呢個公仔頭。

講起Jollibee, 真係未必個個識佢, 等我係咁二介紹下啦~Jollibee 是一來自菲律賓的 一間連鎖快餐店，主要提供有炸雞、熱狗、漢堡、意粉、飯同薯條 等 ... 西式食物為主今日冇咩時間就唯有搵間快餐店頂住下先啦~呢個SET有炸雞2件, 薯條同百事可樂~薯條... 都係食開咁嘅味道啦... 🤣🤣而雞~~件件都好大件, 真正嘅大件夾抵食👍🏻不過都係覺得鹹左少少 ...如果大家唔想食薯條, 仲可以揀飯/意粉架~~

因為趕時間吃午飯，所以選了在旺角試業一段時間的快樂蜂，吃個快餐，順便參觀一下! Jollibee是屬於菲律賓的快餐，一般的快餐店裝潢，感覺像KFC，食客以外籍人士為主。二人點了Jollibee招牌的祖樂堡套餐和肉醬意粉併炸雞套餐，飲品轉了熱朱古力要加$3-HKD (不過不是純正的朱古力...)；薯條也加錢轉了BBQ味的。祖樂堡賣相跟照片不同，包內的漢堡肉質很像混合了麵粉的肉，不是原原本本很juicy的牛肉之類。至於意粉的肉醬很染色，味道還可以接收。炸雞雞肉嫩滑，也是新鮮炸起的；薯條也不錯，外脆內軟，比McDonald吃到的好! 吃後第一個感覺—試過就好了，短期來也不會再來。

聽聞係旺角開左間炸雞店諗住試一試 開頭仲以為係坐低落單但原來同快餐店一樣!我地叫左2個餐食首先講一講個炸脾 真係好淡味 一咬落去個皮軟瀨瀨咁真係勁失望 炸雞個皮要脆嫁嘛 仲一咬落去已經完美分離左皮同肉 再食下啲肉 雖然係幾嫩 同埋好大份但真係一啲味都無！！！ 好似食緊白烚雞咁不過佢個薯蓉個汁係好正! 我覺得食得過係得尼樣野好CREAMY好香  再試左(炸雞條)? 終於有味! 我好懷疑之前隻雞 佢係咪唔記得落調味 而且仲係熱辣辣 外皮都好脆 咬落去好香好濃味佢仲有個醬可以點 瘋狂點!都算中等既!  不過唔會再想食!