快樂蜂 (歐陸貿易中心)

營業中

休息中

Jollibee我會講笑話女僕餐廳， 食炸雞Fried chicken.basket, I remembered 7 pieces price around $124作炸得好脆架，仲跟一個gravy,個味似kfc 蘑菇飯個汁，都是炸雞時滴出來的肉汁同油脂，是精華。我覺得略為鹹左d,不過真係炸完肉都仲有肉汁。但其實野食好似意粉就麻麻，個汁甜到食糖漿一樣。best fast food chain fried chicken , but it is much expensive than kfc

依家除咗星期日皇后像廣場有好多菲律賓姐姐，平日仲可以係Jollibee度搵到佢哋！ Jolibee嘅ｃ1餐賣HKD43，除咗有雞髀雞胸各一件，再配汽水同薯條為一個餐，薯條仲可以揀轉做薯蓉、粟米杯同白飯，加多HKD3轉做風味薯條，有芝士同BBQ味揀。

同個仔去到中環，都唔知食咩好，小朋友又鍾意扎扎跳，坐唔定，去啲靜嘅地方就唔適合，行咗一個圈最後見到Jolibee，然之後就入咗去啦。中環嗰間Jolibee，其實分兩層㗎，上面嗰層係Takeaway order，如果堂食其實可以去下面嗰層買。由於我係第一次去食啦，我喺上邊買，攞住食物，拖埋個仔，慢慢行落一層樓梯，落下層坐。啲嘢食其實就好一般啦，熱狗太細隻啦，個包又硬得滯，意粉嗰啲係罐頭醬，杯熱朱古力唔錯，嗰啲雞擺得太耐啦 又唔盟又好多油。。

𝙅𝙤𝙡𝙡𝙞𝙗𝙚𝙚, 𝘾𝙚𝙣𝙩𝙧𝙖𝙡🐓 炸雞黎講，JOLLIBEE係我食過既快餐店入面最好食嘅，某程度上我覺得佢好食過韓國炸雞。佢皮脆有味，肉汁非常多非常JUICY😍另外，不得不推介佢個GRAVY，簡直係神級之作，唔怪得知啲菲律賓姐姐咁鍾意！雖然佢一個餐比起KFC或者麥當勞係貴少少，但係其實真係物有所值咖！我包你食過之後返唔到轉頭，就算返到轉頭你都擘大唔到個口啊🍗.📍中環干諾道中13號歐陸貿易中心地下 🌟Rating: 8/10💰Price: $35-50 pp

前排食左份麻麻地嘅kfc之後，解決唔到我想食炸雞嘅慾望，於是前幾日去開中環，路過jolibee，就入去食份炸雞啦。jolibee嘅價錢比起kfc會貴少少，同埋都比較難搵位，但起碼肉同炸皮唔會分開，唔係一啖炸粉一啖雞肉咁。同埋咬落去啲雞肉起碼有肉汁又滑啊。總括而言，jolibee完勝。可惜kfc近我啲。

The chicken pieces are so big! It is quite cheap! High cp value! So suitable for parties~The chicken are so crispy and juicy. It is very yummy! Many sauce given too, good!

唔食老麥之後先諗到可以食呢間。雞皮超脆、雞油超香、啲肉好嫩口，雞有雞味，真係似返食一隻雞，唔似麥當勞、KFC嘅雞，一啲雞味都冇，食都食得安心啲。每次都會叫辣雞，我本身鍾意食辣，所以覺得唔算好辣。但唔食辣嘅朋友就覺得好辣，每次食都要飲晒成杯可樂。但係去親中環呢間都會俾啲員工激嬲，因為我嗌10次有9次佢都冇比到辣雞我，無論係後生定係老嘅員工，明明我肯定佢都重複咗一次”Spicy”，但都係會比錯。有一次仲唔肯換比我。所以建議大家每次都check check先。

買個外賣返公司食，間中食個炸雞個人幾滿足，因為除咗炸雞伯伯之外仲有得揀😎。快樂蜂嘅炸雞🍗雖然好食，但係炸雞嘅質素唔係咁穩定，有時會炸得太乾，有時會炸得幾Juicy。今日就唔係咁好彩兩隻雞都炸得比較乾，皮好硬，肉唔嫩，都冇肉汁😞，不過味道依然係好既。失望左兩件雞，好彩個紫薯批依然好食，脆皮配上濃滑紫薯餡，正👍🏻。遇上柴皮炸雞，唯有下次再食過🤣

香港好似愈開愈多炸雞店，除左香港人熟悉既KFC、韓國炸雞店，最近連麥當勞都有得賣😂 Jollibee分店唔多，所以平時好少有機會試，不過比起其他炸雞店都唔輸蝕。價錢同KFC大致相同，食物品種亦大同小異，都係有漢堡包、蘑菇飯、炸雞賣。有人比較鍾意KFC, 有人prefer Jollibee, 我就覺得兩者味道差唔多。不過Jollibee比較貼心既地方係，炸雞附送肉汁(gravy), 某程度上中和左炸雞既香口熱氣，所以感覺上無咁heavy。

食嘢想要快靚正嘅話，咁梗係食快餐啦，我自己就比較鍾意幫襯佢嘅炸雞。因為唔需要點任何醬料，個炸雞本身都已經好夠味。今次叫咗個炸雞餐，有兩件炸雞，一個汽水同一個飯。首先個飯佢哋係包到好似一個飯團咁，然後會配一個好似蘑菇汁咁嘅醬俾你，咁你就可以拎住個飯團點個汁食。而炸雞呢，我就揀咗個辣嘅炸雞，有時太熱氣我就淨係食一隻炸雞連皮，令一隻就去皮。一撕開塊片，就見到漏晒油，正啊！咬一啖，juicy到呢。。。雖然係炸雞，但係又嫩又juicy，辣度又剛好

炸雞 crispy fired chicken 真係好食過KFC嘅炸雞! 而且真好大舊，食到一半都已經好飽，雖然最後係食曬!🤣It’s crunchy on the outside, and juicy divine chicken underneath.薯條 chips唔軟，係脆嘅，真係係啱啱炸起! 我有時食M記或KFC d薯條會係已經淋咗😶Very crispy on the outside of the chips!總結黎講係貴過KFC同M記少少，但係好食d嘅!

一入到去好多菲律賓姐姐同埋爆滿，一位難求，要等位。落單嘅時候，將雞蘸上醬汁（薯蓉汁），一撕開雞，好香，熱騰騰，仲要有雞油，雞皮脆卜卜，有少少蛋黃味，雞肉方十分嫩滑，味道十分滿意！真係超好食，係未食過咁好食嘅雞。薯條粗身，脆卜卜，蘸埋佢地自家蕃茄汁，好正！

有日返工行過快樂蜂門口，發現佢哋出咗隻紫薯批，睇落幾吸引，今日有時間就決定要去試一試佢。當然例牌叫返個炸雞餐先啦，今次食辣辣雞，咁佢啲炸雞都好少令我失望既。我本人係食小辣既，呢隻辣雞都可以食得到，唔會淨係得個鹹字，炸雞鹹辣係適中，即使唔點個黑椒蘑菇醬都好好味紫薯批，真係有驚喜。咬落口個批都算鬆脆，而且個紫薯香滑唔會勁甜，個批皮唔會搶咗個紫薯味，相反同個紫薯味好夾，互相輝映，真係好食😋食晒成個餐之後，雞當然係好食，但係個紫薯批係有驚喜，絕對值得為個批返轉頭

來自菲律賓的jollibee快樂蜂提供熱狗、漢堡和炸雞等傳統美式快餐，已存在香港有二十多年，拓展業務有11間分店。但我還是第一次食，因為我本身由細到大都不太愛食快餐，尤其是M字果間麥當當。感覺就是不太好食，沒有營養不健康食物。中環分店滿舒適，裝潢大自然風格，地方滿大座位不多顯得空間更特別大。好多朋友話炸雞特別鮮嫰多汁又香又脆。早餐我不想食炸雞，點了煙肉蛋班戟三文治+鮮橙汁，非常之抵食。底面兩片厚厚的鬆鬆的班㦸，餡料有脆香煙肉、芝士和滑炒蛋 ，味道還可以。鮮榨橙汁却意外的很好喝。

菲律賓傳入嘅傳統炸雞jolibee 喺香港已經好多年，佢嘅分店唔算多，作為一個吃貨😆，小妹我間中經過都會捧下場，幫襯下佢，今次我就叫咗一個套餐，有一件雞胸、一件雞腿、一小盒薯蓉 和一杯熱朱古力，佢嘅炸雞 脆而不辣，而今次好好✌🏻買到好熱嘅炸雞，明顯佢係啱啱炸出嚟，特別香脆，而且好大塊，可以盡情食❤️。我鍾意佢嘅肉汁醬（Gravy）點炸雞，好特別！而薯蓉都係用上肉汁醬，比某牌子更香又滑😁，熱朱古力我就略嫌唔夠濃，下次要提吓店員，沖濃啲先，個餐就完美喇🔆🔆