快樂蜂 (歐陸貿易中心)

營業中

休息中

今次在中環附近工作完畢，接近6PM時感到有點肚餓，但又未想吃晚飯，選了個近來忽然想試的Jollibee快餐想試的原因其實算是懷念以前香港還有哈迪斯(Hardee's)的快餐餐廳，裡面的蘑菇湯不如為何讓我感受很深不過今次反而想試的是肉醬意粉，有朋友介紹我Jollibee的肉醬意粉很好味，我就乾脆今次借機試試快餐廳環境跟其他的快餐廳都差不多，枱櫈都有點骯髒這款套餐(Jolly Tea Combo) 限時星期一至五2PM-6PM，我選了$25的（肉醬意粉）跟汽水，但我選擇轉（鮮忌廉通粉湯），因為比起汽水更為有新意：（肉醬意粉）－其實水準有點失望，但以價錢來講亦不太挑剔太多；肉醬用的是假味蕃茄醬，假味意思是好像用化學物調出來的假蕃茄味；肉腸誇張地淋，沒有腸衣的感覺；面頭芝士應是車打芝士，沒有什麼特別；意粉可能經過倒汗水回滴關係，略為濕淋（鮮忌廉通粉湯）－反而有驚喜；有種當年哈迪斯，或是多年前KFC蘑菇湯的味道（KFC已經多年沒吃，所以最近的水準就不清楚了），很滋味，不過可能忌廉關係，這個份量我已經足夠了

常常聽到身邊的朋友說，吃炸雞要吃平靚正的，就去jollibee吃吧！因他們的價錢是茶餐廳價，但炸雞卻是高水準😍😍😍但經過我吃過好幾家的jolibee比較下，還是中環這家最好吃👍👍👍炸雞~熱點非常高，外皮炸得也很香脆，裡面的肉汁還在流動著，咬下時要小心內裡太熱🤣🤣🤣而另外還有配上雞汁沾雞來吃的~磨菇飯~汁適中，飯質都ok，但磨菇卻只有5到6片，都太少了，不夠吃🤣🤣🤣而出餐的速度還可以，但點餐要留意的是說英文啊～🤣🤣🤣

如果曾經在中環環球大廈出口進出地鐵站，一定對於旁邊那條橫巷傳出來的濃烈油炸食物氣味記憶猶新，每次經過一定快步離開。只要稍為留意一下，就肯定味道源頭是炸雞快餐店「Jollibee」的廚房。「Jollibee」在這個地址經營了最少十幾年，但不知道什麼原因，一直沒有衝動走進去幫襯，可能就是被那股強烈油炸味嚇怕了吧？說也奇怪，理論上另外那間來自美國的大型連鎖炸雞店應該也有同樣強烈的氣味，但似乎沒有這個問題；莫非「Jollibee」沒有徹底處理油煙？抑或只是因為地理位置問題，餐廳位於橫巷、又夾在兩幢大廈之間，油煙沒有辦法有效排放？早兩個星期與朋友講起哪間快餐店的炸雞最好味，不期然想起已經撤出香港市場的「Hardee’s」，現時就好似只剩低「KFC」，根本冇得揀，即是冇得比較，但朋友説：「還有「Jollibee」呀！肉質嫩滑、超多肉汁！」。就因為朋友這一句話，今日終於有了第一次的「Jollibee」。中環店有地面及地庫兩層，地面主力做外賣，只有少量座位；地庫面積較大、座位亦更多。沒有仔細研究餐牌，事實上，出品選擇較其他兩間大型美國連鎖快餐店少。由於只是下午茶，揀了兩件雞套餐（$43）配炸薯條及汽水

終於終於終於, 有機會試傳說中香港最美味嘅快餐炸雞 🐔 大大話話都有超過五個人同我介紹過呢間快餐嘅炸雞, 比平時食開嘅M記, K記出色😍 奈何佢嘅分店唔算太多, 雖然近年已經開多咗好多間, 但亦有朋友同我講過最好食嘅係中環呢間 😌 今日有幸搵到志同道合嘅同伴陪我嚟食lunch 😚 12點幾嘅中環, 這是一個weekday, 餐廳竟然有超過七成係菲律賓籍人士😦 唔知佢哋嘅雇主們知道嗎🤫最簡單就係點左兩件樂脆雞配薯條餐, $43, 仲有醬汁點薯條 一啖咬落啲雞度, 好熱!! 新鮮炸起果然係唔同, 熱辣辣嘅炸雞, 啲肉都好嫩 真係又平又好食 以後係我炸雞list入邊多咗呢一間, 重點推介!!

真的很久沒食炸雞了,  Jollibee 相對開到成行成市的K大炸雞店啲炸雞的確高幾班, 難怪賣得貴但有咁多捧場客, 可惜佢哋嘅分店比較少, 要食就要等機會途經才有得吃。兩件炸雞套餐 ($45)太耐無食呢間炸雞店, 最估唔到係兩件炸雞加一包細薯條再加一杯飲品賣$45, 頗貴!佢哋嘅炸雞比較出色, 皮炸得十分脆, 雞肉卻是嫩滑, 加埋佢哋特配嘅辣椒粉, 香辣到呢.....再來兩件就差唔多!!

其實好多中環人都知道，如果想食炸雞，jollibee 可能係一個好比KFC更好的選擇。雖然佢冇KFC咁多款炸雞，但係佢一款BASIC就夠殺! 我第一次試左就返唔到轉頭，唔單止熱辣辣，而且非常大件，好香，一咬落去好多汁，肉嫩，唔辣但醃得夠味。但除左炸雞，jollibee其實仲有一樣隱藏菜單食品，就係佢地個蝦汁米粉！！！依樣雖則話佢地個MENU係有嘅，但係好多香港人見到佢個樣麻麻，古古怪怪咁，都好少人嗌過。點知有一次同事極力推介，我先勉強試下，先知道原來一直大家都走左寶！！佢嘅米粉上面係有咸咸地有少少肉碎咁嘅汁，再有幾隻細蝦仁，最重要係附上有一角檸檬。食果陣時就唧Ｄ檸檬汁落去，連埋Ｄ汁同米粉一齊攪勻哂佢。個味道真係好特別，但又好正，未試過嘅一定要試下！比較可惜嘅就係，佢哋個米粉只係中環總店有得食，其他分店，包括中環其他分店都冇。

之前一路都聽講Jollibee既炸雞好食過K_ _，因為啲雞即使炸完都仲係好juicy，我心入面係有質疑既🤔無咩幾何有炸雞（尤其係雞腿以外既雞件）係可以逃過乾身呢個命運！直至我食過Jollibee.....🤤我叫左兩件雞餐，跟薯蓉，芒果批同埋汽水。啲雞係新鮮炸起，好熱好香🤤雖然攞上手係辣手既，但係唔理啦，趁熱食🤪雞皮香脆，唔會好肥，完全無好膩既感覺！雞肉確實係juicy，好味！薯蓉方面，我覺得份量有啲少，不過勝在有牛油香。芒果批細細地反而幾好，容易食之餘又唔會太漏！

其實細細過都有呢間，不過有段時間無曬分店，最後係香港再開返都未去試過，今日難我過中環，就去試下先～去到真係好多姐姐係度，好似去左另一個世界咁，但見到佢地一班人一班人食得好開心，我又想搵返班朋友一齊食～叫左個炸雞餐，同某同行差唔多，都係一胸一搥，但Jollibee明顯更Juicy！唔會有乾的感覺！而且佢個汁都好好食，同件雞好Match！有機會試埋個意粉先～

下晝3點tea time口痕痕想揾野食但又冇乜錢食乜好？緊係食Jollibee!同frd夾份share左份2件樂脆雞配蘑菇飯同大薯條炸雞唔鞋口得黎好多肉汁好有味，冒着熱氣嘅風險連雞皮都食埋蘑菇飯調到好香，蘑菇好足料，值得再食

之前成日聽朋友講Jollibee既雞好好食，比KFC仲要好食好多。朋友講到咁誇張，所以今日經過中環決定一試 自己一個人，所以就揀左個最簡單的餐：兩件炸雞🍗、細薯條配可樂。真係唔好講笑，炸雞外皮真的十分十分十分脆，而且是薄薄的皮。而雞肉係好滑的，比我想像中真的好食好多！另外，薯條是粗身的 即叫即炸，又熱又脆又香口食左一次真係反唔到轉頭，下次想食雞一定會再黎Jollibee 😝😝😝

久仰jollibee大名🍗點知覺得唔好食🥺係咪唔同分店水準唔同🧐·🍗2件樂脆雞配蘑菇飯（$47）好失望，炸雞外皮唔太脆🥴雞肉淡而無味，附送既gravy同蘑菇飯醬汁係一樣😂😵😫我唔太喜歡～最後發現點茄汁係最好食🥫😂蘑菇飯飯粒淋到毫無咬口🤢.零分🥴·🍗 2件樂脆雞配薯條（$43）薯條還好～但心理上覺得mc don好食d💓·📍Jollibee中環干諾道中13號歐陸貿易中心地下

第一次食Jollibee既炸雞。2件樂脆雞配細薯條套餐($43)炸雞熱辣辣，雞皮炸到脆卜卜，咬落索索聲；雞肉肉質嫩滑，出哂煙。薯條正常。就炸雞本身既質素而言係非常出色，夠熱夠脆夠嫩，可以俾4.3/5分。但就個人口味而言，Jollibee既炸雞就唔太岩我口味。炸雞雖然出色，但唔夠惹味，刺激唔到我既食慾(調味上差咁d野)，配埋gravy sauce(肉汁醬?)都覺得唔係好夾。都係KXX既燒雞同麥記既脆香雞更符合我口味。(個人口味：2.8/5)

16/6/2019 中環快樂蜂參議員重要嘅遊行之後， 行到去中環已經八點幾，周圍都仲係人山人海， 諗起呢間炸雞店諗住快食一個晚餐。我揀咗兩件炸雞配白飯嘅組合，呢度嘅白飯好得意，係用紙包住一嚿飯。記得以前食有米粉，米粉係好好食的 ，但係原來而家已經冇得賣了， 唯有食白飯啦個人覺得快樂蜂嘅炸雞先至係王道，好食過 伯伯嗰啲唔單止夠熱，而且個皮仲好薄好脆， 即使撕開層皮都唔會見到有油 ，雖然冇油但係又唔會好乾身， 而且肉入面都有味，唔會得表面層皮有味肉冇味，所以真係好好食！ 另外不得不介紹配搭嘅醬汁，我唔係好知佢係咩汁，但係點落啲雞度又好夾！ 仲可以撈白飯一齊食 ，食落唔會覺得膩， 味道又唔會太濃！

細細個就已經聽過Jollibee，發夢食過佢，今個星期忍唔住再食多一次。原因好簡單：佢好食過KFC超級多！雖然炸雞款式單一，但係作為一件唔辣嘅雞，佢層炸粉皮同雞肉嫩度充分反映到佢對雞件嘅執着。每一隻雞都係熱辣辣外雞皮薄而脆、內雞肉爽口多汁，點埋佢哋嘅蘑菇汁，就算唔辣都覺得好惹味！！薯條來講，就比麥當勞粗生少少，薯仔味出，就算唔點茄汁都好味。🍟細細個以為呢一間永遠都係得菲律賓人食，自從慢慢開分店之後先發現原來啲嘢咁好食，絕對有下次😍-Set C2 | $43-快樂蜂中環干諾道中13號歐陸貿易中心地下-

炸雞，最好食都係呢間。女仔果幾日唔舒服，便不會考慮體重都會想食反d高熱量既野，而炸雞係最好選擇。而且要選我最中意既辣辣口味。叫左一個辣味炸雞套餐套餐。大塊既雞胸與與細個雞髀。再加上一個細兜個蘑菇飯。雞肉應該係先按摩醃製後再加炸，最後再畫龍點睛加上些少辣椒粉。一啖落下，脆脆既雞皮加上嫩滑多汁既雞肉。真係一大享受，最緊要既係佢食落並不感覺油。大食人士一定唔夠，但對於小女子黎講呢if餐可以食完都好飽下啦。炸雞唔配啤酒🍺配可樂，都非常正。