73
31
8
港鐵中環站 A 出口, 步行約1分鐘 繼續閱讀
所有分店 (10)
電話號碼
25227930
開飯介紹
一家類似麥當勞的菲律賓快餐店,但有漢堡包,炸雞和牛扒飯賣,每位客人都會試本店的炸鷄 繼續閱讀
營業時間
今日營業
08:00 - 21:00
星期一至六
09:00 - 20:30
星期日
08:00 - 21:00
付款方式
現金
其他資料
電話訂座
招牌菜
Burger steak Chickenjoy Noodles 漢堡牛扒飯
食評 (127)
如果曾經在中環環球大廈出口進出地鐵站,一定對於旁邊那條橫巷傳出來的濃烈油炸食物氣味記憶猶新,每次經過一定快步離開。只要稍為留意一下,就肯定味道源頭是炸雞快餐店「Jollibee」的廚房。「Jollibee」在這個地址經營了最少十幾年,但不知道什麼原因,一直沒有衝動走進去幫襯,可能就是被那股強烈油炸味嚇怕了吧?說也奇怪,理論上另外那間來自美國的大型連鎖炸雞店應該也有同樣強烈的氣味,但似乎沒有這個問題;莫非「Jollibee」沒有徹底處理油煙?抑或只是因為地理位置問題,餐廳位於橫巷、又夾在兩幢大廈之間,油煙沒有辦法有效排放?早兩個星期與朋友講起哪間快餐店的炸雞最好味,不期然想起已經撤出香港市場的「Hardee’s」,現時就好似只剩低「KFC」,根本冇得揀,即是冇得比較,但朋友説:「還有「Jollibee」呀!肉質嫩滑、超多肉汁!」。就因為朋友這一句話,今日終於有了第一次的「Jollibee」。中環店有地面及地庫兩層,地面主力做外賣,只有少量座位;地庫面積較大、座位亦更多。沒有仔細研究餐牌,事實上,出品選擇較其他兩間大型美國連鎖快餐店少。由於只是下午茶,揀了兩件雞套餐($43)配炸薯條及汽水二人分享。原來「Jollibee」來自菲律賓,是菲律賓最大的快餐連鎖集團,現時全球有大約1200間店舖;絕大部份在菲律賓,其餘分布在美國、中東地區幾個富有產油國、香港、星加坡、汶萊及越南。細心留意,就不難發現海外分店選址最多菲律賓人僑居的美國及菲律賓傭工的主要工作國家或地區。難怪香港第一間「Jollibee」、也是歷史最長的一間,要選址租金高昂的中環地區 ⋯⋯ 相信很多香港人都知道,中環正是菲律賓傭工每逢週日的聚腳地。兩件雞套餐配炸薯條及汽水($43)定價與「KFC」差不多;不過,所有的包裝紙、汽水紙杯及墊托盤餐紙等,全部由見慣見熟的《紅底M字》或《紅底上校公仔頭》變成《戴了廚師帽的開心小蜜蜂》。終於要試食炸雞了。兩件炸雞,一件上髀、一件下髀,賣相似乎不及「KFC」的香辣脆雞吸引。表面沒有脆米片,只有一層薄薄的脆炸粉;懷疑雞皮是否炸得夠香脆、雞肉是否醃得夠入味?大啖咬下去,不得了!雞皮非常香脆,而「KFC」的炸雞有時候會有部份脆米片剝落而引致部分雞皮未夠香脆。雞肉非常入味,雖然缺少了少少香辣,但充滿肉汁、雞肉嫰滑,較「KFC」好味。今次第一次食,沒有留意餐牌、亦沒有詳細詢問;下次再來幫襯,一定要問清楚有沒有雞上胸連雞翼。薯條同「麥當勞」有得揮;炸雞的而且確較「KFC」好食,唯一輸給「KFC」就是只有單一味道,沒有定期推出的特色口味。以前,「Jollibee」輸在分店只有三兩間,很難推高人氣;近一兩年積極擴張後,分店越來越多,而且,味道的確出色。香港市場終於有更好味的美式炸雞了。 繼續閱讀
(以上食評乃用戶個人意見 , 並不代表OpenRice之觀點。)
終於終於終於, 有機會試傳說中香港最美味嘅快餐炸雞 🐔 大大話話都有超過五個人同我介紹過呢間快餐嘅炸雞, 比平時食開嘅M記, K記出色😍 奈何佢嘅分店唔算太多, 雖然近年已經開多咗好多間, 但亦有朋友同我講過最好食嘅係中環呢間 😌 今日有幸搵到志同道合嘅同伴陪我嚟食lunch 😚 12點幾嘅中環, 這是一個weekday, 餐廳竟然有超過七成係菲律賓籍人士😦 唔知佢哋嘅雇主們知道嗎🤫最簡單就係點左兩件樂脆雞配薯條餐, $43, 仲有醬汁點薯條 一啖咬落啲雞度, 好熱!! 新鮮炸起果然係唔同, 熱辣辣嘅炸雞, 啲肉都好嫩 真係又平又好食 以後係我炸雞list入邊多咗呢一間, 重點推介!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-20
903 瀏覽
真的很久沒食炸雞了,  Jollibee 相對開到成行成市的K大炸雞店啲炸雞的確高幾班, 難怪賣得貴但有咁多捧場客, 可惜佢哋嘅分店比較少, 要食就要等機會途經才有得吃。兩件炸雞套餐 ($45)太耐無食呢間炸雞店, 最估唔到係兩件炸雞加一包細薯條再加一杯飲品賣$45, 頗貴!佢哋嘅炸雞比較出色, 皮炸得十分脆, 雞肉卻是嫩滑, 加埋佢哋特配嘅辣椒粉, 香辣到呢.....再來兩件就差唔多!! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-06
860 瀏覽
其實好多中環人都知道,如果想食炸雞,jollibee 可能係一個好比KFC更好的選擇。雖然佢冇KFC咁多款炸雞,但係佢一款BASIC就夠殺! 我第一次試左就返唔到轉頭,唔單止熱辣辣,而且非常大件,好香,一咬落去好多汁,肉嫩,唔辣但醃得夠味。但除左炸雞,jollibee其實仲有一樣隱藏菜單食品,就係佢地個蝦汁米粉!!!依樣雖則話佢地個MENU係有嘅,但係好多香港人見到佢個樣麻麻,古古怪怪咁,都好少人嗌過。點知有一次同事極力推介,我先勉強試下,先知道原來一直大家都走左寶!!佢嘅米粉上面係有咸咸地有少少肉碎咁嘅汁,再有幾隻細蝦仁,最重要係附上有一角檸檬。食果陣時就唧D檸檬汁落去,連埋D汁同米粉一齊攪勻哂佢。個味道真係好特別,但又好正,未試過嘅一定要試下!比較可惜嘅就係,佢哋個米粉只係中環總店有得食,其他分店,包括中環其他分店都冇。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-29
920 瀏覽
之前一路都聽講Jollibee既炸雞好食過K_ _,因為啲雞即使炸完都仲係好juicy,我心入面係有質疑既🤔無咩幾何有炸雞(尤其係雞腿以外既雞件)係可以逃過乾身呢個命運!直至我食過Jollibee.....🤤我叫左兩件雞餐,跟薯蓉,芒果批同埋汽水。啲雞係新鮮炸起,好熱好香🤤雖然攞上手係辣手既,但係唔理啦,趁熱食🤪雞皮香脆,唔會好肥,完全無好膩既感覺!雞肉確實係juicy,好味!薯蓉方面,我覺得份量有啲少,不過勝在有牛油香。芒果批細細地反而幾好,容易食之餘又唔會太漏! 繼續閱讀
(以上食評乃用戶個人意見 , 並不代表OpenRice之觀點。)