快樂小羊火鍋餐廳

營業中

休息中

兩次去都超多人等位，幸好一早openrice訂枱，很快便可入座。餐廳環境十分好，座位闊落，通風良好，很多staff隨時ready幫忙落單及加湯。Order了一個綜合蔬菜盤，蔬菜排得好靚，但突然發現有一條生蚯蚓在內😖😖😖立即通知店員，店員只是默默收走，亦無道歉也沒有說會怎樣安排。最後另一個staff出黎放低另一盤蔬菜，話係全新，無道歉便走了。埋單時亦沒有free這盤蔬菜，我們亦沒追究，反正不是為了要免費吃什麼，只是希望店員或經理能代表餐廳說聲不好意思罷了。除此次外，食物質素良好，湯底很濃很好味😋經openrice訂枱會送湯底及希88折，超抵！

今天姊妹們又來到旺角閒逛閒逛，快樂的時間很快過去，又到晚膳的時間。我馬上便提議這間以往光顧過的火鍋店，它的用料食材新鮮，讓人回味，於是我便攜同姊妹們一行四人到此進食。成雙鍋成雙鍋可以同時品嚐兩款湯底，一邊是麻辣湯底，另一邊則是清湯的光陰鍋，麻辣湯味道辛香持久，味道濃郁，辣度恰到好處，即使日常不太吃辣的人士也可接受。而光陰鍋是使用各種中藥藥材熬製而成的，分別有桂圓、紅棗、枸杞等，入口藥材味道香濃，清甜彌久。快樂和牛拼盤 和牛拼盤點選了一整份，師傅使用木枝和花朵作裝飾，賣相吸引，和牛底部亦放置大量冰粒以保持新鮮，入口時肉質幾乎即化，口感飽滿嫩滑，細嫩多汁。塔拉上的快樂卷這份是羊肉卷，師傅擺放相當用心，外形拼砌得猶如一朵花般，羊肉入口肥瘦均勻，羊騷氣味獨特濃郁，口感柔軟嫩滑。黑松露羊肉丸黑松露羊肉丸入口新鮮，羊肉味道濃郁帶騷香，配搭獨特芳香的黑松露味，味道相配出眾，口感帶輕微黏口，爽口彈牙。養顏花膠花膠底部放有大量冰塊保鮮，入口味道濃郁，新鮮彈牙，口感軟滑黏口，膠質豐富，沒有腥味，且具有潤膚養顏等功效。綜合養生菌綜合養生菌有四款茹類，分別有金針菇、蟹味菇、雞髀菇、松本茸，還有配搭木耳，金針菇

呢間火鍋店係香港我去過最大間嘅火鍋店，環境舒適，好彩嘅係仲可以坐窗口位。冷氣亦都夠涼，通風系統都幾好，唔會覺得侷促。食物方面，我覺得有羊肉嘅火鍋店都係好難得，睇過食評，必點：塔拉上的快樂卷！擺盆精緻，分量係好多！肥瘦均勻，好有羊味，又唔會騷。真係無介紹錯！兩個女仔一碟都夠食！我地仲點咗串燒，唔同於一般嘅串燒，好夠“火”氣！仲點咗其他配料就唔一一點評，整體而言，分量足，價格合理，環境舒適，服務都親切，會想再幫襯嘅火鍋店！

先點咗一份燒羊排同埋烤串，呢度有埋燒烤食，燒過嘅羊肉佈滿油脂，一上枱充滿香氣，肉質唔會硬，好香。打邊爐湯底要咗鴛鴦，麻辣加清湯。清湯其實係接近藥膳湯，湯入面真係有藥材嘅，不過唔會有苦嘅藥味。麻辣就其實唔係好辣，我覺得啱啱好，可以保持配料本身嘅原味道，朋友就覺得要辣D會比較好。塔拉上的快樂卷，一卷卷羊肉擺得幾靚，肥瘦各半，口感嫰滑。羊羊大拼盤有3款羊肉，屬於3個唔同部位有唔同口感，全部唔會韌，肉質幾唔錯。其他配料都幾好，鬼馬墨魚滑 、炸魚皮生菜、點得多到爭少少食唔晒。

想食羊肉火鍋唔一定要去小肥羊, 更何況小肥羊依家執到得返一間分店, 唔係太就腳呢間快樂小羊都係一個幾好既選擇, 呢度既質素高過小肥羊好多, 亦都係主打不供應醬料既火鍋, 試過你就知點解咁犀利可以唔提供醬料我地叫左酸辣湯底, 飲一啖就知正野,仲暗藏一股辣味叫左個手打蝦丸, 幾彈牙, 好鮮既蝦味另外梗係要食羊肉啦我地仲叫左個太陽卷, 擺盤超靚, 呃LIKE一流呀非常重羊味, 完全唔會覺得太肥太臊, 勁好食, 物超所值除左羊肉當然都有叫埋打邊爐唔可以無既肥牛啦肥牛同羊肉一樣咁正, 入口即化!!除左呢三樣仲有叫其他野既, 例如鬼馬墨魚滑、鮮毛肚同爆醬三寶, 都係好掂架!!

呢間應該算係香港最大嘅火鍋店 鴛鴦鍋底 羊羊拼盤 羊肉烤串都非常之地道好味 環境又大 裝修又靚 無限時享用 仲有OpenRice 訂座優惠添 食完仲送左幾張現金券可以下次用 好評👍👍👍

朋友介紹去快樂小羊打邊爐！。去到大門口好寬塘原來有成三層，裝修風格同大陸好似。都係簡約而不失霸氣。當然，門口有佢哋最signature既小🐏擺設搭電梯上去二樓，坐位同坐位之間有一定距離。未打邊爐之前叫咗串燒食。羊同牛肉串都燒得好香口，juicy。我哋叫咗個”煙央“一個麻辣一個清湯。各款湯底都有大量原粒蒜頭#佢哋最出色嘅一定係羊肉片。#菜亦都好新鮮。#上菜速度亦都好快。

中午黎到想食個麵，一坐低已經聞到張枱有陣UP 布抹完既臭味，都算。下單後等左超過30分鐘，只係黎左一份羊肉串（的確係幾好味）；詢問服務員咩原因，首先個服務員話廚房今日比較忙，講講下又話無出到張單，到底係點呢？都算。再等多左一陣真係忍唔住拎野走人，落去埋單個收銀話你走啦，個羊肉串送比你啦，廚房做唔切，一句唔好意思嘅說話都無，咁我D time cost又點計？原來午市做火鍋已經忙到一個點，所以麵食等等係做唔切⋯ 咁點解你仲開午市比人落其他單呢？直頭只做火鍋咪算。落單個時又唔講，咁人地幾台麵係咪要等到你收左午市火鍋先做得到出黎？

我同班frd每個月都會有一次飯聚既, 成日打邊爐主攻食牛有少少悶於是今次就黎左快樂小羊食羊肉火鍋啦店鋪都幾大間, 仲要唔止一層, 遠睇好似啲大陸大型火鍋店咁環境幾舒服, 冷氣都好足, 唔洗驚食到成身汗啦成班男人當然係咁叫肉食啦叫左幾碟唔同款既羊肉, 有羔羊肋卷、黃金羊王同埋望落勁靚既太陽卷款款都咁正, 肉質仲好嫩滑, 特別係太陽卷, 一定要試 除左呢d都有叫d丸同餃子類, 一樣都係唔錯原來呢度仲有蒙古燒烤食, 我地叫左羊棒骨同埋羊前腿兩款都燒得好juicy, 出奇地又唔會燒到d肉鞋哂或者變韌, 正!

今日終於約到朋友去打邊爐，揀咗係球場直行就到嘅羊肉火鍋。我就鐘意就係揀多個湯底，咁就食到好多唔同味。所以我地就揀咗三拼湯底：麻辣，清湯，番茄。估唔到，每個湯底唔錯，清湯有藥材味，都好濃郁，唔係普通嘅雞湯。番茄亦都夠番茄味，湯底都有見好多番茄，酸酸甜甜最解膩。麻辣都係接受到嘅辣味，聽講係有迎合香港人口味改良過嘅。湯底印象比較深刻，配料整體質素都幾好特別推介塔拉上的快樂卷，好大一碟，一碟都有十幾二十塊，而且話係用小羊肉，食落嫩滑，肥瘦比例均勻，表面幾塊油脂會豐富啲，但食落都唔會話油膩。羊肉火鍋嘅味道真係聞到好上癮，下次會再嚟食。

因為疫情好耐無出街食飯，更加無去過打邊爐好耐，呢排情況好轉加上今次係一次過補番好友們嘅生日飯。最尾決定去食快樂小羊，因為有2個朋友都超級喜愛食羊。湯底點咗成雙鍋，即係鴛鴦鍋，選擇了清湯+麻辣。麻辣食耐咗煲煲下會變得幾辣，好適合配搭肉類。清湯味道都濃郁，唔係以濃縮醬料製作，以藥材煲製而成，係怕辣朋友嘅救星。塔拉上的快樂卷，肉質好嫩滑，唔會好肥，其實就唔太有羊肉嘅騷味，怕騷嘅朋友都話好好味。包克圖牛羊涮有齊2款肉，份量大，羊肉較肥，脂肪感十足，騷味較香濃。牛肉質素一樣好，唔會有筋，淥一淥就食得。

經Openrice訂呢一間食店竟然送湯底兼配料78折，真係抵到嚇死了(訂之前最好打去confirm睇下仲有無呢個優惠)。呢間位於旺角的羊肉火鍋店已經係第二次來，一黎自己好鍾意食羊，二黎佢坐得好舒服，D位好闊，而且抽氣系統好，唔會食到個身好大陣味。我自己一向覺得呢D羊叫最平就OK，因為價錢貴D的通常肥D，所以先至做到入口即溶的感覺，唔知大家同唔同意呢？我自己覺得so far都啱嘅。呢度D羊新鮮(expected)，所以唔洗點講，不過是晚最驚喜的就是呢一個蒙式烤羊排，香、脆、軟，仲要有肉汁，真係超水準演繹，愛羊的你，必試。

本來尼食野 野食係唔錯，清湯酸辣麻辣都好好味，不過沙律調配醬汁太甜。但預正疑似經理教訓員工 一位白衫女員工不斷係客人面前對灰衫女員工責罵，當中包括粗言穢語 高聲量調教，我本人覺得此類事件可以私下到沒有客人地方解決，會影響公司聲譽及客人對此餐廳感覺，希望可以進一步提升餐廳員工質素控制自己情緒及發出警告。事情發生於：6/6/2020 16:00香港旺角店

旺角鬧市中一家2層樓的火鍋店，地方很大，但人氣十足。麻辣湯底做了適度地道化調整，切合港人口味；清湯也有一點誠意，不是純清水，可當湯喝。羊肉當然是主打，大片羊夠份量，油脂比稍高一點，適合愛點肥肉人士口胃。蒙式烤羊串實在必點，非常地道，配合孜然粉，香味十足又香口，肉味不羶。白鱔新鮮，熟后爽滑帶脆。脆肉鯇魚遜色了一點。2人光顧，點餐如下：1. 成雙鍋（清湯＋辣湯）2. 蒙式烤串3. 青島啤酒4. 茶位費5. 天夫青荀6. 菠菜7. 白鱔8. 養顏花膠9. 脆肉鯇魚10. 鬼馬墨魚滑11. 草原臻選大片羊12. 咸檸7up13. 炸豆卷（響玲）加一後，合共HK$925。

‼️❤️ 記得CLICK我PROFILE關注我呀 ❤️‼️.🥘 520快樂 @ 🌟 快樂小羊火鍋餐廳 《👽食神大媽生日食唔停系列》.💁‍♀️ 圖片展示美食為：麻辣鍋 X 光陰鍋 🥘 羊羊大拼盤 🐑.一般來說，我們看到的火鍋店都是以牛作為主打，很少是以羊為主打的。更重要的是，這裡性價比超高，但品質卻保持一貫的高，並沒將就。很多火鍋店羊片切得不夠厚而容易鬆散，這裡沒有一次出現這種狀況。絕對適合各位食肉獸呢。😬.湯底還調到和羊肉非常搭配，有別於一般只會讓你舌頭髮麻的麻辣鍋底。座位也非常寬闊，坐在這裡打邊爐絕對是聚會好選擇。👍..👽 大媽今個月生日大快樂，好開心呀，可以連續成個月不停食食食 😬😋✌️ 多謝❤️大媽嘅每一位 🥳.⠀📍旺角豉油街60-104號XX Arcade部分地下至2樓⠀☎️ +(852)2345-6898.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂..