忠誠茶座泰國菜

營業中

休息中

我好鐘意食個到既蝦餅好好味滑雞金邊粉好好味嫁個到既環境真係唔錯嫁值得一去

星期日同班朋友去大美督踏單車同放風箏,六點左右還車時見忠誠好多人係門口等位,念住冇死啦,咁多人等位而門口又寫住正宗泰國菜,一致同意之下咪試下囉,點知...1) 唔老實: 佢有兩個餐牌,一個係平日,一個係假日,點解我知,因為個小妹妹樓面比左兩本唔同餐牌,起初都冇留意,但一睇價錢就好大分別,假日一餸平均貴10-20元.2) 樓面唔熟餐牌餸菜: 問樓面炸蝦餅有幾多件,佢話唔知答唔到,要問.3) 中菜泰國化:其實佢個餐牌有好多款式,但好多都係由中國菜加酸,加辣就叫泰國菜,唔知仲以為去左酒樓食飯.

大眾菜式, 加啲酸, 加啲迎辣, 便以為係泰菜...我都未試過係泰國食日本出前一丁, 亦未試過食港式茄蛋三文治真係唔明點解佢會話係正宗泰菜

常常到大尾篤踏單車, 也未試過這間, 今次試試啦! 朋友點了冬蔭公牛肉湯粉, 冬蔭公湯頗酸, 夠香夠辣, 正是我那杯茶. 另外點了公司三文治, 有吞拿魚, 都ok, 可惜麵飽不夠熱. 凍奶茶, 味道剛好, 不太甜. 經濟實惠的下午茶! 坐坐, 充充電才回程確不錯!

這裡純港式，但勝在好坐。外表是泰式食肆的裝潢，侍應們也穿上泰國民族服飾，但就午市餐牌而言，似一間港式餐廳多一點。幾個朋友，談談笑笑，悠悠閒閒的踩了入大尾篤，最好的莫過於擺好部戰車，去吃個下午茶。上次去了甜品小食店，是日就試試這裡，純見佢闊落又通爽。5個人坐了張大圓檯，幾鬆動。看看吃什麼，跟陳小姐研究了一輪餐牌，發現都沒有幾樣是真正的泰式食品。不想吃喇沙及冬蔭功，唯有叫了個泰式炒粉絲、酸甜魚飯及公司三文治兩份。炒粉絲賣相幾好，有幾多蛋及蝦在內，吃落略十足在吃星州炒米的感覺，怎看也不「泰式」；酸甜魚也是看樣子不錯，但味道卻是茄汁的味道，還是學生時期吃茄汁豬扒的那個港式茄汁。魚塊沒有炸過，還吃到點點腥味，唔掂；最後的公司三文治，借用某名食友的一句，是「比想像中好」，三文治下層的吞拿魚醬，幾好味~在泰菜館發現原來公司三文治最好味，都不知應比「笑面」好還是「喊面」好。食物麻麻，特色飲品卻幾受歡迎，因為踩到個人熱辣辣，飲點冰就最舒服。要了榔汁綠豆沙，看起上來是驚嚇的螢光綠色，但加了斑蘭葉的椰汁，打起上來幾香甜，感覺良好。綠豆是綠豆邊，硬硬的一粒粒，沒有什麼興致去對付它們，喝剩了不少；T兄叫的是「多

薑餅妹剛出來做嘢, 很大方地請大家食飯. 五個人食左十樣嘢:1.燒鱔–肉質爽, 肥美彈牙.2.炸蝦餅–成球狀, 唔夠膠質彈牙.3.燒鮮魷–幾大隻, 彈牙但偏乾.4.冬陰公–很酸辣, 重香茅味, 但蝦偏霉.5.咖哩炒蟹–有一隻蟹, 肉都算鮮嫩, 幾香口.6.咖哩牛腩煲- 咖哩汁淡黃色, 似葡汁多D, 牛腩近肋骨位, 偏勒, 唔夠牛香, 成煲野似mix唔到.7.乾炒貴刁–唔辣, 偏淡, 無乜特別.8.咸魚炒椰菜苗–咸魚切成一大粒, 如果整成蓉炒就更香啦.9.另叫左薄餅和蒜蓉包伴咖哩汁吃, 薄餅香脆, 好食過後者.連一個椰青, 埋單$6XX, quality不過不失, 當然在九龍城好吃好多.

星期六晚食晚飯, 5 個人食完後問是否有糖水送, 因為之前睇到隔離兩台都有, 姐姐仔話幫我地問o下, 跟住返來話無得送, 仲要話"過往都無得送", 如是一直是無糖水送, 何解之前要幫我地問, 直接話無得送無算囉。最後同佢講, 剛才隔離台都有得送喎, 姐姐仔又話幫我地check check 喎, 跟住有人送上糖水。真係當d 客傻

星期六晚唔知食乜好,睇完呢到既食評決定一試食物包括：1. 串燒雞+豬.....肉質嫩滑但沙爹醬無辣味只有甜味2. 炸蝦餅.....唔彈牙無蝦味,不夠水準3. 香葉包雞.....肉質嫩滑唔燶一流4. 燒魷魚全隻.....無調味,如配合醬汁較好5. 辣椒膏炒青口.....青口新鮮夠大隻醬汁好味6. 紅咖哩牛肉.....牛肉少配料多咖哩汁味道幾好7. 咸魚炒介蘭.....夠鑊氣屋企煮唔到8. 泰式牛肚喇沙.....幾特別9. 蒜蓉飽.....熱辣辣夠脆有香蔥味10. 咸檸七.....20蚊杯得半個咸檸實在孤寒11. 綠豆椰汁冰.....一般12. 冰凍酸桔蜜.....名不符實服務：夜晚6點幾先打去留坐,8點去到即刻有位抵讚．可惜全晚由一位遊魂既妹妹仔招呼,個位妹妹仔幫我地落單後過左30分鐘都仲未有野食,催促下先發現原來佢無幫我地入單,佢仲同我地講係同事無入單,不過後來佢都發現漏單既係自己,最後佢先叫廚房快d起菜．食完後,妹妹仔黎執枱仲打瀉我杯咸檸七,後果大家明啦．總評：價錢抵，食物ＯＫ，但希望下次唔好畀呢個妹妹仔招呼．

夜晚九點幾係等番呢間比較多人, 就決定食呢間啦!...d食又幾好wo~生菜肉碎包- 少少辣, 又新鮮, 幾好味!紅咖哩雞加薄餅- 正宗咖哩, 好正好香!!! 不過個薄餅就差d啦...唔似係即做, 但加埋d 咖哩都唔錯.海鮮菠蘿炒飯- 好足料, d 飯炒得幾香幾好味!d 食又大碟又唔貴, 服務又唔錯,真係無諗過...原來大美篤d 餐廳都好有水準ga wo!

兩個人去叫左三樣菜- 釀雞翼, 辣豆辦醬炒通菜, 炸蝦餅, 全部水準不俗, 尤其炸蝦餅, 好似蝦丸, 點附送的泰式甜酸醬份外好味.

大家了結左件心事, 又冇煮飯, 於是入左忠誠食。6個人食左唔算多野。先來一人一串燒白鱔。呢度整得唔差喎! 鱔夠脆, 加d lime juice, 簡直係正! 第2味來的竟然係炒飯! 蝦醬炒飯記憶中好似pass, 不過冇留低大印象就是了。烤餅, 蒜蓉包用作沾紅咖哩牛, 2者用來沾汁的話, 前者會好d, 但係因為烤餅都係超市貨色, 我覺得蒜蓉包好似ok d。當然, 食咖哩我一向支持靚仔才是最佳組合! 炸蝦餅其實係炸蝦丸! 都幾好食。蝦醬炒通菜一睇就知只係需要菜而叫的菜, o係街煮的菜一般都太多油, 所以我唔識欣賞。好似唔止食左咁少, 不過我database都唔記得的, 好極有限, 不提也罷。臨走有甜品送, 唔係係咪熟客至有, 所以不要抱太大期望。食到8成飽, 埋單3百幾, 都叫唔錯!p.s. 記住著長褲, 唔係一定後悔!

I went there on a Sunday on 2006-04-02 for the first time. Quite good food and atmosphere. I had the following food:-1. 醃牛柳(Very good)2. 燒全魷魚(Very good)3. 香葉包雞(Excellent)4. 炒椰菜苗(OK)5. 冬蔭功\ (Very good)Food quality is generally good and I am happy to go there again.

(28/3)一個快樂的假期，應親親大自然，伴著兩位後進一同前往，幸好在下體魄仍能過關，肚餓下快放去了一間居民推介食店，三個人吃四個下午茶餐，好不意外。叫了食物如下：１．椰香咖哩石斑飯；２．冬蔭牛肚金邊粉；３．魚露雞河；４．蝦餅包雞薯條；（凍飲數杯）椰香咖哩的香，未嘗先聞其味，但石斑入口鬆化，不是一般貨色，雖則雪藏貨但沒有那陣雪味，而薯仔能平分春色，實在好味；冬蔭湯味道濃郁，牛肚入味，不是吃下去咬膠那款；魚露雞，真的是最好味的一種，好鮮味，香料味不會搶奪雞的角色，不點醬更佳，冰鮮雞？真的不肯定。蝦餅包雞，但蝦餅真的不錯，有蝦肉於裡面，香脆鬆化，可以值得再試。若不是踏單車的緣故，基本上很少機會過來，唯有探訪住附近的朋友時再來吧。繼續出發！

我7點幾去到, 多人到嚇親我, 車位無哂, 要等, 去到餐廳門口見到廿幾個等十幾廿人的大枱, 三十人等2-4人枱, 全部人都在等, 起碼要一個鐘。1. 咖哩蟹-- 好好食, 同金寶差不多, 隻蟹更加大隻2. 泰式雞絲沙律-- 超正, 不過都好辣3. 豬頸肉-- 切得比較大片, 細片少少口感好0的, 個汁唔辣, 酸酸甜甜, 幾好~4. 青檸梳打-- 好大杯, 幾抵飲P.S. 無蝦刺身食, 有點失望, 因為佢都係sell 平價野, 好多炒麵飯飽肚野, 但我就麻麻地, 不過個environment 同氣氛就幾好~~服務員用PDA 落單, 都幾快~~

星期日午市o黎呢間餐廳食飯我同d朋友一行五人都叫佢o既咖喱飯(石斑/雞扒)佢個咖喱真係無得彈唔會太辣, 好香椰子味我同d朋友仔個個食到唔停得口最緊要係佢唔會因為果度"山卡啦"就斬到你一頸血埋單都係$30有找大家去開大尾篤o既話真係要試試呀