影片
港鐵觀塘站 B2 出口, 步行約5分鐘
繼續閱讀
電話號碼
31880900
93903161
營業時間
今日營業
12:00 - 15:00
17:30 - 22:00
星期一至六
12:00 - 15:00
17:30 - 22:00
星期日
全日休息
以上資料只供參考, 請與餐廳確認詳情
有關獎賞計劃
❣️去觀塘打邊爐有新選擇！呢間餐廳火鍋配料以自助形式提供，最平$10碟！❣️湯底都係$25，點好後可以去雪櫃自己攞配料，和牛都係$50/6粒，鮑魚$18/3粒，抵啊❣️只係平絕觀塘區火鍋，而且可以揀到自己鍾意嘅野食，水準又幾好。完全可以唔用腦諗任食🍲椰子雞湯底椰子味濃，幾甜香真材實料。昆布豆腐清清地仲有豆腐▪️$10區▪️- $10有成8粒陳皮魚蛋，好滿足！另外仲有日本烏冬、金菇、貢丸、牛丸等都係$10！完全任攞唔使諗！▪️$12區▪️- 有魚膘，都幾新鮮！最驚喜係3-4件腩肉都係$12 ，肉質唔錯仲有牛柏葉。▪️$18區▪️- 脆肉脘爽脆，厚身有油脂香- 鮑魚好好食，仲要無expect $18有3粒！質素幾好，有口感又鮮甜- 仲有雞軟骨棒，入面粒粒軟骨好爽脆，夠曬特別- 最驚喜係蟹鉗都係$18區▪️$40藍色碟▪️- 有豬腩片、羊卷肉等，肉質都唔錯，肥瘦均勻▪️$50▪️- 最抵食係有$50/6粒和牛、牛小排，脂肪分佈平均，水準唔錯值得一讚係菜類，菠菜好嫩，忍唔住係咁食～呢個價錢，抵過自己屋企打邊爐，又唔使自己買自己整！😍
繼續閱讀
香港百幾蚊可以打1人邊爐！呢度地方寬敞，仲有戶外用餐空間仲有特色打卡牆，最啱中意影相嘅大家餐廳推 一人自選火鍋湯底（$25/個）有四款湯底揀：分別有 壽喜燒，椰子雞，昆布豆腐，四川麻辣 火鍋配料種類有好多，無論丸類，肉類同蔬菜類都好多，唔怕唔啱食，任君選擇～難得嘅係蔬菜類都好新鮮冇爛冇黃值得一讚嘅係，佢係獨立分開一份份，仲用保鮮紙包住，夠晒衛生！今次我哋叫咗椰子雞湯底同埋昆布湯底，湯底濃度啱啱好，唔會食到係咁飲野仲有仲有～呢度嘅牛肉係A4和牛！唔會揸流攤㗎。食飽仲有得抽扭蛋，每個扭蛋入邊都有唔同嘅獎賞或者現金券～（例如：吉列南瓜餅/火山吉列蝦丼飯/香酥肉/炸餃子/$10現金券）全日免加一由3月1日至31日期間每消費$100就有1個扭蛋幣$200有兩個～如此類推⋯碗類：綠色$30/黑色$25/橙色$35正方碟類：綠色$50/藍色$40/灰色$30/黑色$20長方碟類：綠色$10/黃色$12/藍色$18如果+$20仲有得揀碳燒烤爐
繼續閱讀
我選擇了火山吉列蝦丼，很普通，吉列蝦偏乾同埋無咩味，下面的飯亦都沒有醬汁，材料沒有很多，只有青瓜同埋蕃茄仔，就是一個很普通的丼飯。58蚊包一個紙包飲品，打工仔食個lunch 係ok既😅
繼續閱讀
原本見到間餐廳啲食評寫到佢天上有地下無，諗住同朋友都可以試吓。。。見佢講到又有火鍋又有燒肉可以食，梗係九秒九訂位啦。。。點知去到，食物選擇少到嚇親人。。。講緊咁大間餐廳，食物選擇少於20款 (唔計飲品)🫨見情況唔係太樂觀，梗係即刻叫火鍋呢啲點都唔會有問題嘅嘢啦，點知個火鍋原來先係最伏🙂↕️成個火鍋完全做到多菜少肉，肉就得幾塊，然後除咗菜同菜之外，就冇任何嘅配料😀全晚食完都唔知自己食咗咩，個肚完全係感到空虛寂寞凍😛餐廳唯一優點就係地方大，客人唔多咪任你坐囉🤭只能夠講係一間裝修到好似日本餐廳嘅餐廳，食緊嘅嘢，分分鐘區內任何一間連鎖餐廳都做得比佢好，而家係連合格都比不上😠
繼續閱讀
今日同朋友去咗一間喺Openrice好多人推介嘅丼飯餐廳，試咗佢哋嘅招牌滑蛋吉列豬扒飯🍛，真係冇令我失望！一上枱，個豬扒已經嚇親我，真係巨大到呢🤯，厚切得嚟啖啖肉，外皮炸得金黃酥脆，咬落去仲好juicy，完全唔會乾爭爭，正到爆💥！滑蛋嘅火候控制得啱啱好，蛋汁流心，撈飯食真係一流😋。最欣賞嘅係佢哋嘅醬汁，唔會直接淋喺豬扒上面，而係分開上，咁就唔會整淋個豬扒，保持到個脆皮口感，細心位加分👍！午市仲送紙包飲品🍹，真係抵食夾大件，性價比超高！成個set食完超滿足，飽到上心口🤰。總括嚟講，呢間餐廳絕對值得再encore，尤其係鍾意食吉列豬扒嘅朋友，一定要嚟試吓！下次再嚟，我諗我會試埋佢哋其他招牌菜，期待ing✨！
繼續閱讀