必勝客 (已結業)

昨天下午同仔仔來這裡食下午茶，我一坐下就想起之前有位食家推薦的香甜多士。所以就叫了一個飲凍檸水($22)，而仔仔就叫了個肉醬意粉兒童餐($33)。先來檸水，嘩都幾大杯，個杯是四方形的，不過幾甜，下次都是叫佢糖水另上自己加好了。之後個香甜多士到，真的是食家講的，是一個細薄餅底上面有芝士的，另附上一兜練奶。個餅很脆，點練奶食，很好味，連我個仔都食了三件。我們重要個待應比多一兜練奶我地，因為不夠點。但記得熱食，因為凍了冇咁好味。另個仔的兒童餐都幾好，有兩條香腸仔，兩個仔仔講的什菜圏，幾粒啫喱糖和細半碟肉醬意粉，再加一杯汽水。這裡服務幾好，要水有水，要牙籤有牙籤，不過要加一。

試食的份量也不小! 但係我一早叫o左個餐,無得試.批邊比芝心批脆.個餐幾抵,湯-芝脆批-小食/飯/意粉-飲品.....都係$169......以往只係湯和飲品任擇其一

同事生日，黎呢度食，因為之前有生日COUPON，免費一個大0既夏威夷批。原來新出左個芝脆批，係芝心批0既加強版，仲有脆脆面，幾特別，都叫左個黎試。叫完野食，有個經理拎住個PIZZA周圍走，我地仲以為係我地0個個，咪叫住佢囉…原來佢係周圍俾人試食，所以佢都俾左幾件我地試，唔錯喎~ (每人都有半件試食，幾好橋喎﹗)同D waitor講左個同事生日，估唔到佢地送左兩件tiramisu俾我地，插晒蠟燭，仲開喇叭唱晒生日歌，開心到不得了。本身對pizza hut都唔係太喜歡，但而家又有d改觀，新裝修，新作風，真係好有進步喎﹗

鋪頭新開張,服務、食物質素......乜都好啲......呢間分店相信係裝修最靚最大的一間....Lunch好抵($33-$49),好過吃晚餐好多~晚餐大份花款多得黎而唔好食.去都係揀個兩樣~香蒜肉絲意粉和迷你批.唔會唔好食!P.S.就算係新開張個男廁都好唔掂好臭.

有一日係銅鑼灣街頭見到有d十足十童軍o既制服o既人係度派傳單,咁我就好好奇咁拿左張睇,睇睇下就發覺原來係pizza hut黎ge~之後行去o個度食o既途中,又見到個童軍仔拿住d氣球係度行緊~咁我就上前問佢拿個波啦~d波好靚~心型添~行到去間野o既門口度就見到個侍應(另一個童軍仔),佢就帶左我地去搭電梯上去喇~原來間野係o係3樓ge~唔講都唔知添呀~上到去就有人招呼我地~感覺都幾親切~而我地一行四人就坐係窗口car位度~而且仲有人幫我地處理帶來o既蛋糕添(我地o個日有人生日)之後就叫左d野食~有d新o既pizza啦~同埋有個镬仔o既麵...好似叫天使麵o既麵,另外仲有d小食添~d天使麵好好食~其他野都ok ge~不過個pizza就食唔晒囉~食完野~d侍應就幫我地拾好將檯,換晒d碟~就上蛋糕喇~上o既時候仲有人播歌同埋成班童軍仔來一齊唱,感覺都幾特別,而且唱完歌全場o既人連埋其他客人都一齊拍手添~好似全部人幫我地慶祝咁~係其他餐廳真係未試過咁好玩~如果有機會我地會再去食多次~

今天下午筆者和友人經過銅鑼灣，正肚餓時有人給了我們一張傳單，Pizza Hut。二人找了一會才找到Pizza Hut 在那兒，真的好僻。可能是下午茶時間冇乜人，個侍應仲由地下帶我們上三樓。野食和其他Pizza Hut一樣冇乜分別，個煙三文魚沙律一樣好腥，迷你Pizza一樣冇芝心。坐位好舒服，服務好，和友人坐了約2小時，$80幾埋單，但仍不大飽。

今朝收到張傳單，叫一個PIZZA就送個香蒜肉絲意粉或者沙律，所以晏晝就同同事黎呢度食晏。呢度同其他PIZZA HUT好唔同，裝修靚，坐位又舒服。我地一行8個人，叫左一個大批(厚)、兩個沙律、一個飯、兩個意粉(其中一個送0既)、雞翼同小食拼盤。其中最好味係鮮果沙律，雖然無左SALAD BAR，但有番幾個沙律揀都算係咁。而其他都係同普通PIZZA HUT一樣，OK啦﹗留意而家做緊PROMOTION，買$500現金券(5張$100)就可以即刻成為會員，今個月VIP仲有85折，最好係可以同其他COUPON一齊用，所以我地就申請左。好抵，埋單都係三百廿幾蚊，一人都係四十蚊，仲留番兩張現金券下次用添喎﹗唔知個PROMOTION做到幾時，要申請就快喇﹗

自從Pizza Hut搬了這裡後，服務好了很多，尤其是女待應。裝飾幾靚，最好就是可以打電話訂座，尤其是拍拖的男女。但食物除了薄餅，其它就不是樣樣咁好了，特別是串燒不要吃，又乾又硬。