必勝客 (已結業)

出左新既parma ham pizza set,好正呀!set入面仲有羊架,亦都係very good!唯一唔好既係個餐食完都唔係好夠飽.

同朋友黎食晚飯叫左好多野食包括脆邊批意粉小食套餐個餐包左蟹腳軟心脆邊批,意大利菜湯,南瓜湯,海鮮寬條麵,鴨胸螺絲粉脆窩,特級豬仔骨伴田園沙律同飲品4杯另外我地又加左秘製雞槌,挪威三文魚卷,車打海鮮焗飯,田園什菜配鰻魚汁,千島海鮮薄批,威尼斯甜奶油迷你批同歐陸甜品拼盤大部份味道都叫可以除左個蟹腳pizza無乜料外仲要無乜味道豬仔骨太乾無汁全部食物配料都太少但就有太多芝士所以都幾漏下服務有d好d但有d新人乜都唔知十下十下

是日，罕有的主動提出去Pizza Hut吃飯。因有公益金便服日coupon，不但第二客lunch set可以半價，而且每次使用coupon餐廳會還捐出$4給公益金，很有意義!　pizza hut的午餐都幾diversified，由基本的pasta及pizza，至現在咖喱飯都有得揀。我對這等創新菜式興趣不大，還是揀我一直食開的海鮮寬條麵($49)。　幾欣賞這裡的寬條麵濃郁的醬汁，趁熱辣辣時吃下去，齒頰留香，非常滿足，是除做善事外去食pizza hut的另一動力!　不過此外其他食物認真一般。

我地星期六去左飲下午茶，見個歐陸乜乜乜甜品咁骨子，又多野食，咪叫來試下囉…仲叫左一個兩隻味既雞翼…唉…個雞翼要追左兩次單，總共用左大半個鐘出現，但圍繞我地既人，無論係早過我地落單，定遲過我地落單既，都已經食完…我個凍朱古力來到既時候，舊cream已經融左大半…但最驚嚇係個甜品裡面個法式燉蛋，竟然係咸到苦！！！當然係搵人來換左佢…換左返來o個個都係唔係好得，我諗係因為佢用錯方法來整，所以搞到好難食…我以後都唔會再叫呢個餐…不過，平心而論，除左個燉蛋外，其他野既味道都係正常的…但個咸既燉蛋實在係太驚嚇了…

做到無心機,同同事食餐好d既午餐舒緩一下,見呢度無人等位就食pizza hut啦。一坐低叫番個吞拿魚腸仔螺絲粉午餐,包飲品/餐湯。餐湯:意大利雜菜湯,味道淡淡地,都有好多蔬菜仲有d意粉段,幾得意但較淡。吞拿魚螺絲粉: 外觀好吸引,黑色餐碟加上紅色蕃茄汁...視覺上已經好得。味道帶甜,重蒜茸味,愈食愈開胃,清碟!!凍咖啡:味道似即磨,飲落都好香口,又夠大杯!!我覺得唔錯啦!!加五蚊有雪糕,揀左芝麻雪糕加紅豆,紅豆好甜,雪糕球略為細左少少囉,跟餐送就話ok,但要加錢就好似呃錢d。而家pizza hut服務唔錯,每個職員都好有笑容,反應又快,咁至係應有態度哦!!

同女朋友一家出街食，點知唔記得當日放榜，結果等左成個鐘，算數啦，有得食就得喇! 試左新出的鰻魚pizza，唔錯喎，鰻魚多汁，份量都算多，雖然口感薄d，但幾好食，好難得pizza hut d 新pie會好好食，幾好，收貨。

同友人去pizza hut dinner，d 服務員都幾take care小朋友，又送波波，唔錯﹗另外，d食物都能保持水準，始終係chain store﹗另外，pizza hut做緊promotion，食滿$80(唔係好sure)，就免費一樣selected food (只收加一)，都幾抵﹗

同哥哥一齊食lunch,我叫左海鮮闊條麵個meal, 加錢轉雪糕紅豆冰,pizza hut 既海鮮闊條麵雖然有味精,不過真係好好味, d料又多, 我最鐘意d八爪魚!!紅豆冰好差... 太水啦...

今日同teammate出去慶祝生日，地點定左o係葵芳pizza hut~ 呢一間環境幾靚ga，服務更加要讚~ 先講返食，我o地八個人都要左幾多野食，包括兩個pizza、海鮮寬條麵、香蒜肉絲意粉、海鮮焗飯、茄汁香腸吞拿魚螺絲粉、蜜糖雞翼等~ 個人都係最愛芝心批同海鮮寬條麵~ ^^準備左蛋糕，呢間pizza hut係成班waiters全部出哂o黎一齊唱生日歌，之後又會拎寶麗萊同我o地影相，令人印象好深刻呀~ 而且overall佢o地態度都好有禮貌，唔錯~

蜜蜜汁豬柳pizza:豬柳好乾冇味奇奇怪怪咁!!!

大年初一dinner去呢度食知道會好多人所以都叫0的去~..去到真係好鬼死多人.5個人叫0左個「人氣必勝春日4人套餐」有4個湯- 一般啦~.冇特別蜜蜜汁豬柳pizza - 好好食! 一定要試!!!小食拼盤- 幾好，上檯時都幾熱~千層肉醬闊麵- 好多肉醬，但闊麵就好少>.<4杯野飲都係$323 jar! 抵!!!

今日收得工都已經七點幾由早上七時多工作至晚上七時多連續工作了十二小時個肚都打晒鼓(因為忙到午飯都冇食)本來想join番飯聚但真係太累了,放棄了此想法加上同事誠邀一同食飯故放工後一齊去左pizza hut開餐兩個人叫左個二人餐有意大利雜菜湯,至尊芝心批,韓式豬肉串燒,烤雞田園沙津,雲呢拿紅豆雪糕同埋一人一杯餐飲雜菜湯～比較"熙",味道亦唔濃,一般貨色至尊芝心批～因為朋友話芝脆批唔特別好，我又冇所謂咪食番芝心批熱辣辣上真係幾好食喎（一種久違既味道）韓式豬肉串燒～唔韌，醬汁味道亦唔錯，配菜亦好食，唔錯烤雞田園沙津～雞肉唔韌，醬汁係一般千島醬，配菜新鮮，雖然係一般貨色，但味道亦不錯雲呢拿紅豆雪糕～一般牛奶公司雪糕，加入甜又稔既紅豆，一般貨色，但勝在雪糕夠凍，少少地幾滋味P.S.不過今晚我係最滿意係佢既服務態度，出杯餐飲時個waitress 問左幾次出餐飲個職員係咪真係已經少甜左！以而家黎講好少侍應會咁細心架喇！！

捱驢仔ｏ既第一日，食番餐豐ｏ的ｏ既，去左必勝客。離遠望埋去，新格局差ｏ的認唔到，實在太耐無幫襯必勝客喇，唔知各分店係咪都煥然一新哩？！要左個意亂情迷二人乙餐＋香烤嫩豬仔骨拼越南春卷，話雖二人餐，四人份量都夠食。超級至尊芝脆批：芝脆批相信係新推介，「脆軟兩極新口感」我就唔多覺喇，唔係咁脆ｏ者，「軟」口感做得到，芝士溶溶地，都唔錯；千層肉醬闊麵：一向覺得佢地ｏ的意粉飯只供「飽肚」之用，屬「麻麻」系列，同學們一致嫌薯蓉份量多過闊麵，我則無乜所謂，反正兩樣都喜歡食；香烤嫩豬仔骨拼越南春卷：賣相精緻，味道就一般，春卷口感怪怪地，因為咬落去唔係脆卜卜，而係淋patpat，至於兩舊豬仔骨，算係「嫩口」，唔知用咩烤哩，咬落去有少少花生醬味。值得一讚ｏ既係，每位服務員雖算係junior，但絕不「失禮」，兼保持笑容，大家不忙互相提點一番，發揮團隊精神喎。

The serivce is very good!!!Actually, I somtimes go there because of holding birthday parties!!!When my friends or my family and I are celebrating, they sang the birthday song with us and helped us to take a photo. Futhermore, they would give the birthday card. Therefore, we can get the beautiful memory each time!!!!Thank you for the managers and the waiters!!!

好耐好耐冇去過pizza hut,星期日同屋企人突然心血來潮想食pizza,葵芳只得pizza hut同spaghetti house兩者選擇,一向覺得SH又貴又唔好食,所以就黎左呢度新裝修後細就好多(因為一半鋪位變左和民)但靚左,附近既有和民同SH,但未夠七點呢到都幾多人等位,可見港式pizza仍有不少忠心fans. 變革後pizza款式雖然冇變，但其他小食、意粉焗飯選擇都多左，仲有幾款沙律添.三個人,叫左一個漁港風情細芝心批,焗雜菜同蕃茄海鮮扁麵. 扁麵最先黎,海鮮中既蜆肉有d腥,蕃茄汁太酸,好彩麵質唔會話太淋,普通啦~ 雜菜以葡汁焗,都幾香,但其實只有西蘭花椰菜花同甘荀,用多d唔同既蔬菜會好d. Pizza最後黎, 叫得芝心批都預左較滯,但佢用得實在太多油,唔單止個底連pizza面都佈滿油,見到都有d驚. 記得以前食芝心批條邊既芝士係好煙韌的,今次再食發覺芝士較稀亦較淡,好似冇咁好食. 成個pizza味道真係預期地一般, 純粹止下pizza癮, 所以我食完一件都冇encore既意欲其實我食pizza鍾意款式簡簡單單o個d,睇黎餡料多多既港式pizza都係唔岩我,哈~