必勝客 (已結業)

以往每年食開意粉屋既芝士火鍋但因為意粉屋既分店愈黎愈少唯有今年試下PIZZA HUT 既芝士火鍋二百幾兩個人食雖然望落覺得好少野但食完都幾飽(應該係肥膩,未必係飽)食物:薯條 - M記果款, 個人認為應該要用粗薯條, 如果要用M記薯條一定要夠脆, 唔係好難拮, 斷哂落個芝士火鍋到丸條 - 好咸, 完全唔想食, 因為本身個芝士已經咸, 我地食左兩條已經無食, 成碗剩底左, 唔知佢會唔會拎入去再用脆脆包粒 - 份量應該要多返D, 又唔係貴帶子, 蝦 - 都過得去, 算鮮味, 相信好大部分既成本都落左LI 到整體黎講我覺得意粉屋抵食D , 好食D pizza hut 都係食返pizza 

每年都要食一次芝士火鍋。🧀🧀🧀 年年食物內容都有啲唔同。會比客人新鮮感。味道不錯，價錢不便宜。 今年有帆立貝，香草腸，但我唔鍾意食可惜個餐set哂無得轉，希望以後芝士火鍋餐可以有得揀食物內容。唔食的可轉其他款食物：如蝦、麵包、炸雞粒、三文魚……會更加好。餐唔包飲品，sad。

其實⋯⋯都有一段日子無食，事關越來越唔好食！首先係由外賣開始的，原本都幾鐘意午飯時段叫佢個個人餐，由四十幾叫到依家要五十蚊一個，但都扺食嘅。有幾款pizza 同飯 or 意粉俾你揀，跟住有一個小食- 四隻雞翼or 著格腸仔。 但好惜，在某一天，已唔再好味，我地就停咗無叫。 再跟住某一天，堂食，又係唔好味，我地已經將佢 blacklist 咗，連APP都 delete 埋。而今天，點解又會黎食呢⋯⋯因為有時要叫外送俾屋企長者食，所以叫咗兩、三次儲夠咗分可以換雞翼，就係咁，俾多次機會呢間！ 今次又叫香蒜肉粒意粉同埋肉醬義粉。 女友鐘意龍蝦湯，就加十蚊換咗佢😁點解啲食物質素會變到咁，連個菜湯味都唔同咗⋯⋯個龍蝦湯就ok了味，係呢類型嘅食店，算整得好味。 食物都到了，辣雞翼，又係唔同咗味，其實即係唔好味咗😕 到香蒜意粉，有兩邊焗到乾咗，意粉好硬，無咗蒜香味👎🏼 肉醬意好啲卦⋯⋯唉⋯⋯又係唔同咗味，淨係得個酸味，無芝士香味，無肉醬香味👎🏼👎🏼 今餐除左個龍蝦湯之外，全部都唔得！ 我同女友一路食一路講，呢間真係唔洗再黎，如果唔係有時要叫外送，相信個APP真係可以 delete 🙄

好耐冇食pizza hut, 因為佢實在太港式…………朋友見廣告有扭扭芝士邊，話想試吓。果然冇意外，水準依舊 - 港式、鹹。個芝士邊包住嘅芝士本身已幾鹹，仲要加塊鹹火腿。不過因為有包心芝士邊， 起碼唔會好似平時咁要乾哽個麵包邊。德國咸豬手好似係新出嘅 (可能係啦,其實我好耐冇嚟,都唔知 ) menu 幅相睇落好大，點知嚟到好細份 。 啲皮同筋都slow cook 到好軟腍。 食完之後，終於諗起似咩味，就係中國嗰啲金華火腿。完完全全就係一舊好鹹嘅金華火腿。

好似一年一度幫襯pizza. 1pizza,1飯加一贈送前菜。好彩前菜係free.要俾錢就一定唔order.，乾兼堅韌，只一堆雜菜加沙律醬放隻蝦上頂。個龍蝦汁藜麥飯，推廣為“超級食物“。。。。食落特色係清淡藜麥只係裝飾。見餐牌介紹藜麥好處，以為會混埋飯一齊啦。但，有相有真相，得幾粒。藜麥唔係仙丹，只有幾粒，幾好都冇用啦。算推廣什麼？都只係得薄餅保持水準。失望。。。。

用銀聯信用卡有套餐價,  3 百幾   , 加埋一好似3百4十幾人均唔洗200蚊食到飽飽好滿足, 我認為幾抵凱撒沙律+ 意粉+ 蜆肉薯茸+ 普通批 +2杯飲品對不起, 沒有全部都相機食先   , 不過都要報告一下依個新推出期間限定既  芝士輪盤 (黑松露) 扭扭批!****小學補習老師mode-----數學題1)   普通批一開為6 ,  每個SLICE有3 粒芝士扭扭, 總共有幾多粒芝士扭扭呢?數學題2)   普通批一共有-----2大粒------芝士扭扭有黑松露,  求得到黑松露芝士扭扭波的百分比。****歡迎問下屋企既小朋友,  唔洗客氣LOL無錯! 成個批咁大,  得2個芝士扭波有黑松露!~~   有少少孤寒喔實在~有黑松露ge 扭扭波真係好味好多!批底唔錯,   個批就無乜肉食,   主要係蟹柳多醬咁樣樣火其它小食都不過不失,  重點讚下個意粉!  有時覺得pizza hut好似煮意粉仲叻過焗pizza 佢唔會重口味,  我唔食得但都覺得完全唔辣 (雖然佢話係辣),  軟硬度又好個批, 個薯茸都咁漏既時候,  就千祈唔好再揀卡邦白汁個啲意粉na真心講個好怕漏/ 重口,  

好耐冇食過pizza hut喇，難得朋友話想食，咁當然要gogogo啦！冇book位，七點嚟到九龍灣德福廣場嗰間，好彩係平日，唔使等位直接就有得入。呢間pizza Hut環境幾靜，坐位都算舒服，我哋兩個人食可以坐四個人枱，為好闊落，唔使逼，傾計好方便！朋友都算細食，所以我哋只係叫咗一個pizza同一個粉。叫咗個夏威夷厚批，批邊好脆，餡料都算足。 另外再叫咗個我認為係黎到pizza hut必食嘅海鮮闊條麵，同以前嘅感覺一樣咁正，芝士味都係咁濃，果然係必點呀！

今日lunch time 去左德福廣場搵食, 咁見有幾個月無食過pizza hut 就一行4入去食下啦, 去到門口見無人, 又唔駛排隊, 係有限既Lunchtime 真係唔錯. 一望Menu, 貴過以前好多, Lunch 黎計, 60下既唔太吸引, 一跳便跳到70-90, 重要加一, 真係幾貴, 同晚餐食pizza hut 比, 晚歺SET 抵好多...咁大家坐底坐, 散叫又唔抵, 咪叫返SET 加小食啦.lunch set 都快, 但啲職員唔知做咩, 落單漏單, 重漏左3次野. 第一次我地叫4 lunch set, 佢送小個飲品, 第二次送O TEA 佢行到埋黎話原來糖水樽空既, 轉頭換返比我地, 點知一行無回頭. 第三次個雞翼又漏左單......一個鐘頭Lunch 連續幾次漏野. 真係有點誇. 今日佢既lunch 約7-8成滿, 眼見3-4個職員, 咁不幸幫我地落單既無機, 要用手寫, 就搞成咁啦... 哎...最后因為漏單, 我地要取消咁D 野食.. 再等真係唔駛返工咩......食物方面, 呢間真麻麻, 我之前經常去開TST 同MK 嗰2間, 一直覺得味道好好, 好推介, 但呢

n年無食pizza hut啦, 星期日到到都多人,自到呢間最少人排隊就等呢間啦,但都等左差不多半個鐘, 心諗,咁都要等位,晒時間,不過無計啦。我地五個人,一睇就睇餐先, 點知個個都話唔飲汽水又唔飲湯,咁就轉陣啦, 散叫。睇完menu後,最終決定散叫,叫啲想食既蒜蓉包,好香,又熱,外脆內軟,唔錯呀!辣雞翼,呢個失色小小但都可接受,可以再辣啲白汁唔知咩意大利飯, 好食既,夠汁又夠味千島海鮮必勝批,芝心厚批,好味喎白汁唔知咩意粉,都好食總捨,麵同意粉份量可以多返啲,所有野味道都合格,total 都只係五百幾, 一人都只係百幾蚊

對上一次食pizza hut可能因為佢係pizza係整好左，再送上黎，係完全唔好食，同埋勁失望，所以從此唔敢對佢抱任何期望但係今次就一改我既睇法啦！大約五點鐘下午茶時段入到餐廳，人數唔多，柯打左一個下午餐套餐同一個至尊普通批。雖然在坐客人唔多，但都要等十五分鐘先有野食，就代表係即整啦！等得有價值既首先上左跟餐野飲，叫左杯青檸水，係正常味道，無咩特別就無影到相啦！然後下午茶餐到！睇落去幾精緻喎又佢叫咩名堂我就無用心記低啦！但味道就仲記憶猶新。講左個酥先啦！個皮係酥皮（好似講緊廢話＞＜）係叉燒酥既口感，但入面係包住芝士同菠蘿一咬，我哇左出黎，啲芝士拉到絲嫁！入面有粒菠蘿完美咁中和左芝士既鹹香同酥皮既油膩，哩個配搭幾出乎意料睇下芝士幾足料，好罪惡啊！然後隔離個沙律就無咩特別，入面有青豆、薯仔、紅蘿蔔、生菜同蝦仁一粒、櫩欖一粒，味道普通。無芝士菠蘿酥咁出色。pizza焗好啦！上到台，一分，就拉緊絲嫁！張相既芝士已經唔算多，其他塊與塊之間仲多，食到我心心眼因為新鮮焗起，所有野都熱既，皮又脆口，好好食啊！同上次食既新pizza完全係兩回事！餡料又足喎，青椒、辣肉腸、肉丸粒、紅椒、蘑菇同埋大量芝士，

又叫pizza外賣返屋企食，pizza hut係我地既首選最近有$95一個pizza, 所以少有咁叫左兩個pizza加埋d積分又換左個薯蓉結果我地總共叫左3個忌廉湯、兩個飯、一個麵、兩盒小食、一盒薯蓉同埋兩個pizza, 仲有兩罐汽水真係好多野，但一d都唔貴pizza味道冇令我地失望，d野食拎到返屋企仲係熱辣辣最後有我必叫既海鮮闊條麵每次食都覺得好好食，份量都ok(雖然比以前少左d)今次既海鮮仲好似多過上次tim

很多年沒有吃過Pizza Hut的下午茶了，印像中Pizza Hut的下午茶又貴又吃不飽的，所以從來都沒有考慮過作為下午茶之選，但我的慳家夫君找來電子優惠卷，下午茶買一送一，於是就拉我進店，完全沒想到現在的下午茶餐不論款式或是份量已經完全不一樣了﹗還記得中學時跟同學在假日到Pizza Hut食下午茶，幾隻迷你的雞翼加杯紅豆冰就幾十元，吃完也不知道自己吃了甚麼，所以這天我們也低估了下午茶的份量，2個人叫了3份下午茶，當然其中一份是用Coupon，所以是免費的，結果我們都要撐著肚子走XD酥脆魚柳拼盤，對的，魚柳比我們想像中大件，而且薯條份量也多，還有薯蓉，$48竟然這麼大份，完全對Pizza Hut的下午茶改觀了﹗魚柳是即炸的，炸得金皇香脆，內裡魚柳鮮嫩多汁，薯條粗身多薯肉，薯蓉面層是芝士肉醬，也有少量沙律菜來中和薯蓉的膩～公司三文治一向是我的最愛，現在快餐店叫一份也不便易了，但Pizza Hut竟然售$58，而且份量同樣十足，薯條也是滿滿的，幸好我們都是愛吃薯條之人，而且薯條炸得香脆且熱辣辣的，我們都盡情地把薯條吃光﹗幸好第三份下午茶餐的份量不算大，但對比以上兩款下午茶就不算抵食了，2隻

我地公司嘅同事都習慣帶飯, 但今天啱啱好個個都無帶, 咁不如一齊order pizza 番公司食囉, 大家都一致贊成.上網落order, 真係又快又方便, 唔洗5分鐘就攪掂, 因為公司不太近地鐵站, 所以預早一個鐘落order, 預計係12:40到.  到12:35左右, pizza hut 打電話來話個pizza 焗燶咗, 所以要多10分鐘先到, 好彩早落單, 可以1點前到就無問題啦. 點知真係12:48就送到, 又真係好準時喎…我地叫咗個芝士7重奏大帆立貝pizza, 係套餐HK$258, 包1個pizza + 拿玻里肉丸+忌廉湯x2 + 飯/意粉, 我地揀嘅係”鮮蝦珍珠帶子焗飯” (另+$10). 係2-3人餐.怕唔夠食, 再追加咗”蒜茸飽”(跟餐特價$28, 原價$40) + ”韓風醬烤雞翼”($72), 最後埋單係$360, 所以送咗”白汁煙肉薯蓉” + “芝士海鮮焗飯”.  我地得4個人都唔知食唔食得晒.主角”芝士7重奏大蝦帆立貝” 有香濃嘅芝士味, 又有我最鍾意嘅水牛芝士, 焗完後個味更香, 但唔會騷, 帆立貝都唔細隻, 只有蜆仔, 因為外賣嘅關系, 餅底而濕到冧晒, 同

前排Pizza Hut個Apps 比左好多優惠劵加埋我本身是會員儲落好多分所以就去堂食諗住用下D分換野食我地用優專劵叫左個豬仔骨併盤再用分換左個肉醬意粉同埋夏威夷PIZZA兩個人食3樣野     埋單都係$70抵到笑

今晚收工突然好想pizza, 我們2人左唸右唸之下去左九龍灣呢間，去到坐低左，先發覺原來只是有大批， 2個人根本食吾曬，最後叫左佢地個招牌菜豬仔骨飯，menu張相影得好靚，但最後到來是完全2個賣相，已經開始失望，食落口，豬仔骨仲熱，尚算合格，不過個飯就好吾得，配答好怪，D磨菇硬又吾熟，都不知怎去形容，除左食pizza , 真的不會有下次