心宴 (已結業)

2018年5月15日 (星期二) 12:13pm 環境光亮整潔，餐具乾淨。 侍應收拾蒸籠和碟子的速度快，服務殷勤，值得一讚！ 人數：3 人 HK$294.8 銀芽肉絲炒麵 - 麵條炸得香脆，豬肉絲肥瘦適中，銀芽爽口。當中伴隨紅蘿蔔絲、磨菇和韮黃，配合玻璃茨汁後，感覺滑溜。整體來說，份量適中，味道不會太鹹。【推介之選】❤❤❤ 蟹籽燒賣皇 - 豬肉肥美，每件都是大大粒，啖啖肉，只是蟹籽數量偏少。 心宴蝦餃皇 - 餃子皮薄，內裏填滿蝦肉，滿滿的脹脤的，新鮮爽口，叫人驚喜及滿足！【推介之選】❤❤❤ 蜜汁叉燒包 - 叉燒香濃不靱，味道鮮甜，且整個包質感軟綿綿。【推介之選】❤❤❤ 韮王鮮蝦腸 - 薄薄的皮，包裹著爽口的蝦肉，滑嘟嘟，新鮮美味。 潮家桶仔蕃薯糖水 - 單憑賣相已經100分，大大的一桶，7碗容量，3人分享，非常足夠。薑味濃郁，味道辣甜，具驅風之效。芋頭和蕃薯質感軟腍，透明的清心丸是酒樓廚師自家製作，感覺似啫喱般，有趣有趣 ~ 【推介之選】❤❤❤《 餐 牌 》：《 門 面 》：

我很喜歡和家人到呢間酒樓飲茶.由地下 搭 "車立" 到酒樓 是沒有梯級 方便坐輪椅/ 老人家來是很方便上落! 野食質數幾好, 台同台之間唔會好有壓迫感, 食得C服. 而家3月PRMOTION ** 所有點心6.8折. !! 之前去食, 都好多點心"媽"寶 選擇. 因為成日都食,,所以無點影點心相.  另外一提就係呢間D樓下帶位/ 酒樓內侍應都好好! 用心服務~茶位平日$6/位, 假日$8/位

今晚同屋企人嚟呢間酒樓做冬，之前嚟過食晚飯，水靜河飛，但啲食物都幾好食，估唔到今晚啱啱相反，全場爆棚，而啲食物就冇咁好食，因為套餐太貴，所以散叫左一隻燒鵝丶一隻炸雞、一斤野生海中蝦(成四百幾蚊)丶焗豬手丶黑松露豆腐等等，原本叫左一條魚、炒菜心，食食吓，侍應行過嚟話冇曬魚，我地冇乜所謂，咪有佢啦，跟住相隔冇耐侍應又行埋嚟話冇菜心(我地係七點第一輪食嘅都已經冇魚冇菜心!)，佢話冇咪食其他菜，所以改叫左炒波菜，點知食曬所有餸菜相隔好耐先至上枱呢碟炒波菜，下次都係咪攪。

一個人飲茶，難度在於叫幾多個點心，但你亦可以考慮一下，唔叫點心。今日被人鬧完，想有一個鐘(其實得半個)逃離現實，於是去心宴飲茶，坐得舒服，又有大電視，啱曬一支公。如果你嫌貴或怕肥，呢篇食評未必適合你，因為我叫了乳豬燒骨及福建炒飯，又肥又唔平。乳豬燒骨($28)，當然係骨多過肉，呢度既燒味向來有水準，所以大膽一試，肉香口，骨脆，有部分可以連骨都食埋，送啤酒就正(返工唔飲得)。迷你福建炒飯($58)，飯底炒得唔算油，主角當然係上面的餸和汁，有蝦，帶子，雞，菇，菜，分量足，味道ok，適合我唔想用腦一口一口送飯入嘴巴。埋單$92，其實，唔算好貴啦，填飽肚子，換了半粒鐘腦筋清淨。

地點： 勁方便，巴士站好多停在門口，又距離佐敦地鐵站約5分鐘，又一條直路就好，好方便！環境： 幾鐘意黎呢度飲茶，因為佢有2個大單邊，有落地玻璃望住彌敦道，雖然只係1樓嘅景色，但有陽光照射入黎，坐得舒服。食物：飲早茶抵食都好重要，最鍾意佢有孖寶，揀2樣野約$27蚊，幾好呀！同埋父親大人最鍾意叫飯，佢都有做特價。同埋佢用料較新鮮，食得開心些，比一般連鎖式的好。鳳爪排骨飯：料唔多但新鮮，父親鍾意佢飯煮得香糯軟錦，有飯香另叫：孖寶精選山竹牛肉：大大舊，鬆軟適中，更在飯中拌吃好味鮮蝦菜苗餃：單點中最貴，所以在孖寶中叫最抵，菜新鮮，保持脆身，蝦適量，不過都質素唔錯薑汁千層糕：重薑味，很黏很煙靭，作甜品一流流心奶黃包：我也愛這個，圓圓的很吸引，流心奶黃也很香濃鮮竹卷：吃得出用材也唔錯，比平日在X香吃到預先工場製的，無得比！其他點心都整體可以，與爸母飲茶這裹又有電梯，方便出入，算不錯的地方，不過酒樓面積唔大，小小的也有小的好。

星期五約左班同事食飯 係佐敦食到唔知食咩既時候 竟然見到呢間酒樓 於是膽粗粗就去試下 食物好有水準 最好味係個闊佬炒飯 飯炒完之後仲係一粒粒 西芹炒班球都唔錯 估唔到西芹都好入味 楊支金撈夠哂足料 整體黎講 好食過好多酒樓

經常喜歡嘗試新食店的爸媽，今次又是和我一起去吧！昨天我們到了彌敦道心宴酒樓，去到大約下午2:15分，竟然不需要等位 ; 這裡地方寛敞，每張枱擺放不會密麻麻，感覺舒適，都幾喜歡。點心款式都算多，價格便宜，侍應服務態度不錯。我們選擇4款點心和3碗燒鵝瀬粉，等了15分鐘左右就到，可接受。香噴噴的燒鵝瀨粉，份量幾多，美味可口。大大粒的鯪魚球，完全沒有魚腥味，彈牙爽口，很美味。脆脆的芋絲炸春捲，不會太油膩，散發芋頭香氣。清新嫩滑的南瓜雞絲腸粉，爸爸吃完讚口不絕，又真是幾好味。

佐敦心宴點心水準一贯的好!它有大部分其他餐廳已經沒有在賣的乾蒸牛肉烧賣。還有高水準馬蹄糕和炸鲜蝦雲吞! ​​​早上早茶有蒸饭，很優!早茶下午茶很便宜，是佐敦区的好選擇。

路過偶然發現這餐廳街派食譜有我喜歡的白肺湯，當即訂一桌與友共用。2850元全包12人吃不完，其白肺湯我喝了三碗，哈哈，不像到陸羽般幾片豬肺會浮的，味道也不遜於陸羽的出品，幾乎每道菜都好，燒鵝奇大而真的脆皮，龍壟頭腩更精采，大家都叫好。我們不是未食過好嘢的烏合之眾，陶傑大師也在座啊，他吃完趕上光明頂去了。這是非常好食而抵食的一餐，超讚啊。決定八月再去，那晚生意不很好，奇怪的是有些垃圾餐廳卻客滿。

好友Cathy請食飯，到心宴海鮮酒樓點了半席大利好市宴。酒樓去年8月開張，並邀請了食神戴龍師傅作為顧問，對酒樓出品倍加信心。心宴主要提供中式懷舊菜，入座後先上前菜，蕎頭同鹹脆花生，近年坊間比較少供應蕎頭，此屬靚貨色，酸脆無渣，胃口大開。首先送上的是即燒梨山乳香豬，酒樓自設烤爐，難怪新鮮香脆，乳豬脂肪不多，皮脆肉香。我們另點了招牌蜜汁叉燒，叉燒腍甜，肉質軟嫩，甜而不膩，原來看似平凡的叉燒也可以有驚喜的。發財好市添大利顧名思義是髮菜金蠔豬脷，豆苗翠綠鮮嫩，當中火腩更入味。翡翠珊瑚蚌蝦球色彩繽紛，加入鮮百合更見心思。鮑汁螺鮑片鵝掌，鵝掌炆得夠火候，非常腍滑。清蒸游水沙巴斑，蒸得剛好，可見師傅功力。御香一品吊燒雞，火候控制得宜，雞皮呈焦糖色，皮脆肉嫩滑。雖然糯米飯較一般，但臘味料靚及花生非常咸香。甜品包括紅豆沙及椰汁桂花糕，紅豆沙煲至起沙，加入安神，潤肺的蓮子，粒粒原整蓮子煮得綿密又不爛，甜度剛好。略嫌果皮味不夠sharp，否則更對我口味。最後我們點了蛋散，新鮮炸起，沒有一點多餘油份，加上麥芽糖、椰絲、花生碎，添上一份椰香，很滿足喔。除了大利好市宴，酒樓還有很多套餐選擇，可訂一席或半席，適合新

朋友生日，當然由佢發辦，佢竟然話想食中菜。既然她難得提出，我也不好意思拒絕，上網一search下，發現這間位於佐敦開業幾個月的酒樓評語不錯，加上朋友都在附近上班，所以不加思索就決定了。我們預先訂位，還比較了小菜和套餐的食物，壽星女都對套餐頗感興趣，我們一行六人，剛好半席。甫到達，就看到招牌非常搶眼。酒樓都是以紫色為主，典雅大方之餘又能顯出高貴感。我們在云云套餐中選了大利好市宴A餐，當中包括十一道菜。先來即燒梨山乳香豬，這個燒豬是酒樓自設工場自家燒製的，所以吃上來比一般的更香脆美味。乳豬用紅紙墊底，傳統特色甚濃。乳豬外層皮薄鬆脆，肉質嫩滑，帶點油脂且層次分明，因此吃上來口感亦非常豐富。輕輕配上乳豬醬，味道更為突出。蜜汁叉燒同樣是自家工場燒製，香噴噴且紅卜卜的叉燒非常吸睛。入口仲熱辣辣的叉燒比一般吃到的更細膩嫩滑。外層沒有一般的硬身，取而代之的是鬆香的外層帶點芳香甜味，蜜糖甜香比例剛好，不會蓋過叉燒本身的肉香。發財好市添大利賣相精美，堆成一個籃子一樣，份量頗多，有種幸福滿瀉的感覺。入面有金蠔、髮菜、豬脷、燒肉和豆苗。翡翠珊瑚蚌蝦球珊瑚蚌、蝦球、西芹、百合一同炒製味道更為清新健康，香噴噴之餘

話過會再來試飲茶，今早終於的起心肝起來同爸媽飲早茶，晚飯食過好食，飲茶都果然沒有令我失望。點心都不過不失，粉果皮厚度適中，糯米雞夠大隻，牛肉有一般水準，棉花雞肉滑菜苗餃不過不失，馬拉糕足料實淨不過不是人目中啡色的樣子，腸粉皮滑，粥夠棉味道適中 這盅飯非常之大盅，老人家兩口子來只須叫一份孖寶也可以夠飽!這個蛋散新鮮製作，因為是後加的甜點，等了一陣才送上，入口鬆化，很好吃!十個點心加茶錢二百多大洋，算是十分抵食了

禮拜六唔洗返工，同阿爸阿媽一家5口去飲早茶。可能9點鐘仲早啦，唔洗等位，但又唔係話冇人食喎，都差唔多坐滿啦～呢度裝修都幾靚嗰喎，四四正正，又多水晶燈，如果結婚擺酒圍數唔多都幾好，包場! 早茶有孖寶點心叫，$28.8兩款，由早上7:30-10:45，仲要星期一至日都同樣時間同埋價錢一樣喎，抵食過好多大集團啦～ 叫咗啲一般都有食開嘅點心，味道都可以㗎喎，難怪隔離左右果啲應該都係熟客嚟嘅~ 一家5口叫咗10個點心食，食到飽飽都係$200，價錢都ok吖！

寫第一個食評！😉✌屋企人生日，發現佐敦開咗間新酒樓，朋友去飲過茶話ok喎，於是便同家人來吃生日晚飯。酒樓位於1樓，有2架電梯直上，很方便。食飯時間，可能新開張，唔算多人，但當日有人擺滿月酒，間了街景窗位。樓底裝了水晶燈，很靚，姪女好鍾意。 一枱7大2小， 經理介紹了杏汁白肺湯，足料而且加上杏汁新嘗試，不錯。姪女鍾意吃蒸鮑魚仔，大隻鮮甜😊另一推介，經理推薦的潮州沙爹肥牛，沙爹湯底香濃，手切肥牛好新鮮，而且未試過咁食法，好靚，正👍還有外觀靚爆嘅雲腿時蔬，當然都係經理介紹😆，共有8種食材切成扇形，靚喎！另外還叫了燒味併盤、西蘭花帶子，魚，長壽麵我哋自己買咗個蛋糕慶祝，經理還送咗個生果併盤今餐飯很飽，搵日要再來試試點心飲茶😏