德發牛丸粉麵

營業中

休息中

之前聽說這檔熟食大牌檔的牛丸水準甚高，這天剛巧來到尖沙咀，又不是很肚餓，就建議太座到來吃牛腩河當晚餐。原來這地方真的甚為隱蔽，隱藏在熟食檔深處的角落中，如非識途老馬，真的未必可以找得到。雖然這裡的進食環境欠佳，想不到晚飯時間，來這裡光顧的人也有不少呢！兩夫妻各自要了一碗「牛腩牛丸雙拼河」和「牛筋米」，另外還叫了一件「混醬多」。很快吃罷簡單的一餐，個人覺得這裡雖以獨沽一味全牛出品（牛丸、牛筋、牛腩、牛什）馳名，但這裡的牛腩其實甚為一般，牛腩的質地偏瘦，欠缺靚牛腩應有的瘦中帶肥的口感。至於牛丸，無論在咬口和味道方面都只可算是不過不失，但絕未算得上是非常頂尖的水平。除此之外，河粉切得太碎，湯底也過鹹，吃完令人應到非常口渴，看來加了不少「師傅」在湯裡面呢！而混醬多其實是加上了牛油、果占和花生醬三種配料的多士，整件多士都幾厚，味道就算不錯啦。可能在尖沙咀這附近這裡的確是個經濟廉宜的用膳地方，一試無妨，但假如願意花多些錢的話，相信還會有更多更好的選擇的。

間中和同事來這裡吃牛丸河，價錢便宜，味道不錯，上菜很快，一般30秒內就能吃。在昂貴的尖沙咀一帶有這樣便宜好吃的選擇，其實還是頗受白領人士歡迎的。單拚雙拚同價很是吸引，都才$20而已。奶醬多($7)用的是厚多士，醬汁很鮮，味道濃郁，讃一個！

以前舊同事介紹黎呢度食, 當時食丸腩河+ 新野, 正~今次同屋企人再黎, 水準一樣, 夠地道, 彈牙牛丸加燜得啱啱好既牛腩, 熱騰騰湯底, 再嘆埋杯凍奶茶, 好滿足!不得不提係呢度出名既"新嘢"...既係面包頭烘左加上花生醬牛油, 聽落好簡單, 但真係超正, 一人一碗河粉之餘, 一定要叫個新野大家SHARE 試下....唯一缺點係夏天黎可能會有d 熱

知道這間店子好久，只是一直都過門不入，不是沒機會就是沒時間，直到放完lunar new year假後，工作還沒那麼忙的時候，於lunch hour跟同事早點坐船過來吃。兩個人都點牛丸米，整間店子都只賣牛，做得夠專，水準也就能容易keep above par。呀叔很快手，一坐下不久便上台了，下了辣椒油，只是一個tea spoon已經好辣啦，不能看少。米粉是我喜歡的那類型，不太幼身，吃起來有口感之餘亦比較爽。牛丸，內裡加入了herb，減低了油膩感，吃上來清新可口，非常吸引。如圖所示，不算大碗的，我胃納小一碗可當lunch，但坐在附近的OL會另加一碗淨麵的，$7，會有腩汁，一樣可口。單拚雙拚同價，都$20，非常宜人。有點恨太遲才來，橋底下的小店，也有好物。

入黎食既時候，隔離店只有幾台客，只有德發最多人食，心唸唔通真係甘正？牛丸牛根麵 ($20)：第一啖咬落牛丸時真係好味到呆咗，彈牙爽口、牛肉味鮮美；牛根淰身，有多d咬口會更啱我口味。牛腩米 ($20)：湯底香濃，牛腩入味，淰而無渣。咖央多：又係一咬就覺得口感超口，面包厚身軟綿綿，咖央醬好香。另外飲左支裝汽水，好滿足既一餐！

歡樂時光後肚空空，就來食個牛丸﹗時近八點，差不多是收鋪的時候，也許我們是德發今天的最後一枱客，要了個牛丸米。要讚的先是湯頭，加入了腩汁，是鹹了點卻香味十足，米粉掛上了湯汁入口更加好食﹗牛丸當然是重點，第二次來吃，對上一次因牛丸內有筋又黐牙相當失望，今次咬落彈牙有嚼勁，亦都無筋，但就略嫌佢牛味未算太香濃，反而吃到有少少發粉味道﹗整體比起上次來吃好了，友人吃牛腩米就話牛腩太碎又得兩三件太少了，不知是臨收工還是什麼原因吧﹗場內巨鼠在鋪與鋪之間衝來衝去，視人類如無物，小心俾佢地撞到﹗吃完之後口渴得很，也許喝得太多湯了吧﹗

一直唔知海防道街市有野食~甘岩外國朋友來港~我FREINDS就帶佢黎食D平平地的野~我叫左個丸腩粗: 牛丸都OK..味道就一般..同普通的冇咩分別我2個朋友叫左丸腩河

放心，說有詐不是說「德發」騙人，而是指那裡的夥計跟另一個食檔的關係可能非常密切，往往向客人灌輸錯誤銷售訊息。先說「德發牛丸」，不錯，又是因為之前蘇施黃的介紹才留意到這間食店；隨著蘇施黃的形象下滑，或多或少都有些懷疑，不過十元八塊試試也無妨。之前(其實已幾近一年前)在過年前曾刻意到訪，可能老闆生意太好所以舉店外遊，結果來來去去兩個月都不見蹤影，所以我也就放棄不來；到上星期六碰巧途經，便入去看看，驚見原來已開返(可能開返好耐)，便坐下來一碗牛丸米。首先要留意的，是我的進入路線，是從中間由數間食店的大範圍鑽入，而不是由另一邊貼近「合香園」的窄道進去，結果就出事了！我一去到「德發」檔前，一個有點脫髮的男夥計便問我：「係咪食牛丸？」我答是，他便安排我坐在大範圍的其中一張檯上，到那刻我也分不清自己是坐在「合香園」的檯，還是另一間叫「文記」的範圍內。然後我點了牛丸米，跟著想再吃多一點東西，便指著「合香園」的招牌問：「係咪可以叫埋其他野食同凍野飲？」男夥計點頭：「乜都可以叫！」跟著我說：「我想要『新野』同凍咖啡。」之前曾在「合香園」食過「新野」，覺得不錯，因此想再點來吃。豈料男夥計忽然指向「文記」，大

以前公司在附近的，想又平又靚吃個午餐，來吃個牛丸河是準沒錯的了，但自轉工以後，也很久沒有到訪了，也很少到老尖，是日走過了街市，遂決定懷念一下它的滋味。走過了又賣牛又賣羊的街市，到了熟食檔，不同的店舖的店員向我招手，我也沒有理會，因為我的目標只有牛丸，走到了牛丸檔，坐了在最近麵檔的一張桌，而坐下後，也是不加思索，就向店員說要一碗牛腩牛丸河。先看看數件也不少的牛腩，牛腩內有零碎的牛筋在內，牛筋軟腍而有點膠，吃起來滷水味足，而牛腩也同樣的被煮得啡啡的，所以其味道也是很有滷水香，但花椒八角味不夠重，個人人是喜歡強一點的，其中兩塊較大的腩肉很嚡口，其他碎腩反而不錯，雖不是嫩口爽滑，但就是不韌已經不錯，始終人家的強項是牛丸，而不是牛腩。至於那令人懷念的牛丸，牛丸的體積比勝利的要大，一口咬下，既爽口彈牙又沒有筋，再一看牛丸的裡頭，中間氣孔不多，可見牛肉球打得密度如此的高，這就是彈牙的關鍵，加上吃起來帶有濃香的牛味，另外隱隱滲出一點點香料味，是芫荽還是陳皮呢？對不起，吃不出，但感覺還是不錯，個人認為是比勝利的更好。至於湯及粉方面，湯吩咐了多色，果然腩汁下得多了，湯內的五香味滷水味夠濃，鹹是鹹了一點，但

路過去晚餐,晚上7時多,無咩人....無諗到仲未閂門-牛腩牛丸河($20)....湯濃牛腩重味,但就顯得牛丸啖口....本人唔太食牛丸,覺得一般,一讚系牛丸入面冇筋不過下次食牛腩河算缺點系...食食下....食到一啖花"蕉"8角........嘩.....好SPICY......食得飽。同行人-牛丸河($20), 食唔飽佢....加多個奶油多($6)都仲系唔飽奶油多,包軟,夠奶.....可能太軟.....好似食左陣風咁,,, 下次食牛肚先...P.S 成餐飯...睇住佢做清潔.......真系....唔系幾開胃.....

次次都叫 牛丸牛肚河. 此處的牛肚是用 "草肚", 肉質超 "林" , 而且牛肚切得好薄, 好入味. 而牛丸就貪佢夠出名, 都算彈牙及有肉味, 唔會有太多 "雪味".另叫熱鴛鴦, 茶味剛好而滑, 具大排檔特色. 而且上菜快. 但價錢不算平, 共$31, 而且太熱及環境不好, 冬天食會好些.

晨早出尖咀做完義工完左經過海防道就入去試試入到去地下濕淋淋,環境就唔係好不過好在果日唔算熱而且我我一直都認為要食好野就唔好諗咁多即刻叫左碗牛丸牛筋麵試試牛丸真係好彈牙特別在咬落去會有一陣陣陳皮既香味滲出黎牛筋夠"林"但都好有咬口唔會話"林"到好似夾豆腐咁最緊要係夠膠口,正!呢度既麵可能係自己打因為出面既幼麵都係比扁身呢度就比較圓喜歡麵有咬口既人可以試試不過呢度做得最好既都係湯底深啡色既湯有好濃郁既牛肉味有左好多都唔係好覺口渴.美中不足就係比較油朋友就叫左個牛什牛腩河佢比左件牛腸我試都可以,而且冇"押"臨走時我地見到鋪頭既桶裡面真係有牛骨唔怪得d湯咁濃!冬天可以黎多幾次

今日休假諗住同屋企人過尖咀食d特色野, 就諗起之前so詩王介紹過既牛丸 & 咖吔多....首先講牛丸無咩野牛味...只係覺得彈牙有d陳皮味....唔係好出色既感覺....跟住係咖吔多份多士一放係杏口又唔熱又唔脆....d 屋企人話自己整仲好食過佢...所以呢2樣野都係試一次好了

今日的午餐, 在尖沙咀的德發食牛丸河, 好彩入到入面先落大雨, 唔係都幾狼狽去德發食最唔舒服係天氣熱, 就會坐得好辛苦, 幸好今日無咁熱, 仲落左一場雨, 唔使一邊食一邊出哂汗! 坐低之後叫左牛丸河加腩汁通菜, 五粒牛丸, 水準十年不變, 爽, 肉汁豐富, 好味, 無挑剔的機會了, 不過今次河粉的湯, 味道淡左好多, 唔夠牛腩的五香味, 係唔係轉左師父呢?但係通菜的腩汁又幾濃味, 或者係做我碗牛丸粉的時間無落到足夠的腩汁, 或者直情係唔記得左落都唔定, 搞到我碗粉唔夠味.....但係點都好, 德發的牛丸, 味道好係無用置疑的

心情唔好...諗起媽媽同過我來食牛丸我來到無牛丸食..休息我就叫左...奶油多奶油多好正...好脆不太甜...的奶的分量適中華田..奶味好濃價錢十六元