德昌魚蛋粉

營業中

休息中

牛腩撈麵, 牛筋夠淋, 牛腩都炆得夠身, 麵屬正常嘢, 小小鹼水味, 麻麻地爽。味道都只屬普通。撈麵跟嘅湯, 濕下口都可以, 最可取都只係多蔥,湯頭飲唔出係咩味道, 飲口見口乾,估計有味精。人總要犯上重複的錯唔,呢間店主打係魚蛋粉就真係應該食魚蛋粉, 食咗個牛腩撈就覺得佢麻麻。魚蛋無乜魚味, 但滑同些小爽, 魚片會再爽身D, 但同樣無魚味。辣椒油夠晒辣, 都香嘅。

魚蛋魚片都出色有魚味同彈牙，後來睇食評先知原來全部都係自家手打。河粉好滑有驚喜好少食到咁滑既河粉下次想試下其他手打丸同網上介紹既魚柳包下午茶時間仲唔洗排隊，開心。

#confidante_foodblog九龍城覓食-衣開魚蛋粉聽講幾出名，小編去嘅係九龍城分店，要排5-10分鐘先有位，排隊嗰陣見入面堂食同外賣都接近爆單，但係親自食就覺得一般。-馳名魚蛋粉($38)味道：🌟🌟🌟回頭：🌟魚蛋無想像中咁彈牙，魚味都只係比平時食嘅多小小，魚片都算幾彈牙，幾滑，反而好食過魚蛋。河粉係滑，但好碎，食到尾要用羹食先食到🌝花生醬多士 ($14)味道：🌟🌟🌟🌟回頭：🌟🌟🌟衣個值得一讚，真係超多花生醬，仲要係有花生粒嗰隻，而且個多士都幾脆，我平時食多士都好少食皮，但衣度衣個連皮都食埋😂溫馨提示💡多士到左盡快食，如果唔係就唔脆架喇-凍鴦小甜味道：🌟🌟🌟回頭：🌟🌟身為餐餐飲凍鴦嘅人，一定要講下衣度杯凍鴦，衣度嘅凍鴦少甜真係少甜，淨係飲到奶同咖啡嘅苦，甜味真係得一啲啲，但佢衣度嘅凍鴦偏重奶，啡味唔多，算係幾特別。-服務態度 ：🌟🌟🌟🌟環境：🌟🌟

牛筋腩河多蔥加辣椒油簡直係一絕， 個腩汁湯底非常濃，牛腩好有味道，牛筋夠爽口，有時仲會加底，食盡啲腩汁。 魚蛋河啲魚蛋好有味，湯底都夠濃，就算食完牛筋腩河再食魚蛋河都唔會覺得味道會唔夠。另外叫咗淨水餃， 配搭腩汁湯底或者魚蛋河湯底都非常親。食完之後再會口痕叫埋西多士同油占多，由咸到甜嘅食物都好好食。如果唔夠喉，仲可以外賣一啲魚片返去煮嚟食，佢哋啲魚片好彈牙好有味。店員服務態度好好，整體環境夠乾淨，排隊時間雖然有陣時長少少，但係一定物有所值。

收銀亞姐態度超惡劣這是我第一次寫評論！外賣碗墨丸河去醫院探病，收銀個亞姐收完錢黑面對住我講，新年流流利是🧧都冇一封…….大佬！第一佢真係冇恭喜過我，第二仲要找錢俾我係大大力揼落個銀色盤，最慘我忍住氣攞起d錢，事關湊住個仔同埋新年流流唔想嘈交，最主要係我媽依位病人想食，如果唔係我蝕俾佢就算，我出到門口等外賣時，她仲要同其他員工講個個都唔派利是🧧真心希望老闆睇到依個評論，食物質數好但員工態度極度重要❗️（唔好話俾我知收銀亞姐係老闆）

呢間D魚旦粉出晒名多人排隊食，但我最欣賞反而係牛筋撈粗，牛筋炆得夠淋又入味，加埋佢地嘅🌶️辣椒油簡直係無敵，真係好鬼辣又夠香唔想排隊可以選擇平日下午兩、三點後去，我每次呢個時間都唔使排隊😉

想食雲吞面。原來想去附近的九龍城雲吞X面食，點知去到先知休息日。結果找左呢間。德昌。諗住做魚蛋粉的，甘雲吞麵都應該有反個譜。點知湯底係魚蛋粉的清湯，雲吞的蝦還可以，蝦爽彈，河粉易斷。成碗份量不大。整體黎講都係中意用大地魚湯底的雲吞麵。

德昌魚蛋粉🍜去九龍城買嘢嘅時候行過見到依間魚蛋粉聽講好受歡迎🤣就走咗入嚟試下✏️馳名魚蛋河(💰38)🔸魚蛋+魚片🥢仲有+冬菜添🙈湯底有啲淡☹️魚蛋爽滑彈牙🤩都幾香魚味🐟佢嘅辣椒油變咗佢嘅靈魂😂吊哂啲鮮味出嚟✨✏️韭菜花(💰16)好新鮮好大碟🧡好擔心韭菜花會有渣🥺但係完全冇呢個問題🤣帶個頭盔評高低🎈🐾🐾🐾 ~5🐾為滿

九龍城名店$42 一碗魚旦粉冇餐，貴唔貴見仁見智。魚旦魚片彈牙，但唔係我喜歡的口味，河粉好滑。如果行過路過又不用排隊，荷包有現錢，可能或許會入去食嘅。（只收現金😂)

一場嚟到，店員推介牛腩撈河，一試難忘😫😫難夾😵‍💫😵‍💫牛腩痴牙👎🏻👎🏻永不再叫….份量足夠，河粉夠滑👍🏻👍🏻叫可樂無上，沒有再問😲

魚蛋必食…….果然名不虛傳🙌🏻👏🏻🙏🏻🥳🤩爽口、彈牙，有口感，一試難忘😍😍😍對魚蛋粉的印象一洗差印象，以後食魚蛋粉，只此一家。我同朋友一人一碗，一個配米粉，一個配河粉加腩汁😋😋

當天到九龍城買餸，途徑這間魚蛋粉餐廳，聽過很多朋友推介，見到當天都有十多人排隊，時間許可，於是便在烈日下排隊～等了大概15-20分鐘，途中不斷有人加入這個排隊的行列，的確絡繹不絕～我們點了一碗魚蛋河和四寶河，他們家的魚蛋是以結實為主，咬下去不算彈牙，湯底很淡，沒有味道，曾試過有些店家會以大地魚湯底，對比之下這間略為失色☹️豬肉丸、墨魚丸沒有特別，粉漿較多，總括兩碗河粉都一般般，如果要加上排隊和這個定價，就要再三思是否值得了😵‍💫

去開九龍城想食個清清地既麵見到e間人流都唔錯 環境都ok 決定一食😋😋叫左鮮蝦雲吞麵 $40鮮蝦食得出係好新鮮👍🏻👍🏻即日包麵份量都多 平民價算唔錯😋值得再回頭食

返工突然想食湯河粉，見依間舖頭幾出名，專登搭小巴嚟排隊食。可能期望太大，失望都好大🫠唔會再試🐒飲食記錄：墨丸魚蛋紫菜河粉3餸先50蚊，好驚喜！但一分錢一分貨….墨魚同魚蛋都係腍滋滋…好似啲肉好爛/溝咗好多油&麵粉咁….質感好核突…墨丸無墨魚味，魚蛋嘅魚味有腥臭，味精味都好突出（特別係墨丸🤢）。但我唔已服無嗌嘢飲，普通湯河店賣20蚊杯奶茶/檸茶（無跟餐價），覺得太貴，唔想俾味精蝦😤因為配料太難食我叫咗碟炸魚皮，17蚊好似都幾合理，但我嗌一份就一碗仔，隔板後面嗰個人洗嗌一份就一碟仔，佢走咗之後有1家4口嚟嗌一份，佢個碟又大隻啲，看在眼裡有啲唔係好滋味😂（雖然人地可能係熟客仔🙈）炸魚皮普通，浸落湯都夠油會滋滋咁起泡泡。

個個去德昌都係食魚蛋粉，但老實說，魚蛋粉以外都有一樣食品非常出色，佢就係：炸魚柳包。佢採用嘅麵包係意大利嘅ciabatta。雖然唔肯定餐廳嘅ciabatta係自家製定訂貨返嚟，但個人嚟講本身好鍾意ciabatta ，因為佢有意大利麵包酥脆嘅外殼，內𥚃就係充滿氣孔的麵包，鬆軟得嚟帶點煙韌。而當ciabatta 襯落肉類/海鮮做漢堡包咁食，口感就會變得好滿足。而每次點呢個魚柳包，佢都係即叫即做，魚柳食得出真係即叫即炸。再加埋沙律醬帶出炸魚柳嘅味道，全個魚柳包就變得剛剛好，非常出色！！非常值得推介！(滿分為🤤x5)好味指數: 🤤🤤🤤🤤🤤抵食指數: 🤤🤤🤤🤤回頭指數: 🤤🤤🤤🤤