德國熱狗 (已結業)

剛食了半碗差不多要比喊面的豬手麵後，係時候食番的穩陣加好味的小食，德國熱狗不作他想；已經不止一次的幫襯，故相當有信心不會再跌眼鏡，今次叫了脆皮煙肉腸加芥辣醬，正路熱狗。他們的熱狗很好味，尤其是個麵包，先稍微煎香再放香腸及配料，這樣除了可加熱麵包外，更可令包面更有咬口，一舉兩得；而香腸味道不會死濃及較有肉味，最好的是香腸油份不多，罪惡感都輕的；最後不需五分鐘可以把她了結！後記：出差德國時，瘋狂的迷上熱狗，那裡的熱狗是一條大大條的香腸而加上一個細細的硬麵包而矣，德國人基本上是食香腸為主麵包為附，跟香港做法相去甚遠。另老板娘很好人，要求影完相至Talkaway都冇問題。

食過兩次,$25餐任選熱狗,加一款小食/熱狗配菜同飲品.試過脆皮腸同豬肉腸,後者好食d.有四五種sauce選擇,當然落哂都得,即叫即整,所以都要等五至十分鐘,不過熱辣辣真係好好味!不過間鋪太細得六個位,好多次行過想食都因為太多人而要放棄.

叫左肉醬熱狗, 味道唔錯,熱辣辣,肉醬加上脆皮腸,再加上麵包,口感豐富!今次叫o既系細腸,下次叫大腸應該更好味.

1. 磨菇豬肉腸熱狗$16: 店員表示條腸內有mushroom，但可借一點也食不出!而整體味道OK。2. 薯條$5: 新鮮炸，雖不是粗條，但炸後不會過乾，很軟熟，味道不錯。其實個熱狗又不是十分十分突出，但此店有近20種sausage可選擇，而且最貴的只是$20。

脆皮豬肉腸熱狗,加埋個薯條$16, 因為怕過飽, 就放棄左個薯條換左包紙包檸茶, 真係唔記得幾耐無食過d有味腸, 係有肉味同香味o既腸, 呢度就真係可以食到我想要o既味道, 仲有個熱狗包, 烘得表面薄薄一層, 咬落脆口又不會過乾, 呢個配角都做得出色。 食完又發覺唔夠飽, 再要多個甜品~ 芒果布甸($8), 個人覺得此布甸質感偏向似大菜糕多d。

o耆狗(熱狗)如命如我, 又怎會是第一次幫趁呢?腸的款式多不勝數,一天一款最快也得要兩個星期才可試完。賣相和美式熱狗大相逕庭,主體只有飽、腸及醬。配料不是沒有,只要加錢就加比你。$25一個熱狗餐,除熱狗外還有薯餅/條和飲品。雖然擠一點,但我喜歡堂食,因為沒有什麼比即製即食更好。飽和腸都很熱,配上多款醬汁,把口一張,直徑剛好把它容下.......細看介紹,原來各款腸都是德國師傅每天在香港的廠房製造,再回想一下個價錢,確是合理的。此店全女班,收銀(事頭婆)親切友善,製狗的也十分有禮貌。幫趁此店的原因,除了食物好外,因為感覺也很好。

約了師兄上傳史雲秘笈第三式，回程時卻遇密密斜織著的細絲，那裡來的寒風刺骨，很不好受。路經此地，唯有來一客番邦腸包暖胃。勁辣雞肉腸：只想吃辣的，店小二作介紹，說此雞肉腸愈吃愈辣。我卻要求多多，烘包烘得香脆點，明顯地是回大包夠香口，第一口的雞肉腸不覺得辣，但果真有「漸辣」，真的很惹味。

呢度其實行經過好多次,但每次都見到好多人迫係門口,今日見少d人終於入到去試下.間舖實在好細,堂食得幾個位,重好迫添!入面主要賣熱狗同埋腸,款式起碼10幾款.叫個秘製維也納腸熱狗,即叫即做,有幾款醬汁揀.個飽焗過幾熱同有d脆,維也納腸都唔錯,但係隻熱狗都唔平要16 蚊,如果加topping或芝士要另外加錢.

係廣華忙足半天，臨場加演爭分奪秒添。早餐捱至五點幾，忙完第一時間當然係醫肚，帶左阿毛去哩度，雖則明知唔係咁ｏ岩佢口味，但作為「試新野」同食番個「下午茶」，阿毛一句怨言都無。今次試了德國脆皮腸跟多多薯條超值套餐，唔知係胃口壞了還是餓過龍，味道無豬柳腸咁惹味，可能係少了洋蔥同酸瓜（Toppings 真係唔可以慳ｏ架），硬係差咁ｏ的野；脆皮腸：個人口味嫌佢唔夠脆唔夠香口，見阿毛係豎遷就一番，烘得「一般」就算數喇；麵包：無要求烘，軟身兼熱一點阿毛會易入口無咁乾；再加埋杯熱檸超溶茶，不失為一個九秒狗下午茶丫。店員好醒目，知道係Share食，切開分別入袋，食既時候方便又企理。黃昏下的HotDogLink，堆滿了家長學生及下班一族；是日反串為一個「家長」帶著我ｏ既「小朋友」忙碌了半天。

多年前每逢赴考必到九央挑燈夜讀，已知上址，奈何一直未能光顧。是晚相約烏蠅作「交收」，順道買番隻熱狗打道回府與太上老君共賞。一張A4 size餐單寫得密密，單單腸都有成廿款之多，toppings有六七款；另有小食：薯蓉、薯條、沙律、三明治、多士；還有各式飲品；實在舖頭細細，五臟俱全。細問店員介紹詳細，就自己口味選了香蔥豬柳腸，加甜酸瓜，（有$25超值套餐，任何熱狗＋薯條／餅／toppings＋飲品），只想試熱狗，所以放棄了套餐。由於回府需時，熱辣辣ｏ既熱狗被倒汗水弄得一塔糊塗，有礙觀瞻，請見諒。麵包應該係老嘉ｏ既，嫌烘得唔夠耐（下次請早揚聲），若即食的話，係有少少脆身；豬柳腸如店員所說係幾惹味（客人捧場之選），脆皮就無喇，可能太耐先吃啦！芥辣、茄汁加酸瓜永遠都係我至愛熱狗ｏ既原因。其貌不揚，快餐店格局，只有bar檯，位子不多，勝在多選擇，味道好，店員服務佳，冀望再有機會試哂所有款式。p.s.1.唔愛吃包者可選on stick食淨腸，價錢平ｏ的主力攻擊。2.亦都不其然見到果塊木刻，心裡有「莫名」。

這店在前幾日食評出現過。中午去完花墟，便來一試。地方真的很少！要了個SET HK$25.-：白腸熱狗+酸菜(蘿蔔)+咖啡白腸熱狗: 白腸道地，飽就一般，芥辣偏淡酸菜: 咸，稍欠酸(我試食這種酸菜胃痛)咖啡：無味下次只會要淨腸。題外話1：一個木製裝飾品吸引了我，它刻基督在我家。需然我是泠淡的基督徒，但我內心深處，仍起一點漣漪！題外話2：多年未踏足勝利道，少了車房，但多了寵物醫院！

如果喜歡食hotdog...一定要去試一下..有好多腸仔你去choose....好正...加埋醬汁,很不錯的...鋪就細D..同埋不腳...不方便...但值得一去的...

佢個舖又真係迫左d,但係腸仔有好多款,係真正外國香腸喎,係九龍區好難搵到,加上佢又係即叫即做,腸仔保證熱辣辣脆卜卜!!佢又有幾種sauce比你選擇,你話係咪正呢?

多年前已間中食佢，熱狗選擇多，有的味道幾好，但近年水準跌了點，而薯餅本來幾好，但而家好多時都整得難食價錢算幾合理，係堂食得唔舒服

有好多款熱狗揀，個餐都好抵架。不過坐食唔係幾舒服。