御麵 (已結業)

見 openrice 無營業時間，好彩星期三中午去到都有開！炸雞球出名，當然要試下叫左個酥炸雞球撈粗麵同豬手湯粗麵雞球造型好似幾有心思圓碌碌而雞皮翹起一角，炸得特別脆！記得要小心入面好熱架哈個甜豉油撈粗好味呀，味道剛剛好，粗麵口感好好！個豬手湯粗都好味wor，湯底正，豬手煮得好淋，仲俾埋碟裝骨幾細心另外特別想講個咖啡！餐單寫係意式咖啡，估唔到黎到真係唔係一般麵檔既咖啡，有水準，唔落糖都得，好香。凍熱都試左，覺得熱係香D小店一間，座位十數個，見poster寫可以 whatsapp 落單，下次有需要都可以試下

一直都冇機會試 難得我今日平日放假又少人 叫左傳說中既炸雞球撈粗！炸雞球大大舊 入面肉好嫩 有少少醬汁係入面 甜甜地 好好食 仲有炸雞個皮都好脆 熱辣辣 唔怪之得咁多人食！ 撈粗麵係我至愛 麵既熱度好似有啲凍 如果熱少少會好啲 味道好好 加左秘製既甜䜴油 好食 😋仲配多左幾條菜😛👅👅 下次會再黎！

呢個老闆好有性格，🤦‍♀️🤦‍♀️一個星期都唔知開幾多日，見到佢開門做生意，好似中六合彩咁。我今日中咗，要好好記錄。5月5日星期二，御麵竟然開門做生意，12:00都未夠已經要排隊等位，中午12點接近30度，個個都好耐心等候。店主說全部都是新鮮即做，特別是炸雞球，所以等食物嘅時間是比較長。但當我收到這兩碟撈麵，雞球真是新鮮熱辣，外脆內多汁10個讚，基本上我最唔鍾意食煎炸野，但係個炸雞球真係好好味，Juicy🤤。另外個豬手，夠晒火候又淋又滑😋。如果要我選擇，我下次都會order炸雞球撈麵，真好味道。好似好長氣，🤦‍♀️🤦‍♀️但係我仲未講個撈麵啊！粗麵爽滑，撈麵嘅醬汁相信是店主自己研製，與其他麵店相比的撈麵汁，兩個字形容 ... 超班！一定會再幫襯，撈麵真係好好味

今日嘅Lunch就係食我嘅最愛“雞球撈粗”喇😍😍睇落嗰樣平平無奇，但係個粗麵真係好正，佢個汁嘅調味啱啱好，而且份量都好夠👍🏻但食御麵又點可以唔講佢嗰雞球呢？😍😍佢個雞球完全係我鍾意食御麵嘅其中一個原因🤤雞球唔會炸得好肥膩，但又好香脆，食落去又啖啖肉🤤講起都肚餓想食佢個雞球喇😭😭啲雞球係將雞肉去骨，用啲雞皮包住，入邊再加啲黃薑粉，然後炸到金黃色，一粒完美嘅雞球咁就誕生咗喇😍😍😍但大家要注意嘅係啲雞球好多時都即炸，所以可以要等耐啲😳

今次去食比較少地方食到既撈麵，餸大件又抵食！而且仲有米線(雪菜&榨菜&酸辣)同埋飯揀架🤟🏻，餸方面都好多選擇，炸雞球、豬手、牛腩、雞翼、豬扒、魚皮餃、各式丸類😋✨紅燒豬手撈麵($54)4件豬手，豬皮彈牙，炆得非常腍身，豐富膠原蛋白☺️幼麵用自家製甜豉油汁撈勻而成，色水均勻，味道唔會過濃太甜/鹹，份量剛好足夠無過多醬汁。另外我仲加左兩粒花枝丸都係$7咋會唔會太抵😨下次會想試下雙併雞翼‼️✨蒜香雞球撈麵($54)4件雞球，上碟熱辣辣大大件份量足夠，中間加左黃薑粉連皮炸到金黃色，外皮唔太油，內層雞肉juicy多肉汁，外酥內嫰值得一試🥳

🔎御麵 (元朗) 💛 #黃店系列📍元朗裕榮徑11號好旺洋樓地下4號舖-💛義賣並將收入捐星火、請手足食飯、店內文宣🔹酥炸雞球飯 $50 凍飲＋$2即叫即炸 老闆都會提你小心熱 中間黃色嘅係加左黃薑粉 無加炸粉架睇落好似唔係好多 但因為雞球都算大件 份量都剛好嘅 d飯加左甜匙油 成碟清哂不過無留意原來可以加蛋 $55 早知加埋隻蛋就更加正啦間鋪座位唔多 繁忙時間可能要等下 不過有室外位置可以帶埋寵物一齊食 咁當然亦都方便吸煙人士

叫咗兩樣都係店主推介嘅招牌菜，豬手同埋炸雞球。我鐘意食炸雞多啲，跟餐配麵又得，散叫當小食都得😋紅燒豬手撈麵 😋3.5/5豬皮入口彈牙，炆得夠軟腍，切成細件食得方便，出街食豬手通常有毛，值得一讚係佢處理得好乾淨👍撈麵嘅秘製甜鼓油味道唔錯，食落香口，可能有落豬油撈🤔 不過食完都幾口渴，記得叫杯飲品酥炸雞球酸辣米線 😋4/5炸雞球係連埋雞皮，外層炸得金黃香脆，肉質嫩滑夠晒juicy，cp 值高，真係值得一試。米線就正常無乜特別晚飯時間落完order 等咗超過廿分鐘，見小店忙於應付外賣所以堂食出餐慢咗，明白嘅，最緊要食物保持水準，抵食好食自然多人幫襯💪

開着搵食地圖，去到好多嘢食嘅元郎，真係好鬼多選擇，呢排秋風起，想食啲湯麵暖下個胃，見到呢間個名咁招積，就揀你啦！一坐低staff 好殷勤嘅招呼，加埋熱情嘅介紹！最後揀咗佢地招牌推介嘅炸雞球，同埋香茅豬扒撈麵！講咗個炸雞球先，外表平凡，不過staff 就再三叮囑， 睇住熱，所以嚟到我哋都擺一擺先，然後一啖咬落去，裏面真係熱到出晒煙！重點來了！出面個層雞皮脆口係咬到出聲，但係裏面仍然保持到好juicy! 仲有一層薑黃粉添！今次同朋友share！真係好唔夠喉！另外個豬扒撈粗！佢個面係用咗豉油撈！甜甜地都幾好食！已經等唔切想再去試埋其他嘢啦！

抱著一試的心態試吓酥炸鷄球如何，沿著元朗大渠行，雖然是小小店，很快便找到。這店明明是麵檔，但由於無食早餐及午餐，所以還是點了酥炸鷄球飯，較飽肚。一試，果然實至名歸！即叫即炸，所以新鮮熱辣。酥皮也夠薄，不像 KxC鷄肉嫩滑多汁，味道很濃（老板的專訪也說了，主要因為元朗人口味偏重，真的嗎？！我個人較喜歡清淡些）！現今良心小店難求，但這家真材實料用心泡製，又為學生提供優惠價錢，值得推薦。希望有更多良心店仿效！

🔺蒜香雞球米線 $43 (米線配雪菜/炸菜 /酸辣+ $4)😋指數: 🌕🌕🌕🌕🌑◻️雞球 大粒 又香 又酥脆 米線加左酸辣 都幾夠味🔺蒜香雞翼米線 $43 (米線配雪菜/炸菜 /酸辣+ $4)😋指數: 🌕🌕🌕🌕🌑◻️雞翼大大隻 隻隻都炸得金黃色 好味 米線 揀左雪菜 味道可以再濃一點🔺四寶丸湯 $35😋指數: 🌕🌕🌕🌗🌑◻️湯有魚丸味 好飲 魚皮餃好好食吖 有小小菜係入面 感覺滿足🔹整體黎講 呢個晚餐 好低食 鋪仔細細 但坐滿食客

前幾日見有人講依間啲炸雞球好食，所以今日就同朋友去咗食依間小店。佢個雞球真係超好食，炸得好香口，加上佢嘅特製醬汁，甜甜地咸咸地咁，非常特別至於佢個米線，就正正常常啦。

記得係呢間店岩岩開張無耐既時候食過一次，最令我記住既係老板叔叔好有禮貌真誠既服務，特登為我地推介唔同既食物，今日經過元朗又再次食返，一定要寫個食評支持下呢間良心小店。今次叫左兩個套餐，酥炸雞球雪菜米線同蒜香雞翼炸菜米線，另外加多個小食炸花枝丸。首先呢度最出名既就係佢既招牌炸雞球，跟套餐既雞球有4粒大大粒，咬落去外皮脆卜卜而仍然有肉汁，中間會見到有d黃色，吾好以為係脂肪，叔叔介紹話原來係放左薑粉落去，比起第一次食更有驚喜，配埋仍有個甜甜酸酸既醬汁，吾覺得有油膩感。蒜香雞翼跟餐都有4隻，醃得入味而炸到岩岩好，上面灑左層蒜香粉，同酥炸雞球不分上下啊。跟餐既米線夠滑而份量足夠，加埋飲品都只係40幾蚊，性價比夠高，食完成個餐之後都覺得好滿足。而炸花枝丸亦都做得出色，咬落吾會粉口得黎仲食到有d魷魚粒,24蚊已經有6粒。呢d高質既良心小店真係買少見少，仲要見到老板既禮貌態度，一定會繼續支持

朋友介紹下一試, 於周六約2時半-3時到達, 開住google map 搵 唔算難, 位置係元朗最出名既X仔涼粉後面鋪面唔大唔覺眼, 但老闆一直都係門口做宣傳 (由入門到食飽走人, 約1小時) 良心小店 老闆自己係出面曬住兜客一坐底老闆即刻介紹番有咩出名好食, 有炸雞球 , 豬手本人係雞控, 諗都唔洗諗即刻鎖定食雞! 呢間餐廳雖然叫 御麵, 但都有飯食但第一次一定要聽聽老闆意見, 試下個撈麵先, 撈麵有分粗 幼之選識食一定係揀粗, 點解? 男人老狗食幼麵難登大雅之堂!等左約十分鐘, 食物到, 一上台就已經嘩一聲, 2019年50蚊仲有咁大盤既野食敢問一聲老闆係咪蝕住做? 老闆笑說: 差唔多啦, 接著同我地解釋炸雞球做法同出面唔同出面係用炸粉落油炸, 御麵做法係唔用炸粉, 用雞球原來雞皮向外反, 用雞皮代替炸粉減少油膩感, 啖啖肉, 呢個做法確實要大讚因小弟, 同可能好多香港人一樣好怕食炸雞 啖啖粉, 又口乾又覺得似被搵笨炸雞口感滿分, 但肉有些少雪味, 略減1-2分撈粗麵 - 神奇, 頂級, 超卓坊間撈麵通常只會有色無味, 愈食愈口乾 (味精), 但御麵個撈粗有色亦有味, 入口順滑,

有朋友推介元朗有一間餐廳嘅炸雞球好好食，咁啱今日經過，於是喺餐廳門口查看。恰巧有店員喺鋪外宣傳，推介佢嘅雞球，層皮係好似薯片咁，而且啖啖肉。作為食肉獸，當然點碗蒜香雞球米線試下，熱飲免費，凍飲加$2，感覺相當合理。你可以見到賣相娟好，食落又真係同店員所描述既一樣，符合商品說明條例另外想講店員態度良好，會主動提供額外一張凳俾客人擺袋，令顧客坐得舒適。註：同朋友交換撈麵食，我嗰碗米線好普通，撈麵色澤、味道都甚佳，我諗只係店鋪位置唔太就腳。

久违了的灵感食评，因很少吃到什么让我有写食评的冲动……这鸡球是即叫即炸，老板端上来的时候也特意说了下鸡肉上微黄部份不是肥油而是黄姜粉。果然，第一口咬下去，鸡皮和鸡肉表面超酥脆，重点是“不.油.腻”！别家可能一口满是油的粉浆，这家粉浆很少量，几乎吃不出来粉浆味儿，“啖啖肉”是当之无愧。鸡肉也处理的很好，没有那种雪藏味（可能冰鲜鸡吧）。味道也腌制的刚好不过咸，未抢了鸡肉本身味道。个人来说，炸的火候也刚好，口感很好。因为炸的鸡肉太嫩吃起来会感觉没熟透而鸡皮疙瘩。真心觉得值得推荐，性价比非常高！虽不是什么大餐馆，但用餐环境却干净整洁而且舒适。综合来说值5星好评啊！