御滿膳 (已結業)

昨晚和三位朋友特地過海來試試。結果叫人有少許失望，菜式沒有什麼特別，而且不是太美味。因點了太多菜，所以有些遺忘了，而且名字也記不清了^^"菜式如下︰1) 蟹黃海鮮炒飯--- 很香，而且也有不少海鮮。2) 蟹黃鵝肝燒飯團--- 外面燒得太焦，而蟹黃混鵝肝的味道有點兒怪怪的。3) 黃金醬焗元貝--- 有點膩，元貝不夠新鮮，沒有鮮味。4) 清酒煮蜆--- 蜆很大隻, 可惜沒有鮮味。5) 蟹黃炒雜菌---偏鹹, 不過算是可口。6) 汁燒蠔--- 醬汁有少許甜味, 蠔很細小。7) 黃金醬焗海龍皇--- 聖子沒有味, 龍蝦的味道還可以，但很細小。8) 奄列--- 份量很大，有少許蝦仁和磨菇，味道普通。9) 汁燒茄子--- 味道不錯，不過有些焦。10) 冰鎮菜蔬--- 醬汁是麵豉混蟹黃醬，味道有少許怪。唯一值得讚的是：侍應的服務態度很好。

Lunch 食, 係第一次! 午市套餐有A至H, 不過唔包飲品, 叫罐頭汽水綠茶等就半價, 廿六蚊, 四人同行一人免費咁話喎! 我就叫個咖喱豬扒飯, 豬扒炸得好鬆脆, 典型日式炸物, 而咖喱汁亦幾濃, 個飯都唔錯. 同事們吃拉麵似乎差喎.....都係果句, 始終唔太鍾意街市陣味, 好影響食慾! 就算呢度都算乾淨企理都係咁話!

5月27日，18:30公事上遇困境，化悲憤為食膽。聽聞這裡的稻庭烏冬，價錢算便宜，便即管一試。可能時間尚早，店內無客人，男侍應禮貌地帶我入坐。我向女侍應點了稻庭烏冬。一分鐘後，男侍應問我要冷或熱，我要了熱的(自覺順理成章)，侍應隨即問我要不要加些串燒。我當然不要，因我心想熟食中心，超過HK$ 40.-一碗的烏冬，必定很豐富，我可能吃不完。到烏冬上檯，我才明白，侍應為何有此一問。================================================湯底：清湯底。配料：冬菇一朵，小白菜三棵和點點蔥花。烏冬：完全不像一般烏冬的烏冬，扁扁平平的，像上海白素麵條。但入口才知龍與鳳，極滑、極韌和有麥香。(我肯定這不是價錢產生的口感)。一般的麵，跟隨滑字是淋字，而不是韌字^m^，可惜有敗筆，有兩三條麵呈白色和硬，肯定未開(熟)。

果日中午去開北角諗住去試下間"名星飯堂",點知居然冇開!見有間食日本就入去試下.坐底發覺冇乜人,個餐牌只有兩種午餐:日式同西式,每種有四款.叫日式東京牛肉飯.先來麵豉湯,質數一般,比較鹹.再來牛肉飯,用的是肥牛肉但冇吉野家咁薄,有很多洋同滑蛋.味道ok但係太多汁.後來侍應走來問feedback,話佢地原來今個星期開始做埋午餐,又話會改善食品及增加款式云云.基本上都ok,又夠涼(街市有冷氣),又唔使加一,下次去開會試下晚市.

三個人去食，weekday，人唔多，又唔會問有冇訂位喎！打開餐牌，竟然有好多西餐，來到當然想食日本野，正有少少失望，侍應來到，話加了西餐，係想為客人加多d選擇，又介紹了幾味日本菜。餐牌裡沒甚麼魚生，原來係日日新鮮運到，款式唔同，所以冇落餐牌。叫了劍魚、牡丹蝦、甜蝦刺身，海膽，好鮮味，好食過酒店。侍應話可以早幾日俾電話，提出想食咩魚生，佢地會盡量訂番來，因為老闆是做魚生批發進口，我下次會試下。有咪凍食的清酒蟶子皇加黃金醬燒（焗？）龍蝦，蟶子好味，不過清酒味稍淡，龍蝦正到痺，至中意個黃金醬，侍應話係用海膽汁整的。侍應介紹下，叫了個黃金醬燒元貝，又係勁正。另外還有木魚絲炸豆腐，一口牛肉、串燒：雞軟骨、牛脷、牛肉露荀卷、茶壼海鮮湯、鯛魚湯、叉燒拉麵。湯是極力推介，一口牛肉有筋，可以唔叫，串燒正，其他ok。到甜品時間，叫了柚子雪葩和咖啡焦糖燉蛋，前者清甜，食飽再食就一流，後者好特別，好香，但都幾飽。整體來講，海鮮係最好。埋單七百幾，以街市來說當然貴，但以質素來說唔貴，會再去。

聽朋友講近期必試, 上星期去過果然好正, 大排檔有咁ge 服務同水準, 都算有誠意, 一路飲Sake 一路食申燒真係幾爽, 不過最衰要還.

挾酒店名廚之名去.... 感覺卻一般首先價錢好唔「街市」當時食未有刺身/壽司由於新，所以負責人好有禮好有耐性咁介紹幾道菜, 但就人人都咁有禮囉, haha 好似有點假咁佢介紹那「蔬菜蟹肉」(exact 名忘了), 個人認為唔得, 可能佢吹噓得太緊要, 我見隔離台食時都「也母」起哂面;overall黎講...普普通通啦, 冇抱太大期望

o個次同屋企人興緻高昂咁, 未夠六點就去到. that moment.廚房已經運作中. 連埋我地家人同時有四家人到左. 去到門口. 有個男侍應出黎問:" 你地冇訂咖. 係嘛?" 幾家人都話冇. 跟住佢話: "我地淨係做book 客的生意咖渣. 我地7:30pm 己經要俾已經book 的客人. 而家都6點啦".另一家有人問:"我地7:30pm 前俾番張你地就OK 啦..我地特登黎咖喎."呢位仁兄就話:"我睇都做唔切喇. 你地下次再book 黎過啦"..請問大家覺得點.?? 我以後都唔會去囉!