御滿屋日本料理

營業中

休息中

萬聖節算唔算一個藉口出去放縱下呢？😂不過好耐未食放題，就同老公近近地去旺角御滿屋食個最平既A經典放題$278 對於我地只係想過下口癮，真係夠有凸。雖然係最平個個set,但帶子刺身有，海膽手卷有，羊架有，翅花膠螺全部都有，一樣一件都食到棒住個肚。刺身仲要厚切新鮮👍出面仲好多前菜，連海葡萄爆谷都有。生果有西瓜同密瓜好甜，甜品款式好多。飲品都有十幾款，清酒梅酒啤酒都有。呢個價錢真係真心抵。最後仲每人有一杯高質雪糕，movenpick 或Häagen-Dazs 出面都$2x一杯。另外，用ar code 落單冇漏單仲要快，收碟又快，呢個價錢仲想點？

今日嚟到旺角食一間日式放題，都好多小食，甜品，嘢飲仲有清酒任飲，不過嚟到呢度㗎係重點食刺身放題啦！放題自選兩小時 星期六五六日公眾假期 每位$288 另收加一🍴刺身 (7/10)帶子正常，冇腥味，唔甜，但勝在夠厚身，三文魚偏瘦，都厚身，劍魚腩比較爽口，都有油香，蝦正常好淋少腥。🍴熟食 (7/10)薄燒牛好乾好硬冇牛味。羊架好食，有油香，少少臊，唔會太乾身，牛舌爽口彈牙有牛味。鰻魚厚身有魚油香，好食。焗帶子都幾淋，沙律汁酸酸哋。竹笙海皇仁翅鹹鹹地，似碗仔翅，燒菠蘿非常新鮮香甜酸酸地，好解膩。清酒螺肉都幾好食，肉好厚唔會太腥。🍣壽司 (7/10)吞拿魚蓉都ok，幾軟淋，蟹膏軟殻蟹都幾香濃蟹膏，但軟殼蟹淋左，魚子好爽口，好啊，芝子饅魚好濃芝士味好食，玉子甜甜哋都ok!🥤飲品都有好多選擇~最緊要係有纖解茶！推薦指數: 7/10正正常常不過不失，壽司幾唔錯，牛舌羊架都幾好食嘅！都算高性價比唔錯㗎！

今晚跟儒艮先生一起到御滿屋晚膳，食物種類很多，無論刺身，壽司，手卷，熟食，炸物，甜品及飲品，均有大量選擇😍環境:一入內已有許多卡座，卡座寬敞，坐得舒服。服務:員工很主動清理空碟，出菜也快👍放題選擇:有經典(75品)，匠選(95品)，豪華(110品)及極致(122品)，星期一至四( 自選兩小時)價錢由$278至$588。食物: 刺身🐡🐙也頗新鮮，溶雪時間恰當。已往曾經去過一些食店食放題，由於解凍時間不足，吃下去還帶點冰的感覺。想讚一讚它的炸，它的脆漿做得很好，令到炸出來的做到外面很鬆脆 ，裏面是帶有鮮味及柔軟的👍👍飲品 種類也多，酒品類有泠熱清酒，梅酒，啤酒 🍺等大家可以快D去試吓啦😍

朋友話好耐冇食放題，所以今次第二次黎食，對比第一次啲質數差好多。朋友食完都話我點解介紹呢間嘢，因為真係好鬼失望，依家差啲連朋友都冇得做。揀咗最貴嘅餐，以為就一定唔會出事，點知就真係出曬事啦！今次紐西蘭乳龍蝦冇都算了，連甜蝦都冇，所以所有蝦嘅刺身得一款赤蝦，本身都冇唸住寫評論，話6點半截單結果仲未夠鐘就冇得加單了，後尾叫服務員加單嘅燒菠蘿如圖見到咁邊仲有食慾，埋單$1227兩個人，下次唔會再黎囉⋯⋯

呢排番工無啖好食 放工難得約朋友食飯 想咩都食啲又想食刺身又想食羊架又想食芝麻雞翼朋友第一時間就推薦呢間放題呀 我記得早幾個月都食過 絕對值得再訪如是者我哋就黎左呢間餐題放任吃了！我哋揀左75品套餐 因為怕太多選擇都食唔到😂前菜拼盤🍱呢度放題出邊好多前菜類嘅野都可以自己夾 除左我夾左 辣味螺肉 芝麻八爪魚 蒜味墨魚仔 中華沙律等等 仲有泡菜 魚糕 好多唔同野揀 不過我就唔記得影低😅凍海鮮🐚除左前菜之外 仲有凍螺凍蜆 海蜇夾😇刺身電話Order 真係落幾多就比幾多 另外蝦好鮮甜 仲有泰式生蝦點壽司🍣好多唔同款 一口一舊 唔會好多飯 比例拿捏得幾好 唔會怕會好濟炒蝦？🦐全名我唔記得哂 但爽口彈牙 我一個人都食左兩碟😜炸物拼盤🍤其實係自己拼😂 有芝麻雞翼 炸蠔 芝士年糕 炸鮮奶 全部都熱辣辣新鮮炸起 雖然熱氣但好值得食燒物🍢羊架, 雞軟骨, 牛舌, 燒菠蘿全部都正常發揮 好食😂燒菠蘿係袋幾多次都想狂啪嘅野😍真係好好食🤤爆谷🍿呢間放題最正係有埋爆谷比你自己攞 食到好飽都忍唔住拎兜黎過下口癮😋粒粒都佈滿糖漿 香甜可口美味😇雪糕🍦呢度雪糕只可以計人頭數 一人一杯 有Movenpick haagen

📍 御滿屋日本料理 (旺角)旺角彌敦道655號胡社生行1樓👀今日同fd去旺角行街，之後見到d人派傳單，咁橋有間就係滿屋，之前都食過覺得唔錯，今日lunch又冇食嘢好肚餓就入去食放題👅d刺身好新鮮，切得厚，大大份，我最鍾意食嘅三文魚😆而d壽司掉返轉就飯細細舊唔洗驚食得太飽👅炸物方面都好多選擇，炸芝士年糕雖然好易飽但都要整件🤣而炸鮮奶我好鍾意食😆甜甜地正👅呢排轉涼仲食左個細碗牛肉烏冬，同出面嘅日本餐廳有得比，細細碗仲可以食其他野😆🀄️其實仲有羊架啊，甜品啊，燒物等多個選擇，真係講都講唔曬，仲有三百幾蚊幾時都算ok，最緊要係d野食質素唔差😆

上網見到佢哋最貴嗰個Menu有海膽同埋拖羅任食，又心郁郁，五百幾蚊又唔知質素點樣就諗住食個lunch平少少試吓佢嘅質素如何點知佢嘅質素十分之好！叫佢最貴嗰個餐牌可以無限任食所有款式包括海膽拖羅佢嘅大拖羅入口即溶！口感十分之正，仲有中拖羅質素都十分之好，當然我叫咗最貴嗰個餐就梗係要多啲大拖羅啦🤣佢仲有蟹鉗海膽都好好食，海膽唔會太腥！佢嘅蝦都好大隻肉質甜美仲有鮑魚鵝肝， 拖羅壽司等等仲有醉雞件，海膽手卷黑松露手卷超級大滿足！！！完全係物超所值，依個質素五百幾蚊抵到爛仲要任食！會再去食過！味道: ⭐️⭐️⭐️⭐️⭐️服務: ⭐️⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️

Keep到味道呀呢間放題而傢好多放題都改左電話自己落單，十分方便呢間刺身都算齊呀，想食既都有仲有海膽手卷，吾係間間有記得尖沙咀有一間就要成日排隊出去囉，十分麻煩，呢間就冇走過單，而且都有特式野食，醉鮑魚/龍蝦沙律多士/蒜蓉醬烤扇貝，都可以試試

忘了由何時開始，朋友一個接一個移民外地，一別不知何時再聚，所以，雖然近期疫情再度升溫，但 BeautySearch 也會盡量安排時間，與他們短聚。最近一次餞別，BeautySearch 便與好友來到位於旺角的御滿屋日本料理。店內計有多款放題選擇：經典、匠選、豪華、極緻等，由75品至122品，但由於我們兩位女士的食力只屬一般，所以揀選了75品的經典放題。甫坐下，當然第一時間點選我們最愛的刺身。單看赤蝦的色澤與體形，已相當吸睛，當場，選有我最愛的三文魚及劍魚腩，兩款均冰凍鮮味；另外，還搭配了鮑片、八爪魚、北寄貝、北海道角螺、松葉蟹棒等，每款都很味美喔！緊隨而上的，是數款特式壽司，包括：花之戀、蟹子伴帶子、忌廉芝士軟殼蟹卷、芒果加州卷等。除了 BeautySearch 最愛的花之戀，我們特別推薦芒果加州卷，原來簡簡單單在加州卷上加上芒果及沙律醬，便能即時令壽司更添滋味，我倆也忍不住即時多點了一轉呢！再來燒物，我倆最愛的鹽燒海蝦，燒得香口，又入味。不過要自己動手拆殼，突然很想念平時替我拆蝦殼的蝦子餅呢！北海道燒帆立貝彈牙鮮甜，質地厚實，拌入洋蔥青椒等食材，經過磯燒及調味後，更為滋味。蒲燒鰻魚肉

有時諗唔到食咩就會去食放題，因為嗰到乜都有，啱晒選擇困難症嘅人🤣 滿屋有兩間分店，我今日揀左去旺角，另一間就喺荃灣📍對比起其他日式放題，呢度空間較大，燈光猛烈，坐得好舒服😊 呢間最特出嘅就係清酒放題，冷熱兼備，仲有可愛嘅清酒杯俾你裝著🍶Manya Japanese Restaurant has locations in mong kok and tsuen wan. Compared to the other Japanese all you can eat places I’ve been to, this is more spacious and comfortable. One thing that stood out to me was their bottomless sake drinks, in both hot and cold. 佢地有四個餐比你揀，A係最平，D係最貴，作為一個好容易滿足嘅人，我覺得A已經夠食😛 佢地係用手機落單，咁就可以想嗌就嗌，唔洗等侍應過黎落單🙋🏻‍♀️ 除左單點項目，出面仲有個自助餐區，有廿幾款冷盤同甜品比妳任攞，仲有爆谷添🍿You can ch

周四和囡囡去荃灣滿屋食放題，超新鮮，品种多，服務員態度又好好，中途麻煩服務員停咗換張風景臺，都好好態度，下再約埋朋友一起再食過。羊排和花膠超靚，海膽好正，值得試試！甜品好多款多色，小朋友至愛，還有品牌雪糕

自從放寬堂食，我每星期都幫趁一至兩次，但最近係裝修之後，錢加左冇問題，但質素差左好多。​刺身冇赤蝦,真搞笑，用中蝦代替，又腥又有沙，簡直吾食得，​刺身海鮮又吾新鮮，燒物係Order最耐,Order 左羊扒, 又冇來,再Order 就來左一大一細的羊肉乾，認真難食，吾想再寫,不知所謂，要講粗口!

第二次光顧，水準仍舊，沒有令人失望。食物種類繁多，無論刺身、熟食、炸物、甜品及飲品，均有大量選擇。最重要是食物上枱速度快，很有效率，而且環境清潔，用餐時間長，這店是日式放題的首選。刺身十分新鮮，按個人需要點選數量，不會浪費。燒物中的燒菠蘿是我的至愛，今次很多汁及甜，不禁多吃幾件😆海膽手卷是必食推介，海膽鮮甜，而且是迷你手卷，多食幾件也不會覺得自己過分😅除了甜品吧外，還可選擇Hagen-Dazs雪糕，但唯一令人失望是雪糕只限叫一杯，未能滿足我。

中午食放題，價錢底食呀。食物，飲品，甜品種類都多， 味道都好好， 環境都乾淨，同朋友都食得好開心，下次一定一定一定一定會再幫襯。如果多d做 promotion ，會更好。

今日去咗Mk , 經過一間日式放題，見到樓下餐牌價錢公道合理，而且食物選擇種類好多，於是入去試吓。午市放題，兩小時任飲任食，星期一至四成人$228，星期五六日及公眾假期$258。滿屋日本料理 ，餐廳地方非常整潔，而且座位嘅空間感都好足夠，所以坐得都幾舒適。刺身方面，有三文魚，甜蝦，油甘魚，赤蝦，帶子，象拔蚌，吞拿魚，赤蝦嘅size好大隻，而且肉質爽口彈牙，味道非常新鮮，帶子口感非常好，食咗佢咁多樣刺身，全部都好新鮮味道鮮甜。手卷我就最欣賞海膽手卷，細細件但係海膽份量好多，味道鮮甜，又冇腥味，一口一件非常好味串燒有雞軟骨，燒到每一粒都非常爽口又有口感，上面放咗一些椒鹽更加嘢味😘牛舌，燒菠蘿，燒扇貝，燒羊架，燒牛舌味道最好，牛舌爽口入味，上面仲放有啲黑椒，菠蘿味道好甜好香，✌🏻咬一啖非常多汁😍燒羊架味道最好，羊肉肉質嫩滑多汁，燒到有少少焦香味道更加有層次，羊架非常厚身，份量仲好大件另外自助區出面仲有好多款小食，中華沙律，雞翼尖，螺肉，醉雞翼，非常多嘅選擇飲品方面，凍清酒，凍梅酒，熱清酒，啤酒，汽水都有十幾種。另外仲有朱古力噴泉，蛋糕，生果全部都係任飲任食，一個價錢兩小時任飲任食性價比好高，