御滿屋日本料理

營業中

休息中

有一段時間沒食過放題了，當日和太太路經旺角，看到雅蘭中心對面的御滿屋，發覺原來一點也不貴，便決定上去試試😎✏️位置（10/10）：旺角E1出口旁，超級方便✏️環境（9/10）：比想像中大，卡位私隱度高✏️衛生（8/10）：自助區整潔，餐桌也乾凈✏️服務（8/10）：掃碼下單，漏單不多✏️食物（8/10）：選擇眾多，味道不錯🍱A經典三重新鮮刺身江洋盛宴 - $268/位想了又想，還是覺得這款套餐性價比最好，而且也有77品，想食的大致都齊全😄🌟刺身有三文魚、油甘魚、劍魚腩、希靈魚、鮑片、八爪魚、北寄貝、泰式生蝦、北海道角螺、赤貝、北海道帶子、松葉蟹棒、甜蝦及赤蝦，大部分都新鮮，其中赤貝及北海道帶子是必點😁🌟壽司有油甘魚、劍魚腩、赤蝦、馬刀貝、芝士醬松葉蟹柳、三文魚、火炙海鰻、特濃芝士醬燒青口、特濃芝士燒醬牛肉、鹽燒左口魚邊、火炙蒜香牛油熟帆立貝及火炙三文魚壽司，馬刀貝鮮甜味美，個人最喜歡的都是燒香的點的三款火炙壽司😆🌟其他壽司有牛油果蟹肉他他、海膽吞拿魚茸壽司、芝士肉醬玉子燒及花之戀，海膽吞拿魚茸壽司用料出奇的鮮味，值得一試😘🌟手卷有海膽、蟹膏蟹肉及香蔥吞拿魚手卷，細細卷方便食用，味道亦算不錯😃🌟軍

呢排食火鍋打邊爐多,突然想食日本放題,朋友介紹那間冇位,剛好這間見book位又有位,就去嘗試下,地方夠大嘅,位都還可以不算好闊落,食物種類多嘢都快嘅水準都可以....魚生新鮮,炸物可以,其他食物都尚算可以！亦有其他熟食小食,梅酒清酒任飲,,🍶

同朋友食放題，熱葷好味，除左蝦球肉質霉唔爽口唔好味，刺身都麻麻地雪味重冇鮮味。。。最大問題係出現係最後，話8:30pm last order ok，咁我地叫埋啲野打算食到9:09pm散水，點知約8:45pm拎左三罐野飲返黎，有個西面阿姐執枱既時候話截左單唔比攞野飲，首先我從來都未食過一間放題係截單唔比攞野飲既，新玩法？？第二，寫明兩個鐘，7:09pm先安排入座，點解係9:00pm截我地單？限時2個鐘架西面你地餐廳唔識計時間？西面放題垃圾服務black list永不翻兜

第一次約朋友嚟依間食中午放題🍣🍱，價錢合理唔算好貴，但係食物質素可以接受，唔算好好味好新鮮，手機落單後上菜都比較慢，人就唔算多，但係好多點左嘅嘢都好似無嚟到，朋友點左隻雞翼去到最後先到…而且雪糕原來只限每人一杯….無得再食，重差少少掛住傾計唔記得食….如果有其他雪糕🍦可以任食會更開心！環境方便都坐得舒服，飲品種類都算多選擇！但係如果食夜晚的話，今日嘅食物質素就唔太值啦…總體而言服務一般，食物嚟唔足又慢，令人有啲失望…

服務質素極差，食物質素一般，送餐時間得個拖。First Order嘅野只係嚟刺身，熟食完全無嚟，落單後1個鐘先上熟食，係截單後先上熟食。搞到好似用一堆刺身塞飽你先，拖啲食物唔上，last 1個鐘你飽飽地先上。而啲食物又差，個雞腎直頭係生無燒拎比我地。有個女侍應大嬸好似搏炒咁，收碟個陣成堆菜心湯倒落我條褲到，隔離個位直頭一堆湯潑落，又唔道歉，連紙巾都係叫先比，咁嘅服務態度叫人點有下次食。依架野真係比錢買難受，咁嘅服務等執。

星期五晚，想食放題😋揀旺角最方便、就腳！見到呢間openrice有網上訂座，時間合適，便訂了3位晚上18:00開餐門口接待姐姐禮貌唔錯，好快手已安排座位比我地 我地位置係梳化位，也算舒適一坐低，已經急不及待入單先點一盤刺身😋 刺身款式正常：三文魚，劍魚腩、希靈魚、赤貝、北寄貝、帶子、赤蝦，etc. 上菜速度都算快，唔洗等好耐 然後點咗壽司、天婦羅🍤 天婦羅上桌時仲係熱辣辣，正！ 燒蝦、燒牛舌有驚喜，想encore 😋😋 仲見到有清酒任飲，啱晒一班人飲下食下，我唔飲酒所以冇試lu 整體全晚都幾滿意，食物新鮮，上菜速度快冇漏單，職員服務都唔錯！ 我會再去的～

抱住之前評語可能有誤的心情。結果原來評語都係真的。除左等還是等。未試過食左一小時都未飽。然後仲有人過黎叫你買單。激氣的一餐。炸物真系好味。吾complain 都吾上嘢食。

旺角咁多日放題，講到呢間最抵食。 一黎個都食刺身， 最好味係北寄貝，鮑片同蝦。 不過食太多刺身好快飽。再黎個碗仔翅， 入面有竹笙，幾醒神， 叫左幾個芒果蟹子卷，好正，芒果又清新。 再食個榴槤炸彈加炸廣島蠔。 食埋個牛肉烏東。 好飽 已經再食吾落去。 17:00-19:00 $238 加一 係好味抵食

有三個侍應得個急字放野喺枱面嘅時候倒瀉咗很多湯汁落地下好彩冇放隻腳出去，如果唔係肯定淥親！好笑嘅嘢係冇人會講唔好意思/對唔住/抹地個個當睇唔到最犀利嘅嘢就係所有壽司刺身菜 什麼味道都沒有？ ！ 我覺得呢個係好難度好高嘅一件事。

經常食放題今日出旺角食，呢間真係幾次都冇失望，性價比比較高！好多款式，連酸菜魚都有得食，仲有乳鴿，朋友次次去都瘋狂叫😝日本大路刺身佢都有齊，仲有鮑魚，但係甜蝦冇味嘅！之前佢個酸菜魚係用黑魚片而家轉左龍脷柳爭好遠😞你鵝肝壽司雖然細但係都叫好過冇，蟹粥都幾好食，芝士忌廉大蝦正，蒜蓉蒸海鮮嗰啲扇貝生蠔全部都唔錯㗎粉絲好惹味，仲有個蟹黃豆苗，有啲菜食下都幾好，每次都要飽到嘔咁滯，不過坐就真係冇咁舒服比較迫因為好多枱痴得好埋，廁所都比較濕滑要小心，放題來講呢度就冇乜甜品嘅，出邊另外有啲熟食俾大家拎，不過之前有啲係QR code落order，而家都變咗喺出邊拎就變到有啲品質差咗，始終舊式嗰種自助式攞法會搞到有啲污糟，不過二百幾蚊真係勁抵食

真的很難吃，B餐的東西沒有一樣是值這個價的，水煮牛肉，烤小管，冰凍吞拿魚你跟我多收100多。海鮮有腥味，特別是蝦，有一股很難受的味道。在其他家吃的日料放題蝦都是甜的，就這家是苦和腥。烤物都是燒焦的，烤雞腎硬到咬不動。還有他家的蒜蓉生蠔改名叫蒜蓉蠔仔吧，沒見過這麼小的。不知道有什麼臉自稱鐵板燒放題首創？另外說服務，上菜像是摔盤子一樣，不願意做服務可以不做。劣食之樓名不虛傳。千萬不要來！！！！！！！！！！！！！！！！

120分鐘好像得60分鐘時間咁放題通常第一轉係最好的，佢都唔例外到左3-40分鐘開始上菜就開始慢，到60分鐘仲誇張，已經隊張單黎要你埋左先，同你講仲有半個鐘就截單，咁當然係叫野食啦落左3輪單，得最後果次order有黎，追問店員d食物幾時黎，佢問仲有邊d未黎，show俾佢睇，同冇睇一樣，直接問我們仲要d咩同我們去落單，同店員講的食物係黎左，不過咸到食唔落，最慘係簡b plan, b plan係多左果4，5樣，仲要係唔好食的真係請都要人簡過第2間

冇一樣係有水準 叫左十隻蝦 四個人 只上3⃣️只 台面勁多碟 叫服務員收 推三推四 直頭趕客 經常食放題 呢間絕對冇下次 從未見過一間放題，態度同食物相提並論 真的好差，啲嘢好難食 超難食

見網上啲人講旺角呢間放題幾好所以試下，食到一半已經感覺好差網上究竟有冇請打手？放題最唔可以接受就係上菜慢呢度叫 刺生 壽司 半個鐘都唔會上問佢就話等下啦 出緊跟住轉頭轉左勁耐🤦🏻‍♂️🤦🏻‍♂️等都唔係一個問題啲嘢食完，完全冇人執枱佢上菜見到都唔會理有位就塞落嚟唔講以為去咗第三世界啲野食全部放曬吧枱無人送啲位又坐到勁近 勁嘈最後員工態度有問題叫佢收又話收咗會俾人鬧咁一係你張枱大啲？食到咁迫我去食大排檔好過唔會有下次極差嘅體驗唯一可以讚吓就係牛舌係幾好食但得一樣好食係唔夠

唔好嘅係可能係太忙啦 門口個reception太度唔多好用手機點餐野食黎得慢 有時仲會漏單刺身有啲可以有啲就唔係好新鮮 好唔好食要靠彩數好嘅係地點方便 價錢還可以食放題岩曬選擇困難嘅人咩都可以叫少少試下味野飲有好多款選