御滿屋日本料理

營業中

休息中

經常食放題今日出旺角食，呢間真係幾次都冇失望，性價比比較高！好多款式，連酸菜魚都有得食，仲有乳鴿，朋友次次去都瘋狂叫😝日本大路刺身佢都有齊，仲有鮑魚，但係甜蝦冇味嘅！之前佢個酸菜魚係用黑魚片而家轉左龍脷柳爭好遠😞你鵝肝壽司雖然細但係都叫好過冇，蟹粥都幾好食，芝士忌廉大蝦正，蒜蓉蒸海鮮嗰啲扇貝生蠔全部都唔錯㗎粉絲好惹味，仲有個蟹黃豆苗，有啲菜食下都幾好，每次都要飽到嘔咁滯，不過坐就真係冇咁舒服比較迫因為好多枱痴得好埋，廁所都比較濕滑要小心，放題來講呢度就冇乜甜品嘅，出邊另外有啲熟食俾大家拎，不過之前有啲係QR code落order，而家都變咗喺出邊拎就變到有啲品質差咗，始終舊式嗰種自助式攞法會搞到有啲污糟，不過二百幾蚊真係勁抵食