御滿屋日本料理

營業中

休息中

魚生新鮮除左海膽，天婦羅勁多油和厚粉唔好食，串燒同燒羊鞍都太熟有啲硬，食物好快上枱，雪糕有限量不是任食有些失望，服務都可以，不過真係幾多人幾嘈，4人卡位空間剛好少少迫，但因為太嘈好難邊食邊傾計。

好耐冇食過放題~~每次食親都有種青春回憶嘅感覺(以前讀書嘅時候成日一班人去食，因為啲男仔唔怕唔夠飽🤣🤣)~今次去咗旺角試吓呢間OpenRice推介嘅滿屋放題，嘢飲任飲就當然㗎喇~但係呢間竟然有啤酒清酒梅酒任飲🤤🍻🍻食物款式種類都好多，刺身串燒小食鍋物都有，我最喜歡嘅係燒牛肉 燒菠蘿 壽喜燒鍋 雞翼同埋刺身🥰🥰不得不稱讚嘅係食物上菜嘅速度非常快👍🏻👍🏻絕對唔會拖你時間，兩個鐘頭任食 真係夠有突 哈哈📍滿屋 (@旺角)地址: 旺角彌敦道655號胡社生行1樓

之前吃過大埔的滿屋 這次看到旺角開了新店馬上就來試吃了。時間剛到12點就已經開始有人在排隊了這次我們選擇的是B套餐因為C和D都沒有貨，刺身的選擇還不錯也有一些熱食跟大埔的差不多，另外也有一些自助的一些炸的食物和飲料甜點可以自己拿。大多數的刺身都算蠻新鮮的，但生蠔有一點點味道，所以後來都沒有在叫了 午市有三個小時可以吃，所以時間很充裕總體而言還算不錯不是試食

心血來潮突然想食放題，見呢間係旺角站一出行兩步就到，見咁方便一於試下😆放題有分四級，基本個級已經有77樣野食，最高級別有成128樣野，仲有極品大拖羅食🤤不得不讚呢度既刺身溶雪做得唔錯，食落亦好新鮮，帶子仲要厚切有鮮味👍手卷壽司等都唔馬虎🍣串燒既牛舌絕對係放題必點😋自助區有唔少凍海鮮、前菜同炸物，甜品櫃仲要勁多選擇，見到都心心眼😍冷盤以外，熱食既燒蠔同麻辣小龍蝦勁惹味👍而我最鍾意既～一定係呢度有清酒梅酒供應🍶食日本野真係唔可以少左佢😆

如題～真係勸世文千奇唔好以身犯險食左個B set，因為是日晚上無 C同D提供人均400蚊埋單員工服務態度無問題最差真係食物，差到要用災難級黎形容1.食物種類 極少好快你就睇哂有咩食，都無咩好比你選擇。2.食物質素 極劣未試過食放題1 Round就唔想order第2 round 三文魚，普普通通 都無咩要求*燒*菠蘿，無燒過 凍既清酒煮蜆，啲蜆臭既 霉哂燒羊鞍，好耐無食過咁蘇媚既羊 唔知擺幾耐先做到呢個效果燒蠔個樣睇相就好抵食，一落枱就蒜茸辣椒重味到 都遮唔到啲蠔有幾腥幾霉，啲辣椒都係放左好耐個隻，難食程度爆分！全場搵唔到一樣食物可以稱讚，屬超天然災難～如果真係要讚，哈根大師 係正常既。好少打食評，真係難食到好想分享…避雷勸世🥲三思而不要前行啊

小編好耐都冇食過日本放題，今次搵到一間好多樣化嘅日本放題，入面有4款組合可以選擇：A有77品、B有97品、C有114品、D有128品。小編今次揀左B款，入面係可以揀埋A款嘅嘢食架。餐廳設有自助式飲品、冷盤同小食，即使嘢食未到都可以即時止一止肚餓呀。飲品都包羅萬有，基本上市面有嘅嘢飲，都會有齊，但最意不到喺有提供清酒、梅酒等，想飲酒嘅朋友唔好錯過。冷盤同小食都離不開，八爪魚、章魚、海藻沙律、薯條、薯角等，餐廳提供特別小食，炸帶子同炸雞腿肉。主菜部分刺身-食左三文魚、螺片、希靈魚、甜蝦、空運吞拿魚（B)，全部魚生都好新鮮、好快就會上枱，份量都會比足。一口壽司火灸三文魚壽司-好香火灸味、鮮甜火灸牛肉壽司-牛肉一啲都唔韌，好重牛味芝士燒牛肉壽司-多左芝士，更立體帶子壽司-輕輕火灸過，唔錯鰻魚壽司-好大條，夠晒入味一品料理紅燒汁煮飽魚-好冧好入味，一試再試西京比目魚-煎得金黃色，香脆可口和風牛柳粒-牛柳粒好多，味道唔咸，好入味三杯生蠔-三種唔同味道，可以一試燒物美國薄燒牛肉-好大塊，重牛味燒帶子-大大粒，好鮮甜燒牛舌-味道十足，鹽度岩岩好。最後一站，梗係嗌甜品啦。今次揀左紅豆抹茶雪糕同士多啤梨雪

今日約咗朋友食lunch，跟住去旺角朗豪坊shopping，好耐冇食日式放題，我哋去咗附近嘅御滿屋日本料理食午市放題，任食三小時，💰238一位，包刺身、壽司、卷物、炸物、天婦羅、串燒、一品料理、雪糕，自助區有中華沙律同多種前菜小食，甜品泡芙，茶類、清酒，飲品任飲，選擇非常多👍午市初段，已相繼有客人入座，餐廳用QR code自助落單，食物上枱速度快，十分鐘左右就陸續送到😄刺身光潤新鮮，點咗油甘魚、三文魚、劍魚腩、北寄貝、帶子、鮑片、赤蝦、甜蝦😋廣島牡蠣，虎蝦天婦羅即炸即食，夠鬆脆，燒紐西蘭羊胺有唔靱，有肉汁😋，鰻魚一口size，一啖一件啱啱好，推介👍，另外仲點咗鹽燒牛舌同美國薄燒牛肉，清酒煮蜆同燒有機菠蘿可以清下油膩😋最後當然要食埋甜品同雪糕，雪糕係HaagenDaz同Movenpick😋，任揀一款，放題可以食足3小時，邊食邊傾🤭

全港多間分店呢間嘅放題食材一啲都唔少！最好就訂位，可能要排隊🤣刺身來講真係質素好高，同埋真係食完都好快會再上數QR code落單，唔使等好耐最鍾意呢度嘅選擇多八爪魚、三文魚、鮑片、馬刀貝大赤蝦真係好大，同埋好鮮甜肉質一啲都唔散油甘魚有入口即溶嘅感覺佢咁覺得好新鮮希靈魚都有啊～赤蝦大大隻，三文魚又鮮甜海膽手卷呢個價錢一啲都唔苦，絕對有驚喜想再食，海膽質素有保證！天婦羅同埋炸物串燒都有好推介呢個海鹽蝦燒蝦啲蝦嘅肉質夠彈牙整體菜式都唔會好油膩❤️芝麻雞翼同埋邪惡嘅炸香蕉、芝士年糕出面仲可以自己揀小食、甜品、飲品😆

2023第一輪消費卷到手，緊要出去買下野，食下野刺激下經濟啦😆，今晚約埋阿仔去旺角 彌敦道655號胡社生行一樓# 御滿屋日本料理 120分鐘任飲任食放題，呢間係公司同事介紹嘅，佢話放題黎講，呢間係好多野食，刺身壽司都好新鮮。餐廳近門口係自選區，凍櫃放置各式各樣啤酒、汽水，隔離就係冷盤區，冷盤、韓式前菜，沙律菜等等，最冷門就係連海葡萄都有👍🏻；仲有酸薑、酸橋頭呢啲消滯口果。QR code落單，食物又上得快，全晚都冇漏啤情況，值得一讚👍🏻⋯⋯刺身、壽司、手卷、軍艦、卷物、串燒、鐵板燒、鍋物、一品料理，天婦羅等等……. 第一round必點刺身，三文魚、油甘魚、帶子、劍魚腩、八爪魚、赤蝦、螺肉、蟹捧樣樣都點啲，刺身部份都非常新鮮，尤其係赤蝦，真係好大隻，蝦頭緊緊連住蝦身，非常新鮮，入口黏滑，越𡁻鮮甜味越出，呢個真係非常推介，可以不停encore。除左刺身，壽司都係極之推介，除左食材夠新鮮，每件細細舊，一啖一口，食多幾件都唔會覺飽。天婦羅都係今晚不停點完又點，秋葵、南瓜、蟹捧正到不得了，出邊層粉漿唔會太厚，食落外層夠鬆脆，一啲都唔會油膩。另外羊架、燒鰻魚、燒牛舌，燒菠蘿，呢啲都係食放題必點。食到

食放題旺角出哂名，但真正好食既我只推薦御滿屋。🥳🥳🥳🥳🥳嘢食多，水準高，試完包你唔會後悔。👀👀前菜類多不勝數，我今次食左海蜇，醬油腐皮，蟹子。全部都好好味，食左最少兩三round。❤️❤️❤️❤️燒物類，我今次精選三款推薦。燒羊鞍，燒牛舌，燒雞翼。呢三款燒物入味唔在講，火候掌控啱啱好， Juicy得來肉質嫩滑。😛😛😛😛😛唔試就走寶熱食類我今次就食咗冬菇炆花膠，海皇翅，同埋蟹粥。三款非常入味，調味方面啱啱好，粥底棉滑又鮮甜。😋😋😋😋😋😋刺身非常多款式又新鮮。食得出唔係普通放題質素。誇張少少，可以媲美大排長龍嘅日式壽司店。重點係呢度任食，包你回本。😜😜😜😜😜

呢間放題去過超過10次，質素越嚟越差尤其是熟食，根本唔放得入口！唯有Blacklist ，昨天係最後一次魚生還可以，熟食就………唉冇一樣得！！琴晚比個朋友x到xx$300都唔知食咗啲乜啲枱逼到，兩人座位監粗側面加張枱，真係救命

食品款式選擇多,價錢由A餐至D餐不同價位,最平既都有77款食品可以選擇,我地選左A餐,比較抵食,而且出面仲有好多前菜好似八爪魚,螺肉,中華沙律,醃蘿蔔仲有青口等等既前菜,飲品都有勁多款,小編比教鐘意烏龍茶同仙草,另外仲設有清酒同梅酒專區可以自己倒落杯度飲,梅酒既味道都幾清香嫁,其他熟食包括炸物,菜同甜品生果等等,炸薯角都好香口,部分燒物好似羊架,蟹肉翅,牛舌,燒蠔就要落QR CODE自助落單,食物上菜速度都好快。

📍#御滿屋日本料理 (旺角)旺角彌敦道655號胡社生行1樓♡人均消費: $611 @ 2▪️▪️▪️▪️▪️▪️▪️▪️▪️▪️▪️▪️▪️▪️自選時段$278 一位～ 餐廳有自助吧可食冷盤、甜品及自助飲品區🤓店員上食物同收嘢既速度都好快，好有效率。✨刺身▪️帶子▪️油甘魚▪️甜蝦▪️赤蝦▪️三文魚刺身一定係必點，佢既剌身質素都ok ，幾肥美，而帶子同赤蝦都新鮮😝✨手卷▪️海膽手卷▪️蟹膏蟹肉手卷海膽手卷上既海膽都有兩小件，無臭同苦既味道，蟹膏蟹肉都幾唔錯。✨炸物▪️貓山王榴槤炸彈一定每次都必點，好香榴槤味，好食😜▪️芝麻雞翼芝麻雞翼好好食！ 外型唔算好大隻，但係外皮燒得好香脆，肉質好嫩，一啲都唔韌。✨串燒、經典燒物▪️鹽燒牛舌不過不失既牛舌串，每串有兩件～ ▪️燒紐西蘭羊鞍我認為最好味既燒物，羊鞍唔會太膻，肥瘦適中，剛剛恰到好處，調味都好好食😋▪️蒜蓉燒生蠔幾好食既，叫左幾隻，其中有啲蠔既新鮮度有改善空間。✨雪糕每人都可自選一款雪糕，我就揀左我最愛既haagen dazs焦糖脆餅味，真係超好食！ 好想再食多杯😋宇治抹茶+紅豆味都好想試，下次再有機會啦🤓▪️▪️▪️▪️▪️▪️▪️▪️▪️▪️▪️▪️▪️▪️

次次朋友聚會都諗好耐食乜好，個個都唔同意見一於去食日式放題，任叫任食人人開心🥳 呢間放題已經第4次去，地點就喺旺角站出口隔離勁方便！ 食物種類多，上菜速度快，質素都好唔錯👍🏻 今日聚會人多D又可以點多D唔同野食，擺到成枱都係最開心🥳刺身：新鮮，選擇多，我最鍾意油甘魚、劍魚腩同埋赤蝦，今次個餐仲有拖羅💜天婦羅：即叫即炸，上枱時仲係熱辣辣，正！ 串燒： 牛舌最好食，蝦都係我喜愛之一 仲有多款美食，例如燒蠔、牛肉鍋、清酒煮蜆… 仲有啤酒清酒任飲任叫任食，太爽啦！下次都會再幫襯💜

前菜可以自己係出面拎，有中華沙律，螺肉，芝麻八爪魚，熱食有薯條，薯角同麥樂雞飲品: 有我最愛既Somersby Apper cider，仲有啤酒，清酒，梅酒，汽水，各款茶另外有好多種類任你嗌，有刺身，手卷，軍艦，壽司，卷物，日本料理，炸物，天婦羅，串燒，雪糕。主打刺身方面有甜蝦，三文魚，帶子，北寄貝等等食材都好鮮甜。芝士饅魚壽司，芝士肉醬玉子燒，鍾意食芝士既你必嗌!串燒牛舌同雞翼必嗌, 夠入味!!!燒菠蘿，酸酸甜甜，解一解膩再繼續食最後梗係要嗌返雪糕，我揀左Dreyer's抺茶紅豆,仲有Haagen-Dazs,Movenpick 既唔同口味$238/位，整體不錯，選擇又夠多。