御滿屋日本料理

營業中

休息中

今次平日放假約左朋友食放題，見呢間可以食足3個鐘，吹水聚會一流，地點係旺角又易就，咁就順理成章成局啦我就揀左A餐（$238），見A餐已經有77種食物選擇，BCD餐有更高級既刺身食物等，不過A餐都好夠食，坐位都闊落，落單係用QR code落既，外面仲有自助區，有各種炸物冷盤同飲品等等，佢地上菜速度都算快，同埋冇漏單，值得一讚，食物種類繁多，我講d比較重點既食物先刺身盤我叫左兩round，兩round都係一樣會用盤冰震住，賣相唔錯，刺身質素算新鮮，唔算好有雪櫃味 油甘魚，帶子，赤貝我都鐘意食蒲燒鰻魚呢個非常好，唔洗連壽司飯食，鰻魚燒得幾靚，可以狂叫馬來西亞榴蓮呢個佢係最近做promote有既，有一款燒過，一款凍食既，兩款都各有特色，共通點就係果肉好夠香，鐘意食榴蓮既話真係又要狂食啦芝麻雞翼呢個雞翼整得好食，咬開好juicy，外面又夠脆，正呀其餘仲有燒牛肉，天婦羅等等都整得唔錯自助區方面就有蟹籽同沖繩特產海葡萄比較特別，飲品就有apple cider同其他酒類，好岩鐘意飲酒既人黎$238可以食3個鐘，種類又多，食物質素又唔錯，真係抵食

今日去咗食這間位於旺角雅蘭中心附近嘅餐廳，我哋食8:30嗰轉，因為可以平多少少錢，值得一題嘅佢係有個任食大閘蟹套餐，四百幾蚊就搞掂，我見啲大閘蟹都唔細㗎。我哋點咗個最原始嘅套餐，有刺身，當中包括三文魚油甘魚劍魚腩等等，佢嘅油甘魚都幾好食，都幾爽口，另外亦都有一個好特別嘅榴槤，係用燒烤爐燒出嚟嘅，都幾特別。我去榴槤愛好者，但係我唔可以食太多，因為容易上火。另外我哋亦都食咗佢嘅燒物同天婦羅，其實都真係唔錯，下次去旺角記得要去嗰度打卡食大閘蟹放題！

今晚諗住食日本放題，出左地鐵站行去大瀛喜，樓下姐姐派傳單，話一樓吾駛等位，轉左食呢間御滿屋，因為之前食過好多間日本放題，最多都係食物種類少啲，吾會衰得去邊。入到去個點餐apps已經吾user friendly, 按完後要該項食物submit, 左面個個選項單成日彈出嚟阻住點餐。其次，點既數量吾係黎係數量，吾係一樣兩樣食物係咁，係一半都係咁，咁我按得咁辛苦把托。食物質素同其他日本放題差不多，所以我吾多講。食緊野坐係走廊2人位啦，我屋企老人家已經坐到最埋，點知都係被侍應手盤撞到頭，若無其事咁走左，事後檢查修勢腫左一舊。最後一樣不能接受既係，落完單漏單好正常呀，落多一個都係漏單，咁同灰色衫經理講啦，都係無黎到，咁樣晒引自然埋單走人，埋單又等左15鐘

御滿屋日本料理🍣呢度嘅A餐放題，星期一至四8:30後入座只係$258，喺香港嘅物價嚟講，呢個價錢絕對超值！$258 就可以食到超過77樣唔同嘅嘢食！仲要係任飲任食喎！刺身方面，一般放題店有提供嘅款式全部有齊，三文魚、油甘魚、希靈魚、帶子、北寄貝、甜蝦、赤蝦、泰式生蝦全部都好新鮮，有刺身應該有嘅鮮甜味！🥰🥰有得任食，真係大滿足！咁當然就唔少得各款手卷同埋壽司🍣啦！火炙三文魚壽司、火炙左口魚邊壽司、海膽手卷等等，都係我嘅最愛！一定要encore再encore！🫶🏻🫶🏻另外我地覺得串燒都做得唔錯，尤其是係海蝦同埋牛舌，兩樣我哋都食咗好多！🙈🈵🈵當然仲有其他好多唔同種類嘅食物啦，咁多樣嘢可以揀，真係食唔晒呀🤣🤣最後我哋每人仲可以嗌一個Häagen-Dazs、Deryer’s或者movenpick雪糕❤❤

御滿屋當日打8號風球，落去搵食見到佢仲開住就去左食因為打風關係無咩人，座位好闊落，食物上得好快😋(如果平時都係咁就正)💛榴連炸彈這道菜是御滿屋的招牌甜點，也是榴蓮愛好者的夢幻之選。外層酥脆的炸彈包裹著濃郁的榴蓮餡料，每一口都散發出濃郁的榴蓮香氣。榴蓮餡料濃厚滑順，帶有淡淡的甜味，完美地平衡了榴蓮的濃郁風味。這道甜點絕對能夠滿足您對榴蓮的渴望，讓人陶醉於它的美味之中。💛辣小龍蝦御滿屋以新鮮的小龍蝦搭配辣椒和香料，烹調出一道香辣可口的料理。小龍蝦的肉質鮮嫩多汁，與辣椒和香料完美融合。每一口都充滿了辣椒的麻辣風味，令人上癮。這道菜不僅滿足了喜愛刺激口感的食客，還展現了御滿屋對於烹飪技巧的獨到理解。💛刺身御滿屋以新鮮且優質的海鮮為基礎，呈現出色彩繽紛的刺身盛宴。刺身上的每一片魚肉都鮮嫩多汁，散發出海洋的香氣。每一口都帶來豐富的風味，讓人回味無窮。御滿屋將刺身的美味提升到了極致，絕對是饕客們必試的佳餚。.價錢：$268加一

好耐冇食過放題，知道旺角放題就最多，所以就嚟咗旺角，上到嚟見人流都幾多，但舖頭都幾大，所以唔會坐得太迫，環境都舒服😍我哋揀咗經典package，其實都已經好多款選擇，再加上出邊亦都有自助區俾你去攞嘢食聽聞呢度最出色嘅就係馬來西亞烤榴槤，唔怪之得一上到黎打開lift門嘅時候已經聞到好香榴槤味，我諗應該係每一台客人都一定會叫一碟試吓呢度嘅所有食材都好新鮮，份量亦都會因應你叫嘅數量俾你，所以唔會怕太多，唔夠嘅可以再叫，務求可以俾你食到更加多款

尋晚見官方FB po廣告有任食大閘蟹同燒榴槤就即訂位🤤 C或D餐才有大閘蟹，我哋食C餐連加一付了$592一位，無任何優惠 。不過每人食咗8隻大閘蟹仲有靚魚生酒水，值回票價，平時食有榴槤的放題都要3百幾 。職員客氣服務ok，話今日係第一日做大閘蟹 。燒榴連普通，只食咗一轉，大閘蟹雖然比較細，但係即蒸熱辣辣，全部蟹公膏滑食得出好新鮮。不過要等差不多45分鐘才上一次，但限食兩個鐘，所以未食完就要叫定先 。今次我哋每人食咗八隻蟹，最後嗰次last order 6隻蟹但等成個鐘先至上，好在過了時都冇趕我哋走 。兩個同行的朋友話之前來過印像唔多好，今次覺得唔同咗，魚生新鮮，嘢食味道都好咗，有進步 。上次來食燒鰻魚好似食舊膠，但今次唔同咗，食得出食材唔敷衍 。其他嘢都好食，羊架好味，海膽好甜好滑好鮮味，美中不足係無燒乳鴿同埋雪糕只有一杯無雪糕櫃任攞 ，不過巳好滿足 。平時去專門店食大閘蟹放題都係差唔多價錢，蟹大啲，但冇咁多放題的嘢食，如志在任食大閘蟹，又可以食到平時放題的嘢食，御滿屋都係一個唔錯嘅選擇 。

同大胃王肥肥出去食嘢，就梗係要食任飲任食放題，如果唔係埋單夾錢未好唔著數！食放題嘅食物選擇多，可以一次過食匀唔同嘅食物，今次嚟到旺角嘅御滿屋日本料理，由日式小食、壽司刺身、串燒炸物、一品料理等，近排仲可以免費升級，無限任食馬來西亞烤榴槤，呢個放題之旅確實滿意！自助小食區等緊落單嘅食物嚟嘅時候，最啱去自助小食區，有螺肉、中華沙律、八爪魚、泡菜、凍蝦同凍青口等，係一個唔錯嘅開胃小食，不過記住唔好食得太多，要留肚食其他嘢！刺身食放題係無可能唔食刺身，御滿屋有超過十款嘅刺身，包括：挪威三文魚、油甘魚、劍魚腩、希靈魚、鮑片、八爪魚、北寄貝、泰式生蝦、赤貝、帶子、松葉蟹棒、甜蝦同阿根廷赤蝦。全部嘅魚生都非常新鮮，三文魚肥美，阿根廷赤蝦鮮甜大隻，帶子清甜厚肉，赤貝爽口新鮮。壽司 + 手卷 + 軍艦御滿屋有多款壽司、手卷同軍艦，包括：火炙海鰻壽司、特濃芝士醬燒青口、特濃芝士醬牛肉、牛油果蟹肉他他壽司、海膽吞拿魚蓉壽司、花之戀、海膽手卷、蟹膏蟹肉手卷、香蔥吞拿魚手卷、燒汁鮑魚仔軍艦、海膽魷魚軍艦、蟹籽軍艦、芒果加州卷同芝士吉列蝦卷等。我哋特別鍾意芒果加州卷，芒果清新，非常開胃。串燒串燒都係放題必食之選，

御滿屋日本料理純絕對係一間值得翻啅再翻啅既日本料理放題店。首先，講下我地揀左咩套餐先，我地係揀左最平既A套餐。呢個套餐入面有大部份刺身，三文魚，油甘魚，大蝦都有。首先我地每次點單都好快送到，完全冇拖慢，刺身既質素都好高，三文魚夠厚切，油甘魚又夠肥美，大蝦刺身又大大隻有手指公咁大，仲有好多其他刺身，帶子都好鮮甜，北寄貝等等都好好食。熟食有羊架，牛柳粒都有。呢個價錢，可以食到呢個級數既高質日本料理放題，係唔係真係值得翻啅再翻啅呢?

📍𝕸𝖔𝖓𝖌 𝕶𝖔𝖐 🧸#cyninmk #eatinmongkok▪🍣經典三重新鮮刺身江洋盛宴🍣-----。-----。-----。-----。-----。-----。-----。-----。-----。-----。-----。----- 話說今年榴槤季已經過咗 但🐰只係食過一次榴槤雪糕 所以一聽到呢間放題依加只要惠顧任何組合嘅放題就可以免費升級馬來西亞烤榴槤無限任食 當然要即刻捉埋一樣鍾意食榴槤嘅🐟同我一齊去食返夠本啦🤭 今次平平地食咗個只有77款食物嘅套餐 但佢地上菜好快 加上我地主攻榴槤所以其實兩個鐘都好已經夠食😆🐰最開心係佢地竟然有Häagen-Dazs x Pierre Hermé嘅雪糕 真心好味到連怕甜嘅🐟都忍唔住食咗兩啖🤭▪

👆🏻《旺角放題天花板？》任食大拖羅,海膽,燒榴槤😍啤酒,清酒,梅酒任飲🥳旺角全層Gathering一流🤭旺角美食😋粵語中字｜4K Eng CC D餐有大拖羅的試試大拖羅他就切得很薄的有個吞拿魚的味道不過我會覺得油脂可以再重一點點那個魚味我能吃到無論你A B C D餐都是任喝酒的這個松葉蟹蟹我覺得沒有蟹味啊-全部都是冷水味道啊平時吃那些蟹腳是很有鮮甜味海膽是很好吃的是很濃郁的可以狂吃了因為平時任食呢海膽系會配了壽司這個海膽呢其實他是一板一板讓我們就這樣吃吧這是回本之作了剛吃了火炙海膽金目鯛壽司本身金目鯛呢是介乎於爽口和淋之間的加了海膽他給的份量也不少火炙海膽大拖羅壽司壽司飯少一點會好點是有炙燒所以呢在那個飯上面看到會有一點燒焦了吧我覺得海膽金目鯛好吃過海膽大拖羅甜蝦 我來吃蝦吧蝦都挺有蝦味感覺上都是新鮮的蝦身不算是太爽不過就有蝦味了如果蝦來說我會偏愛吃甜蝦甜蝦口感是淋過赤蝦來到這裡我很想吃的這個燒榴槤的哇 來自馬來西亞燒得很香了在嘴裡是感覺到香的我覺得他很甜啊避風塘炒辣蟹了他有半隻的蟹的哇真的辣這個辣是小辣吧譚仔小辣我最近在譚仔是吃大辣辣度是夠 但蒜蓉就很淋啊紅燒汁煮鮑魚啊鮑魚比我想像中

呢排好耐冇食過放題，今晚就決定去食番餐，可以大吃大喝！放題嘅好處就係食物款式夠多種類，可以同一時間每樣食少少！🔥刺身拼盤刺身拼盤有油甘魚、帶子、劍魚腩、希靈魚和大赤蝦。每一種魚都經過精心處理和切割，味道鮮美，質感豐富。🔥壽司芝士醬松葉蟹柳壽司：松葉蟹柳搭配芝士醬，味道令人驚艷，口感層次豐富。火灸三文魚壽司：三文魚經過火灸處理，外層微焦，內部鮮嫩，帶來燒烤的香氣和三文魚的鮮美。火灸海鰻壽司：海鰻外層烤至香脆，內部多汁，口感豐富。海膽手卷以新鮮的海膽為主角，搭配壽司飯和海苔，海膽的鮮美和軟糯口感令人滿足。🔥羊架羊架烤得香嫩多汁，搭配調味醬汁，帶來獨特的風味。🔥 燒鰻魚鰻魚經過燒烤處理，外皮酥脆，肉質鮮嫩！🔥 燒菠蘿🔥燒榴槤放題冇諗過食放題會有烤榴槤食，只要食任何組合的放題就可以免費任食馬來西亞烤榴槤！榴槤經過烤處理，外皮微焦，內部果肉香甜濃郁，給人一種獨特的口味體驗。

自從去完日本旅行之後就好掛住嗰度嘅嘢食，今日就約朋友去食日本放題😍呢間御滿屋地點非常方便，喺旺角雅蘭中心E1出口嘅右手邊就係，入到去覺得非常光猛，座位充足闊落，啱晒舒舒服服任食放題👍🏻餐牌分四個Level，視乎日子同時間有不同收費：A經典(77品): $248-$308B匠選(97品): $408-$458C豪華(114品): $518-$548D極緻(128品): $608-$648而家只要惠顧任何組合的放題，都可以免費升級馬來西亞烤榴槤無限任食，啱晒榴槤控🤭🤭🤭今次我哋食最基本嘅A餐，揀好餐就用手機掃QR code落單，清楚方便👍🏻🌟剌身壽司類 剌身好新鮮👍🏻，擺盤亦非常有誠意，放低會「哇」一聲嗰種😆，燒鰻魚壽司條魚好大塊，絕對貨真價實🌟串燒類蒜蓉燒生蠔同汁燒帆立貝係必食之選😎，燒蠔同帆立貝都好飽滿多汁，非常香口，另外仲有鹽燒牛舌、鹽燒雞翼、牛油炒粟米都值得一試🤤🌟一品料理美國薄燒牛肉同清酒煮蜆都好有驚喜😍，薄燒牛卷住香葱同蒜蓉係完美配搭🫶🏻，清酒煮蜆非常鮮甜❤️🌟天婦羅不論係炸蝦定係其他蔬菜天婦羅，炸漿都沾得啱啱好唔會太厚，亦好乾身唔會好油，讚👍🏻🌟小食、飲品、甜品長長嘅自助吧勁吸

這間日式放題屹立多年，我十年前已開始光顧。除了食物款式多，味道也相當不錯，適合重量又重質的食客。 它最平的任食放題是$258一位，但已經包括多款刺身和壽司。除了款式多，而且品質亦相當高，以蝦為例，除了有甜蝦，亦有大赤蝦和泰式生蝦。三文魚、吞拿魚、北海道帶子等亦屬水凖以上。 它的壽司和手卷均屬「迷你版」，避免食客因擔心太快過飽而避免點壽司的問題，我個人覺得挺好。 以放題而言，它的熱食亦保持一定水準。蒲燒鰻魚做到碳燒的香味，邊位有點脆口；我亦很喜歡餐廳「大膽」地供應時令食品，例如提供貓山王榴槤炸彈、馬來西亞烤榴槤。咬開流心的榴槤非常香濃，令人驚喜。 餐廳有巨型飲品櫃任飲，亦有梅酒供應。每位客人最後更可點一款名牌雪糕。 值得一提的是餐廳的物流運作很高水平，除了沒有漏單，食物的數量和款式都很準確，而且店員收碟速度相當好，往往在你剛好吃完食物時，上菜員或其他侍應便會適時收走吉碟，令枱面保持整潔，叫食客不勞心，可以專心聊天和享受食物。 既然是值得支持的小店，下次或許會試更豪華的放題套餐，看看品質有何不同。

🍴餐廳：御滿屋日本料理📍地址: 旺角彌敦道655號胡社生行1樓旺角E1出口，胡社生行上一層就嚟到呢個放題，環境好大好新淨，QR code點餐，唔使好似舊式放題咁逐張入紙，呢度放題有a、b、c、d組合，我哋揀咗A餐，平日238蚊一位入到餐牌好驚喜！食任何組合放題，都可以免費無限任食馬來西亞烤榴槤！正喎！第一次試下烤榴槤，估唔到係咁好食，平時我係唔食榴槤嘅人，烤完之後好甜好香，朋友食咗4、5件。除咗有十幾款刺身之外，我覺得呢度食手卷都好好，迷你手卷一啖一個，花膠好厚好好食，特別推介食海鮮粥！好多海鮮，食完刺身好漏，食個粥一流，另外又有羊架、小龍蝦、燒生蠔，辣酒煮翡翠螺都係第一次見，好大隻，甜品、生果都多，呢度食物選擇夠哂多。🍶冷熱清酒梅酒任飲！🍿仲有爆谷食，冷盤就自己出去夾，🍦雪糕都係名牌子，每人一個最後畀我發現有🍲青紅蘿蔔老火湯🤩好正呀，食到飽曬之後飲返碗熱湯，完美🥂