御泰坊-泰越菜 (已結業)

晚上兩個人食左個三文魚帶子米紙卷, 幾fresh, 不過食唔出帶子喎. 咖喱牛肋腩, 幾淋但咖喱唔夠香, garlic french bread 幾香脆, 泰式炒金邊粉, 唔太油, 但如果多D料會更好.

book了6:30pm 5位,比咗張靠窗的圓枱我地,傾計一流~因為在openrice做了功課,所以叫了之前食家話好的菜:什菜干炒牛河,青咖喱豬頸肉,泰式香葉肉碎炒飯,蒜蓉包,欖菜四季豆炒鴨胸及2個白飯.什菜干炒牛河很好,唔油膩而且河的質感不俗,煙煙韌韌,味道都好適中.青咖喱豬頸肉入面有少少雜菜,豬頸肉好爽口,加埋個汁用來送飯一流!!一定要叫~個泰式香葉肉碎炒飯就比較普通,可以試試,頗大碟!唔錯~蒜蓉包又係一定要嗌!好正~熱+脆+軟,$18有6件,very gd!至於欖菜四季豆炒鴨胸一般,好似一般酒樓炒得好食d,而且鴨胸炒得耐咗,有d韌實.總結:環境.食物同service都令人滿意,一讚係水杯夠大隻,唔使等佢下下斟~ 5個人先$263,好經濟,一定有下次~!

今日中午劉德華同簡東拿來到apm,令呢個本來已經好多人的商場更加人頭湧湧. 媽咪想食越南菜,行過呢度見好似坐得幾舒服又唔係太多人就入黎試試.呢度裝修唔錯,我鍾意佢夠光猛,我地坐入面窗邊四人位,靚景就無啦,但勝在幾開揚,坐得好舒服. 不過要留意呢度以二至四人檯多,而且唔係張張檯都舒服,眼見就有一些好似好有privacy的L字二人廂坐(和民也有類似的坐位),看似有特色,實質又逼又細一定唔好坐. 食物方面,兩個人叫左:~鮮蝦柚子沙律:味道酸酸辣辣,柚子沒有澀味,除左幾隻己調味兼grill過的鮮蝦外仲混有一些炸過的乾蔥和甜魚乾,幾開胃,雖然還是喜歡黃埔金不換的柚子沙律多一點,但呢個都整得唔錯,仲有原來係好大碟的! 五十幾蚊幾抵食~~雞絲粉卷:一碟有兩大條,呢個就比較普通,粉卷的皮其實做得幾好,但我和媽咪都一致認為雞肉餡料實在太多了!如果可以加多點蔬菜平衡一點會較好~海鮮炒紅糙米飯:又係好大碟!紅糙米稍硬了一點,真的要有心機慢慢"趙",而且油份亦偏多,幸而海鮮如蝦、青口、魷魚和帶子都新鮮,炒飯味道甜甜地幾討好,媽咪都幾鍾意叫菜時低估了這裏的"碟頭",原來樣樣都真係幾大碟的,最後炒飯和粉卷都吃剩

上星期六一行七人去apm 搵食, 預o左要等好耐, 得呢間可以即時入座, 但要八點半前交枱都ok 啦...環境都幾大, 不過擺位真係過密, 食物都ok, 出菜都幾快, 可以準時交枱!榴槤山竹咖哩蝦好香, 不過份量好少($130)!炸軟殼蟹幾好, 唔錯;柚子沙律幾足料;紅咖哩鴨鞋了點, 可以不吃;海南雞唔夠味, 不過青瓜底值得一讚;牛油果卷一般, 好清淡!服務真係有待改善, 非常生手, 朋友點了兩支泰啤, 點知斟緊一支就跌了第二支在枱面, 弄得我朋友條褲濕晒, 於是好多伙記幫手抺乾, 唔好意思都有講了幾句o既, 不過淨係識俾紙巾人地抺... 地下一樣咁跣, 自己d 伙記都跣o左o向度, 好在冇事, 真係人多手腳亂!最唔掂係朋友條褲濕了只係俾張紙巾抺下, 混亂過後就係補番支啤酒再斟就算, 咁既服務態度真係麻麻呀!賣單當然有charge 番兩支啤酒, 咁我朋友件褸同條褲點計呢?? 我覺得我地既態度仲好過佢地囉........ 無追究!!

尋晚朋友生日同佢食飯慶祝，聽人話APM商場有好多食肆選擇，行左一round，只係得呢間唔駛等位，見佢環境同價錢都ok就入去試試，一行三人叫左：炭燒豬頸肉$40...都幾大碟不過點個個醬汁麻麻X.O醬炒芥蘭$40...好野味...芥蘭清甜什菌炒干炒牛河$55....不太油...味道較淡菠蘿炒雞絲飯$75....原個菠蘿上配料幾多，不過唔係好夠熱整體服務、食物水準都好好，我地仲要坐近窗口位有景睇，待應都有不斷添水，下次都會再幫襯。

同同事5個人黎呢到試下,雖然坐近門口位,但環境都幾好,我哋叫左....1.蒜蓉包--幾好2.青咖哩豬頸肉--幾香幾滑,D豬頸肉都爽3.炸雲吞拚炸番薯片--雲吞唔錯,但番薯片唔脆,仲凍TIM4.炸南瓜+粟米--好脆,D醬好味,不過就好少粟米,差左..5.泰式香菜肉碎炒飯--好香,少少辣,好味6.菠蘿炒飯--普通啦

今晚一行六人去apm行街, 見呢一間好似唔錯, 所以試一試. 咦......! 一睇meau先知道係King Parrot集團, 應該唔錯掛?鮮蝦柚子沙律- 蝦既份量只有4隻, 都幾多柚子, 沙律汁都幾辣.牛油果蟹肉米紙卷- 一般! 一客6件, 蟹肉及米粉再加牛油果醬.泰式炭燒沙嗲(半打)- 雞肉沙嗲, 肉質嫩滑.清炒竹笙露筍什菌- 竹笙一定浸過鹽水, 冇可能咁咸...巴東羊扒- 份量得3件, 有什菜墊底, D汁好似好辣, 我冇試.西貢黑椒牛柳粒- 牛柳粒好嫩, 再配茄汁飯真係唔錯!雞絲湯粉- 普普通通啦!鮮菠蘿雞絲炒飯- 平時食D菠蘿炒飯, 只有半邊菠蘿, 呢度係原隻企響度架, 好多料, 正呀!!!

我記得好似係19/6同男朋友去食, 門面雖然不是一個吸引我的地方, 但因為我喜歡泰國菜, 儘管試試吧....進去時waiter的態度是令人感到滿意的, 而周圍的decoration & design令我眼前一亮, 不過我最欣賞係0個度有兩間房仔, 好有feel, 同男朋友去會好sweet, 下次一定要去book that room~ 講番食物先, 叫左個豬頸肉,通菜, 蟹子紙米卷, 海鮮焗飯。個豬頸肉都ok大碟, 食唔哂~ 個通菜d味道唔錯, 如果有多d汁會更好~ 紙米卷有少少淡....不過都幾新鮮ga~ 最好味係個焗飯, 好香呀~ 值得一試.......于過想問點解會無椰青ge?? Overall is good~

跟心儀的人去逛街,兩人點左三個菜同埋兩杯飲品:店內裝修都唔錯1.三文魚帶子紙米卷- 清清地的一個小食,一客八件,內夾有榢粉,三文魚唔係好夠味,點些同上既salad dressing同汁都唔錯既,友人說麻麻地,我幾中意;2.傳統越南春卷- 幾香口,亦十分熱氣;好彩友人提醒好熱,如果唔係又中招~~都幾大件下;3.菠蘿雞絲炒飯- 味道幾清,唔油,幾好食;嗜咸的朋友可能會嫌過淡加西柚汁及紅莓汁(太多冰溝到淡晒)埋單好似二百幾,很高興的一晚^.^

今日一行七人吃lunch，試了豬頸肉炒雜菌配飯茄子雞柳配飯紅咖哩蝦配飯青咖哩三文魚燴麵泰式湯河(忘了exact 的名字)另包餐湯，小食(泰式鳳爪)及飲品一杯。咖哩很香椰汁味，又不會太辣，好醒胃。三文魚不會太熟，正。豬頸肉及茄子都炒得不錯，但有點油。set around $ 42 to 50，(再加一) 比晚市抵食。在food court 都要$35 以上啦。

27/05/2005 21:30又係APM，真係多謝免費泊車呢個咁偉大o既優惠，令我唔駛煩去邊度食飯，尤其係今晚落雨落到狗屎咁款o既日子...........今次一行五人成九點半先去到，一樣逃離唔開要等位o既厄運，間間都要等，無一幸免。最後揀左食泰國菜o既ｘｘｘｘ，不過好彩好快有位！呢間餐廳新裝修(廢話!!全個APM都係新裝修架啦....)，同集團旗下其他餐廳一樣，燈光都係好鬼暗，而且坐落有種擠迫感，空間感嚴重不足。價格黎講o係呢個商場都算中上，我地叫左：牛油果米紙卷、咖哩雞、甜咖哩羊肉、茄子豆腐、海鮮炒紅糙飯同一個炒金邊粉。食物都幾快到，除左個米紙卷外全部都唔錯。米紙卷內有檬粉、牛油果同少少肉碎，其實都唔係話唔好食，但係唔鐘意食落腍腍地個口感o者。最正就係咖哩雞同海鮮炒紅糙飯。咖哩雞用一隻雞造型o既砵裝住，而且係成"隻"入爐焗o既，面頭仲用麵包蓋住，即係好似酥皮湯咁。而上檯時侍者會同你片開o的麵包，咖哩方面都幾香唔算太辣，雞需然係雪雞，但唔鞋口。而o的汁用黎撈麵包食就最正。海鮮炒紅糙飯用料新鮮，有蝦、魷魚同帶子，份量都算多，而且炒得好好味。甜品叫左芒果糯米飯，用的是白糯米，暖的飯配上

因覺得這裏唔錯,便帶媽咪來吃,今次叫了..兩個白飯(@$6)蒜茸飽($18)---本人吃咖喱的話,一定會叫它來點汁,依然好吃清炒草茹露荀(大約係咁的名)($45)---個人覺得唔錯,清清地,但家人就說一般炒粉絲---見星期五晚很多人叫,今晚便試試,不好吃,乾口又沒有材料咖喱大蝦($98)--初初吃覺得很辣,之後我把辣油盡量"筆"起,便覺得很好吃,蝦只得三隻,但每隻都是大蝦,好得.令我再三回味TOTAL:$300,一定會再幫襯

昨晚和家姐們行apm,一心唔係諗住逛街,其實係想試下這商場有甚麼好吃,最後家姐提議來這裏,見環境唔錯,沒有可能反對.等了半個多小時,幸好,最後都有靚靚舒服卡位坐.食物款式幾多,花多眼亂,最後好了.白飯($6)---很平呀!!!蒜茸包($18)---正!!每客有六舊,價錢合理,夠脆又夠牛油味,不用點咖喱汁已十分得..越南咖喱牛腩牛肋($60)---一般,最期望亦係最失望,咖喱味係唔錯,辣度恰到好處(但好辣的朋友可能覺得不夠),弊處是太小汁,牛腩很韌馬拉盞辣炒蜆($55)---正!!蜆大隻,亦有鮮味,汁辣辣甜甜,撈飯一流,最回味的一樣椰王海鮮焗飯($78)---味道可以,清清的椰油味,海鮮只有幾隻,飯亦不多,已這樣的價錢,是不太值TOTAL:$240總括,環境~味道~服務是中上的質數,但價錢略貴,或可把每樣的分量增加就好了,走時,大家都不覺得飽,要找甜品再吃了...另外, 這店的二人位頗迫,不是好傾計的地方

七點幾係屋企黎，行左陣見周圍都好多人等緊位食飯，又諗起呢度，呢度相比和民、和花亭少人，不過今次等了半個鐘.........同家姐細妺一行三人，haha,坐到卡位，建議佢地叫椰青海鮮焗飯---可能來了咖喱先，再吃這個覺得味道淡了少許，如果食呢個先都夠味!咖喱牛腩牛肋---個汁幾好味，但係d牛腩就"un",唔recommend食馬拉盞炒蜆---比想像中好食，d蜆都算大隻。蒜茸包---好味，就算唔蘸咖喱汁都好食，可以講一句，好食過pizza hut的蒜茸包!呢間舖頭個價比香辣屋貴d!等位期間發覺叫飛那位職員沒有擴音器用，所以要好留心聽佢叫，其實佢地可以用擴音器，一來客人唔駛驚聽漏，二來個職員唔駛叫得禁辛苦!最後要改善就係兩次黎都要叫先拎水俾人........希望下次唔駛叫都會拎俾人啦!!!

貪新鮮星期日下午來呢度睇戲。哇！好多人呀！我地係車來，好彩在2點8左右呢d較ka既時間來到就好快有車位。個商場其實唔算大，但係就擠到水洩不通，睇戲又未夠鐘，想食野見food court又濟滿人，見到呢間餐廳好似幾大幾靚，又唔係好多人（價錢實係有番咁上下）咪入去試下lor。一入去d waitress waitors係咁sawadee ka, sawadee kub咁講哂泰文（其實佢地真係亂叫一通！），d冷氣勁凍，睇menu原來係越式泰式fusion野：雞肉矇：冇湯gor隻，係我既至愛，呢度d用料新鮮，份量都好夠，唔錯唔錯；辣椒炒蜆：好香好辣好野味好好食，不過d蜆有d沙，洗得唔夠乾淨；豬肉沙爹：ok啦，d沙爹醬俾得好少，用隻碗仔裝住，而唔係用碟，佢識唔識沙爹既精髓其實在醬汁度架，要我地問佢先俾多少少我地；蒸粉卷：都幾好食啦。其實呢間餐廳真係炒雜匯咁，d野食係咁，唔算正宗，d裝修亦係個個廳都唔同款，最好笑見到有幾格所謂情侶座的「監倉」，想學尖沙咀間火間土但係又唔係靠而係在廳中，「燙」埋個通窿屏風同隔離檯你眼望我眼不知幾攪笑，根本就冇人坐得耐，一陣就要換位。D侍應人數幾多，手腳幾快，服務都唔錯