影片
更多
2005-07-17
15 瀏覽
今日中午劉德華同簡東拿來到apm,令呢個本來已經好多人的商場更加人頭湧湧. 媽咪想食越南菜,行過呢度見好似坐得幾舒服又唔係太多人就入黎試試.呢度裝修唔錯,我鍾意佢夠光猛,我地坐入面窗邊四人位,靚景就無啦,但勝在幾開揚,坐得好舒服. 不過要留意呢度以二至四人檯多,而且唔係張張檯都舒服,眼見就有一些好似好有privacy的L字二人廂坐(和民也有類似的坐位),看似有特色,實質又逼又細一定唔好坐. 食物方面,兩個人叫左:~鮮蝦柚子沙律:味道酸酸辣辣,柚子沒有澀味,除左幾隻己調味兼grill過的鮮蝦外仲混有一些炸過的乾蔥和甜魚乾,幾開胃,雖然還是喜歡黃埔金不換的柚子沙律多一點,但呢個都整得唔錯,仲有原來係好大碟的! 五十幾蚊幾抵食~~雞絲粉卷:一碟有兩大條,呢個就比較普通,粉卷的皮其實做得幾好,但我和媽咪都一致認為雞肉餡料實在太多了!如果可以加多點蔬菜平衡一點會較好~海鮮炒紅糙米飯:又係好大碟!紅糙米稍硬了一點,真的要有心機慢慢"趙",而且油份亦偏多,幸而海鮮如蝦、青口、魷魚和帶子都新鮮,炒飯味道甜甜地幾討好,媽咪都幾鍾意叫菜時低估了這裏的"碟頭",原來樣樣都真係幾大碟的,最後炒飯和粉卷都吃剩
呢度裝修唔錯,我鍾意佢夠光猛,我地坐入面窗邊四人位,靚景就無啦,但勝在幾開揚,坐得好舒服. 不過要留意呢度以二至四人檯多,而且唔係張張檯都舒服,眼見就有一些好似好有privacy的L字二人廂坐(和民也有類似的坐位),看似有特色,實質又逼又細一定唔好坐.
食物方面,兩個人叫左:
~鮮蝦柚子沙律:味道酸酸辣辣,柚子沒有澀味,除左幾隻己調味兼grill過的鮮蝦外仲混有一些炸過的乾蔥和甜魚乾,幾開胃,雖然還是喜歡黃埔金不換的柚子沙律多一點,但呢個都整得唔錯,仲有原來係好大碟的! 五十幾蚊幾抵食~
~雞絲粉卷:一碟有兩大條,呢個就比較普通,粉卷的皮其實做得幾好,但我和媽咪都一致認為雞肉餡料實在太多了!如果可以加多點蔬菜平衡一點會較好
~海鮮炒紅糙米飯:又係好大碟!紅糙米稍硬了一點,真的要有心機慢慢"趙",而且油份亦偏多,幸而海鮮如蝦、青口、魷魚和帶子都新鮮,炒飯味道甜甜地幾討好,媽咪都幾鍾意
叫菜時低估了這裏的"碟頭",原來樣樣都真係幾大碟的,最後炒飯和粉卷都吃剩了. 其實呢度食物都算唔錯,係上菜次序較奇怪(炒飯竟然最先上),另外年輕侍應亦醒目有禮,雖然未至於好殷勤,但已經係一眾apm新食店中服務最好的一間. 應該有下次~
張貼