御泰坊-泰越菜 (已結業)

之前食過一次感覺唔錯~第二黎翻桌~已經keep唔到水準~~食左唔少野~不過出色者感覺欠奉~涼拌海哲雞絲~ok~但係一d都唔明點會係度食到呢樣野~椰汁咖哩牛筋腩~咖哩普通~唔夠濃~牛筋腩為中下品質~什菜冬蔭公~最差~無料~冬蔭公勁淡~香矛烤豬肉配糯米飯~味道還可以~但肉質不太好~過火~牛油雞翼~同上次食差得遠~淡而無味~燒茄子雞干咖哩~搵笨~煎兩塊雞扒同茄子再加個辣汁上去~平價貨賣貴價錢~甜咖哩羊掛骨~呢個仲KEEP到七成水準~但仍見滑落~香芒牛柳粒脆麵~個汁ok~但d麵就.....~硬到爆~唔好食~兩款特飲~芒果檸檬薄荷葉ok~紅蘿蔔柚子超難飲~綜觀來講水準下降得好緊要~下次帶唔帶telitala來真係要考慮下~

昨晚和家姐們行apm見環境唔錯又唔係好多人入去試下一碟咖哩炒蟹.好奇怪咖哩甜甜味唔辣.蒜茸飽吃咖喱的話叫它來點汁好吃鮮蝦柚子沙律- 都幾多柚子, 沙律汁都幾辣.但個炒貴刁真係好好味，可以講句不得不食之選整體服務、食物水準都好好，我地仲要坐近窗口位有景睇侍應人數幾多，手腳幾快，服務都唔錯下次一定會再幫親過

終於有時間打返個食評3月5日係寶貝既大日子 , 一定要同佢去食餐好啦上黎見到佢係kt之首 , 又可以慶祝生日 決定一試,,,早於2月中就book位...接線生都幾有禮貌架!!當日既下午3點仲打黎cfm我..好彩訂左位...7點15去到已經見到有人等緊位...因為我要求要祕密d既位置 , 佢就俾左間小房我地正呀 , 可以二人世界呢入到去交低個cake俾佢地先再點菜....點左...甜咖哩羊排骨 , 雞絲撈檬 , 帶子三文魚他他米卷同埋大家都推介既蒜蓉包....上菜速度極快,,,唔洗10分鐘到哂...蒜蓉包: 焗得好夠脆 , 要趁熱食..不過有d乾帶子三文魚他他米卷:唔知係咪一早包定...有d濕,,,好漿下..唔係咁好食...雞絲撈檬:好味 ...呢期愛上左撈檬 , 酸酸地 好開胃甜咖哩羊排骨:呢個真係好正 . 推介...一定要撈飯食咖哩甜甜地..半排骨好淋 , 帶點"so"連唔好肉既我都食不停口哈哈 不過佢個面d油有d可怕...食到咁上下 ,要留肚食cake....所以清下張檯先...佢地既服務真係唔錯...點蠟燭...唱生日歌 ...影即影即有...最重要係唔洗收錢麻..!!真係好開心

今晚同咗曾國豬去咗呢間餐廳食飯, 好彩豬仔細心訂了位, 因為呢間都幾多人, 食物都幾好食..服務OK啦...因為留了單,,,,不過佢地之後都好快上返留咗個D野食..我地叫了蒜容飽..茄子豆腐...春卷...咖哩牛腩 & 蟹肉炒飯...蒜容飽好香好脆, 點埋D咖哩仲好味...茄子豆腐就一般啦..春卷都好食...夾埋塊菜同香葉一齊食..GOOD! 咖哩牛腩 幾香, 又唔算太spicy & 蟹肉炒飯就麻麻地, 無咩料咁..炒得唔夠香...佢枱面有個萍果...原來可以食ga....最後食完餐飯, 仲有生果都幾好, 問佢拎把刀批皮...個萃果都好甜下, 可能係隻豬批ge, heehee...成餐飯都食得好開心, 好sweet....豬仔, 多謝你...

某日下午與朋友午餐. 此家食品選擇多, 有點特色. 美味菜色有: 牛尾 , 香茅豬柳配糯米飯, 三文魚意粉.服務滿意. 其中一位叫KENNY的服務員好有禮貌. 當日午餐大家食得開心.

冬陰公---酸酸辣辣, 好香香茅味, 料又夠, 味道岩岩好馬拉盞炒通菜- 唔油,夠鑊氣.海南雞–雞肉幾嫩滑.d泰式辣雞醬都好正咖哩蝦..甜甜地都好好味,蒜蓉包- 好香、好正要親熱食炭燒豬頸肉又係好好味，豬頸肉唔肥好爽，加埋辣汁正未食完都要夾下一塊啦地方算大，坐得舒適環境又乾淨價錢亦都算合理啦

因為有個朋友就快離開香港,所以就搵間餐廳做個FAREWELL..原本BOOK左TST霸王山莊,但有個朋友臨時話改去觀塘....所以就選擇左呢間御泰坊...原因都係畀入面既佈局所吸引....環境好舒服...4個人叫左個4人SET....唔算貴....$520,仲有個朋友有$50 COUPON.....個SET有半隻海南雞,胡椒湯,小食拼盤,青咖哩豬肉,一尾烏頭魚,青瓜沙拉,炒飯,甜品先講海南雞,manu入面標價半隻海南雞都百幾蚊,而家係包埋既...抵食...小食拼盤就有蝦餅,雞翼,春卷....個蝦餅就勁脆,其餘2個就較一般....青咖哩豬肉,好入味,d咖哩汁好味到當湯飲...魚,沙拉,炒飯都無咩特別...到個甜品,我地覺得個味道好特別,有椰奶味之餘,仲有一種味道,原來係芒果....好特別好正到最後,同即將要離港的朋友拍照後就走了.....這個地方又多了一個回憶了.....

講既孖寶不是我和薑餅人, 而是今晚和薑餅人吃的菜式. 在粵式酒家通常叫乜乜孖寶的優惠, 今次在泰式餐廳則名為對對碰.在三款對對碰中選了其一, 包括軟殼蟹米紙卷和咖喱煮大蝦.另外薑餅人再加了燒大蝦青木瓜沙律.飲品買一送一(但一定要同款), 那樣抵便要了Kiwi Smoothies, 用上奇異果, 菠蘿和梳打溝成, 清新冰涼.上菜程序亂了, 先上咖喱煮大蝦, 再來軟殼蟹米紙卷, 最後才送上青木瓜沙律.咖喱煮大蝦不辣, 反而帶點甜, 咖喱也加了蛋下去煮. 大蝦有兩隻, 開邊後即有四件, 蝦肉爽口, 但味道不算很鮮甜.軟殼蟹米紙卷清新開胃, 燒大蝦青木瓜沙律則對我來説有點過辣, 吃到嘴有點燙.

我一個月都會去御泰坊吃2、3次午餐午餐嘅價錢由＄４８至＄５２，已包括餐前小食，一碟小菜，一碗湯和飯，一杯青檸梳打，如有King & I card ， 更有85折。我覺得這裏啲食物水準十分高，尤其是 豬頸肉、魷魚鬚、蒜蓉飽、咖喱超正!!!不過豬頸肉和魷魚鬚的份量每次去都越來越少。昨午，我們一班人又去吃午餐，叫了一個四人套餐，水準和價錢都算合理，但唯獨是那個南瓜粟米湯啲味道又咸又甜十分古怪。希望味道，份量保持一貫水準!

雖然今年小女子生日依然去上班, 但很高興一班女同事為我慶祝, 十分多謝!叫了數個lunch set再加其他菜, 堆頭十足.南瓜湯香甜, 味道天然.青木瓜沙律很辣啊, 吃少少已足夠.露筍炒什菌, 兩樣也愛吃.咖喱牛筋腩一向不錯, 汁香濃, 牛腩有些韌, 還是牛筋好些.炸蝦卷併豬頸肉也都香口, 炸蝦卷不太油, 但豬頸肉好像削了些.肉碎炒豆角送飯一流, 肉碎香濃有汁.海南雞今次有點過咸, 但也不錯, 可能我喜愛吃雞吧!印尼炒金邊粉似在吃乾炒牛河, 只是牛肉換成豬肉片吧. 提子乾菠蘿粒炒飯則普通, 可能我不太喜歡用果粒來作炒飯配料吧!最後是甜品南瓜布甸, 味道偏淡, 南瓜肉偏硬和不夠甜.再次多謝各美麗姊妹~~

菜牌樣樣嘢都很吸引，古靈精怪，令你咩都想試！古法醃三文魚　＊＊＊用泰式酸辣汁撈三文魚，掩蓋了三文魚的鮮味，再配多一個似鹹魚味的醬料，D味道撞到七彩，總括來說，分開吃是好味的，試一次就算了。咖喱大頭蝦　＊＊＊＊泰式咖喱非常香甜，撈飯己經好滿足，至於「配角」大頭蝦，肉質都係同平時一樣唔討好啦！香茅燒鱔　＊＊＊香茅永遠都係同雞翼／豬扒最夾，配燒鱔唔太OK ，而且這裡炸得很乾每次吃完都送好多 coupon，令你幫趁不絕！ 　　***** 成日都好多人，最好先訂位！ *****

Had a quick lunch before lesson at United Christian4 lunch setsranging from $40-60Appetizer of fresh vegetables and cold thai meat cutsDrink can choose from lime soda and usual cold/ hot drinks ( no aditional charge for cold ones)1) Eggplant + minced meat + fried tofu2) green curry + porkchop3) mango+tomato + chicken4) tomyum shrimp noodlesRice can choose from chicken oil rice or plain onesMaybe we haven't ordered the snacksThe lunch set is good not that good thoughbut the green curry is worth

2 個人收左工第一次去食呢間餐廳，叫左3 個 dish 加一個白飯 (用咖哩汁來"送"飯嘛 XDXD)咖哩青口 --> 唔錯，Total 大約有十隻，都叫做 ok ga 芒果軟殼蟹卷 --> Average 啦，唔知點解食落好似好多菜咁，都係 Simply Thai 好食 d 咖哩大蝦 --> 隻蝦好大隻，幾好食 Conclusion:間野都唔錯，幾好食啦不過我地2 個人都覺得 Simply Thai 好食 d ，不過當然貴 d 啦~呢間野總括來講都叫做唔錯，幾好食 ga 啦

相片後補，忽發奇想去遠一點，由荃灣驅車出發往御泰坊好好享用一頓午膳。適逢年初三，當然可以週街泊啦！非常肚餓，點了幾樣食物，最終仍落得「眼闊肚窄」的下場。雞絲湯檬(8.5/10)：老土都要說雞有雞味，尚記得在開源道某某橫街有家越南食店，其雞絲已經覺得不錯，誰不知不可不信一山還有一山高！最重要是雞絲密鋪整個湯碗，湯都是清清，沒有街外出現芽菜多過雞絲情況，雞絲都是軟軟的，好味！燒牛肉配糯米飯及青檸辣汁(9/10)：點了六成熟，牛扒來已見份量不少，不是欺場的幾片，起碼十數片，而且頗為厚切，咬下去便感牛肉汁從四週溢出，非常鮮甜，當然六成不會過熟，相信煮七成牛肉的汁便收乾得太多了！基本上那個青檸辣汁不用多點，因為牛肉本身的鮮甜味已令人非常滿足。糯米飯不要抱甚麼驚喜，因為我不喜歡。紅燒豬頸肉(8/10)：似乎三樣菜式中我比較不喜歡豬頸肉，不過強調是比較！只是不太喜歡其脆邊比較厚及硬，以致有少少「頂胃」的感覺，如果做薄切些少或者問題可解決。肉質都可稱得上是入口溶化，暖暖的而且頗香。茫果樂園(8.5/10)：比預期中淡口些少，真材實料，與一堆肉混戰過後飲一杯酸酸甜甜的飲品吊吊胃確是絕佳配搭。建議待某幾樣

今日係特別日子, 我地要延續搵好野食o既精神!!bb話御泰坊o係apm係好出名, 我地行晒apm d餐廳, 其實好多間都好吸引~不過我地心有靈犀地比個魚肚湯餐吸引住hahahaha一齊決定要捨棄西餐食泰菜!!^v^我地好夾咁叫左個魚肚湯+竹筒糯米飯~~ 係個餐黎架~ seems好抵再加左個黃咖哩羊腩同泰式燒雞雞~其實個餐牌d野食好吸引, 我地揀左好耐呢..^^我地好好彩咁(可能早到)有window seat hehehe 望住出面差d唔想望阿b呀個天慢慢慢慢咁黑, 好有feel, 裡面d設計都okay靚同坐得舒服呢個環境令我同阿b都即時聯想起同一件浪漫的往事..hehee嘩咁快d野食就到啦*個羊腩好lum, 唔癡骨, 勁入味, 得咖哩o既香但唔辣, 好正呀, 仲要一d都唔蘇未食完都要夾下一塊啦!跟住有個燒雞雞,賣相非常好, 超級多件, 皮脆肉嫩^^又有我喜歡的泰式辣雞醬!! 又酸又唔辣哈哈哈 XDDD我食到飽飽之際個湯黎啦, 嘩o係個瓦煲度架, 滾架, 好多料有d肉有d魚肚好多冬菇!! 個羹好似令到個人暖笠笠好幸福~ 雖然可能都係味精的功勞但係真係令阿b一飲再飲!最後連個好cute o