御泰坊-泰越菜 (已結業)

見這間店在openrice的觀塘區組別排名第一，便和女朋友幫襯下這間店了。那時是星期日晚上8時30分，等了約十分鐘便有位了。我哋被安排入座細房 (真的是很細的房，得張細檯和L型Sofa)，坐得比較舒服，真好彩。 食物：1) 椰青海鮮焗飯$78這碟飯很好味，有啲椰香味滲入飯中，特別開胃的。另外，這碟嘢的制作時間標明需25分鐘，所以要點的話，便要儘早落單了。2) 青咖喱豬頸肉$68這碟餸都幾好味，但份量比較少。3) 馬拉盞通菜$48味道中規中矩，並非特別好味。總括而言，雖然價錢略貴，但環境和食物也不錯，可以一試。埋單連加一總計$213.4。

在APM看完戲到樓下的King&I 吃飯。要了特價combo3的干葱炸釀豆腐配明爐烏頭、柚子蝦沙律（免費因為有coupon）、香芋臘腸煲仔飯、肉骨茶。烏頭大條，魚上放滿香草，是一般泰式味道。豆腐釀了蝦肉跟一碟干葱汁，豆腐有8件，質地實和滑，味清淡。沙律不錯，很開胃。煲仔飯內的臘腸和芋頭粒雖不多，但煲飯很香。有一碟油炸鬼跟的肉骨茶沒有一般的藥材味，反而易入口，如果喜歡濃藥材味的人飲一定很失望。平日一客明爐烏頭要$138現在只要$135還加有豆腐一碟是便宜了。

今天放工後在apm shopping, 在這裡選擇了吃一碗越南生牛肉河粉, tea set 還包一杯飲品.牛肉美味, 配合特制魚露, 發揮肉味.湯底清甜.tea set 價錢相宜, 環境舒適.所以tea time 都寧願選擇這裡也好過坐樓下food court. 起碼有服務員招呼你.

昨天有朋友說約在觀塘食午飯，我說就去KING AND I啦！朋友醒目，打電話先訂枱。我們三人吃了青咖哩魚、香茅豬扒撈檬、船民湯河和兩客雞翼。青咖哩魚：非常非常有水準！呢度D青咖哩十分香，魚柳也入味，伴飯吃一流！香茅豬扒撈檬：檬粉沒有特別，但豬扒就十分正！如果加埋青咖哩，就十分一流。船民湯河：其實是魚蛋、札肉等的河粉，十分普通，我係因為個名而試的。仲有一樣野值得一讚，就係食物來得十分快，永不會令你因食午飯而遲到返工的！每人好似要70-80元左右，因為有人請食飯，冇留意價錢。多謝晒！

King Parrot Group 果然係–分錢 , –分價 ~ APM中價場來講算唔錯 ~ 泰左鳳爪, 去骨冷盤鳳爪,, 味道酸辣適中, 唯份量太少, 一大隻碟, 大部分都係配菜蝦醬芥蘭, 有少許椒絲伴上蝦醬適量, 不太辣且蝦醬味不太濃, 殘留口中的蝦醬味不會將其他菜的味掩過, 炸蝦餅, 有點油膩, 無疑口感上係好的, 外邊脆內裡十分彈牙, 可惜蝦餅是完全無任何味, 只能靠類似M記的泰左辣醬增加味道咖哩蟹, 黃咖哩香濃好味,散發出蟹的鮮, 惜隻蟹無咩肉,好似用$150 買碟汁撈飯O甘, O甘我又覺得唔抵WOW蒜茸多士, 一般貨色, 可以點下汁食GE明爐鳥頭, 唔腥但味道一般

呢間餐廳已經食過2次之前係食散點, 今次見到set dinner 用匯豐咭有半價咁就叫左個set...點知...頭盤係尤魚筒得3吋長, 豬頸肉有5,6塊既肉紙米卷就2舊, 2碗湯...主菜先最精彩....咖哩牛腩牛筋...只係得4舊牛腩...重有碟什菜...好似比人食淨咁...半碟, 有碗白飯就要慳慳哋咁每人用2舊牛腩同半碟菜送落肚喇...重有個甜品~~~嘩~~~咩嚟架...食左一啖..!!! 吐返出嚟...個侍應重問...乜唔好食咩...總結...味道...普通到極, 重唔係幾泰式, 什菜味道直頭似中式...食物水準~~~唉~~~價錢唔值...份量更加少到極...可以話係一人份量嚟~~重話2人餐...係咪小童餐呀...埋單喇...半價後成為$222...其實2個人出街食飯2,3百蚊都閒閒哋, 但比錢後重覺得食唔飽就興興哋~~~唔知大家有無同感~~~

PUI同EPPIE 倆公婆真客氣,為補祝我過咗氣既生日,請我去了APM食泰國菜,不記起多少年前,也曾和他們在這兒吃過,上次吃完感覺不錯,所以今次選回這裡.看看我們選了什麼食物.選菜當中,我要求要吃柚子沙律....泰式鮮蝦金柚子沙律 $68 - 酸酸甜甜,有D辣,幾醒胃,都唔錯架....我成日都好想學整個汁架...點整架.炭燒炸蝦餅配酸籽梅汁 $52 - D蝦餅都幾彈牙,仲大大件,唔油,幾好味...抵呀香芒軟殼蟹米紙卷 $62 - 軟殼蟹用米紙卷包住,感覺雖然冇日式既軟殼蟹手卷咁好食,但味道都幾特別....唔錯,泰式炭燒沙嗲 (半打) $48 - D雞好味道呀,夠滑,正椰青海鮮焗飯 $78 - 每啖飯都有淡淡既椰香,唔錯...椰汁西米糕 (四件) $25 - 裡頭隨了西米,還有粟米,D西米幾好味道,我鍾意食.... 椰汁芒果糯米 $42 - 芒果肉大大粒,飯可以選黑或白,飯是暖暖的,而椰汁也是暖暖的送上,唔錯的一款甜品.整體都非常滿意,食物價錢OK,而且份量十足,員工態度熱誠,是不錯的一間泰國餐館.

excellent service, the staffs were polite and responsive. they offered normal tap water instead of overpriced mineral water which is welcoming. water was refilled at the right time. change of seats was handled promptly. chicken satay was delicious, lamb was also tender. very well experience overall.

平安夜晚飯，大家都想不出主意來。只想逃離尖沙咀、銅鑼灣等只見人頭不見路的鬧市。隨意上了巴士，就來了apm。隨意選了間食肆，連名字也沒看就跑了入去，原來這餐廳叫"御泰坊"...蒜蓉包 - 脆，但蒜味不夠，必須趁熱食，否則會un馬拉盞通菜 - 味濃而不太咸，通菜爽脆炭燒豬肉米紙圈 - 米紙夠薄，生菜新鮮爽甜，豬肉香，略肥，配上酸咪咪的醬汁，好清新!冬蔭功 - 酸度，濃度剛好，正是我想要的味道! 起初覺得不夠辣，但越喝越辣！不過油太多，要"片一片"先入口...而且湯太少，這個價錢($55一位) 如果湯可以再多d就更滿足!咖哩牛筋腩 - 牛筋牛腩夠腍，咖哩不算濃，有些少水果味，配蒜蓉包最好不過！P.S.這段節衣縮食的日子以來，每次飯局都例必到Openrice搜尋一下，$$有限，唯有多做功課，以免花了錢卻嘗不到美味而後悔...但這晚，沒有期望，卻有驚喜！

是晚同友人慶祝生日, 一行4人, 去APM 的 King & I, 食泰國菜。嚟過N次的我, 次次都必食牛油雞亦。訂咗7:30pm, 安排我地坐全場最入的位置, 自成一角, 仲係窗口位添, 都幾好。我地叫咗：南瓜焗海鮮 $85：都ok多海鮮, 南瓜好甜, 都幾好味。古法醃三文魚 (蟹肉黑醋汁) $64：冷盤。酸酸地, 又幾開胃。牛油雞亦 $48：keep 得住, 仲係炸得靚、多肉, 有汁。正。鮮蝦柚子沙律 $68：一般, 有d過辣的感覺。茄子毛茄豆腐 $48：一般, 不過豆腐得3粒, 少得可憐。濕炒豬肉河粉 $52：好食, 條條河粉都有汁。嘢食ok, 環境ok, 平日都好full, service好好, 有個女仔成日走嚟密密refill水。原本total$401, 同行友人有VIP card, 有85折, 所以$346.8

我約咗兩個朋友嚟食晚餐，呢度環境不錯，坐得幾舒服。我哋order咗炸蝦餅 ($52)、蔗蝦配檬粉($58)、麵包咖喱雞($125)、香蔥蒜茸包($20)、西蘭花炒蓮藕($55)、鮮蝦金邊粉($68)。炸蝦餅 - 爽口有蝦味，味道不錯。蔗蝦配檬粉 - 蝦膠爽口，但蔗太乾，有汁。檬粉都ok嘅。麵包咖喱雞 - 咖喱幾香，雞就嚡咗啲，個包就唔錯，吸咗啲咖喱汁，很好味。香蔥蒜茸包 - 很乾喇，十分韌，好難食。西蘭花炒蓮藕 - 味道OK，西蘭花和蓮藕都爽口，但辣咗啲。鮮蝦金邊粉 - 味道淡咗啲，料又少，蝦都爽口，但少咗啲。會員咭有85折

因為未去過apm 的關係, 在open rice 見到御泰坊的食評咁好,所以昨晚去閒逛再順便試下有幾好食.我們點了二人餐/. HKD 290有頭盤豬頸肉, 夠熱好味, 春卷,, 好好味, 又熱又脕,炸那剛剛好蝦柚子沙律..好味.不過有點SPICY~~主菜香茅羊扖及薯仔~~D 香茅好正..勁香仲有兩個菜都好好味不過個湯就普通咗D...但總括都好好味...值得再幫襯

雖然生日都過左幾耐，但我既好朋友識食俊男同為食美女依然無忘記我。請我食呢餐生日飯，真係太好啦。因為我唔係成日在APM食飯架。好彩呢日我地有訂位，唔係唔知等幾耐架？食物蒜蓉包真係唔普通，好香牛油同蒜蓉味，好食過P記既多多聲。又唔係太貴，好想再encore。冬蔭功湯好認真製作，我最鍾意佢又酸又辣既味道。係好開胃同好醒神架。裡面有幾隻蝦，雖然係細細隻，但都好新鮮架。越南春卷呢個就新鮮炸既，我就唔係好食得出有咩料。但感覺唔錯既，有生菜俾你包住食，又係另一個層次。一人幾舊就好好，做一個頭盤小食。炭燒豬頸肉好有炭燒既味道，豬頸肉肉質鮮嫩，唔會鞋口。而且配上特別既醬汁就錦上添花。麻醬野菜沙律呢個就有優惠券迷既，好新鮮既沙律，配上麻醬。口感清新。麵包咖喱雞即叫即焗，個雞頭好得意。不過我覺得個咖喱就普通啦，因為唔係太辣。我覺得泰式咖喱有小小辣就可以，但呢個唔係太得。而雞件就無乜特別。唔算太鞋又唔算太滑。香茅豬肉條配糯米飯這個真係唔錯，因為豬肉條好香好脆口。香茅味又夠，配上煙韌糯米飯就正啦。呢個真係好食，可以一試架。牛肉檬粉:呢個就凍食既，檬粉就無乜特別。牛肉就好炭燒味，好正呀。但我覺得都係熱既好食點。雞

整體上我覺得環境同食物都好好~叫左杯菠蘿特飲味道酸左d,麻麻地~燒魷魚D汁好香口,有dd辣~泰式春卷感覺好清新,加埋d酸酸地ge醬,勁開胃!!三文魚沙拉好好味!d三文魚加左d酸酸地ge醬,仲有d三文魚好大粒~蒜溶包一般~太厚,難入口~不過都ok脆~泰式炒粉好香,有d甜甜地ge麻醬味!炸魚酸酸甜甜~正!菠蘿炒飯ok啦~冇咩特別=0)朱古力梳乎厘好甜!!麻麻地~泰式X米飯好好味!好香口!!四款雪糕石榴味好古怪,其他如紅豆同綠茶味都ok=)

今年生日男友睇左食評之後揀左apm御泰坊同我慶祝生日我地點左:1. 帶子三文魚紙米卷(總共8件$6X): E道餸幾清淡，食到三文魚但唔係好覺有帶子，配埋2款醬汁味道都OK，特別係沙律醬(有少少芥辣味)，正但比起豬頸肉唔太抵食2. 炭燒豬頸肉($4X): 豬頸肉熱熱地好爽好惹味，加埋碟辣汁更加正，但建議如只有2個人就唔好叫依碟，因為份量好多好抵食但會好"流"3. 面包咖喱雞($1XX): 成個餸份量都OK面包又好大塊，咖喱唔太辣感覺似葡汁多過似咖喱，鐘意食辣嘢o既可能會失望，雞肉都幾腍，薯仔好好味但可惜好飽只食左少少4. 蒜茸包(總共6件$20): 驚面包唔夠食所以叫蒜茸包用嚟點咖喱食，點知叫得太多嘢攪到食唔哂，但個蒜茸包都幾好味，好香蒜茸味又大舊，好抵食5. 珍多冰($22): 男友叫左杯珍多冰嚟試吓，但感覺有D貴，$22只得一細杯又唔係特別好飲，綠色一條條嗰d好似涼粉，試完唔會有下次總體嚟講食物都ok，嘢食都上得好快，可能閒日7點都唔太多人入去時都未坐滿，服務都唔錯，隔一陣就有人嚟倒水，梳發位都好舒服，有機會會再去食