御廚

營業中

休息中

父親節嚟食非常少選擇，一張長枱竟然吉咗，無擺任何野食，食物質素又差，簡直可以話難食🤮🤮🤮平時假日收費198已經唔抵，父親節仲收成338一位，仲要餐廳入口得張細卡list價錢，垃圾餐廳🤬🤬

又話喺車仔麵自助餐車仔麵啲餸難食到飛起，選擇少到離晒大譜。見到都冇晒食慾，從未食過咁頹嘅自助餐！千祈唔好試！食咗都嘥咗個肚！情願食麵包做午餐都唔想食呢啲嘢！連一個餸都冇辦法揀到出嚟係值得食！

本身呢個價錢都已經冇諗住佢好正，但求叫試吓，醫飽個肚。點知條隊長到不得了不特止，先講小棠菜，原來所謂酒店嘅大廚仲衰過阿媽個姐姐。啲小棠菜生嘅，冇味嘅，更加唔好講火候。嗰條好恐怖嘅魚，勁多魚鱗唔該，見到佢個樣已經唔想攞，不過阿媽話要試吓，佢都係食咗一啖。好想嗌救命，點解啲嘢食可以咁差。如果出世到而家未食過豬腸粉，可能覺得正常掛。因為又硬又冇味，都唔知食咗啲咩落肚，唯一好處係飽肚。翠玉瓜炒豬肉，終於有一碟似係我煮飯嘅水平（我係一個好普通嘅家庭主婦）呢碗主打嘅車仔麵，第一啖放落口即刻諗起周星馳出食神！蘿蔔淡而無味，失敗！魚蛋入面散嘅，失敗！豬皮，好似食腐皮咁嘅質感，失敗中嘅失敗！豬大腸，如果乾淨就可以放落口，咁都仲算係食物，因為仲好大浸味。失敗！極失敗！獅子狗卷，似喺街市過期十零蚊磅嗰啲。恐怖失敗！海帶結，食咗一啖都覺得自己好可憐，唔知為乜！

間嘢有直升機飛過伏！伏！伏！主食竟然係咖喱雞，好少嘢食，又要勁多人，勁多人迫喺一個嘢食區，雖然百幾蚊，雙餸飯都好過佢環境同服務質素OK，俾啲PK廣告fake 咗，千祈唔好嚟錢多唔知點使可以過嚟試吓

從來未食過這樣的自助餐，完全顛覆我對自助餐印象，全場只有五個熱葷，一盆粗糧和車仔麵完了！雖然以自助餐$108算平，但係以咁嘅質素好難會再去，難怪香港人要北上揾食！

其實108包加一嘅自助餐都唔諗住會有咩食，不過，無諗過連西式麵包都無。有個大蒸 爐，以為有點心，點知打打開 係花生。 寫住有甜品，以為有糕甜蛋糕仔，得良粉同罐頭雜果。 山長水遠，行10分鐘過黎食都覺得哂時間，真係唔掂。 最後，比左108蚊 食左一個車仔都加一杯咖啡。 怪唔知得之前做promote 78蚊位。我覺得78蚊都嫌貴。 想試嘅人可以黎試下，以上純屬個人意見。

熟食款式好少🤔, 選擇不多, 沙律位置選擇有好多不同款式, 種類也新鮮👍, 粉麫位置選擇亦有好多, 粉麫種類, 蔬菜種類都多選擇👍, 連調味料都過十款, 甜品位置選擇欠缺吸引, 不過環境舒服寧靜, 傾計一流🥰, 如果有租喜來登酒店又或者住附近的東涌街坊, 未去過都可以試一次, 但未能吸引我會再次🍴幫襯😅

震撼平價酒店自助餐‼️同成班朋友去咗東涌☺️行山前去咗喜來登酒店嘅御廚☺️食88蚊位雙餸飯自助午餐😋餐廳位於福朋喜來登酒店地下大堂😀食滿600蚊有免費泊車🚗主打食粉麵及雙餸飯等🍗午市自助餐，88蚊位💰粉麵區有職員幫手淥麵，各種湯底包括，牛肉湯、雞湯、喇沙湯、素湯，麵條有波菜麵，粗幼麵，河粉等，仲有大量蔬菜選擇☺️熟食區有星洲炒米，蒸盲曹魚，甜酸肉排，白飯任盛，味道正常，同好食一定距離☺️飲品有不同種類咖啡選擇🤎整體食物質素一般，選擇勁少，唔好抱任何期望，只求飽肚😆

嬲到要寫食評 呢間真係垃圾唔會有第二次見佢晏就幾抵今日就諗住試吓 雖然都冇抱咩期望純粹試下啦 冇諗過可以咁伏午市$88一位有中式麵檔同幾款熱食 預左選擇唔多 但衛生精況真係嚇死人 仲衰過街邊檔 啲菜有蟲上面爬緊我都係第一次見 揮一揮手仲要勁多蚊螆🤮🤮醬料區都一樣 見到個廚師即時反映但都係影左張相就算（冇見到有人換）熟食有蒸烏頭、菜、咖哩雜菜、魚香茄子 完全冇肉都算 啲野食勁油 因為都坐低左就照夾左幾款食 食左幾啖已經反胃 宜家仲肚痾好彩同行小朋友冇食到 如果唔係就大鑊奉勸大家真係唔好貪平 錢都事小 真係食壞肚就唔抵

正宗印度雜菜咖哩、翠綠菜軟、豉汁蒸烏頭和䱽魚、酸甜菠蘿豬扒及港式車仔麫。飲品有咖啡、紅茶和其他凍飲。以上飲食是自助午餐提供，多謝東涌福朋喜來登的廉價餐和Open Rice 按排座位。酒店服務很好，地方潔淨寛敞，值得再去多次。

無意中發現呢個做緊晚市自助餐$188（全包連加一），如果由東涌站步行到呢間酒店一啲都唔近。不過酒店喺東涌站有㗎shuttle bus 往返🉐️對於呢個價錢，出邊普通食個set dinner都要…唔應該對佢事前抱有任何期望是常識吧😂沙律配菜種類好多🥗主菜方面…其實主要食羊，牛，魚已經輕鬆回本人唔太多嘅關係，坐得都算舒服比起出邊而家啲晚市食90分鐘就趕人走嘅餐廳呢度一班人輕鬆傾偈，食飯都不失為一個好地方不過如果你真係住大老遠例如港島區嘅…. 又真係冇必要山長水遠去呢度食嘅但係如果之前喺東涌outlet行完街搵食嘅話呢度性價比仍是有的

HK188全包自助晚餐, 單食牛扒加魚柳已值 HK500以上, 還有高水準食物, 所以絕對無得輸 https://youtu.be/0DZxHPiVMPk要訂位, 雖然似乎人手不足, 服務尚算好, 但食物質素是四星級. 食足8道菜1. 先食沙律, 2. 飲湯加麵包3. 中餐4. 西餐5. 麵食6. 甜品7. 水果8. 咖啡/茶

首先，想講酒店自助午餐$78，全香港唔算多，呢個價錢來講食物都算OK！一齊睇吓有乜嘢食！讃：咖喱豆、蒸魚，炒油菜、冬瓜炆燒肉、忌廉湯、章魚蓮藕排骨湯、湯粉麵、白飯！飲品：凍檸檬茶、即磨咖啡，熱茶、冰水🧊！總括來說，抵食

位於東涌福朋喜來登酒店～御廚餐廳自助晚餐，原價$398，網上openrice訂座七折後$318，算抵食嘅。用餐6:00-9:30pm贊：沙律選擇多，印度咖喱選擇多，長腳蟹新鮮大隻，好好食，無缺貨！彈：壽司款式少，鰻魚壽司不太新鮮。 中式款式少，沒有刺身，沒有蒸魚， 湯粉麵睇落好看，但湯底淡味，沒有鹹味。 甜品：不鬆軟，款式少。 果汁要另加每位28任飲，酒店沒有 檸檬供應，所以沒有檸茶檸水飲！總括來說：只有長腳蟹鮮甜抵讚 下次幫襯？：要考慮。

孩子剛剛從上呼吸道感染中康復，帶他去吃到飽。我們選擇了東涌的Four Points。這兒環境寬敞舒適，食客和侍應都比較國際化，感覺有點像在外國。這兒主要吃亞洲菜，食物種類不算十分多，但質素相當高，其中我最喜歡的是蟹腳，鮮味十足，而且蟹腳肉的份量多，真是吃不停！中式糕點質素也相當高！日本壽司、越南米紙卷、沙律等等都是不錯的選擇。家人說印度菜較辣，故我沒有試很多。孩子十份喜歡這兒的麵，一共吃了兩碗🥳！當然也吃了大量糖果🙃甜品種類也不少，只是沒有雪糕，而且我好喜歡的芒果糯米糍吃完了便沒有再補充，結果我一粒都沒有得吃😭