御廚

今日去咗東涌喜來登酒店， 一間叫御廚既餐廳食 lunch buffet。 佢最吸引我嘅係非一般嘅自助餐。佢係食香港特色小食。而且價錢非常實惠。善加一每位只收 $115。記得提前上官網訂位就ok了。🥢學生時代冷麪可以自己加蒜蓉，冷麪，腸仔，蟹柳，蟹籽等等。再加上醬油，學生時代嘅感覺返曬黎啊。🥢糯米飯 蛇羹我特別鍾意佢個蛇羹， 香濃程度剛剛好， 可以加上檸檬葉同埋脆片， 令城管蛇羹層次升高。🥢格仔餅DIY, 可以自己加喜歡嘅醬料。例如，牛油，朱古力醬等， 味道相當唔錯。🥢車仔麪有接近十種餸， 自揀粉麵，然後姐姐幫你煮熟， 色香味俱全。🥢甜品甜品方面系沙琪瑪， 豆腐花， 真係，好港式情懷呀。😆除咗以上所講，仲有香港特色炸雞髀， 咖喱，薄餅，羊腩煲。以呢個價錢，真係性價比超高。值得推介。📍御廚📪怡東路9號香港東涌福朋喜來登酒店地舖#港式放題 #特色自助餐 #真香港美食 #性價比高自助餐 #香港特色小食 #東涌美食 #foodie #chilly…查看更多

性價比超高嘅香港小食主題自助餐！百零蚊一個人連加一，就可以任食多款經典港式小食。周記燒賣好正，仲有我至愛嘅豬腳薑、砵仔糕同豆腐花，飲品選擇都多。地方夠大，坐得舒服，又唔會太逼人。記住，佢係百零蚊嘅 buffet，唔好同幾百蚊嘅高檔自助餐比較，咁先公平。以呢個價錢食到咁多嘢兼飽肚，真係好抵！諗吓喺香港掃街食到飽，分分鐘要2百蚊！…查看更多

真係成世人食過最差嘅自助餐 $208一位 一開始行咗一圈啲嘢食十隻手指數得曬 得炒白菜 咖哩乜乜 煎釀三寶 炸燒賣 蒸魚 狗仔粉 格仔餅 同埋平時自助餐都見到嗰啲煮麵檔 係咁多,都唔緊要 見佢港式主題 估佢應該好食 點知啲菜淋啤啤 又黃黚黚一睇就知擺咗好耐 壞咗都畀人食 啲所謂街頭小食 我只可以話街邊都好食10倍 一啲誠意都冇 街邊二百蚊掃一圈一定有突 食埋糖水都得 0/10！！！避雷 除非你想體驗失望 如果唔係千祈唔好嚟😅最後我只祈求今晚返去穩穩陣陣 唔好肚痛…查看更多

睇圖片以為會有啲好似打冷咁嘅小菜食下點知啲野食一眼睇曬中湯，腐竹糖水，白飯，雜菜，蒸cheap魚，炸大腸，滷味得豬耳雞腎同紅腸，碗仔翅，魚肉湯，燒賣，類似車仔麵咁嘅野，啲餸得豬紅，雞尖，丸類嗰啲，好玩少少得自製格仔餅，甜品唔洗講，望到都冇胃口嗰啲啊婆甜品🤣野飲得水，好難飲嘅奶茶同鴨屎香檸檬菜🤯連可樂都冇啊！好cheap。。。。食對面個三餸飯都冇咁嬲…大家去前請三思……查看更多

雖然餐廳提到每天的菜式都會有所不同，但廣告中提到的幾道特色菜，如煎釀三寶、蝦子麵、魚蓉麵和炸魷魚鬚，並沒有出現。聽說在平日會在煎釀三寶炸大腸和魷魚鬚的三種內，會輪流出現一種，但是星期日也只是提供一款。另外，蒸魚蒸得過熟且硬，熱葷也沒有有很多選擇。除咗燒賣，沒有什麼值得特登來，菜式其實比較劣質。碗碟的清潔度有待改善。許多碗碟上仍留有蛋漬和食物碎屑，當天至少有十多個碗碟出現了這種情況。整體來說是比較令人失望。…查看更多

一聽到有港式小食主題嘅自助餐，就已經好有興趣，仲要價錢好實惠添，雖然要去到東涌咁遠都決定要試一試😌餐廳係喺東涌福朋喜來登酒店裏面，東涌地鐵站有穿梭巴士直達，如果行路就大概要十零分鐘，都唔算好遠。先講佢食物嘅排列有啲奇怪，餐廳本身都好闊落，但係啲食物就好迫咁排埋係一齊。結果一開始嘅時候就要排好長嘅人龍先攞到食物，呢方面做得唔係好好。另外佢嘅即煮粉麵係要響都隔得幾遠嘅一張枱上面夾咗啲蔬菜同粉麵落個碗度先，跟住再去粉麵檔叫員工煮熟同加配料，如果食多幾碗都要行好多次。另外佢嘅夾餅開始嘅時候係要自己整嘅，好彩食到中段啲職員比較得閒就可以幫客人整。除咗以上比較奇怪嘅安排，其實呢個自助午餐嘅食物質素的確唔錯，全部嘅味道都好好，例如周記燒賣、牛雜、小炒王、碗仔翅… 等等。我嘅建議係一開始如果熟食枱排長龍，就先食即煮粉麵檔嘅食物，佢啲牛雜豬皮魚蛋都可以唔配粉面淨食嘅，到熟食枱人潮開始散咗，先開始食熟食唔使浪費時間😅…查看更多

清明節四大四小平均$100一個人，食物質素絕對對得住呢個價錢。唯一不足之處係假期人比較多，要排隊，得兩個鐘比較趕。差唔多完嘅時候經理逐枱同大家講因為今日多人所以延長多半個鐘。洗手間乾淨，碗碟換得頻密，今時今日香港有啲咁嘅服務態度真心有啲感動。…查看更多

今年，2025 蛇年 CNY staycation (1/31~2/1 年初三、四)，我 book 了 Marriott 萬豪酒店集團旗下的東涌福朋喜來登酒店 Four points by Sheraton！ 由於，我覺得酒店較為格攝，就算，酒店車每半小時/班；所以，為 check out 的早上慳時間，訂酒店時，特意+$100 訂自助早餐！當時，年初三 check in 時，就知道新年好多人來港遊玩及住酒店嘞！酒店餐廳 <御廚> 位於地下，以酒店房間號碼登記入座，自行找餐桌，當時 9:00 後入座已經幾 full 嘞！店員有不同國籍，講廣東話、國語、英文都有！食物選擇包羅萬有，令人花多眼亂！桌上已備有調味料，餐具放在盒內，可保持衛生！自助早餐 (訂酒店+$100)薯餅：外表金黃色，卻是不香脆！炒蛋：原味炒蛋，香滑度一般！奄列：口感較豐富， 加入芝士、洋蔥、紅色燈籠椒、火腿，鹹度適中！牛仔腸：薄身脆皮，不算重口味！煙肉：不算重口味！日式豬肉餃子：外型似元寶，香脆而保留肉汁！日式南瓜餅：外脆內軟，香脆甜美，甜度恰到好處！吉士酥點：香脆甜美，配咖啡最好！Cafe latte：入口甘味香醇！自助早餐選擇多，物有所值！無奈胃納有限，又要趕返酒店房執拾準備 11:00 check out 啦！…查看更多

在其官網做緊買3送1優惠，平均88.5 / 一人（已包加一），一於搵個中午平日試試自助餐，完全沒有伏之餘，絕對喜出望外，物超所值。酒店接駁巴士到東涌世茂喜來登，落車之後進入福朋喜來登酒店地下大堂，旁邊就是TUNG CHUNG KITCHEN 入口。整體環境光猛明亮，枱與枱之間闊落保持嘅距，適合一大班人聚會，坐得寬敞。平日中午自助餐飲品任添，竟然提供冬瓜茶、鴨屎香茶茶和港式奶茶🥤，仲有冰水提供，已經打大家分因為旁邊五星級酒店嗰間茶飲要另外收費。提供咗椒鹽燒賣蒸魚小炒王滷水拼盤炸大腸都有都，仲有碗仔翅 ，蒸燒賣，椒鹽燒賣，椒鹽粟米，印度薄餅鷹嘴豆咖喱，仲炒菜提供。可以用碟去拎車仔麵，配菜仲可以簡豬皮蘿蔔魚蛋芋絲貢丸麵比面檔廚師加料，仲有猪紅！真不錯。甜品方面有涼粉雜果，自製夾餅，仲可以任加煉奶阿華田脆脆阿華田粉和砂糖，仲有榛子醬，食幾塊都夠晒飽回本。總結：人均$100都唔使 絕對對得住呢個價錢抵食 會再光顧…查看更多

終於來到4月份了，今個月的自助餐主題是港式食物，我和老公都很有興趣，於是今天中午我們便來吃午市自助餐。雖然今天是平日的中午，但依然有很多人來吃，導致取食物時需大排長龍，有點像去難民營搶食，平日中午已經是這樣，難以想像星期六日的狀況是如何。之前已說過，煎釀三寶、魷魚鬚和炸大腸三款之中，平日的中午只會出現一款，而今天的是炸大腸，雖然沒有異味，但是炸皮略嫌有點厚，炸大腸的味道只是正常發揮。除了炸大腸，今次的回本位還有周記燒賣、牛雜和鹵水拼盤。燒賣的味道相當不錯，口感很彈牙的同時，質感也軟軟的，而且魚肉味都很濃郁，配上豉油之後非常惹味，今次我差不多吃了30粒。至於牛雜，分別有牛肚、牛肺和牛腸，第一輪最美味，之後那些可能醬汁關係，味道有點酸，但是整體味道都不錯的，今次我吃了3份牛雜，假設一份$40，吃3份已回本了。最後是鹵水拼盤，分別有紅腸、豬耳和雞腎，我老公覺得雞腎挺好吃，而我覺得整體味道不過不失。至於其他熟食方面，還有煎魚、印度咖哩、炸豬手粒和狗仔粉等等，炸豬手粒全部都是皮和骨頭，一點肉也沒有，不過今次我主攻回本位，所以沒有什麼所謂。甜品方面，今次的甜品便沒有蛋糕了，換了格仔餅、腐竹糖水和涼粉，格仔餅是自己製作的，不過有時會有職員協助，可惜質感依然不夠香脆，口感太軟了，味道一般。至於腐竹糖水則淡而無味，涼粉我老公覺得味道挺好的。另外還有冬瓜茶、港式奶茶和鴨屎香茶，可惜全部味道都太甜膩。價錢方面，平日中午自助餐連加一只需$106，價錢相當划算。總結來說，今次港式主題的回本位多過上次的台灣主題，回本位分別有牛雜、炸大腸、鹵水拼盤和周記燒賣，所以今次的人數遠遠比上次的多，平日中午已經這麼多人，建議大家不要星期六日來，否則可能更人山人海，更像難民營需要搶吃。…查看更多

最近東涌喜來登的御廚自助餐推出優惠，上網訂平日自助餐只需$106，已包加一，3月份的主題是台式食物，而4月是港式食物，我對兩款主題都有興趣，所以今天我便先試試台式食物，可惜卻和我預期中有些出入。我一心想吃紅燒牛肉麵，可惜原來平日中午是沒有提供，只有晚上和假日午餐會提供，至於下個月的港式主題，炸大腸、煎釀三寶和魷魚鬚只會出現其中一樣，所以如果想種類齊全，便不要平日中午來了。雖然今天沒有紅燒牛肉，不過亦有其他台灣食物，例如薑母鴨、甜不辣、台式香腸等等，特別是薑母鴨十分出色和美味，可惜甜不辣和台式香腸的味道相當一般。至於另一個回本位，應該便是煎紅衫魚了，味道挺好吃的，喜愛魚的朋友可以一試。另外麵檔的食物和滷肉飯的味道亦相當不錯，甜品和糖水的賣相雖然看似普通，但是味道卻有驚喜。總結來說，今次的食物質素絕對對得住這個價錢，而且用餐環境很舒服，食物亦會補貨，只是平日中午沒有紅燒牛肉麵有點遺憾。…查看更多

我地係去食12:00午餐的自助餐,環境係大同舒服~但食物真係差到同少到,拎住隻碟都唔知可以食咩~首先熟食~有5款1.咖哩豆,係豆無肉 only豆  (廚房夠膽拎出黎,我真心佩服)2.西芹炒豬肉片 (正常...唔代表好食)3.蒸魚size手掌咁大 (正常...唔代表好食)4.清炒娃娃菜.........(見到都無奈)5.五殼雜糧 .....( 蒸蕃薯,玉米,枝豆)之後到甜品~個櫃有三層~有3樣野~1.涼粉 2.罐頭什果 3.花奶  (兩個字優秀)之後唯一比較好少少的車仔面區有幾款面類同菜 有7個餸 (魚蛋,牛肚........)以上就係佢地全陪 同 所有的食物    ......  所謂的自助餐…查看更多

睇YouTube已經想去試好耐，上次去過嶼坊，原來御廚唔係響一樓，係響地下，去到已經有一詐人等緊，11:55 先叫想揀位坐嘅埋去登記，登記完都即刻俾入去。點知入到去都唔係好多人，我哋坐咗入邊窗口位，都幾開陽，望到花園，景觀幾好，近窗係有啲曬，不過OK。啱啱開始，出去行個圈，有飲品，咖啡機有Cappuccino Expresso，同埋hot milk，入門口仲有水機同埋檸檬茶，自己加糖水，任飲都幾好。睇咗啲沙律有三檔：第一檔就真係橄欖，洋蔥，藜麥，仲有一個真係唔敢食嘅洋蔥？三色椒、西蘭花、蘿蔔絲、同埋豆、椰菜。第二檔：涼拌木耳、羅惹沙律、尼泊爾薯仔沙律、麻辣枝豆、西班牙醃辣椒，仲以為蕃茄。第三檔就真第三檔都係沙律：有啲生菜、車厘茄、青瓜、羽衣甘藍，有三兜醬自己撈：芝麻汁千島汁、凱撒汁12:04 之後有個係放生果同甜品：西柚、密瓜、西瓜、橙，兩款蛋糕係麻糬同埋一款唔知咩蛋糕？屋企人見到有人用手拎咗嚿麻糬出嚟，可能唔啱食，擺番落去！😫各款生果食落都OK，唔係特別甜。有張枱放咗啲糖，有個籃放咗塊布，以為麵包，點知原來係放咗啲類似蜂蜜蛋糕？有煲糖水，係雪耳紅棗糖水，同埋有個麵包布甸、葡撻定係檸檬撻之類？辣椒朱古力蛋糕，面頭嗰啲cream撒咗辣椒粉，但唔辣嘅。12:05 咖喱嗰度有印式脆餅，印度香米，雜菜咖喱紅咖喱鴨，唔似印度嘢？印尼咖喱雞一般啦，因為啲雞肉鞋、啲汁又撈唔到飯！蒸魚、炒時蔬，隻魚好多骨，但係啲肉都實淨嘅，係薑落得唔夠，好淡味，所以自己豉油，都OK，同埋不斷補充，攞晒就即刻補充，雖然係急凍魚，但係都OK嘅唔錯，一人一條。北菇炆鴨掌、上海粗炒最後嚟到主角：車仔麵，真係好多款菜，好多麵款，菇菌都好多，終於知道邊個係今期主角川味係最勁係嗰隻麻辣豬皮，超辣！12:12 先食咗印度咖喱，印式脆餅非常之脆，好好食，食咗好多舊，印度香米，少少辣，幾好食，雜菜咖喱，點嗰隻印式脆餅、或者送飯真係一流！12:28 北菇炆鴨掌都唔錯，上海粗炒就淡味啲，但係都OK。 一開始飲咗個羅宋湯，辣嘅，真係唔錯，不過唔記得影相。反而之後飲個中湯就麻麻哋。試條魚，食咗好耐！之後食沙律，超健康！吃了成個鐘，才攞水果，已經冇乜揀，剩返橙、蜜瓜、西柚，好彩最後都再出西瓜，再攞西瓜，西瓜都甜。蜜瓜唔甜。冇雪糕，甜品麻麻，嗰隻菠蘿包泡芙唔好食，食到車仔麵，已經好飽，唔要粉，淥碗菜，淨係淥菇菌蟲草花，菜，OK啦。食到2:00，都仲未催人走？不過2:00 車仔檔熄燈了，仍有幾枱客，我哋去埋廁所才走。整體環境不錯，咁既價錢冇要求反而有驚喜，食足2個鐘，聚會最適合！…查看更多

網上竟然看到東涌有特別平的自助餐，於是來試試，誰知道，酒店沒有想像那麼多人，就只有幾台客人。這自助餐沒有人來的原因是甚麼？自助餐有大量的沙律供應，亦有少有的泰式紗沙律，酸甜味道令人更開胃。如果喜歡吃素或沙律人士，這兒真不能錯過。一般要吃高質星量面包都會到酒店來，但這兒不能滿足你的要求，面包就別提了。到了主菜部分，自助餐提供的都是東南亞風情味菜，有馬來西亞味道的咖喱，亦有巴東造法的牛肉，都是必須配白飯的菜式，故此，旁邊就有白飯任吃的配置。而熱菜中竟然有一條蒸魚，喜歡吃魚可以嘗嘗，但怕腥的就免了，魚不是太熱可能令你感到腥！那麼，可以吃即點即做的車仔面便可以了。反正，人少最合適聊天喝咖啡和茶，滿足你一天休閑時間。…查看更多

從來未食過咁難食嘅自助餐 食嘅嘢少到爆 菜品total唔超過十個 108一位 不如去對面食三送飯好過 對面itamama七十幾蚊都有塊牛扒食 呢個自助餐真係太差太差太差 千祈唔好黎…查看更多