御守壽司

由御守岩岩開就幫襯到依家但唔知係咪有穩定客源唔愁生意定其他原因whatsapp好多次係辦公時間內都唔覆機講緊係晏晝tea time或者6點幾個陣都唔覆仲要唔止發生一兩次我都當可能忙睇漏眼掛？😅直到有次whatsapp落單叫個飯佢話冇哂某款食材但冇講可以轉做其他食材代替定需要我重新揀過另一款飯唔主動提供解決方法 我都明白既一百蚊都唔洗既食店我都唔期待會有體貼啲既服務咁我主動問下：會有其他替代定需要我揀過款飯呀？我已經係秒回佢 希望應該會live time chat到但結果等左十分鐘到都未收到任何回覆結果我都係放棄算唔想食個飯都好似溝女神咁痴痴地等人覆我😂最後我講返聲我唔需要啦thz佢又秒回到話唔好意思😂可能係我小心眼？點解成日落單/問少少野都唔覆？一話唔需要了就可以秒回？定係根本一直都睇到 只係懶唔想做？唔係要求有星級服務但幾次都被無視 感覺真係好差已經唔想再比機會了相信都唔差我一個客仔🙏🏻祝福大家🙏🏻…查看更多

小店御守壽司.同朋友叫外賣食呢間覺得有啲驚喜送到黎大家都好意發現佢個包裝好靚而且極速就送到包裝既招牌貓好靚😍好有日式既風格外賣黎講超靚！我地都係附近隨便揀一間但原來食材佢係即叫即整架～仲好細心地餐具附上豉油碟 對我地一班人係出面食既話好方便魚生丼仲有粟米中華沙律同螺肉 賣相好精緻整體壽司都好新鮮 大家可以一試-壽司盛盒A&B-精選魚生飯-火灸三色飯-蟹子甜蝦飯御守壽司大角咀海庭道8號富榮花園地下4號鋪…查看更多

有次係 Openrice 見到哩間啲壽司刺身好似幾吸引, 今日就買嚟試下,哩個包裝袋幾靚冇得輸, 叫咗個火炙三文魚飯, 三文魚都幾多, 啲飯粒粒肥嘟嘟,尤其啲三文魚沙律真係超級好食, 係我鍾意嘅日式飯 …查看更多

今日去完大角咀探朋友, 順便買啲嘢返屋企食,經過被呢間有賣刺身丼飯吸引， 兼且有同茶星人cross over, 就決定今餐喺呢間落腳啦。 .比起茶星人， 呢間特別在可以有套餐優惠， 我同我男朋友就叫左2 人餐。 先黎個大合照先 牛油果蟹肉飯對於好中意食蟹肉既人黎講呢個係必試 😻 蟹肉多到可以撈飯。 加埋蟹籽可以令個丼既口感又加分。 值得一讚仲有個玉子， 好厚實， 份量大到可以切成兩舊食 😹香蔥吞拿魚腩蓉飯佢魚蓉打得好綿滑， 可見得出食材係好新鮮。 有時一d 冇咁好既餐廳會比較粗身， 代表食材品質未必好。 加埋醋飯一齊食特別開胃年糕同雞翼係我好驚喜既小食， 因為跟餐本身冇咩期望 , 估唔到雞翼做到明太子辣辣地雞肉又好juicy 既感覺。 同埋年糕就算外賣拎到番屋企都暖暖地， 燒得好入味。跟餐仲有得補差價叫茶星人兩杯草莓撞上番石榴真係有粒士多啤梨喺入面， 加埋番石榴好清新冇死甜。 香蕉朱古力脆皮有時有d 香蕉好有藥水味， 但呢個完全冇， 朱古力同香蕉好match 同場加映外賣袋一個， 可愛到唔捨得扔…查看更多

叫咁多次外賣，未試過一間係一收到袋食物時巳經想寫食評好靚呀個貓貓外賣袋！ 應該用有coating 面不織布， 我好小心拎啲食物出黎驚整污糟個袋。但其實食物嘅包裝都好好。 就咁壽司賣相不錯我叫壽司set F, 有7 款魚類組合， 我地兩個人食， 驚唔夠就叫埋2 個反卷。 加洲卷頹少少，唔夠多三文魚籽， 鰻魚芝士卷，用料充足，食落唔錯幾好味， 幾新鮮. 今次第一次幫襯， 如果唔係另一間連鎖截了單， 都冇機會試到呢間店。希望店方再多啲選擇就更好。下次都會再幫襯…查看更多

平時食個魚生飯質素好啲都接近百蚊疫情之下多咗食外賣外賣刺身飯唔知你哋有冇食過呢🍣呢間日式魚生飯小店以外賣為主位置就比較格攝啲係大角咀同油麻地中間位置正正係茶星人隔離 同一個舖位雖然主要做附近街坊/返工人士生意但包裝一啲都唔馬虎用木盒裝住 放得靚靚仔仔✨仲提供預先wtsapp落定單節省等候時間🕓真係好方便除咗有刺身飯🍱而都有壽司、手卷、小食價錢真係幾抵食‼️壽司禮盒A$68有12件壽司真心抵食‼️六件三文魚 六件火炙三文魚呢個價太癲了🤤😆首先壽司唔會話偷工減料合理大細 三文魚都算厚切食落係新鮮嘅 唔會有腥味！而且仲要好肥美🤤🤤最鍾意火炙三文魚☺️燒到面頭微微焦香油香感更重三文魚肉更軟嫩🤤壽司飯質感夠黏口但有少少鬆散嘅情況不過問題唔算太大👌🏻壽司盛合性價比幾高‼️香蔥吞拿魚腩蓉飯本身冇諗過原來咁大碗！吞拿魚腩蓉份量俾得超慷慨！！吞拿魚腩蓉佔咗大半個盒😲好似舊肉餅磚咁🤣🤣魚蓉口感好軟綿 同滑身好重魚肉香 不過就唔算太重油香混入蔥花更加好食蔥香中和咗吞拿魚腩蓉嘅膩感配埋飯真係唔錯配菜仲有中華沙律、甜蛋、粟米成個飯真係好豐富‼️-性價比幾高嘅外賣店‼️咁嘅價錢咁嘅質感真心超值💛連外賣盒同餐具都好有心思食得開心又放心😆…查看更多

經過富榮花園餓餓地搵間野食，對呢頭吾太熟，求其搵左間試下，抱住中伏心態，呢排熱氣想食d清淡d，見到間壽司鋪，叫左款叫御守飯既東東，無寫係咩黎，師傅隨機整，但無所謂啦，偶然都有食下Omakasi,就試佢咩料，比我預期中，呢個價錢黎講係有d驚喜既，其實魚生類野最重要係新鮮，外賣店黎講，我拎到返office食，食材都有新鮮度，整體口感同肉質都保持得吾錯，性價比高，其次係個飯，同係超市雪櫃果d飯底吾同，因為飯底雪過就吾好食，下次經過要再試，希望佢地keep到水準…查看更多

呢間店係網上唔少介紹，見有唔同既魚生丼飯，就去試下，佢就無得堂食既，所以想去試既人就要預咗係外賣。佢既丼飯便當包裝睇落都覺得靚，試咗角切魚生飯，食落都覺得幾新鮮唔會有腥，真係唔錯。佢有埋配菜 玉子 中華沙律 螺肉咁，計返CP值幾高比，重要佢個包裝都靚，咁睇落都加分。…查看更多

呢間丼飯外賣店係區內甚有人氣🤩小店主打各式魚生丼飯，食材新鮮，性價比高。對住係附近嘅街坊(即係我🤣)來講真係幾好嘅福利，隨時可以買返屋企慢慢嘆😋・⊳ 精選魚生飯 🍣🍱呢款丼飯有齊三文魚、油甘魚、劍魚腩同帶子，仲附有唔少配菜：中華沙律、螺肉、甜粟米。另外要讚下佢個包裝，相當精緻吸睛，外賣盒來講真係好有誠意✨魚生都幾新鮮，除左帶子一大粒其他都各兩件，個人比較鍾意油甘魚同帶子。不過當日嘅壽司飯略嫌有啲撈得唔夠均勻，食落有d位酸啲有啲又無咁酸，呢方面可以再改善下。・順帶一提，店鋪咁岩同另一黃店茶星人相連，買丼飯時可以順便買埋野飲，正呀😋…查看更多

大角嘴住宅區前排開左茶星人但唔知點解同一間店舖隔離就買壽司見到包裝好精美成日都想試價錢唔係好貴大約$60至$80精選魚生飯 (三文魚 劍魚腩 油甘魚 帶子)刺身各兩件 唔食三文魚嘅我就轉左吞拿魚所有刺身都幾新鮮唔會腥但食落又唔會係好鮮甜帶子同油甘魚相對上比較好食但以呢個價錢呢個刺身份量算係抵食飯量唔太多 但自己嫌佢無醋味Overall食得飽但大食小小既可能會嫌份量細買兩盒以上佢會有自家環保袋送細細個都幾靚佢整體既包裝都設計都好日本加分👍🏻👍🏻…查看更多

💛御守壽司·呢間我地bookmark咗好耐㗎啦 但係因為我哋通常行到出去就會想堂食 所以一路都未食過 今次終於有機會啦😎·角切魚生飯$52因為我哋唔知佢魚生嘅質素係點 所以保險啲就揀咗呢個角切魚生飯 果然真係唔錯😏😏佢啲魚生老實講就唔算話好新鮮 但係角切咗而且漬左味道其實幾好 配埋佢啲中華沙律 螺肉同埋玉子好豐富 每一啖都有送 性價比唔錯😌😌而且佢個包裝真係好靚 食得都開心啲🥳·#rbyeat#rby日本菜#rby💛#rby大角咀·📍大角咀海庭道8號富榮花園地下4號舖…查看更多

這間外賣店其實開了一段時間，時常想光顧一下但始終因為疫情關係對冷凍食物有點却步，所以未有機會去品嚐一下。直至近期時常透過電子媒體見到區內朋友仔不停推薦讚賞御守的品質及好好味道，所以特別找一天放假的下午買了個角切魚生飯、四色魚生飯及炸雞軟骨試試。先說角切魚生飯，滿滿的魚生粒粒拌以螺肉、中華沙律及粟米，豐富的口感，正。份量已足夠裏腹。$52炸雞軟骨，香脆可口，趁熱食簡直是美味得不能停止的食食食直至「清場」。$26四色魚生飯包括三文魚/希靈魚/吞拿魚/帶子/甜蝦（拌以螺肉、中華沙律、粟米），由於不吃希靈魚，詢問廚師可否改其他，最後可改為劍魚腩，從善如流，抵讚。每款魚生有兩片，帶子一開二，份量算是足夠，口感好好。$80…查看更多

近期冇得堂食，已習慣外賣自取，最鍾意發掘身邊有咩小店有得買走😆搵到呢間<<御守壽司>>🎐 仲可以預先whatsapp落單叫定，去到唔使等，方便又快捷👍🏻包裝同賣相勁靚🤩食落去終於明白點解一面倒好評！大推壽司盛盒B！火灸系列超級好味💛💛💛香蔥魚蓉飯都超正！吞拿魚腩蓉勁香勁綿🥺壽司盛盒A就不過不失🎐絕對會encore💛✨ 又黃又好吃🐥 價錢仲要唔貴！希望大家都多多支持喺大角咀嘅呢間小店✨…查看更多

𠵱間喺大角咀嘅良心小店便當色彩繽紛，看着開心🥳火灸三文魚配三文魚沙律飯($78)，魚肉鮮美，我唔食太生嘅魚又好有禮貌幫我整熟啲，三文魚沙律啖啖都有三文魚，難得地沙律醬唔會落得太多，唔會太膩、太咸，影響哂成盒飯。另一驚喜係啲粟米🌽粒粒都好肥，好甜，估你唔到喎❗️…查看更多

«1224»精美丼飯便當 吞拿魚多到似肉餅！🍱﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣呢間好大驚喜！本身中過太多次伏，唔敢亂試啲細細間嘅日式餐廳，但見佢啲款好吸引又平喎，當見到便當實物直情心心眼，包裝得勁靚！連個外賣袋同筷子袋都有設計過，係着和服嘅招財貓，成件事都好日式👘🎌▷香蔥吞拿魚腩飯 $68▶角切魚生飯 $52兩款丼飯我同朋友都畀好高評價🙆🏻‍♀️ 除咗包裝得好靚仔之外，魚生嘅味道同質素都唔差～角切魚生調咗味，咩都唔使落已經好食，而且都食得出啲魚肉本身嘅味道，唔會話啲魚味好差先要用調味去掩蓋。蔥吞拿魚飯性價比好高🤣 嗰舊吞拿魚多到成塊肉餅咁(朋友直接稱佢為肉餅飯)😙 吞拿魚有少少筋，不過食落有軟綿綿嘅滿足感，同埋個魚味都係突出嘅！幾鍾意佢除咗本身嘅魚生之外，仲配咗粟米中華沙律同蒜味螺肉，我勁鍾意食呢啲配菜🤪 加完成個感覺都豐富咗好多，唔會食嚟食去都係個隻味，正！除咗丼飯仲有唔同嘅壽司拼盤，好啱聖誕聚餐買嚟食，而且店內仲有免費聖誕卡拎💌 收埋喺聖誕襪度so sweet🥰小店超級唔起眼，我搵個陣行到過咗龍都唔覺，開正喺住宅區又唔近鬧市，本來做街坊學生生意，但又撞正停課搞到生意麻麻，加上新開嘅冇乜人知道，如果大家喺附近都可以去支持下！🎄💛﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣御守壽司大角咀海庭道8號富榮花園地下4號舖…查看更多