御品·千之味 (深水埗) (已結業)

繼續逢星期二出街食飯，今次輪到深水埗清閒自在，去到呢間小店。入去見到環境乾淨整潔，佈置簡單光猛。小店都頗有心思，拍了一條像飲食節目的片，介紹自己間食店（國內很流行，香港還是第一次見）Menu選擇正路，簡單叫了幾款食物。蟹子沙律，可以選胡麻醬，都幾清新。份量很大，青瓜絲超級多，可以當菜食。壽司拼盤。不錯。飯有一點點淋。好得意有分「刺身豉油」同「壽司飯豉油」。我好似選錯了。火龍卷 - 即炸蝦卷加蟹子。幾好味。好飽肚。串燒，雞翼juicy，脆肉瓜較鹹。總體OK。服務也不錯，經常加茶。

黎到深水埗見到壽司鋪，毫不猶豫就行咗入去食，今次單點壽司🍣，冇叫其他熱食/丼飲個d......叫咗14件壽司食三文魚腩兩件$18好鮮甜，幾新鮮！😝左口魚兩件$20佢係炙燒嘅，令甘甜魚油滲出黎， 食落都幾美味，亦有少少即溶嘅感覺。☺帶子兩件$32壽司好大舊，而且係新鮮好食👍鰻魚兩件$18鰻魚冇話好特別，我覺得都正常水準：）劍魚腩兩件$28塊魚都算幾厚，唔錯唔錯☺️鵝肝一件$25好似食緊中式嘅鵝肝撈飯，如果係厚切啲就更好！😊藍鯨吞拿魚大拖羅壽司一件$68入口即溶，超級肥美，我愛脂肪！好想瘋狂食多十舊！🤤🤤🤤🤤😚😚😚😘😘😍不過價錢略貴！其他圖片：

😝開心大發現: 發覺每次隨意搵一間餐廳食飯，都會發挖到d好西。話說，今日同朋友去開深水埗買布料，咁就順便係呢邊搵食，誤打誤撞就嚟咗呢間日本餐廳🤓由於真係太肚餓既關係，兩條友都叫左幾多野食🌚🤩一打開餐牌就比個壽司set吸引住，份量都算多，最重要係有海膽🤤上菜個陣見到，果然冇令我地失望，賣相都好好👍🏻d壽司仲要勁大舊！食落都好新鮮，絕對不比高檔少少既壽司店差🤪有驚喜阿！作為玉子燒嘅忠實fans又點會唔叫玉子燒食呢😗我夠膽講 呢個玉子燒係我目前為止食過最好食嘅玉子燒！滿滿既蟹籽蟹柳再配埋芝士玉子，所有嘅材料味道都好夾，每一啖都好邪惡😖三文魚海膽卷好新鮮，壽司師傅都好大方，放左好多海膽on top, 要高呼一句: 好幸福~最後仲有冷烏冬，亦都係令我哋驚喜萬分嘅一個菜式，又係大大份，只係$68咋。(同朋友都有疑惑：究竟餐廳賺唔賺到錢㗎🤔？d野食又平又大份😖)就算我塊面再大，都唔及呢塊雞扒大😂雞扒煎得好香，再加上蟹籽芝士，意想不到地夾👍🏻另外，烏冬都好大份，都夠兩條友食！待應見我地食飽晒之後，再分別送左粒雪米糍俾我哋食，係荔枝味，勁fresh❤️埋單見到張單，我同朋友都O晒嘴，食咁多嘢都唔使$400

今日好好運發掘到一間深水埗區嘅日式小店，原先諗住去連鎖壽司店食，但見到等位嘅人龍就放棄咗，誤打誤撞就嚟到呢間店。一入店畀我嘅感覺就係好專業，事關店員一開波就講解店入面有兩款豉油：白色樽係for刺身嘅，而黑色係for壽司飯嘅，相當講究。友人同我都唔算太餓，所以都放棄咗叫set (雖然好抵)，我哋叫咗御品·壽司拼盤 $178 有成15件，齊哂我鍾意食嘅魚生，有左口魚、帶子、鯛魚、海膽等等，價錢相宜，但質素一啲都唔馬虎，新鮮好味！最見真章嘅吞拿魚同海膽都係高質嘅，應該都無咩係唔好食㗎喇～另外叫咗個照燒雞扒湯烏冬 $78，雞扒燒得好出色，外皮微焦，賣相超吸引，肉質嫩滑💕 湯底清清哋，配上焦香嘅雞扒，味道剛剛好，唔會太濃味，亦唔會單調，係簡簡單單嘅美味😝臨埋單，店員送上甜品，係雪米糍～ 非常貼心嘅係，佢唔係雪到硬一硬嘅，而係已經半解凍～如果你鍾意睇我嘅食評，不妨關注我，支持吓我，謝謝你☺️💕

同朋友過咗嚟深水埗買遊戲機，咁佢話想食日本野就嚟咗呢間千之味。見到呢間餐廳都幾多人，見有位就坐低準備order。今次都係食壽司為主，魚生質素都尚算新鮮，不過不失。最值得一讚嘅係佢嘅海膽同埋三文魚腩，依家嘅日本餐海膽質素都比較參差。而三文魚魚腩嘅脂肪分佈都好平均，係呢間餐廳最值得推介嘅兩樣食物。油甘魚同赤貝就尚可火龍卷，分量誇張咁多，蝦頭有少少腥，不過好彩都唔影響蝦身壽司嘅配搭，始終火龍卷都係我最愛嘅卷物之一！七味雞翼做得幾出色，幾新鮮熱辣炸起！推介。臨走前見到生日都有優惠，大家都可以過嚟試吓

收工近近地，食個烏冬加魚頭咁又一餐。本來只想叫個烏冬定算喇，但隔離枱個魚頭相當吸引！以為細細個就叫埋啦，點知都幾大個喎！魚片煎得好香脆，但唔會食到成口油，火候控制得好。魚肉夠滑唔會乾。魚頭仲連魚餃位，抵食㗎！照燒雞排烏冬，個雞排汁好味，雞皮煎得香，仲脆脆地， 雞肉唔會鞋拾拾。唔錯。但個清湯真係好湯，就咁食會淡左少少，但連雞排食又剛好。呢個組合唔錯，我鐘意。咁樣個湯咸道自己可以控制到，食完唔會口乾搵水飲。烏冬都好彈牙冇酸味（即唔係cheap野）唔錯

呢日差唔多成9點先黎食晚飯但餐廳都仲係人頭滿滿，好在有book位成餐都好滿意，朋友都話好食，一定會再黎試真d!!!-蟹籽沙律好食又新鮮食左先記起無影到相-吉列炸豬扒套餐豬扒好大份，香口一個人食係超級飽肚！仲叫左一系列既炙燒壽司件件都好味，肉質有半溶既口感帶子都好大粒！刺身方面點左油甘魚，連平日淨係食三文魚既朋友今次都覺得好食仲有我最愛既左口魚呀入口即溶！油得黎唔膩-好欣賞餐廳既店員都好有禮貌，又細心朋友生日帶左個小蛋糕黎，仲唔收切位費-一定一定會再黎幫襯！

深水埗近期出現好多平價高質嘅餐廳。 今日提早收工，去咗深水埗買電話卡時，俾我見到間幾多元化嘅日本餐廳，加上價錢大眾化，就捉咗我老公去試下。門口同坐嘅位置寬闊，無侷促感！ 光線充足，環境衛生，以平價日本料理餐廳嚟講，裝修係有誠意嘅睇到他們menu 真係好多元化，壽司🍣刺身、串燒、鐵板燒、鳥東、A4和牛 咩都有，而且價錢好親民。結果我叫咗好多壽司的魚生位置 厚肉而且油脂分佈平均我叫三文魚腩，和牛壽司，平均$18有兩件。串燒方面，我分別叫左依三樣野， 我想講係喜出望外的高水準。每件燒物都好大份， 好足料，唔會燒到燶曬又無味。 帆立貝三大粒， 都只係28蚊，抵！ 金菇肥牛燒得剛剛好， 咬落好juicy ! 燒魚乾燒得也是剛剛好， 好軟熟又香口，配酒一流。 大胃王老公話要食 芝麻雞翼， 我想講不可睇少依個雞翼， 他比平時食放題同日本餐廳嘅比， size 大隻d , 加上咬落去噴汁的。 下次去會必叫item我叫咗個汁煮牛肉烏冬 每塊牛肉都大塊，一碗只少有四五塊。 烏冬彈牙有水準。 我老公叫咗個照燒雞排烏冬， 塊雞排都大塊。 成晚嘅晚宴都只是300多鬆啲，性價比高。

大囡新歷生日食左西式蛋糕。今日佢農歷生日，食個 #壽司蛋糕 啦！本來諗住農歷生日，簡簡單單去食餐飯，佢去完日本仲好回味，話想食壽司🍣，好啦！ 去到先知有壽司蛋糕，仲要唔洗預訂。真係冇唔點嘅道理啦！　🤣餐廳唔算大，乾淨整潔。店員好好人又細心。特意點埋咁靚嘅蠟燭，好開心呀，即時有氣氛好多，雷囡s當然勁開心啦！又有得爭吹蠟燭🤣講下啲食物先，其實聞到隔離枱啲和牛好香，仲要唔貴，不過因為叫左個蛋糕，太大份怕食唔晒，決定下次再試（已經約好腳）個壽司蛋糕真係唔錯，砌得好靚，砌到好似2層咁，即時豪華好多。份量都唔少。刺身又夠多。甜蝦同帶子仲好大隻。店員仲教我地，壽司飯要用專用甜豉油，真係好食好多，又唔會過咸，唔係間間壽司店都有㗎，抵讚👍🏻當然枝靚靚星星蠟燭都必定要加分啦！好細心呀👍🏻因為有小朋友要點啲熟嘅，叫左 照燒雞扒湯烏冬，湯唔咸，雞扒煎得皮夠脆，烏冬爽滑唔過淋，啱晒我胃口。都好啱小朋友。隻溫泉蛋有驚喜👍🏻燒三文魚頭，老公好鐘意食，佢地好大碟，魚頭係連埋魚鮫位！（出面好多都分2碟㗎！）皮燒到脆卜卜，又唔會太油。肉又保持嫩滑，唔會乾巴巴。$45大大碟，下次要安哥！埋單仲有雪米糍，雷囡s例牌嘩嘩聲啦！

剛好爸爸放工後要去深水埗買汽車飾品，而遇啱女女又想食烏冬，結果就去咗食千之味。呢間日式料理店我地都係首次到來，起初以為店仔細細，無乜特別，但食落記好有驚喜，就連爸爸都話值得再試!我地一行兩大一小，都唔算叫咗好多野食，但食完都覺得剛剛好，份量好足夠。埋單一共HKD$430-（連加一）1.海膽軍艦來到有驚喜，係原片大大塊嘅靚海同8而非細細粒散修修海膽。食落好creamy, 好香滑甜口我同爸爸都大力推薦，性價比高之選!2. 軟殼蟹反卷軟殼蟹趁熱食絕佳，依然脆口酥嫩3. 火龍卷火龍卷亦係我喜歡嘅料理之一，不單外形靚，又好食，所以通常見到都一定會叫來試，今次亦不例外。火龍卷鋪上滿滿蟹子，簡直就係我同小JM最愛。小JM即使食緊烏冬亦不忙叫我地俾蟹子佢加份烏冬一齊食。另一樣值得一提嘅係，呢度嘅wasabi係鮮磨嘅，比起坊間嘅更加惹味，爸爸甚為喜歡!4. 燒牛舌芯 蒜香一口牛我同爸爸都係牛魔王，見到有牛串燒當然亦要試一試。牛舌爽嫩，有咬口，但略嫌黑椒稍多;蒜香一口牛，肉質鮮嫩，牛味濃亦帶蒜香。5. 汁煮牛肉湯烏冬牛肉煮得夠份味，就連帶洋蔥都一樣好食而小JM最喜歡嘅莫過於溫泉蛋，仲為食到一連食兩個。

誤打誤撞揀咗間高質驚喜小店估唔到深水埗都有呢啲咁高質嘅日本料理晚上七點半左右去到門口已有少量人等緊位，原來基本上都full bookingwalk in位都比較少，好彩有book位 。入到去餐廳裝修比較平民化，但係menu嘅食物就非常吸引 入到去店員會先介紹有兩款豉油 ，一款for刺身; 一款for壽司。晚市有晚餐或主餐牌散叫，見到啲晚餐非常抵，價錢經濟實惠。我哋叫咗個壽司餐$108，有十件壽司加一件手卷晚餐包麵豉湯或飲品、沙律、是日小食及甜品 壽司嚟到非常新鮮，有三文魚、油甘魚、鯛魚、赤蝦、吞拿魚、蟹子、熟蝦、玉子、饅魚及蔥三文魚吞拿魚蓉手卷，好正! 特別係手卷，紫菜夠脆，入面啲蔥三文魚及吞拿魚蓉都好肥美，咬落去勁飽滿另外是日小食係炸蟹柳味道都唔錯見散叫有個御品壽司拼盤$178好飲幾正有15件，勁新鮮肥美三文魚、油甘魚、鯛魚、甜蝦、赤蝦、吞拿魚、帶子、墨魚、左口魚、海膽、魚子、吞拿魚蓉、龍蝦沙律及辣味三文魚，非常豐富 超驚喜另外仲叫左火龍卷$65，真係整到好似條龍咁勁呀！入面炸蝦好脆!炸蝦炸得好脆不過壽司飯就林左啲啲， 不過好多蟹籽夾埋炸蝦都幾好食軟殼蟹手卷$28-夠脆，入面有青瓜絲

啱啱去完鴨寮街想買啲電器 又到晚飯嘅時間有啲肚餓見到有間日本野就試吓啦好難得嘅係夜晚都有定食 而唔係逼你食a la carte餐牌如下 一頁熱食 一頁凍食 豐儉由人 自己心大心細 於是就叫逐個set E , 貪佢乜都有啲個手卷好好食 壽司都新鮮 最鍾意食三文魚~ 但係個沙律菜係冇沙律醬嘅 要問店員攞最後咪有個甜品係糯米糍一粒順帶一提呢度啲店員態度非常之好 要俾個like佢哋以呢個價錢食夜晚來講 我覺得性價比非常之高下次再嚟睇電器可以再食

今日朋友約食飯，我地討論緊食乜同邊到食，不約而同地話食日本嘢，但地方就.......一般食日本餐廳都會係大公司食，或者會係旺角尖沙咀銅鑼灣食，不過有時去啲住宅區食，反而會有人情味。呢間餐廳係深水埗啲小街小巷，門口幾靚，望入去好光。本身諗住食放題餐，但其中一位朋友唔餓唔食，下次有機會一定要試下。我呢個餐係有三色翅身飯，有三文魚帶子同魚子，翅身好新鮮，片片都好爽口，帶子好鮮甜好厚，魚子粒粒都好彈牙，超正。下次一定要食佢放題！。

收到小胖女call,話深水埗新開左間日本野好抵食,仲要有放題,咁就馬上去試一試啦,本來就諗住一齊食放題架啦,可惜小胖女腸胃麻麻地,唯有叫定食啦,但都唔好睇小呢到個定食份量,我地淨係叫左一壽司餐同一個生薑汁豚肉飯餐,所有定食餐都有跟沙僢,麵豉湯,同一款指定小食,首先一出場係壽司定食SET,入面有齊吞拿,三文,鰻魚,赤蝦,蟹子,玉子等,材料非常廣泛同,最緊要係食材相當新鮮最正一定係吞拿魚啦,咬落好甜,至於另外仲有叫既大大碗生薑豚肉豬味道都好正豚肉爽口份量又多,兩個人一下子食咁多飯係一定夠飽,即場LIKE FACEBOOK仲有雞翼同餃子送返,真係入黎食飯一定飽住咁走

御品-千之味地方不大，但足夠三五知己聚餐。那裡給你一種休閒感覺，食物新鮮美味，刺身，燒烤，壽司，烏冬和飯都很好食。烏冬的湯底不錯，湯味令人回味，整碗喝完。燒烤食物的時間準確，保持了食物的美味，加上醬汁，好味。出菜的速度快，但手工卻一點也不懒，刺身壽司或火炙壽司全部合格。刺身方面，刀工不錯，用料新鮮，不會有粗工濫制的感覺。價錢亦是豐儉由人，食物份量足夠。下次會試下一口牛鐵板燒，今天看到不錯，可惜已經飽肚。難能可貴的是員工的殷勤有禮，實在有賓至如歸的感受。在深水埗的好食肆，值得推介。