御前上茶 (已結業)

今次同朋友去開樂富，到晚飯時間，所以就係樂富廣場附近搵野食。咁岩見到尼間店，又似日式，又似台式。於是就入左去食。咁我就叫左個飯，佢有2種食法。咁佢係一個吞拿魚肉碎飯，佢配上左少少既茶漬。咁第一種食法就係，就咁攪均佢食。咁食落就好似平時食魚生丼咁，但係飯係熱辣辣既飯，所以食落既感覺有少少唔同。而第二種既食法就係加湯變泡飯食。咁食既時候可以加入鏗魚湯，攪拌黎食。因為佢既鏗湯鹹鹹地，所以加埋一齊食會濃味左，都幾特別。如果唔鍾意食泡飯既朋友，就可以食其他野，例如:花膠米線，朋友覺得幾清淡同味道都幾有趣。

唔怪得唔駛等位，同樣價錢過隔離搵嘢食仲多選擇、質素亦無咁差，食完今次認真唔會有下次。服務態度好似嫌客煩咁，張檯細、到上第二碟菜行到埋嚟竟然『唔該』我喎，我當堂打個突，而家係咪我要做埋你職責幫你收檯啊？見到咁狀況應該店員收咗已經食完嘅碟先再上丫嘛，唔通你『唔該』完我啲碟識自己飛走啊？再講食物質素，份量係夠飽，但食嘅嘢完全係狗屎垃圾。講個茶漬飯先，上嚟嘅茶無茶味，咁你不如入啲熱水俾人撈飯算喇；然後啲料係樓上UNY賣嘅飯素＋一片鰻魚，咁樣就盛惠六十幾蚊。到個雙醬薯條，薯條炸到又乾又泡晒油，食落去咸到差啲要換腎，食咗一半到已經無辦法再食。咁嘅價錢食啲咁嘅嘢，一定係覺得香港多傻人做老襯先夠膽咁做生意，係，老襯係多但永遠都只係做一次，我就放長雙眼睇下樂富班客可以俾佢搵幾耐笨囉，呵呵。

原來樂富商塲也有很多野食，今次我去了御前上茶，因為俾佢嘅花膠米線吸引了。地方不算太大，加上是午飯時間，所以不方便坐太久。我叫了豬軟骨鮑汁花膠米線，有3種湯底，花膠湯、酸辣湯麻辣湯，我當然叫花膠湯底啦。 先來一碟螺仔做開胃菜，少少辣，爽口。米線到，豬軟骨一咬，幾霖身，有1隻冬茹，少少菜加2片爽口彈牙花膠，幾豐富，當然唔可以期望是靚花膠啦，湯底比較清，整體不錯。 講真$56，還有一杯綠茶，已經算非常好啦。另一个餐是安格斯牛肉鮑汁花膠米線配雞絲，牛肉就好一般啦，加少許雞絲，雞絲都夠滑，其他整體都一樣，加一碟菜，就貴多$6，可接受呀。一个午餐平均$60，食物質素不錯，環境整潔，只是枱與枱之閒冇什麼空位，價錢合理，整體都值得再去，如果想傾計，就最好找別處啦。

完全唔得，入去個陣已經好冇禮貌，入到去落晒單，等左半個鐘，拎左張唔係我地落既單黎，唔知佢落錯單定冇落單，之後再斯斯然走埋黎扮傻當我地岩岩黎問我地食咩，一句唔好意思都冇，白白浪費左我人生半個鐘，最後都冇幸食到佢地餐廳既野食，一肚氣咁走左

個店名似吃日本食物，但睇餐牌就以日台食品為主。餐牌內的食物配搭很多。自選花膠粉套餐，看清即3餸湯粉。選安格斯牛肉、炸蝦卷、配鮑汁花膠金邊粉。湯底是花膠雞湯，很淡，是普通清湯味道。花膠色淺，無乜味，似是花膠碎，碎碎的細細塊。安格斯牛肉反而有微微肉味，唔靱。炸蝦卷吃到粒粒蝦肉，另配有冬菇，爽脆彈牙，意外之喜。而且碗金邊粉的粉份量很多，但金邊粉粉質較嚡，麻麻地。鮑汁時蔬：生菜，似淡味蠔油生菜。御抹茶，綠茶味濃。

🤣呢間路過咗幾次，又似台式又似日式 ，終於同fd入咗去食tea。牛油雞翼配烏冬（$3️⃣9️⃣）個牛油雞翼其實係單⻣🤣，有少少似m 記雞翼，幾好食既，不過我會覺得唔係好抵，因為我哋仲叫咗蜜糖雞翼，蜜糖雞翼反而係完整既三隻。烏冬相對比較好，軟硬啱啱好，個湯就清清地，除左昆布，仲加冇一粒粒炸過既米通，幾特別。熱黑糖珍珠鮮奶（＋$1️⃣2️⃣）其實佢飲品都幾多下，於是我仲加咗錢要咗杯珍奶，意外地幾好飲。珍珠煮得比較軟，但啱我🤣。不過佢就冇另外加黑糖，所以杯奶得少少黑糖味，唔會太甜。其實聽人講話呢間比較伏，不過我哋試咗下午茶，其實都ok既，不過以呢個價錢，我有其他選擇。

今日返完教會，同一位朋友喺樂富食飯，本身諗住去茶木，但係太多人排隊，由於趕時間我哋就去咗茶木隔離呢間御前上茶試吓！眼見餐牌都有午市套餐揀， 仲有自選花膠套餐我哋叫咗溫泉蛋安格斯牛肉飯，同埋招牌鮑汁花膠湯粉，嘢飲方面，我哋要咗玄米枺茶同埋咖啡。個溫泉蛋牛肉飯送到黎嗰陣，個蛋黃去爆左，賣相非常不討好至於個鮑汁花膠，湯粉個湯完全冇味，仲慘過喺醫院食嗰d病人餐, 完全發現唔到有鮑汁加了在裏面，然後我發現，所謂嘅花膠只不過係魚肚前菜係螺肉，冇乜特別。。。我相信唔會再有下次幫襯了。。。

天氣轉涼適宜進補一下。 今天午餐選了位於樂富商場的御前上茶。午餐尚算多選擇，由56蚊起包左小食，主食加多8蚊就有個普通飲品，可以自選或優惠價點算其他食物！我點了清清地的鮑汁花膠湯㡳米線🍜加8蚊叫了一杯咖啡，朋友點了綠茶。蝦🦐是原隻上的，湯㡳是清清的帶點花膠味，其他餸還有肉丸，二片小豬皮，炸蝦卷，菜，腐竹，小吃是螺肉帶點辣的，整個米線食材都豐富，價錢中等，可以一補失去了的骨膠原，也算是區內健康之選！若果想要吃個 light lunch唔想太heavy都可以試試！

已一段時間沒去樂富，而家樂富都幾多食肆選擇，每次都有選擇困難症。果晚去到跟友人臨時才決定食咩，睇咗幾睇，就決定試呢間。我點了三文魚子茶漬飯，食物幾驚喜！我都想返返去再食。唯獨是店員服務有待改善，說差也不是惡劣，但就是愛理不理有點晦氣的態度讓人不舒服。

晚上大約7點15分入店，客人不多，大概4-5人，不用等直接自己搵位坐低。不過坐下前猶豫了一下，因為見收銀台有一顧客站著等付款但無職員在場，全場都好似沒有職員。不過坐下大約半分鐘後便有職員從廚房出來，而我亦很快順利地點了「和風咖哩牛肉飯」（7.5/10）味道不錯，咖哩是甜甜少辣的日式咖哩，但嫌稍為稀了一點，如果濃一點口感和味道會更豐富。都有唔少的配菜如圖中的紅蘿蔔和薯仔，感覺豐富而牛肉份量都算足，整體感覺夠飽。不過，牛肉則較為普通，沒有甚麼特別的煮法和調味，個人提議若先將牛肉煎香一下或用其他醃料炮製過，整道菜將昇華。整體而言，52$晚餐算是不差，但任何飲品甜品也要額外加錢，大約18$ ，看著好像不太化算，就沒有點了。

樂富商場好多餐廳但係成日都會唔知去邊間好琴日經過見到weekend都有68包前菜小吃嘅lunch set選擇都算多所以就入左去試下鋪頭唔大 坐位全部都係卡位叫左一個丸子一個餃子一個要咖哩蟹肉薯餅一個要蟹羔蟹肉茶漬飯再加一個抹茶新地上菜速度異常的快畢竟全部野都應該整好哂沙律正常 上面有d日式沙律嘅脆粒粒餃子同丸子都有2粒size都非常迷你餃子無試但係丸子都幾好真係有粒八爪魚係入面重要幾熱下咖哩蟹肉薯餅賣相不錯份量都算多 有3塊薯餅媽媽就話無咩蟹肉 薯仔又普普通通個咖哩有少少辣茶漬飯好足料蟹肉都鋪滿個飯 蟹羔就一dup仔倒d湯落去撈埋其實啖啖都食到蟹肉性價比高過咖哩飯以為細細碗但係都好飽上埋個甜品雖然24蚊都幾貴好彩份量都唔少兩個人分食極都重有哈哈個底重有舊都幾有蜂蜜味嘅蛋糕個雪糕好滑入口唔會死甜 有少少回甘無預期佢會有禁嘅質素都幾驚喜整體都好唔錯下次唔知食mae都可以再黎

一段日子沒來樂富中心，成個商場轉變了，連鎖店淋立。找個地方吃晚餐-御前上茶。外觀裝修很引人注目，以為食物應該也不差，因為餐牌價錢也不便宜。兩人餐$188(加一另計)：小食六選二 - 唐揚餃子&蟹肉薯餅分量小，嚴格來說只夠兩個小女孩食。餃子皮太厚，肉太少。薯餅炸太長時間，但內裡肉都ok。主菜- 咖哩牛肉飯&照燒雞扒炒飯牛肉飯中規中矩，牛肉水煮熟再淋上咖哩汁，個人都接受到。雞扒嚴重伏，大家樂早餐的雞扒，蛋炒飯太乾身。兩份單賣都要$60大元，性價比不值了。

食物味道出奇地好上菜快份量大唯獨員工好似發緊夢一嚿雲咁...個個唔係望住個出菜位就係望住個門口你對佢揮手佢地唔會見得到幾次都係要叫出聲先有反應套餐價錢公道但係呢個服務要收加一就真係收貴咗囉...同埋一坐低發現枱面張紙巾有食物殘渣但放咗喺個餐具籃度..俾人感覺不衛生...

The menu looks okay, but the actual food delivered on the table is way underwhelming.The portion is disproportionately small compared to the price. The taste is not good too. Additionally, I dislike the waiter being blunt, rush and impolite.I will never eat again in this restaurant ever.

如題。特別係飲食業唔係應該更加衛生注重既咩？但御前上茶樂富店無。當日樓面係兩個札馬尾既後生女，無帶眼鏡個位一直咳而且無帶口罩！有痰係度又kiki gmgm連鼻都伸埋點解都仲唔帶口罩呢？而且咳完掩咀又唔消毒雙手。唔係好明點解公司同事無人提點，當事人自己又無自覺！咳都算但點解唔掩嘴，咳幾次都係！食全程咳足全程！無形中係係多人既食店散播病菌我百思不得其解御前上茶真係要好好留意前線員工既衛生情況。否則好難再有信心幫襯。。。！