從心素食 (Mikiki)

營業中

休息中

I have visited  Heartful Veggie several times. This probably one of the unique places for vegetarians and non-vegetarian. I have tried their multiple dishes on several occasions includes dine-in and take out. Curry pizza is my most favorite. I have tested throughout the world includes Aisa, the EU, and the USA, Heartful Veggie Pizzas are the most unique. Dispute all their menu based on vegetables, you still can test your favorite flavor of meats based on vegetables, and the tests are quite simil

今晚出街食飯，去左新蒲崗，見到有從心素食就入左去。平時去開尖沙咀果間，唔知道原來新蒲崗都有。餐牌選選好多，有壽司，串燒，咖喱等等。今日我地就叫左個"日本刺身壽司併盤"，"家鄉臘味三色糯米飯"，"羊肚菌涼伴萵筍"同"越式火箭菜米紙卷"。茶方面我地叫左蕎麥茶，好香。個壽司併盤睇落真係同真果啲無咩分別，食落個質感都有啲似，點埋落 wasabi 食，都有因8，9成似真嘅 😂糯米飯好香，萵筍有好重嘅麻油味，紙卷嘅火箭菜有好清新嘅味道。

今日lunch time 同同事食呢間素菜館，咁岩撞到十五齋期。尋晚已經想食素，估唔到心想事成一黎食碗翅先，個湯都算足料，扮翅成功欣賞呢個咕嚕肉，個菇夠彈牙又好食呢個肉醬義大利麵芝士味好重個炸豆腐上面既香料好脆，岩曬鐘意食香口野既我個炒飯有少量既紅米，搭配白米口質豐富。炒飯火候控制得唔錯，令個叉燒夠香。今餐四人共512蚊，人均128，撞左十五貴左d無計啦！

向來肉食嘅我跟咗老細出去食哩間「從心素食」，食咩當然唔係我話事，所以我神咁早order咗蕎麥茶，非常好飲。午餐12點左右到場，都陸續有好多上班族入黎坐底食嘢，隔離嗰台叫咗個花雕雞，我淨係可以隔岸觀火😔⋯⋯第一碟餸係炸米通餅配咕嚕醬炸菇（我唔知菜名係咩但我會盡量形容😂），我個人係好唔鍾意食煎炸脆嘢，個米通餅真係唔係好啱我食，但我諗對於鍾意食脆嘢嘅人嚟講應該好好味。個咕嚕醬比起裡面嘅素，同埋米通實在係太重味，成碟菜覺得一般般。第二碟係天婦羅（我已經好想死），有秋葵，紫薯，芋頭，金菇，金菇係最難食，因為油炸物抽乾水份，個味道變到非常濃，加上佢嘅沾粉面積比係世界之最，我食粉食得好痛苦。不過秋葵同紫薯係好食嘅，整體味道比較淡。第三碟係壽司🍣，賣相係good good嘅，我第一舊食咗軟腳蟹卷，無乜味，第二舊試三文魚，個口感整得都有五成似，加上配埋芥末豉油遮咗啲豆味，都幾得意。之後食咗吞拿魚，個味同口感都同上一件差好遠，個假味食到我反胃🤢，我再食多舊牛油果定驚就無事了。💥所以最後同大家講，肉食朋友第一次食就應該根據自己口味點餐，唔好同時食太多豆製/芋製假肉（聽講會消化不良）。祝大家好運👍🏻！

兩間從心，家姐話新蒲崗這間比較好味，於是一行 16 人星期二過來 farewell 澳洲表姊兼 gathering .菜式多因為我們人多，份量加大，要加錢架，不是正常 size 😌樣樣好好味，全晚掛住食，名唔太記得，特別喜歡：Sushi 牛油果🥑芒果黑芝麻紫菜包住上面綠色菜（日本菜常見）, 至愛咖哩薯仔羊腩煲超入味，我最喜歡食 curry , 喜歡curry 包唔會失望芋頭魚入型入格，刺身好得好真，三文魚最好食。建議約多d 人，一次過食齊咁多款，今晚好豐富大家好滿意 👍🏻

快將中秋節，就決定跟拍擋過來做節。素聞此店的素菜很出色，絕對是一個適合做節的地方。餐廳環境確實是很好，但建議讀者要早一點預約，否則，午飯時間將會獲安排一張大圓枱，與其他人並排而坐。餐牌好像跟上次來的時候完全不一樣，餐單內容有更替，使客人不會感到沉悶。點了1）蟲草花腐皮鴨蒸煲仔飯；2）欖菜肉崧四季豆炆鴛鴦米。先來了例湯，材料足，頂瓜瓜。後來了蟲草花腐皮鴨蒸煲仔飯，開頭不知道是什麼來的，便在拍擋慫恿下點了這個餐，一吃，感覺驚為天人。蟲草花固然不錯，但腐皮鴨內卻是腐皮+冬菇，配搭不錯，吃下去有點像吃鴨肉的感覺，這就是素菜的境界。至於鴛鴦米，我就覺得沒有多大特別，濕炒扣了一點分數，但我拍擋把它全部吃光，評分是中等。

今天沒有帶飯，就決定跟同事一起在附近覓食。她是素食者，就選擇了寫字樓附近的素餐廳。還記得第一次來，是同事恭賀我新入職。今次來，我既想重臨舊地，也因最近腸胃不適而想吃得清淡一些！餐廳內外餐廳的氣氛是蠻好的，既適合小夥子吃飯，也適合一群人聚會。食物方面份量竟因價錢調高而一併提升。先後點了1）素海鮮炒飯；2）素肉燥配炸茶樹菇飯，然後跟餐配了兩個是日中湯。先來了素肉燥配炸茶樹菇飯，咋看一下，以為真的是肉躁，另外炸菇也十分好吃，完全吃不出這個是素菜，或許這真是素菜出神入化之處。我工作伙伴完全是十分喜愛這個菜式。然後來了素海鮮炒飯，一吃滿口飯香，且配上出色的調味，令人吃後彷彿吃了真海鮮一樣，其中一個配菜是仿魷魚，但吃後卻很有魷魚的感覺。雖然配菜不多，但吃後卻有飽肚的感覺，值得一讚。事實上，能夠將素菜煮得出神入化殊不簡單，「從心」就能做到。

今日收工去朋友去食飯，朋友要求不如食下齋，好耐都冇食過，於是乎我哋一行四人就去咗食齋，呢間齋舖，就在新蒲崗mikiki裏面。佢啲菜式都幾得意，又有日式，又有壽司，又有玉子燒。。。好似每個國家嘅菜式，佢哋都會有少少。發財海味一品煲有髮菜，齋帶子，齋蝦，仲有啲菇同菜。雞絲粉皮怪怪的味道，應該係個齋雞肉，有啲奇怪味。無錫芝麻脆鱔感覺咁好奇怪，好似食緊麵粉？做唔到嗰個效果。。。鰻魚燒玉子蛋幾厚，但唔夠熱，感覺好似有啲唔夠新鮮。葡汁焗豬扒飯呢個飯餐牌上係冇嘅，要同職員直接落單。我認為今晚咁多道菜，係呢個飯最正常。最後都有糖水送返。

又係一個茹素的日子，一家人來到mikiki 食素，試過tst 店覺得還不錯。下午茶時段半價，我們大約三時入座，只有大檯，只好搭檯。入到去冇人理你，但你坐低左，又叫你轉檯幾次，而且態度冇乜禮貌。問好像大媽的服務生拿menu, 佢只望我一眼，擺明聽到，但繼續同其他大陸客人講野，唔應我，更加唔會拿menu 比我啦！搞左成10mins 先開好茶同拿到餐牌！如果唔係那天茹素，附近冇乜素菜館，我一定同屋企人唔食走左！黑松露牛油果🥑醬西多士明顯係抄大x然素食既菜式，水準也差不多，好香口，又夠料！無花果壽司🍣又係抄既，一般般！椒鹽炸鮮淮山老媽子指定菜式，鮮准山很厚實，愈食愈salty, 好彩有幾個人一齊食，唔係都幾難ko 晒成碟。荔蘚炆素鴨煲有酸味，唔知係咪材料變壞左。芝士大蝦焗意粉大蝦🍤係粉團預左，但係粉到呢個地步又差左d. 意粉量多，太諗冇咬口！冇下次！

每逢初一十五都要發掘一些素食餐廳， 今次試下從心素食，揸車到mikiki行街再晚餐。 可能都已經晚上9點， 所以不用等位了。 店員很快幫我們安排座位， 這裏的素食菜式很特別， 有壽司拼盤，刺身，便當，薄餅，炒粉麵飯， 食物種類多元化，還有很多選擇。 今次點了一個二人套餐$268， 有日式三文魚鮑魚刺身， 竹笙珍菌四寶翅， 秘製咖哩薯仔羊腩煲， 欖菜菜粒魚蓉炒三色飯。前菜～ 芽菜有少少微辣都幾開胃。日式三文魚鮑魚刺身～ 賣相很像真的刺身， 入口的味道都幾得意， 值得一試！竹笙珍菌四寶翅～ 好足料，有蟲草花，菌類，竹笙， 味道有少少似碗仔翅。欖菜菜粒魚蓉炒三色飯～ 炒得好乾身，三色飯有益又健康。秘製咖哩薯仔羊腩煲～ 咖哩薯仔送飯一流， 咖哩味好香濃，還有秋葵，蕃茄，西蘭花。 羊腩的味道做得很好， 口感真是好似羊肉。個人感覺這間素食餐廳的確不錯， 推介給喜歡吃素的朋友。今次點了二人套餐之後先發現有壽司， 下次一定要來試下！

係一間推廣素食既公司做有咩好？就係團年飯一定係會去食素！而我地呢啲普通打工仔，當然係unun腳等老細黎請我地食飯啦～ 話說，上一篇食評岩岩先第一次介紹過中式素餐，估唔到轉過頭又黎第二round！今次被掃對象就係「從心素食」。wow～從心呀師主！講得妙，食素只係口裡素，心唔素，不足矣～就等我黎睇下呢間野又有幾從心啦！同依家一般新式既素中餐廳一樣，個殼唔會好齋舖feel。但當你去到門口時，可能你會驚叫：「冇咩位咋喎！？」Ａ～師主，其實內裡係有乾坤既！此店乃是呈西方文字「Ｌ」形，行多幾步轉個彎，就見到重有位架喇！不過有一樣野真係要提一提，因為全店使用直身大玻璃，透光度十分好，窗外又有樹群，雖然店內冇大自然氣息，不過真係幾舒服～好，食完個殼，開始介紹野食之前先問一條數學題：小明大明明仔一行6人叫左6個餐，總共有幾多樣野呢？6樣？錯！係9樣！因為係餐，所以有小食同湯跟：(1)   沙嗲羊肉串木綿豆腐(2)   麻醬雞絲粉皮(3)   黑松露南瓜忌廉湯(4)   豆湯黃耳鮮竹雜菜煲(5)   日式南瓜栗子野菌煲(6)   花菇仔竹笙扒西蘭花(7)   XO醬蜜豆爆銀魚仔(8)   欖菜魚蓉三色米炒

新年食左咁多肥膩野就決定同屋企人食清點，上網就搵左呢一間素食店睇落好似唔錯。我要裝修係比較普通而且枱同枱之間都有啲迫，唔算太好嘈而且咁樣變咗成個環境好嘈好侷促。我哋一行三人叫咗個二人餐再加一個小食一坐低就會先送一個小食呢個蕃茄好新鮮好食。四寶雞絲翅用料足好多蟲草花，而且上碟嘅時候亦都非常之熱，咁凍嘅天氣飲啲熱辣辣嘅嘢覺得好正。馬來沙嗲串燒木綿豆腐個沙嗲味非常之香而且個串燒做得唔錯，成個配搭好可口，個豆腐都好特別，令人一食再食，停唔到口。火箭菜米紙卷呢一道菜非常之新鮮佢裏面嘅沙律菜全部都好爽甜，再配埋佢哋嘅醬汁食落去有煥然一新嘅感覺。咖喱薯仔羊腩煲咖喱味都好香而且唔會好辣唔飲得辣嘅朋友都可以叫呢一道菜。我比較欣賞佢除咗有薯仔同埋羊腩之外仲配搭左好多唔同嘅蔬菜俾人感覺就會健康一啲例如秋葵，番茄，西蘭花薯仔煮得啱啱好索哂啲咖喱汁嘅味。而羊腩都做得唔錯不過份量就少咗啲。豆湯雜菜煲全晚最欣賞嘅餸係呢一個！用了十足而且份量好夠加上佢有好多唔同嘅配料令到個雜菜煲真係名不虛傳🤣重點佢個上湯唔會做到好咸，清清地咁樣完全啱晒要清腸胃嘅一道菜色。加上啲菜亦都非常之新鮮所以呢一個集材部係滿分💯另外餐廳嘅侍應非

對素食另眼相開，諗住都係好油淋淋嘅菜式，今日lunch同事帶我去新蒲崗一間大型商場嘅一樓食素午餐🥣，又lunch set;價錢相宜，但係座位之間窄，牛油果飯卷配雜菜沙律，芝士南瓜蓉豬扒焗飯，各$52，分量大，豬扒焗飯焗得香，豬扒有炸過，脆脆的，配上甜甜的南瓜蓉加芝士，好味，另外一個牛油果飯卷配雜菜沙律，飯卷飯質比較冧身，吾夠香醋味，牛油果味道不出，黑豆漿豆漿味濃，整體幾好，茶介加$3每位及加一服務費

牛油果黑松露多士素蒸餃 素刺身各款水果壽司🍣記得這個$48 好抵食 同埋超足料！素食在香港愈黎愈流行 選擇愈黎愈多 款式都特別新穎 而mikiki的從心 因為都係新派素菜 所以一開始都好多人光顧 💁🏻‍♀️今日陪媽媽黎 點了一些生果壽司🍣 有牛油果🥑草莓🍓無花果🌸芒果💛半價左好似$12 2件 好抵食同埋真係好推薦個牛油果黑松露芝士多士 牛油果🥑味就不是太濃 因比黑松露覆蓋了 而且拉絲很多 很開心😍😍星期1-5 1430開始有下午茶 半價 非常抵食！

確罐蝦，我地係食野唔抹嘴嘅拉拉屎戰隊。如果有跟進開我地戰隊情況的朋友,都知道呢排我地戰隊食左好多好重口味甚至伏味濃的食物。所以今次就黎食個清新齋菜fresh一下,好在無令我地失望,成功補充能量!由於戰隊成員好耐未食過好野,今次就叫左個好豐富的套餐,圖片排名依受歡迎程度排行香橙骨麻醬雞絲粉皮沙嗲肉串紅菜頭湯甜酸魚塊海鮮雜菜煲叉燒炒米炒飯屎Dum(黑)戰士:香橙骨酸酸甜甜,調味恰到好處,用菇黎整無平時用肉咁肥膩,但都保持到味道,好!(9/10)屎女人(黃)戰士:紅菜頭湯新鮮加甜,多湯渣,份量夠晒多,而且係飲得出無落味精既!粉皮都好食,但雞絲份量太少。(10/10)屎狗(白)戰士:雞絲粉皮好食香橙骨色香味俱全,用猴頭菇黎整好特別(8.5/10)屎鬆(橙)戰士:粉皮爽口,雞絲做得似,整體其他菜都平平穩穩。(7/10)屎靚(紅)戰士:沙嗲肉串同魚的醬汁好味香橙骨用菇黎整,新奇特別(8/10)屎橋(青)戰士:香橙骨,口感飽滿,外皮香脆,原來以猴頭菇製作,不講不知,很有驚喜。沙嗲肉串以豆類裝肉類,口感相若,而咖哩醬汁亦好吃。其他菜則正常不錯,無一道難食。拉拉屎conclusion:齋菜製法新穎創新,