從心素食 (Mikiki)

營業中

休息中

同事係茹素嘅，故一直都很難搵到一間餐廳既好食，又符合佢嘅需要。喺OpenRice中反覆搜尋後，最後決定左呢間，因見佢嘅好評頗多，而且Mikiki又有泊車優惠😆登登登！雖然午飯時間很多人，但上菜速度都好快。落單後10分鐘左右，就已經開始上菜了😊👍🏻-麻醬雞絲粉皮 $48-粉皮好滑，雞絲係由腐皮製作而成，食落都有雞絲嘅口感，麻醬都好香-招牌蜜汁叉燒拼片皮鴨（跟掛包）$118-呢個非常推薦，必試！片皮鴨模仿到鴨皮嘅脆嘅質感，仲有鴨肉嘅彈牙。叉燒甜甜地，食落都似叉燒。而掛包就新鮮出爐，熱辣辣又軟熟，配上素乳豬醬、青瓜絲等，真係好似食緊片皮鴨-芝麻香橙骨 $98-呢味芝麻香橙骨食落好似西檸雞，果種肉嘅質地原來係用猴頭菇做出嚟嘅，真係好有創意👍🏻-七味香酥脆豆腐 $78-豆腐外脆內軟，又惹味，好食😋

檢視較大的地圖  個多月前，H部門的同事 wts我，徵詢我的意見，結果大家均同意到這間從心素食。甫進場，發生地方淺窄，但裝修算是雅致。套餐A.沙爹雞串伴粉皮(下)：粉皮夠爽滑，沙爹味香濃惹味，帶少許辣味，很欣賞。雞肉咬口，只是如果份量多一點就好了。套餐11.話梅糖醋排骨 (下)：菠蘿粒數多，再襯托糖醋排骨，甜酸味十足，很醒胃。套餐17.豉油皇牛柳絲炒烏冬 x 1(下)：佐料多，有胡蘿蔔絲、椰菜絲等........套餐14.紐西蘭牛肝菌蒸勝瓜×1😍😘😊😇😆(下)：整體多汁，牛肝菌大片而香氣馥郁；勝瓜爽口，質地嫩脆，水分多。套餐A.發財榆耳雞絲翅(4位窩X1(下)：賣相十足真翅。套餐4.胡椒湯舞茸菇雜菜煲 x1(下)：胡椒味濃。香滑芝麻糕：芝麻味濃郁，口感煙韌。招牌咖哩焗麵包(下)：蠻有特色，以一塊厚厚的麵包放入多種餸菜，很創新，由於份量多，所以單是這款食物已感到飽飫了。

今天和家姐、細妹在Mikiki行街，行到肚仔餓餓，打算吃下午茶☕️ 發現寳藏 📣 半價素食，真的⁉️ 不是假，半價😅 按餐牌全部食品半價，正價都不貴，半價更抵👍店裡都近乎坐滿人，等了 15分鐘便可以入坐。❤️我們點了：1️⃣ 黑松露牛油果焗多士2️⃣ 鰻魚玉子燒 3️⃣ 千島醬果子燒壽司 4️⃣ 懷舊芋頭魚 5️⃣ 滋補腰果合桃露迷你湯圓 每碟份量跟正餐一樣，不會因為半價而減少，真係好抵食👍碼住：星期一至五 2:30-4:30 先半價❗️

大家小心，伏伏伏👎🏼👎🏼👎🏼👎🏼👎🏼我第一次係度寫食評，估唔到就係腐皮‼️先唔好講好唔好食，重點係我同2個朋友食完都一齊肚痾😱食齋啫，又唔係食海鮮😮‍💨我地3人都出現同一症狀，咁都一定係你地間嘢問題啦😡環境：又迫又窄，3個人坐張2人枱，仲要張枱一邊靠牆，一邊行人通道。所以三個人一邊一個，一邊兩個咁對坐，坐到好唔舒服。至於食左乜👇🏻甜酸醋脆鱔鍋巴花菇黃耳紅燒豆腐煲招牌蜜汁叉燒併片皮鴨（跟掛包6件）招牌原隻菠蘿咕嚕肉西米露紅豆沙飲嘅係蕎麥茶唔知係啲嘢唔乾淨，還是食材唔夠新鮮，或者處理食物嘅過程中出現問題⋯總之唔會有下次😡😡😡👎🏼👎🏼👎🏼👎🏼👎🏼從心素食（Mikiki）Heartful Veggie (Mikiki)

時間：星期一下午茶空間：極度擠迫，侍應刻意將客人逼到如吞拿魚罐頭般入座，實在不敢恭維，明白做生意人以利益為前提，但多一點同理心會更好食物：這餐廳我吃過10數次，整體來說比一般素食餐廳水準高，可惜常常等太耐，如昨天我等了半小時；另外食物不符菜單上的描述，無蛋的壽司，最後變成有蛋，失望環境：廚房內播放Hi-Fi音樂，每次廚房門一開，就如同進入了disco，餐廳本身已經人多嘈雜，加上disco音樂，極度「熱鬧」 ，也已經沒什麼心情去品嚐他的美食由於新蒲崗沒有其他素食，所以每次去新蒲崗都會去從心，昨日離開的時候發現Mikiki對面開了一間素食小餐廳，終於可以跟從心說再見了

素食對於我黎講係一種視覺、嗅覺、味覺，有趣嘅體驗。每當你試每一款餸菜🍲，都會仔細地去品味道餸菜用咩食材做？非常有趣而選擇從心素食，係因為每次經過佢都勁多人而且亦會有喇嘛同和尚係入面食飯，令我更好奇，有次早左過去遠處見佢鋪頭冇咩人，行埋去望下原來大多數座位都經已留坐，所以大家真係要卜位。當日係食晚餐叫左三個餸，但就食咗五款菜式，呢間素食最特別係佢D餸係有雙拼，但唔係自己揀係鋪頭set 好左。1.芝士🧀大蝦伊麵2.金沙蝦+話梅骨3.沙律壽司🍣+肉鬆炸蝦🍣排名有分先後，供大家參詳。仲有一個隱藏甜品，送嘅（好似係每枱都有4.紅豆沙唔好以為食素唔飽肚，飽到你反艇。最後提提大家$茶位費好似係$12/位（晚餐）

🥢午市快餐@從心素食💚💚薑米鹿茸菌南瓜粒炒三色飯💚老干媽雜菜肉絲炒烏冬味道ok，老火例湯好鮮甜👍上菜速度都幾快～呢兩個菜式都似預製咗，煮好一大盤，order就上碟咁🤔🤔因為冇乜鑊氣，唔係熱辣辣😅😅（不過明白嘅，因為佢寫明係「快餐」🙈）但份量搭夠🤣兩個人share都好飽⋯🙈雖然午餐係正正常常～但食開佢其餘嘅散叫係好味嘅😋😋素食餐廳要繼續支持✊🏻✊🏻#everygreenhk_kowloon #香港素食 #新蒲崗 #新蒲崗素食 #新蒲崗美食 #素食 #素食餐廳

自從我轉左新工， 就開始係返呢間從心素食食晏。點知我一星期幫襯四次，每次都加畀六蚊服務費 。呢間野就好似同我有仇咁，我次次嗌特價午餐，幾乎每次都等廿分鐘，碟野先上枱， 仲要係我伸手叫個個侍應黎催。最㷫係咩？ 6月23號，昨日我嗌炆米粉，對面搭枱遲過我黎，遲過我落單，佢地兜煲仔飯+意粉上晒枱。我碟炆米都仲未黎。碟炆米炆左廿分鐘，買相唔係靚，又咸到飛起。6月24號，今日，我見昨日人地嗌意粉快，就嗌意粉。 點知今日倒返轉，都係啦，隔離枱嗌炆米，遲過我黎兼遲過我落單，竟然又係遲黎先上岸。我當場真係㷫過火炭、塊面黑過鐵板燒。碟意粉越食就越酸，拍得住益力多。家陣我係畀足錢黎食野，唔係奉旨畀你玩。唔會再幫襯佢。咁唔公平，玩我。搞到我得十分鐘食碟野，仲要喳喳林走。差差差！！！

之前食過好多次覺得佢幾好食，下午茶半價幾抵食嘅，所以帶啲朋友嚟試吓，點知一試難忘，佢哋話試一次就夠啦，半價都冇用唔會有下次，不過今次啲嘢食真心差，有啲待應姐姐嘅態度都唔幾好，食物質素好似比以前差咗，連隔籬枱搭枱嗰兩位姐姐都係咁講

媽子想食素,就手尋一下最近的素食店，剛考掃到從心，記得之前路過幾次都因大排長龍而放棄，今天是週四果然如我們所想不用排隊就可直接入座，店不大枱亦不算多但椅子還是颇闊大舒適，媽子不大識字，但看到菜牌中西日韓各式素食賣相都相當興奮，但由於我們食量都不大，所以無法試盡各種美食，便簡簡單單點了三餸一湯，包括：1）芝麻鰻魚飯卷： 清爽好味2）懷舊芋頭魚：芋香金脆3）野生竹笙蒸勝瓜：清甜好味4）紅菜頭野菌湯： 香甜濃郁奉送紫米露兩碗 ：甜度適中味道不錯我同媽子都十分滿意，而且食到飽飽都只係$32x,合理又好食， 以後同媽子食飯又多個選擇了yeah ！

之前想食素都會間中去Mikki 從心，貪地點就腳方便，食物都唔差呢日係附近做野，想清清地食素玉子燒汁鰻魚珍珠飯係見到嘅味道，珍珠米，紅薑，青瓜絲，玉子，素鰻魚即紫菜加大豆纖維，顏色好睇，簡單清新，不錯胡椒鹹菜豬肚湯米線因為好奇驅使下，所以就中左伏。米線較靭身，但最出事係鹹菜，懷疑無洗過，成碗米線都超鹹，唯有另用熱水去沖淡，好彩仲有杯熱豆漿中和下...

現今的素食已不同往日，除了選材多樣化之外，連賣相也可算一絕，色香味俱全，一定令你有驚喜。菜式以假亂真，健康有益，是素食者的必然之選！位於新蒲崗mikiki商場的「從心素食」，屬於新派素食，裝修簡單，環境衛生乾淨，座位寬敞舒適。 今次是下午茶時間，素食是有折的。這裡提供中西日式素食，價錢尚算合理，菜餚款式繁多，素菜菜色新穎。叫了素菜，潮式涼瓜、鮮果蝴蝶骨，芒果吉列卷，和鰻魚玉子燒。其中芒果吉列卷的仿製壽司，像真度達九成，口感味道幾可亂真，食材新鮮，都很好吃，份量非常足夠。潮式涼瓜反而比較油。值得推介的素食館，食素一族可嘗試。

嚟到呢間素食餐廳，真係為咗尋找吓那種無肉亦能美味可口嘅滋味。首先，蝴蝶骨要話你知，佢哋嘅猴頭菇真係正！橙味嗰款微酸微甜，清新得嚟又唔會死甜，食落真係過癮；芒果味嘅就啱晒鍾意沙律醬嘅朋友。🍊🍽️🥗意粉就更加得意，黑松露醬那份香味，包圍晒成盤，靓菌煮得啱啱好，唔會太老，咬落去彈牙得嚟又充滿豐富嘅口感。姑媽食得好開心，我都同佢一齊讚好！🍝至於籠仔蒸牛肝菌菜肉餃子，真係叫人驚喜，餡料多得嚟，每一啖都吃到滿滿嘅菌菠菜，好惹味。馬來沙嗲豆腐嘅味道用「惹味」兩個字形容都唔夠份量，個沙嗲醬夠勁，香而唔膩，我吃一串又一串，真係停唔到口。講哂呢啲，都唔好以為係一個人獨享嘅經驗。成間餐廳人頭湧湧，證明佢哋嘅食物係真材實料，口碑相傳。我知道啦，食素或者唔食素，都要黎試吓，肯定唔會令你失望！🌱🙌🔥

性價比極高既素菜餐廳，最好訂位，因為人頭湧湧，如果唔係就要等攞籌排隊，不過食好嘢就係要等㗎喇🤣-招牌蜜汁叉燒配片皮鴨（跟掛包六件） $118.0叉燒及片皮鴨的外形十分相似，但係原來是麵筋製造出嚟的，叉燒的口感好有層次，肥瘦分明，仲要有燶邊，片皮鴨較脆口及薄身，配上青瓜絲及特製醬料，跟熱辣辣的掛包一起食，真係好食到停唔到口👍-燕麥金沙鍋巴脆鱔 $98一條條的炸脆鱔，外脆內軟，脆鱔面掛滿麥芽糖，及芝麻，又香又脆又甜, 配炸到脆卜卜的鍋巴，完全唔覺得自己係食緊齋，值得推介😋-

朋友提議吃素食，於是相約來到位於Mikiki的從心素食吃晚餐。從心素食沒另外一家素食店那麼多分店，就只有新蒲崗及坑口兩家店。店家的餐牌分類清晰，食客容易點到想吃的菜式類型。自己很少吃素食，選了一些很久沒吃的，也選一些新穎的菜式。自家製吉列豬扒沙律，當然不會像真豬扒那樣有肉香及肉汁，但素食豬扒的口感做得不錯，帶嚼勁，不會太軟，而且吉列豬扒一點都不油膩，不會帶來負擔。籠仔蒸牛肝菌菜肉餃子，餃子皮薄，餡料飽滿，惟牛肝菌香不夠。蒸餃比較淡口，可能選煎餃會好吃點。自家製香煎腐皮鴨，是我期待的菜式，太久沒吃了！腐皮鴨大大件，腐皮煎得香脆，內裡包裹冬菇和雲耳等材料，口感豐富，味道可口～～以菜心墊底，菜心吸盡油香。甜品選了兩款，分別是飄香芝麻糕 ($24/3件)及益氣腰果露 ($48)。芝麻糕不是想像中的煙韌口感，黑芝麻味香濃，就像是將芝麻糊blend好，凝固成糕狀，入口帶微微的沙沙口感，整體夠細滑。自己很怕食質感太濃稠的糊類甜品，從心素食的腰果露正正不是我討厭的一類，稠度適中，不會太稠或太稀太水，帶淡淡的腰果香氣，甜度恰好，好吃！兩款甜品都令我感到驚喜，較其他三道菜為之出色。