彩虹小食串燒專門店 (已搬遷) 新店位置

住左大埔幾年，經過好多次，琴晚終於第一次黎食。剛去到都未知坐邊間舖，老闆娘就話去新舖坐一張留位枱，一入去新舖裝修幾好，剛好坐係舒服的sofa位三個人叫左幾樣野食，味道不錯，只係等既時間太耐，等左30-45分鐘。。。

牛脷整得好食係好好味，多年前食過呢間，覺得好好味，而且價錢很平，幾年後既今日去已經加左一倍，10蚊變20蚊，不過依然覺得值得去食，真係好好味，多肉汁又夠厚！食完想再食原隻燒帶子~新鮮好味，好鮮甜，不過細隻左小小！不過整體都好好味！

住係大埔 但竟然從來都唔知道有呢間小食店今日終於搵到機會黎食啦  係隔兩個舖位有得堂食 冷氣好夠 夏天都唔怕熱餐牌都有好多選擇 連粥粉類都有 唔怕食唔飽用砂鍋上熱度十足 酒味都算幾重 夠晒味有少少辣 味道不錯 不過蜆有點太瘦呢款雞翼都係即炸的 夠晒脆 雞翼都夠晒大隻可惜椒鹽味完全唔夠 雞翼亦都醃得唔夠味食完外皮入面就冇咩味啦肉類串燒: 安格斯一口牛, 鮮牛肉串, 黑豚肉串, 雞肉串味道唔錯 但未算太出色當中的安格斯一口牛同鮮牛肉串最好味全晚覺得最最最好味既竟然係金菇肥牛卷!!!甜甜地既燒汁配金菇肥牛岩岩好 大花甲十分鮮味 有少量豉油蒜蓉辣椒 鍾意食海鮮既一定鍾意蠔不算太大隻 芝士夠大塊 只有少少煙肉鮮味度一般十分特別的芝士撞棍 今次都係衝住佢而黎一定要試試佢其實佢係芝士響鈴 竟然係打邊爐成日食既響鈴熱辣辣 響鈴岩岩燒起 十分脆口 上面仲有塊燒到岩岩既芝士不過因為響鈴本身係冇味的 送上後會幫你加汁所以食前一定要點個汁食 先會夠味幾特別 值得一試!野飲有自家制既涼茶 ($14一支)我地飲左薏米水 不過有點過甜 (但老闆話已經係少甜)下次可以再試下其他海鮮!

上網見到介紹彩虹小食,好吸引的燒物,特別是初戀芝士撞棍,太想食,便約了食之戰友Yan & Yin一齊去食,營業時間是18:00至2:00,又是夜游人之選,岩晒我地OT人事。見到舖面擺滿海鮮,蠻新鮮呢。即叫即燒。以為是外賣或坐街邊食,原來是有室內坐的,就在小食店鄰近,招牌"卡夫"的舗位。小小的地方,不用修飾,大熱天時,只要有冷氣便可以了。彩虹必食推介,事實的確被初戀芝士撞棍吸引了(搵初戀呀~)!有好多選擇,除了串燒,都有不少海鮮,小食呢。肥媽自制五花茶,$14,汽水$8。燒巨大帆立貝,$40/3隻,都幾大粒,鮮美香口。胡星手打牛丸,$12,口感好平滑,唔似平時的牛丸咁粗糙,而且幾彈牙,味道正常水準。馳名厚切牛脷,$17,好大件的厚切牛脷,感覺好抵食,口感軟腍,好味呀。初戀芝士撞棍(2件),$23,主角出場,見到已想一啖咬落去。面層豐富的芝士,味道濃郁,響鈴香脆,好食呀。巨咖啡菇釀煙肉芝士,$28,又是推介必食。面層是芝士味道濃郁,咖啡菇多汁,菇味香,入面是煙肉碎味道更滋味。燒美國石蠔蒜蓉($48/3隻),見到幾平,必食呀,唔算好大粒,味道不俗。Star war花甲粥,$27,關Star

哈哈是日同事介紹話大埔有間超級正既燒烤果斷組團嚟品嘗～重點推介！牛扒～羊架！超級好味！超級懷念！超級淋！超級正！炸雞軟骨～好脆，好有口感炸雞翼～我一向最愛～三文魚天使麵～好入味～兩下就冇粟米超甜～又大條～芝士冬菇好正～食完仲想食～虎皮大蝦 真係好大隻！D肉好實～燒茄子🍆好大碟～芝士撞棍！好脆，值得一試～！扇貝 帶子 good～牛仔骨其實都好正～不過有更正既牛扒！好懷念個牛扒！仲有羊架！可惜太遠～😭

無意中走進這條小巷覓食，發現了這間串燒店，眼看以為是外賣串燒檔，原只想買幾串外帶試試，但一問下，原來有室內座位的，就在串燒檔旁無招牌的舖位，舖面被白色框趟門全封著，驟眼看似是吉舖呢  店員把門趟開，一見內裡清簡，沒有任何裝修，只放著5-6張枱，其中4張已有客坐著，我們被安排到坐最裡邊的一張小方枱~點餐紙上列有多款串燒，豬、牛、雞、羊、海鮮、瓜菜等，種類齊全，同時有其他非串燒類小食和鍋物，款式比一般街邊串燒店較多且特別~ 但我們早已吃了點東西，肚子不餓，只點了數款串燒試試，其他的就留待下一次 我們點了鮮牛肉片、雞肉、厚切牛脷、扇貝、墨魚丸等串燒，還有燒菠蘿和燒原條茄子~鮮牛肉片不韌有鮮肉味；雞肉嫩滑但仍有雪味；厚切牛脷確有3/4寸厚，軟腍不韌有肉味；扇貝新鮮但略嫌過熟；墨魚丸沒有墨魚，只有粉味，可以不吃；淋上串燒面的醬汁偏甜，味道又不像沙嗲醬，並不討好~至於菠蘿則鮮甜多汁；茄子保持濕潤又不會過腍，醬汁微辣開胃~ 整體味道不俗，唯配串燒的醬汁有待改善，另應考慮轉換丸類食品貨源~

薄有名氣既彩虹燒烤，好多朋友讚，都正常既，大家得一間串皇做得最耐，其他串燒店開業無耐就執笠，舖租實在天價喇 ﹗今晚朋友仔又再推介，見有時間咪專登走過黎大埔探一探虛實囉！見彩虹係小本經營，似家庭式營運，本身無枱櫈提供比食客，要等到夜晚九點十點先開始有摺枱摺櫈乍。每日都有唔同既海鮮供應，所以份 menu 上面既海鮮未必有，要走到發泡膠箱前自己睇或問問職員喇。除左堂食外，還有好多外賣訂單呢，所以製作需時，要耐心等候喇，最好一次過 order，加完又加的話，真係等到嘔架 ﹗每位哥哥、姐姐、叔叔、嬸嬸都非常有禮貌，服務殷勤親切，Warm ﹗燒安格斯牛扒，一黎就安格斯牛扒 18 安士，多謝HKD180，睇個 size 個價錢好合理，可以話平添。勁大塊但比一般西餐廳既薄一半，薄一點煮既時候容易控製又快熟啲，係小食店我都無咩期望架喇，等差不多半個鐘，可能要解凍掛。終於上枱，賣相又靚又吸引，可以毗美正規西餐廳。燒得好香，香味環繞整張枱呀，即刻切舊睇睇幾成熟先，有約 5 成熟，火喉捉得幾好，難得喎，讚！嚐一口，嘩！唔係掛！有水準，好食！肉質軟棉帶豐富肉汁，黑椒同海鹽調得恰到好處，唔會過咸又唔會嗆，使到原本

價錢不貴，尚算合理啊瀨尿蝦超級大隻啊老板娘服務態度好好，揀左幾隻大隻過隻手既瀨尿蝦做炭燒，非常非常鮮甜，而且好多肉汁。肉質爽口，烤得剛剛好，味道超讚提醒大家打算去食呢間既，可以打去問問有咩好材料，仲有因為老板好似未必日日開舖食閉門羹就吾太好啦另外串燒亦值得一試，調味醃料香濃，非常惹味，甚至可以試到老板娘自製既醬汁，真系冇得彈

第一次食，係朋友介紹既佢仲有好多串燒簡，我地食左安格斯牛肉粒同STARWAR不過淨係影左STARWAR安格斯唔錯，而STARWAR我就好最意，雖然份量唔大，但係可以揀大中小辣，個人覺得中辣都幾辣，辣到流汗，但本人好鐘意佢重海鮮味同酒味既湯底，$29 都REASONABLE。另外都見到好多人食巨啡菇，串燒應該先係呢間的重點，下次要試下＾＾

估都估唔到大埔有一間神秘串燒店開係行仔到. 一試就返唔到轉頭, 足料, 有heart重好好味. 講多冇謂睇相最實際. 由於已經食左好多野. 連超級推介的燒安格斯嫩牛扒都冇辦法食得落, 下次要再黎過.

心血來潮,好想食串燒經朋友介紹下食了這間彩虹小食話哂都成日係大埔出未,但我竟然唔知有間串燒店! 韮菜: 加左汁好咸,同埋少左d $8腎: 唔韌,爽口$8牛舌: 最正e個! 應該係滷過先燒既,又入味又係厚燒,掂!! $10羊架: 冇食,不過燒完後超細件,唔太抵$16 豬頸: 少少爽口, 唔係太油,ok $8雞皮: 這個是另上的,以為真的是燒,但原來是預先炸定的,而且唔熱,失望 $8可能加上自己是外賣,沒有即燒即食,總覺得欠了些風味!有機會堂食下,看看有沒有分別才行!

經地頭虫友人介紹, 第2次光顧這串燒店~~首推"大過塊面"的安格斯牛扒~~牛扒燒得岩岩好, 食落牛味濃, 好juicy同埋唔韌~~仲有薯角& 青瓜做配菜, 可以媲美那些牛扒專門店~~~燒翡翠螺味道鮮甜, 同平時凍食很不同, 別有1番風味~~因為太好味, 未影相已被蝗虫朋友們搶食晒~~~燒茄子+韮菜茄子辣得好過癮~~~個味道令我想起在北京王府井大街食串燒的風味~~~第1次食燒韮菜, 估唔到韮菜都可以燒~~~~燒栗米栗米食落無渣, 清甜, 新鮮所有串燒也是即叫即燒, 可能要等耐1d, 但要食好野, 等下也是值得的~~~

第一次發現呢間舖頭既時候其實已經係凌晨2點左右既時間剛剛飲完酒打算去食個宵夜之際 途經呢間小食店眼見門口既菜牌 而且有種好惹味既感覺所以就同朋友坐低試下喇直到現時為止 總共黎過3次每次都一定會食椒鹽雞軟骨 呢個純粹係個人喜好 椒鹽味差D本人唔係太喜歡韮菜既味道 不過燒韮菜既醬料的確係值得一試!!牛舌亦係值得推介 口感既軟 而且有肉汁 聽老闆娘講係做左好多功夫先可以做到架最令人驚喜既係沙律一丁 有沙律汁做底多上生菜蕃茄等材料配冷公仔麵 意想不到既美味另外,胡星牛肉及燒賣亦係其推介之一不時又會有特別既食材,例如:燒蠔,燒螺

上星期與友人入大埔探朋友，回程時聽說在大埔墟附近新開了一間專食串燒、小食的小舖，便一行七人齊齊幫襯試食。門外掛起各種美食招牌，樣樣都想試，但因即叫即燒，惟有慢慢食，唔可以心急。首先一人一碗招牌豬骨粥，火喉適中，配料充足，除了豬骨外，更有皮蛋、鹹蛋、蠔豉等，不含味精，實乃誠意之作。好！食完粥，招牌串燒----胡星牛肉串剛燒好，又是好味。問店主「胡星」指什麼，原來牛肉是以店主爸爸秘製醬料所調味，所以以他命名，真溫馨！跟著上檯的有：燒厚切牛脷：果然肉厚多汁。正！蒸自家製燒賣：以鯪魚肉、瘦肉、冬菇剁成，人手包製，非一般粉團及機器製燒賣可比。超正！燒豬頸肉：爽而不膩。好！燒原隻帶子：鮮嫩多汁。超好味！燒安格斯牛仔骨：又係好味！燒羊扒：配以薄荷啫喱，有大餐廳水準。Good!最後出場----燒安格斯牛扒：肉汁豐富，鮮嫩肉滑，燒烤時間剛好，大大件但完全唔「韌」。Very Good!食完牛扒，已夠鐘出九龍，因為趕時間，無機會食其他美食，惟有留待下次再試。埋單走人，每人HK$58。以食物水準而言：扺食！話時話，原先以為係食「小食」，食完要再食晚飯。但原來食完都幾飽，唔駛再食晚飯。不過美中不足係無乜蔬菜，否