彩虹小食串燒專門店 (已搬遷) 新店位置

宵夜時間覓食，當然就要跑到大埔墟一帶啊～串燒是宵夜的好選擇！而且未光顧過彩虹....就試一試啊！點了Star war醉蜆配烏冬 小辣其餘的都是串燒，有厚切牛脷﹑安格斯一口牛﹑雞軟骨串﹑鮮冬菇﹑菠蘿﹑翠玉瓜還有燒羊架，及後再追加椒鹽多春魚飲品方面，我點了菠蘿益力多沙冰，朋友就點鮮檸檬沙冰Star war醉蜆配烏冬，酒味好香蜆肉算大隻，味道鮮甜，烏冬爽滑點小辣不會蓋過酒香，反而更惹味！厚切牛脷，牛脷好大塊肉質軟嫩，不會燒到太韌味道濃厚！安格斯一口牛，肉質有咬口充滿著牛味和油香，正！椒鹽多春魚，熱騰騰的剛炸好脆漿不會太厚椒鹽味剛剛好，不會太鹹魚身夠肥，魚春又多又香！不會炸到過熟～～鮮冬菇﹑菠蘿和翠玉瓜，這幾款蔬果類的燒完仍很多汁菠蘿好甜！！菠蘿益力多沙冰，味道不會過甜有淡淡的清新菠蘿香，味道令人覺得開胃XD鮮檸檬沙冰，都帶有檸檬清香味但不及菠蘿益力多沙冰的味道突出啊！！整體來說，食物及飲品質素都令人滿意啊～～！！食材都新鮮大件啊！！

友人新居入伙，成班人勁唔知醜上去參觀，玩到十二點幾見肚餓就行去彩虹整過串燒食下啦雞泡魚乾燒得夠香，加上沙律醬更惹味是晚冇飲啤酒，如果用嚟送酒就一流芝士玉子燒，厚身原塊芝士，肥仔精選牛舌略嫌太大塊，比較難咬旁邊墨魚咀都幾爽口，幾好Star war大蜆烏冬味道好鮮，不過叫咗小辣都辣到出曬汗，次次嚟都會叫呢個原條汁燒魷魚大大條，燒得啱啱好唔會好韌,食極都仲有，又香友人指定要叫燒白鱔魚油夠香，燒得爽口又唔腥下次都要再叫

最近同好朋友發現大埔原來都幾多好野食，之前經過幾次都未有緣份嘗試呢間串燒店，但到今日，緣份到了。由於沒有做太多資料搜集，所以第一round都係叫啲自己有興趣既又大路既野食。無雞不歡的我們，好快就揀左雞軟骨串，雞腎串同埋日式雞皮串。仲有我最中意食既粥，見佢個star war花蟹海鮮粥都幾吸引，價錢又唔算好貴，即管就試下。朋友覺得需要食啲菜，就叫左個原隻燒茄子，不過價錢偏貴。食完第一round唔太夠候，上openrice睇下大家有咩推介，之後再叫左個初戀芝士撞棍，同啲燒菠蘿韮菜等大路野，最後食下食下都幾飽。可能今日係星期四，店內不算多人，上菜速度也很快，如果下次經過大埔，都可以再試一下

冬至餐廳送我們湯圓，溫馨初戀撞掍，響玲鬆脆唔油膩，淡味芝士唔會搶戲，配埋輕輕嘅燒汁，唔錯烤得不錯嘅一口羊，羊粒香羶，口感軟林一心係想食Starwar 醉蜆烏冬，無失望。酒味剛好，烏冬吸到汁，配埋芫荽蔥好食。蜆雖然瘦啲，但份量好足，而且只售30元

大埔美食多籮籮，上一餐梗係留返啲肚，食埋彩虹串燒！帶子，睇落又幾新鮮喎餐廳對面有另一鋪位即點即燒！所以餐廳內唔會有揮之不去嘅燒烤味！燒雞翼、燒雞軟骨、燒墨魚咀雖然全部點左小辣，唔算好辣，啲醬汁仲甜甜地嘅，啱哂唔食得辣嘅朋友！（左起）一口牛、燒韮菜、燒菠蘿本小姐最愛的燒菠蘿，酸酸甜甜，好味！頭咁巨大扇貝（$85）朋友：要一隻好定兩隻好？侍應：而家買二送一！我：頭咁巨大隻喎！點一隻一齊食就夠啦！點知，泥到真係「哇」一聲⋯我：哇，嘜頭有咁細咩⋯朋友：應該係講緊bb拳頭！泰式生蝦刺身估你唔到呢度都有生蝦食，賣相麻麻，但食又ok喎，鮮甜爽口，仲有個醬整得唔錯！結論：除左比個拳頭仔欺騙左之外，整體都好味道！同埋店內裝修特別，支持用心經營嘅小店！

友人住大埔墟，今天來找她吃宵夜。聽說這家食店大埔友都知道的風味和人情味。藏在大埔墟小街中，這家串燒店新鮮抵食，老闆娘每天到附近的大埔街市選購海鮮，全部即叫即生燒，鮮味非常。而且價錢公道他們的海鮮十分生猛，所以我們也十分喜愛，點了不少喔。蒜蓉燒蠔$55/3隻價錢不算貴，可是燒好後有一點點縮水。燒扇貝 $65起上枱十分驚喜，原來裡面肉很多，很划算。燒蟶子 時價十分新鮮，而且吃下去肉厚燒花甲王$62/6隻鹽燒倉魚喜歡他們把魚皮燒得夠香脆，而且有保全了肉質。還有其他食物芝士燒响靈，最特別是把芝士燒熔，而响靈還是香脆的。芝士燒大菇，非常juicy Star war 花甲粥這個則有點淡口，普通。

彩虹燒烤出名大家都知 今晚食左呢個水蛇春咁腸 感覺真係正 選用左德國豬肉腸 肉味香濃 皮脆肉嫩 配襯啤酒簡直係perfect 一份相當於8安士既牛扒 鍾意食肉既朋友一定會鍾意。

串燒timeee🤤🤤呢間設計有feel好relax嘅串燒店☺️推薦💁🏻牛舌：好淋 有入口即溶嘅感覺☺️貝殼類佢都會加好多蒜蓉同埋有蟹子🤤仲有佢好特別嘅初戀相棒💕係用響鈴加芝士 幾特別😋佢嘅燒烤係出邊燒 即叫即燒所以等待時間都比較長💁🏻 但係呢間值得一試🤤

黎左兩次, 兩次都係坐門口張二人檯, 張檯好細>< 2次都係上左一半串燒食唔切冇位擺燒九菜: 加左孜然粉燒，尚算OK芝士撞棍: 即係燒響鈴! 冇睇錯，係燒響鈴! 第一次食，響鈴加左蜜糖再加芝士燒，好特別! 美中不足既係下面燒燶左，有少少苦燒菠蘿: 多汁，唔算太甜燒巨啡茹: 加左煙肉芝士一齊燒，唔太漏燒鯖魚: 原條魚上，有沙律醬同檸檬比你點黎食燒巨大花甲王: 唔同出面蒸貝類。呢到豉油偏甜，有少少似日本甜豉油。加埋少少蔥同蟹籽，好特別日式雞皮串:燒到脆卜卜，OK呢間小店串燒比其他舖更特別，種類新穎，而且海鮮新鮮，值得一試

兩公婆夜晚宵夜，入咗大埔，搵咗呢間串燒店。 見到新鮮嘅海鮮在店外，於是馬上問店員有咩嘢係出名好食，經過佢哋推介，我哋叫咗：椒鹽鮑魚， 極力推介，鮑魚算係大隻， 十分好味，但價錢略為偏貴，不過今次既然嚟到，點都要試下再嚟嘅係雞軟骨同埋大花甲，味道出色，花甲新鮮，即叫即燒。當然唔少得我最鍾意食嘅安格斯牛仔粒，雞翼同埋牛脷，yummy yummy 為咗唔想食得太乾， 我哋叫咗個蟹粥，份量剛好給我兩公婆，但重點係價錢便宜，讚！最後大推嘅係燒鰻魚！鰻魚即叫即燒，十分肥美，加上日式醬汁，食落跟尖沙咀嘅居酒屋沒有分別。坦白講， 價錢並不吸引，但係味道相當好，海鮮款式都幾多，值得我哋再去幫襯！

約左四個好友黎食宵夜，黎到11點左右主店內比較full，然後個老闆就帶我去比較小人的另一間小店，雖然地方環境一般，沒有酒牌，飲酒人士要在格離的酒吧買自取，不過主要的燒烤食物都尚算好食。首先介紹法式芝士煙肉燒蠔：鐘意食芝士既我當然首選，最意想不到個味道混合埋煙肉已經蓋過蠔既本身的味道燒蟶子夠新鮮，即食牛油芝士焗什菇真係一流！芝士味足夠牛油味夠香，什菇入口夠爽，必點之選超甜燒菠蘿和勁辣芝士黃小虎！菠蘿甜就係甜不過有點難嚼，尖椒除了芝士味一點都不辣，餸名成功引我點泰式生蝦刺身船，$68既價錢食到甘新鮮既生蝦佩合埋酸甜既醬汁！低食！正

嚟間嘢係大埔開咗都幾耐，雖然坐就唔係咁好坐，不過勝在食物質素高👍🏻左起：牛舌，豚肉，羊肉粒羊架！嚟個燒到剛剛好，有少少油，而且唔會過火候，一口咬落去半油半肉係個口到慢慢化開，最重要係無羊so味😋嚟個🍆要成$40，最初諗住因爲無啲蔬菜落肚，咪叫吓囉，點知有驚喜👍🏻仲以為佢係好細個，點知一上菜見到，有成我兩隻手掌咁長嘩！去食嗰晚咁岩蟶子做緊買二送一，所以又要埋佢，鮮甜可口，蒜蓉同蔥釣起晒蟶子啲甜味！正丫！呵呵！次次嚟到都要食佢，佢叫初戀撞棍🤣🤣🤣$42串，但我一個人KO咗嚟兩串，可想而知有幾好食🤤最後到佢，不過我反而覺得太'un',咬到個口好攰不過總結而言，佢啲食物都好好食😋😋😋😋而且又會有自家制涼茶，食完熱氣野食返支即刻無咁大罪惡感🙈🙈🙈🙈

食左陣風，超沒誠意的串燒，雖然店員有禮物地介紹招牌好吃的是海鮮、安格斯牛肉粒，最後點了後者但不入味，雞軟骨串乾爭爭，已經是$29+$13，還漏了單，足足等了45分鐘吃這樣的食物。食物安排又不妥善，其他客人都開始不耐煩，皆因想點的又沒有，點了的又耐，座位迫夾焗促，不舒服。幸好沒有點海鮮，出面下毛毛雨，海鮮沒有遮掩和冰冷藏，魚也不是新鮮的，也是要$98左右價錢，天呀。若果不好好改善爐具及材料恐怕冒名而來的、街坊生意的都只吃一次就走。

Star War(砂鍋)花蟹海鮮粥入大埔宵夜, 唔想次次都食陳漢記, 走咗去對面馬路間串燒店, 除咗串燒, 仲有好多野食, 海鮮粥, 烏冬, 肉骨茶.冬天食砂鍋粥, 特別滋味, 配料除咗花蟹, 仲有蜆😍, 粥底味道較淡, 無因為海鮮既配搭而提升咗層次.

大埔自駕遊趴趴走，不停地掃街，肚子，已經幾乎撐不下去了。小姐，念念不忘雜誌曾介紹過的「初戀芝士撞棍」。為了讓小姐高興，我們決定去一趟大埔運頭街的燒烤檔「彩虹小食」。 小檔位於街尾舖位，挺富日式情調的，所有串燒和海鮮即吃即燒，香噴噴。 原本只打算吃一串初戀芝士撞棍，然，當熱情老闆娘告知，客人可在對面新裝修的型格小店堂食，我們就馬上改變了主意。小店的裝潢設計以貨櫃箱和懷舊的概念為主，頗為特別。 底面兩頁的餐單上，印有各式燒烤食物，豐儉由人。 西瓜汁$22，真材實料，無添加，啖啖冰凍天然甜美，好飲。 友人的紅肉火龍果鳳梨汁$28，據說也不錯。 燒日本一口甜番薯$18/5粒，小巧可愛，味道香甜，口感軟糯，入口幼滑軟綿，薯味突出。熱切期待的初戀芝士撞棍$24/2件，原來是燒芝士響鈴﹗響鈴香脆，淋上燒汁增添食味，再加上半溶芝士，熱辣辣的，香脆惹味之餘，配搭又挺特別的。燒新鮮巨大扇貝$50/隻，是夜，買二送一，在老闆娘熱烈推介下，要了三隻。扇貝拌入蒜蓉蔥粒蟹籽同燒，火喉拿捏準繩，扇貝鮮嫩甜美。 只是｜感覺有點兒貴﹗ 苦候多時的花蟹海鮮粥$48，姍姍來遲。這鍋蟹粥遠比預期中，更為大鍋。熱呼呼的，果然是